اۆتونوميالى رايوندىق ساياسي كەڭەس 13 - كەزەكتى كوميتەتى تۇراقتى كوميتەتىنىڭ ءتورتىنشى ءماجىلىسى اشىلدى
شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋدى توڭىرەكتەي وتىرىپ ۇكىمەت ءىسىن كەڭەستى
انار بۇلت \ شينجياڭ گازەتىنىڭ ءتىلشىسى جاڭ يۇنمەي 9 - ايدىڭ 26 - كۇنى ۇرىمجىدەن حابارلايدى. 9 - ايدىڭ 26 - كۇنى اۆتونوميالى رايوندىق ساياسي كەڭەس 13 - كەزەكتى كوميتەتى تۇراقتى كوميتەتىنىڭ ءتورتىنشى ءماجىلىسى ۇرىمجىدە اشىلىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى پارتكوم توعىزىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”جاڭا دامۋ ارناسىنا بەلسەنە قىزمەت وتەپ جانە ونىمەن توعىسىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋدى“ توڭىرەكتەي وتىرىپ ۇكىمەت ءىسىن كەڭەستى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن اشىلۋ ماجىلىسىنە قاتىناستى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ءيۇسۇپجان مامەت ۇسىنىس بويىنشا ماجىلىسكە قاتىناستى ءارى بايانداما جاسادى. ول بىلاي دەپ اتاپ كورسەتتى: بيىل جىل باسىنان بەرى رايونىمىز ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، حالىق تۇرمىسىنا تىعىز جاناسا وتىرىپ جوعارى ساپالى دامۋدى ىلگەرىلەتىپ، ەكونوميكالىق اينالىم ورنىقتىلىق بارىسىندا جاقسارۋعا بەت الدى. كەلەسى قادامدا اۆتونوميالى رايوندىق پارتكومنىڭ ورنالاستىرۋلارىنا، تالاپتارىنا ساي، ”8 ءىرى كاسىپ سالاسى شوعىرىن“ جوعارى ساپالى قۇرىپ، عىلىم - تەحنيكادا جاڭالىق اشۋدىڭ جەتەكتەۋ رولىن اناعۇرلىم ويداعىداي ساۋلەلەندىرىپ، ىشكە، سىرتقا ەسىك اشۋدى جالپى بەتتىك كەڭەيتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن بەلسەنە قالىپتاستىرىپ، ىشكى سۇرانىستى ۇلعايتۋ ستراتەگياسىن ىشكەرىلەي اتقارىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، وڭىرلەردىڭ سايكەستى دامۋىن جەدەل جەبەپ، ەكولوگيالىق ورتانى وڭاۋدى جانە قورعاۋدى ۇزدىكسىز ويداعىداي مىقتى يگەرىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، ەكونوميكالىق، قوعامدىق دامۋدىڭ ءتۇيىندى قىزمەتتەرىن تىڭعىلىقتى ويداعىداي ىستەۋ كەرەك.
