اۆتونوميالى رايون ”وتانعا ماحاببات · جۇڭحۋا ساپارى“ اتىنداعى شينجياڭ جاستار مەن ورەندەر جازدىق دەمالىس كەزىندەگى زەرتتەۋ - ۇيرەنۋ كلاسىنىڭ مالىمەت بەرۋ، پىكىر الماستىرۋ اڭگىمە ءماجىلىسىن اشتى
جاستار مەن ورەندەردىڭ جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسىن ىلگەرىلەتۋ كەرەك
انار بۇلت \ شينحياڭ گازەتىنىڭ ءتىلشىسى جاڭ يۇنمەي 9 - ايدىڭ 26 - كۇنى ۇرىمجىدەن حابارلايدى. 9 - ايدىڭ 24 - كۇنى اۆتونوميالى رايون ”وتانعا ماحاببات · جۇڭحۋا ساپارى“ اتىنداعى شينجياڭ جاستار مەن ورەندەر جازدىق دەمالىس كەزىندەگى زەرتتەۋ - ۇيرەنۋ كلاسىنىڭ مالىمەت بەرۋ، پىكىر الماستىرۋ اڭگىمە ءماجىلىسىن اشىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، ”وتانعا ماحاببات · جۇڭحۋا ساپارى“ اتىنداعى شينجياڭ جاستار مەن ورەندەرىنىڭ جازعى دەمالىس كەزىندەگى زەرتتەۋ - ۇيرەنۋ قيمىلىنىڭ تاجىريبەلەرىن، ادىستەرىن مۇقيات قورىتىندىلاپ، شينجياڭداعى ءار ۇلت وقۋشىلارىنىڭ باۋىرلاس ولكە، قالالارعا بارىپ زەرتتەۋ - ۇيرەنۋ، پىكىر الماستىرۋ سياقتى قيمىلدار ورىستەتۋىن ۇزدىكسىز ىشكەرىلەي ورىستەتىپ، رايونىمىزداعى جاستار مەن ورەندەردىڭ جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسىنىڭ تاعى دا تىڭ ساتىعا كوتەرىلۋىن، تىڭ ناتيجەگە قول جەتكىزۋىن ىلگەرىلەتۋدى العا قويدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ساياسي دەڭگەيدى شىنايى جوعارىلاتىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، ۇعىنىپ، جاستار مەن ورەندەردىڭ جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسىن ويداعىداي ىستەۋدىڭ جاۋاپكەرشىلىك سەزىمىن، بورىشتىلىق سەزىمىن، كوكەي تەستىلىك سەزىمىن ونان ارى كۇشەيتۋ كەرەك. پارتيا ءۇشىن ادام تاربيەلەۋ، وتان ءۇشىن دارىندى تاربيەلەۋ ساياسي جاۋاپكەرشىلىگىن ىشكەرىلەي ءتۇسىنىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ماڭىزدى ساياسي مىندەت ەتىپ، دايەكتىلەندىرۋدى، تياناقتاندىرۋدى ۇزدىكسىز مىقتى يگەرۋ؛ جۇڭحۋا مادەنيەتىن شىنايى مويىنداۋدى كۇشەيتۋ شينجياڭداعى ءار ۇلت مادەنيەتىنىڭ گۇلدەنۋىنىڭ، دامۋىنىڭ نەگىزى ەكەندىگىن ىشكەرىلەي ءتۇسىنىپ، جۇڭحۋانىڭ تاڭداۋلى ءداستۇرلى مادەنيەتىنىڭ گەنىن شىنايى جالعاستىرۋ؛ جۇڭحۋا ۇلتىنىڭ قالىپتاسۋىنىڭ، دامۋىنىڭ تاريحي جۇلگەسىن ىشكەرىلەي ءتۇسىنىپ، ءار ۇلت جاستار مەن ورەندەرىنىڭ تاريحي جاۋاپكەرشىلىگىن قاۋلاتۋ كەرەك؛ جۇڭحۋا ۇلتى، جۇڭحۋا ۇلاندارى ۇلى ىنتىماعىن جۇزەگە اسىرۋدىڭ كۇش قاينارىن ىشكەرىلەي ءتۇسىنىپ، ۇلتتار ىنتىماعىنىڭ اسا تاماشا جاعدايىن ۇزدىكسىز بەكەمدەۋ؛ جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى تۇردە بەرىك ورناتۋدىڭ قىزمەت تالابىن ىشكەرىلەي ءتۇسىنىپ، ءار ۇلت وقىتۋشى - وقۋشىلارىن پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە جەتەكتەۋ كەرەك.
ءماجىلىس مىنالاردى اتاپ كورسەتتى: وسى رەتكى زەرتتەۋ - ۇيرەنۋ قيمىلىنىڭ تاجىريبەلەرىن مۇقيات قورىتىندىلاپ، ستراتەگيالىق ويعا تاباندى بولىپ، ماندىك دانەكەردى مولايتىپ، قىزمەت وتەۋدى قامتاماسىزداندىرۋدى كۇشەيتىپ، جاستار مەن ورەندەردىڭ ”نەگىز قالاۋ“ ينجەنەرياسىنىڭ ۇدايىلانۋىن، ۇزاق ۋاقىت ءونىم بەرۋىن تىڭعىلىقتى ىلگەرىلەتۋ كەرەك. وقۋ - اعارتۋ جەتىستىكتەرىن كادەگە جاراتۋدى كۇشەيتىپ، فورماسى الۋان ءتۇرلى قيمىلدار ورىستەتۋ ارقىلى ءار دارەجەلى، ءار ءتۇرلى مەكتەپتەردىڭ يدەيا - ساياسي قىزمەتىن ونان ارى كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى جاستار مەن ورەندەردىڭ جۇرەك تۇكپىرىندە تامىر تارتقىزۋ كەرەك.
ءماجىلىس مىنالاردى تالاپ ەتتى: قالىڭ جاستار مەن ورەندەر مۇرات - سەنىمدى بەكەمدەپ، ءومىردىڭ ەسەيىپ - ەرجەتۋ تۇيمەسىن ويداعىداي تۇيمەلەۋى؛ قاجىرلىلىقپەن ۇيرەنىپ، ىسىلعان ونەرگە جەتىلۋى؛ ءمورال جاقتان تاربيەلەنۋدى كۇشەيتىپ، جالپىلىق ساپانى ۇزدىكسىز كۇشەيتۋى؛ جۇڭحۋا ۇلتى ورتاق تۇلعا تانىمىن بەرىك ورناتىپ، ”بەستى شىنايى مويىنداۋدى“ كۇشەيتۋى؛ دۇرىس پەن بۇرىستى ايقىن پارىقتاپ، دۇرىس ساياسي بەتالىستان جازباي، وتاندى سۇيەتىن، شينجياڭدى سۇيەتىن، جاۋاپكەرشىلىك ارقالاپ، ۇلەس قوساتىن سوتسياليزمنىڭ قۇرۋشىلارى جانە ءىزباسارلارى بولۋعا قۇلشىنۋى كەرەك.
قايسار ابدۇكەرىم ءماجىلىستى باسقاردى.
