انار بۇلت \ شينجياڭ گازەتىنىڭ ءتىلشىسى جاڭ لەي 9 - ايدىڭ 26 - كۇنى ۇرىمجىدەن حابارلايدى. 9 - ايدىڭ 26 - كۇنى اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 5 - ءماجىلىسى ۇرىمجىدە ءبىرىنشى جالپى جيىنىن وتكىزدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل جيىندى باسقاردى.
تۇراقتى كوميتەت قۇرامىنداعىلاردان 60 ادام جيىنعا قاتىناستى، بۇل زاڭدا بەلگىلەنگەن ادام سانىنا ۇيلەسەدى.
جيىن اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتى 5 - ءماجىلىسىنىڭ كەڭەستىك تارتىپتەرىن ماقۇلدادى، باس شۋجي شي جينپيڭنىڭ اۆتونوميالى رايوندىق پارتكومنىڭ جانە ۇكىمەتتىڭ، بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكوم توعىزىنشى جالپى ءماجىلىسىنىڭ رۋحىن ۇيرەنىپ، دايەكتىلەندىرىپ، اۆتونوميالى رايوننىڭ ءوندىرىس حاۋىپسىزدىگى ەرەجەسىنىڭ وزگەرىس ەنگىزىلگەن جوباسىن، اۆتونوميالى رايوننىڭ «جۇڭحۋا حالىق رەسپۋبليكاسى سۋ زاڭىن» اتقارۋ ادىسىنە وزگەرىس ەنگىزۋ جوباسىنىڭ قارالۋ ناتيجەسى جونىندەگى باياندامانى تىڭدادى؛ اۆتونوميالى رايوننىڭ اكىمشىلىك زاڭ اتقارۋدى باقىلاۋ ەرەجەسى جوباسى، اۆتونوميالى رايوننىڭ قوعامدىق سەنىمدىلىك ەرەجەسى جوباسى، اۆتونوميالى رايوننىڭ اۋا رايى اپاتىنان ساقتانۋ ەرەجەسى جوباسى جونىندەگى تۇسىندىرمەنى تىڭدادى؛ اۆتونوميالى رايوندىق حالىق قۇرىلتايى ۋاكىلدەرىنىڭ ۇسىنىستارىن، سىندارىن جانە پىكىرلەرىن ءبىر جاقتى ەتۋ ەرەجەسى جوباسى، اۆتونوميالى رايوندىق حالىق قۇرىلتايى تۇراقتى كوميتەتىنىڭ بايياڭ قالالىق 1 - كەزەكتى حالىق قۇرىلتايىنا قاتىستى ماسەلەلەر تۋرالى قاۋلى جوباسى، اۆتونوميالى رايوندىق قىزىل كرەست قوعامى ەرەجەسى جوباسى، اۆتونوميالى رايوندىق حالىق قۇرىلتايى تۇراقتى كوميتەتىنىڭ شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋ تۋرالى قاۋلى جوباسى جونىندەگى تۇسىندىرمەنى تىڭدادى؛ اۆتونوميالى رايوندىق حالىق ۇكىمەتىنىڭ 2022 - جىلعى اۆتونوميالى رايوننىڭ فينانس كاسىپورىندارىنىڭ مەملەكەت مەنشىگىندەگى مال - مۇلىكتى باسقارۋ جاعدايى جونىندەگى ارناۋلى بايانداماسىن، اۆتونوميالى رايوننىڭ اتىز - ارىق سۋ يگىلىگى قۇرىلىسىن باسقارۋ جاعدايى جونىندەگى باياندامانى، اۆتونوميالى رايوننىڭ نەگىزگى ساتى قوعامىن باسقارۋ قىزمەتى جاعدايى جونىندەگى باياندامانى تىڭدادى؛ اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ «جۇڭحۋا حالىق رەسپۋبليكاسىنىڭ عىلىم - تەحنيكا جەتىستىگىن كادەگە جاراتۋدى جەبەۋ زاڭىنىڭ»، «اۆتونوميالى رايوننىڭ <جۇڭحۋا حالىق رەسپۋبليكاسىنىڭ عىلىم - تەحنيكا جەتىستىگىن كادەگە جاراتۋدى جەبەۋ زاڭىن> اتقارۋ ءادىسىنىڭ» جانە «اۆتونوميالى رايوننىڭ ۇشقارىلىقتى الاستاۋ ەرەجەسىنىڭ» اتقارىلۋ جاعدايىن تەكسەرۋ جونىندەگى باياندامانى، اۆتونوميالى رايوندىق حالىق قۇرىلتايى قورشاعان ورتانى جانە بايلىقتى قورعاۋ كوميتەتىنىڭ اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسى ءتوراعالار القاسىنىڭ قاراۋعا تاپسىرعان ۋاكىلدەردىڭ العا قويعان كەڭەستىك جوبالارىن قاراۋ ناتيجەسى جونىندەگى باياندامانى تىڭدادى؛ كادرلاردى مىندەتكە قويۋ، مىندەتىنەن قالدىرۋعا قاتىستى تۇسىندىرمەنى تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي نيڭپيڭ، توحتى ياقۇپ، مۇقيات جارمۇقامەت، پيڭ شينلاي، ۋاڭ گوحى، ءمامتىمىن قادىر، باس حاتشى ءمۇتالىپ روزى جيىنعا قاتىناستى.
اۆتونوميالى رايوننىڭ ورىنباسار ءتوراعاسى ۋاڭ گاڭ، اۆتونوميالى رايوندىق جوعارى حالىق سوتى مەكەمەسىنىڭ باستىعى ءدىلشات سايىم، اۆتونوميالى رايوندىق باقىلاۋ - تەكسەرۋ كوميتەتىندەگى، اۆتونوميالى رايوندىق حالىق پروكۋراتۋراسىنداعى قاتىستى جاۋاپتى ادامدار، ت.ب جيىنعا سىرتتاي قاتىناستى.
سول كۇنى تۇراقتى كوميتەتتىڭ قۇرامىنداعىلار تاعى گرۋپپالارعا ءبولىنىپ قاتىستى زاڭ ەرەجە جوبالارىن، ت.ب قارادى.
