اۆتونوميالى رايوندىق 10 - كەزەكتى پارتكوم توعىزىنشى جالپى ءماجىلىسىنىڭ رۋحىن دايەكتىلەندىرۋ جونىندە رايونىمىزدىڭ جەر - جەرى، تاراۋلارى مىنانى ءبىلدىردى −
پارتيانىڭ جاپپاي باسشىلىعىن كۇشەيتىپ، كورىكتى شينجياڭدى اناعۇرلىم ويداعىداي قۇرامىز
□ انار بۇلت \ شينجياڭ گازەتىنىڭ تىلشىلەرى
9 - ايدىڭ 25 - كۇنى اشىلعان اۆتونوميالى رايوندىق 10 - كەزەكتى پارتكومنىڭ توعىزىنشى جالپى ءماجىلىسى باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، پارتيانىڭ باسشىلىعىن جاپپاي كۇشەيتۋدىڭ، پارتيانى تاباندىلىقپەن جاپپاي قاتاڭ باسقارۋدىڭ اسقاق دابىلىن قاقتى. رايونىمىزدىڭ جەر - جەرى، تاراۋلارى جالپى ءماجىلىس رۋحىن مۇقيات ۇيرەنىپ، ءتۇسىنىپ باس شۋجي شي جينپيڭنىڭ ماڭىزدى ءسوزىنىڭ رۋحىن اناعۇرلىم جەتە ۇيرەنىپ، جەتە ءتۇسىنىپ، جاپپاي ۇيرەنۋ، جاپپاي يگەرۋ، جاپپاي تياناقتاندىرۋ جاعىندا ۇزدىكسىز كۇش سالىپ، العىس ايتا ەكپىندەي ىلگەرىلەۋ بارىسىندا ساياسي ادالدىقتى بەرىك ورناتىپ، باتىلدىقپەن جاۋاپكەرشىلىك ارقالاپ، جوعارى ساپالى پارتيا قۇرىلىسى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا جەتەكشىلىك ەتىپ جانە ونى قامتاماسىزداندىرىپ، كورىكتى شينجياڭدى اناعۇرلىم ويداعىداي قۇرۋعا كۇش - قۋاتتارىن ارنايتىندىقتارىن ءبىلدىردى.
جالپى ءماجىلىس بىلاي دەپ باسا دارىپتەدى: پارتيانىڭ شينجياڭ قىزمەتىنە جاپپاي باسشىلىعىنا تاباندى بولىپ جانە ونى كۇشەيتىپ، پارتيانىڭ ساياسي قۇرىلىسى ارقىلى پارتيا قۇرىلىسىنىڭ ءتۇرلى قىزمەتتەرىنە ءبىر تۇتاس جەتەكشىلىك ەتۋ كەرەك.
شايار اۋداندىق پارتكومنىڭ شۋجيى پان ۋانفىڭ بىلاي دەپ قارادى: باس شۋجي شي جينپيڭنىڭ، پارتيا ورتالىق كوميتەتىنىڭ ءتۇرلى شەشىمدەرىنىڭ، ورنالاستىرۋلارىنىڭ شينجياڭدا سوڭىنا دەيىن دايەكتىلەنىپ، ناقتى ونىمدىلىككە قول جەتكىزۋىن شىنايى كەپىلدىك ەتۋدە، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ساياسي جاۋاپكەرشىلىك ارقالاۋدى كۇشەيتىپ، پارتيانىڭ شينجياڭدا بيلىك جۇرگىزۋ نەگىزىن ۇزدىكسىز بەكەمدەۋ قاجەت. ”ءبىز باس شۋجيدىڭ ماڭىزدى ءسوزىنىڭ رۋحىمەن يدەيا مەن ارەكەتتى بىرلىككە كەلتىرىپ، جاڭا داۋىردەگى پارتيا قۇرىلىسىنىڭ باس تالابىن جاپپاي دايەكتىلەندىرىپ، جوعارى ساپالى پارتيا قۇرىلىسى ارقىلى جوعارى ساپالى دامۋعا جەتەكشىلىك ەتۋىمىز كەرەك“.