ماجىلىستە ساياسي كەڭەستىڭ 9 تۇراقتى مۇشەسى، مۇشەسى ءسوز سويلەدى. تۇراقتى مۇشە حۋ كايجياڭ مەملەكەت مەنشىگىندەگى كاسىپورىندار رەفورماسىن تەرەڭدەتىپ، پارتيا قۇرىلىسى جەتەكشىلىگىن كۇشەيتىپ، نازاردى باسەكەلىك قۋاتتى ارتتىرۋعا شوعىرلاندىرىپ، بىرەگەي كاسىپورىن قۇرۋدى ۇسىنىس ەتتى؛ تۇراقتى مۇشە شۇي كاييۇي باسىمدىققا يە ەنەرگيا بايلىعىنىڭ كومەسكى كۇشىن اشىپ، كومىر، كومىر ەلەكتر، كومىر حيميا ونەركاسىبى، تازا ەنەرگيا كاسىپ سالاسى شوعىرىن جوعارى ساپامەن تۇلعالاۋدى ۇسىنىس ەتتى؛ تۇراقتى مۇشە باي يۇنگاڭ سۋ ۇنەمدەۋ، سۋ ساقتاۋ، سۋ جەتكىزۋ قىزمەتىن ءبىر تۇتاس جوسپارلاپ ويداعىداي ىستەپ، جوعارى ساپالى دامۋعا سۋ تىرەگىن، سۋ قامتاماسىزدىعىن ازىرلەۋدى ۇسىنىس ەتتى؛ تۇراقتى مۇشە جىڭ جۇن ىشكى سۇرانىستى ۇلعايتۋ ستراتەگياسىن ىشكەرىلەي اتقارىپ، كاسىپورىندارعا دەم بەرۋ ساياساتىن ساپالىلاندىرىپ، ەكونوميكالىق اينالىمنىڭ ىشكى قوزعاۋشى كۇشىن كۇشەيتۋدى ۇسىنىس ەتتى؛ تۇراقتى مۇشە ما حۋادۇڭ ءداستۇرلى باسىمدىققا يە بايلىقتى كادەگە جاراتۋدى ويداعىداي ىستەپ، بايلىق ارتىقشىلىعىنان ويداعىداي پايدالانىپ، ەكونوميكانىڭ جوعارى ساپالى دامۋىنا دەم بەرۋدى ۇسىنىس ەتتى؛ تۇراقتى مۇشە حان جيانگاڭ جەتەكتەۋدى، سۇيەمەلدەۋدى كۇشەيتىپ، حالىق اراسىنداعى قارجى قوسۋدى جانداندىرىپ، ”8 ءىرى كاسىپ سالاسى شوعىرى“ قۇرىلىسىنا دەم بەرۋدى ۇسىنىس ەتتى؛ مۇشە لي شۋان سىرتقا ەسىك اشۋ تۇعىرىنىڭ رولىن ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا دەم بەرۋدى ۇسىنىس ەتتى؛ تۇراقتى مۇشە ءامينا ورازعالي باعىمشىلىق كاسىبىن جەرگىلىكتى جاعدايعا قاراي دامىتىپ، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەپ، كەڭەيتىپ، اۋىل - قىستاقتى گۇلدەندىرۋدى ىلگەرىلەتۋدى ۇسىنىس ەتتى؛ تۇراقتى مۇشە ليۋ تاۋ دالمە - ءدال كۇش سالىپ، ”ءۇرىمجى − سانجى − شىحىزى“ ءوڭىرىنىڭ اتموسفەراسىنىڭ لاستانۋىن وڭاۋدا كورنەكتى ىلگەرىلەۋشىلىككە قول جەتكىزۋدى ىلگەرىلەتۋدى ۇسىنىس ەتتى.
ءماجىلىس كەزىندە تۇراقتى كوميتەتتىڭ قۇرامىنداعىلار ”جوعارى دەڭگەيلى بازار ەكونوميكا جۇيەسىن قۇرۋ“، ”’8 ءىرى كاسىپ سالاسى شوعىرى‘ قۇرىلىسىن ىلگەرىلەتۋ“، ”وڭىرلىك سايكەستى دامۋدى جەبەۋ“، ”حالىقتىق شارۋاشىلىقتىڭ دامۋىنا كۇش ۇستەۋ“ سىندى ءتورت ارناۋلى تاقىرىپتى توڭىرەكتەي وتىرىپ تالقى جۇرگىزدى.
دوۋ ۋانگۇي ءماجىلىستى باسقاردى. جاروللا يسامدين، كۇڭ شيڭلۇڭ، ياڭ يۇڭ، نۇرىم سىمايىلقان، ازەز مۇسا، ليۋ حۇيجۇن، ليۋ جيانميڭ، پۋ شۋەمەي، گاۋ جياڭحۋاي ماجىلىسكە قاتىناستى.
