ما شيڭرۇي، ەركىن تۇنياز ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى ۋاڭ شياۋپيڭمەن جانە ونىڭ ساپارلاستارىمەن كەزدەستى
لي يفي، حى جۇڭيوۋ قيمىلعا قاتىناستى
انار بۇلت \ شينجياڭ گازەتىنىڭ تىلشىلەرى ياۋ تۇڭ، لي ياڭ 9 - ايدىڭ 26 - كۇنى ۇرىمجىدەن حابارلايدى. 9 - ايدىڭ 25 - كۇنى تۇستەن كەيىن اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ۇرىمجىدە ادام كۇشى بايلىعى جانە قوعامدىق قامتاماسىزداندىرۋ مينيسترلىگى پارتيا باسشىلىق گرۋپپاسىنىڭ شۋجيى، مينيستر ۋاڭ شياۋپيڭمەن جانە ونىڭ ساپارلاستارىمەن كەزدەسىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرۋ، 9 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرۋ، تياناقتاندىرۋ، مينيسترلىك پەن رايوننىڭ سەلبەستىگىن تەرەڭدەتۋ، شينجياڭنىڭ ادام كۇشى بايلىعى جانە قوعامدىق قامتاماسىزداندىرۋ ىستەرىنىڭ جوعارى ساپالى دامۋىن ىلگەرىلەتۋ توڭىرەگىندە ىشكەرىلەي اڭگىمەلەسىپ، پىكىر اۋىستىردى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ قيمىلعا قاتىناستى.
ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ۇزاق ۋاقىتتان بەرى شينجياڭنىڭ ەكونوميكالىق، قوعامدىق دامۋىنا كورسەتكەن پارمەندى قولداۋىنا العىس ايتتى. ول بىلاي دەپ اتاپ كورسەتتى: كەزەكتە شينجياڭ باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ورنىقتىلىقتى يگەرۋ جانە دامۋدى جەبەۋ سىندى ەكى جاقتاعى قىزمەتتى ءبىر تۇتاس جوسپارلاپ، ”8 ءىرى كاسىپ سالاسى شوعىرى“ قۇرىلىسىن جەدەل ىلگەرىلەتىپ، حالىق تۇرمىسىن ۇزدىكسىز قامتاماسىز ەتىپ جانە جاقسارتىپ، جۇمىستاندىرۋدى الدىمەن ويلاستىرۋ ستراتەگياسىنا جانە بەلسەندى جۇمىستاندىرۋ ساياساتىنا تاباندى بولىپ، دارىندىلاردا قۋاتتى رايون ستراتەگياسىن بەلسەندىلىكپەن اتقارىپ، ادام كۇشى بايلىعى جانە قوعامدىق قامتاماسىزداندىرۋ ىستەرىندە جاڭا جاعداي اشۋدى ىلگەرىلەتۋدە. ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ شينجياڭنىڭ دامۋىنا ۇزدىكسىز كوڭىل ءبولىپ قولداۋ كورسەتىپ، جوعارى مەكتەپ تاۋىسقان وقۋشىلاردىڭ جۇمىستانۋى، شارۋاشىلىق قۇرۋى، كاسىپتىك وقۋ - اعارتۋدى دامىتۋ، شەبەرلىك دارىندىلارىن باۋلۋ، دارىندى ەنگىزۋ سياقتى جاقتاردا اناعۇرلىم كوپ قولداۋ كورسەتىپ، شينجياڭنىڭ ”ءبىر بەلدەۋ، ءبىر جولدى“ بىرگە قۇراتىن ەلدەرمەن ادام كۇشى بايلىعى جانە قوعامدىق قامتاماسىزداندىرۋ سالاسىندا تەحنيكالىق سەلبەستىك ورىستەتۋىنە، شەتەلدەرگە جۇڭگو شينجياڭىنىڭ حيكاياسىن ويداعىداي بايانداۋىنا دەم بەرىپ، شينجياڭنىڭ ادام كۇشى بايلىعى جانە قوعامدىق قامتاماسىزداندىرۋ قىزمەتىنىڭ جوعارى ساپالى دامۋىنا كۇش ۇستەپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋىن ءۇمىت ەتەمىن.
ۋاڭ شياۋپيڭ اۆتونوميالى رايون مەن بيڭتۋاننىڭ ادام كۇشى بايلىعى جانە قوعامدىق قامتاماسىزداندىرۋ قىزمەتىنە زور كۇشپەن قولداۋ كورسەتكەندىگىنە العىس ايتتى. ول مىنانى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ ەكونوميكاسى، قوعامى جوعارى ساپامەن دامىپ، تيانشان الابىندا جاراسىمدى، تىنىش، گۇلدەنىپ - كوركەيگەن جاعداي جارىققا شىقتى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، شينجياڭنىڭ ءىس جۇزىندىك جاعدايىمەن ۇشتاستىرىپ، جوعارى ساپالى تولىق جۇمىستانۋدى ىلگەرىلەتىپ، قوعامدىق قامتاماسىزداندىرۋ جۇيەسىن اقاۋسىزداندىرىپ، تەحنيك جۇمىسشىلار مەكتەپتەرىنىڭ باعىتتامالى كومەكتەسىپ سۇيەمەلدەۋىن جانە شەبەرلىك دارىندىلاردى باۋلۋدى كۇشەيتىپ، ”ۇشكە كومەكتەسۋ، ءبىردى سۇيەمەلدەۋگە“ بەيىمدەلۋ، قولداۋ سەرپىنىن ارتتىرىپ، جوعارى دەڭگەيلى دارىندىلاردى ەنگىزۋدى، باۋلۋدى قولداپ، الەۋمەتتىك جۇمىستاندىرۋعا قىزمەت وتەۋ دەڭگەيىن جوعارىلاتىپ، ت.ب. شينجياڭنىڭ ادام كۇشى بايلىعى جانە قوعامدىق قامتاماسىزداندىرۋ ىستەرىنىڭ جوعارى ساپالى دامۋىن جەبەپ، كورىكتى شينجياڭ قۇرىلىسىنا كۇش ۇستەيدى.
كەزدەسۋدەن كەيىن، اۆتونوميالى رايوندىق حالىق ۇكىمەتى، شينجياڭ ءوندىرىس - قۇرىلىس بيڭتۋانى ادام كۇشى بايلىعى جانە قوعامدىق قامتاماسىزداندىرۋ مينيسترلىگىمەن جەكە - جەكە ستراتەگيالىق سەلبەستىك كەلىسىمىنە قول قويىپ، جۇمىستاندىرۋ، شەبەرلىككە باۋلۋ، دارىندىلار، قوعامدىق قامتاماسىزداندىرۋ، ەڭبەك قاتىناسى، الەۋمەتتىك قىزمەت وتەۋ سياقتى جاقتارداعى سەلبەستىك ىستەرىن ايقىندادى.
ليۋ سۋشى، شۋە بين، ليۋ شينجيان قاتارلىلار قيمىلعا قاتىناستى.