”جالپى ءماجىلىس ورتاق تانىمدى ۇيىستىرىپ، ادامدى ەكپىندەي ىلگەرىلەۋگە جىگەرلەندىردى“! بۇراتالا موڭعۇل اۆتونوميالى وبلىستىق پارتكومنىڭ شۋجيى ۋاڭ گۇيسى مىنانى ءبىلدىردى: وسى رەتكى جالپى ءماجىلىس باتىلدىقپەن پىشاقتىڭ ءدۇزىن ىشكە قاراتىپ، وزىنە - ءوزى توڭكەرىس جاساپ، شينجياڭنىڭ پارتيا باسشىلىعىن كۇشەيتۋى، پارتيا قۇرىلىسىن ىلگەرىلەتۋى، پارتيانى جاپپاي قاتاڭ باسقارۋى بارىسىندا ورىن تەپكەن ماسەلەلەردى مۇقيات سالىستىرىپ، ىشكەرىلەي ىزدەپ تاپتى، ەگجەي - تەگجەيلى تالداۋ جاسادى. ءبىز ولشەمگە، تالاپقا تۋرالانىپ، ءالسىز بۋىنداردى تاۋىپ، ءونىمدى شارا بەلگىلەپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، ءتۇرلى جاقتاعى قىزمەتتى ويداعىداي يگەرىپ، ءىس جۇزىندىك ارەكەت ارقىلى ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىندايمىز.
وسى رەكى جالپى ءماجىلىس پارتيانىڭ شينجياڭ قىزمەتىنە جاپپاي باسشىلىعىنا تاباندى بولۋعا جانە ونى كۇشەيتۋگە، پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋگە، جاڭا داۋىردەگى پارتيا قۇرىلىسىنىڭ جاڭا، ۇلى ينجەنەرياسىن ىلگەرىلەتۋگە جان - جاقتىلى ورنالاستىرۋ جاسادى.
”ءبىز جالپى ءماجىلىس رۋحىن مۇقيات ۇيرەنىپ، ىشكەرىلەي دايەكتىلەندىرىپ، پارتيا ورتالىق كوميتەتىنىڭ شەشىمدەرى، ورنالاستىرۋلارى جانە اۆتونوميالى رايوندىق پارتكومنىڭ قىزمەت تالاپتارى بويىنشا، جاڭا داۋىردەگى جاڭا جورىقتا شينجياڭنىڭ ۇيىمداستىرۋ قىزمەتىن تىڭعىلىقتى ويداعىداي ىستەيمىز“. اۆتونوميالى رايوندىق پارتكوم ۇيىمداستىرۋ ءبولىمىنىڭ ۇنەمىلىك ىستەرگە جاۋاپتى ورىنباسار باستىعى زوۋ ليڭچۇن مىنانى ءبىلدىردى: ۇيىمداستىرۋ تاراۋلارى نازاريامەن قارۋلانۋ، جارامدىلارىن تاڭداپ، قابىلەتتىلەرىن تاعايىنداۋ، نەگىزدى كۇشەيتىپ، تاعاندى بەكەمدەۋ، دارىندىلاردى باۋلۋ، دارىندىلاردى توپتاۋ سياقتى قىزمەت جاۋاپكەرشىلىگىن تىڭعىلىقتى ويداعىداي اتقارىپ، ادام تاڭداۋ، ادام ىستەتۋ كوز اياسىن ونان ارى كەڭەيتىپ، كادرلاردى تاڭداپ ءوسىرۋ، مىندەتكە تاعايىنداۋ مەحانيزمىن اقاۋسىزداندىرىپ، ادال، پاك، جاۋاپكەرشىلىك ارقالايتىن جوعارى ساپالى كادر - دارىندىلار قوسىنىن قۇلشىنا تۇلعالاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا مىعىم كادرلار قامتاماسىزدىعىن جانە دارىندىلار قولداۋىن ازىرلەيدى.
”جالپى ءماجىلىس قازىرگىنى تياناق ەتىپ، ۇزاق بولاشاقتى جوسپارلاپ، ءبىزدىڭ نەگىزگى ساتى پارتيا ۇيىمى قۇرىلىسىن مىقتى يگەرۋىمىزگە قۋاتتى قوزعاۋشى كۇش ۇستەدى“. التاي ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى ليۋ بيڭچيڭ مىنانى ءبىلدىردى: نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋدىڭ، شينجياڭنىڭ تىنىشتىعىن ساقتاۋدىڭ ۇزاق ۋاقىتتىق شاراسى جانە نەگىزدى بەكەمدەۋ شاراسى ەتۋگە تاباندى بولىپ، ۇيىمدىق جۇيە مەن قىزمەت كۇشتەرىنىڭ نەگىزگى ساتىعا تىكە جەتۋىن ىلگەرىلەتىپ، پارتيا قۇرىلىسىن يگەرۋ، اۋىل - قىستاقتى گۇلدەندىرۋدى جەبەۋ ورەسىن ۇزدىكسىز جوعارىلاتامىز.
جاڭا جورىقتا، كۇرەس جۇرگىزۋ اياق الىسى ماڭگى توقتامايدى. كوپشىلىك مىنانى ءبىلدىردى: بەلسەندىلىكپەن جاۋاپكەرشىلىك ارقالاپ، ىسكەرلىك كورسەتىپ، بورىشتى، ماڭىزدى تاپسىرمانى ورىنداپ، باس شۋجيدىڭ شينجياڭ ءۇشىن كەسىكىندەگەن تاماشا جوباسىن تاباندىلىقپەن، باتىل تۇردە رەالدىققا اينالدىرامىز.
اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى ءانۋار يبىرايىم مىنانى ءبىلدىردى: پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسىندە ەشقانداي ەرەكشەلەنبەۋ يدەياسىن بەرىك ورناتىپ، نىسان تۇراقتاندىرۋ، قارجى ءبولىسى سياقتى جاقتاردا ولشەمدى ونان ارى قاتايتۋ كەرەك. پارتيا قۇرىلىسىمەن جەتەكشىلىك ەتۋدى ۇزدىكسىز كۇشەيتىپ، ەكپىندەي ىلگەرىلەۋ كۇش - قۋاتىن تاسقىنداتىپ، بيىلعى ءتۇرلى نسانا - مىندەتتەردى تياناقتاندىرۋدى مىقتى يگەرۋدى ءجىتى قاداعالاپ، شينجياڭنىڭ جوعارى ساپالى دامۋىنا تيەسىلى ۇلەس قوسامىز.
”پارتيا قۇرىلىسى ارقىلى جەتەكشىلىك ەتۋدى ءبىلىم بەرىپ، ادام تاربيەلەۋدىڭ جالپى بارىسىنا ءسىڭىرىپ، مەملەكەتتىڭ كەلەلى ستراتەگيالىق قاجەتى مەن شينجياڭنىڭ ەكونوميكالىق، قوعامدىق دامۋ قاجەتىن ارقاۋ ەتىپ، عىلمي زەرتتەۋدە جاڭالىق اشۋدى كۇشەيتىپ، ءمورالدى دا قابىلەتتى جوعارى مەكتەپ دارىندىلار قوسىنىن قۇلشىنا تۇلعالايمىز“، - دەدى شينجياڭ داشۋەسى پارتكومنىڭ ورىنباسار شۋجيى، مەكتەپ باستىعى ياۋ چياڭ.
قىزىلسۋ قىرعىز اۆتونوميالى وبلىستىق پارتكومنىڭ شۋجيى ۋاڭ شۋەدۇڭ مىنانى ءبىلدىردى: دۇرىس ناتيجە كوزقاراسىن ورناتىپ، بۇقارا كوڭىل ءبولىپ وتىرعان حالىق تۇرمىسى ماسەلەلەرىن ءبىر - بىرلەپ تياناقتاندىرۋدى يگەرىپ، بۇقاراعا نەگىزگى تاقىرىپتىق تاربيە اكەلگەن وزگەرىستەردى سەزىندىرۋ كەرەك.
