ما شيڭرۇي، ەركىن تۇنياز جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگىنىڭ شينجياڭ كورسەتپەلى ۇشۋ ۇجىمىنداعىلارمەن كەزدەستى
اۆتونوميالى رايوندىق حالىق ۇكىمەتى جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگىمەن ستراتەگيالىق سەلبەستىك كەلىسىمىنە قول قويدى
انار بۇلت \ شينجياڭ گازەتىنىڭ تىلشىلەرى ياۋ تۇڭ، ليۋ شياڭ 9 - ايدىڭ 26 - كۇنى ۇرىمجىدەن حابارلايدى. 9 - ايدىڭ 26 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز ءۇرىمجى ديوپۋ حالىقارالىق اۋەجايىندا جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى حى دۇڭفىڭ باستاعان ەلىمىزدە وندىرىلگەن ساۋدالىق ۇشاق شينجياڭ كورسەتپەلى ۇشۋ ۇجىمىنداعىلارمەن كەزدەسىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرۋ، شينجياڭنىڭ حالىقتىق اۆياتسيا نەگىزدىك قۇرىلعى جۇيەسىن جانە اۆياتسيالىق قىزمەت وتەۋ جۇيەسىن كۇش سالا كەمەلدەندىرۋ، حالىقتىق اۆياتسيا ىستەرىنىڭ جوعارى ساپالى دامۋىن ىلگەرىلەتۋ توڭىرەگىندە ىشكەرىلەي اڭگىمەلەسىپ، پىكىر اۋىستىردى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگىنىڭ شينجياڭعا سەلبەستىكتى تەرەڭدەتۋ ىستەرىن ىلگەرىلەتۋگە كەلگەندىگىن قارسى الاتىندىعىن ءبىلدىردى. ول بىلاي دەدى: باس شۋجي شي جينپيڭنىڭ، پارتيا ورتالىق كوميتەتىنىڭ كوڭىل ءبولۋى مەن قامقورلىعىندا، ايرىقشا ءمان بەرۋىندە، ەلىمىزدە وندىرىلگەن ءىرى تۇرپاتتى ۇشاق مەملەكەتتىڭ ەرىك - جىگەرىن، ۇلتتىڭ ارمانىن، حالىقتىڭ ءۇمىتىن ارقالاپ زەڭگىر كوكتە ءساتتى سامعادى. وسى رەت شينجياڭداعى كورسەتپەلى اينالىپ ۇشۋ اۆتونوميالى رايوننىڭ سىرتقا ەسىك اشۋدى كەڭەيتۋ، حالىقتىق اۆياتسيا قاتىناس - تاسىمالى، وڭىرلىك سايكەستى دامۋ سياقتى ىستەرىنىڭ دامۋىن پارمەندى تۇردە ىلگەرىلەتەدى. كەزەكتە شينجياڭ باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، اۆياتسيا نەگىزدىك قۇرىلعى قۇرىلىسىن زور كۇشپەن ىلگەرىلەتىپ، اۋە جەلىسى توراپ جۇيەسىن اقاۋسىزداندىرىپ، اۆياتسيالىق جولاۋشى، جۇك تاسىمالى كاسىبىنىڭ كولەمىن كەڭەيتىپ، بازالىق اۆياتسيا سەرىكتەستىكتەرىنىڭ زورايۋىن، الۋەتتەنۋىن قولداپ، ءۇرىمجى حالىقارالىق اۆياتسيا تورابىن وزەك، قاشقار، قۇلجا سياقتى شينجياڭ ىشىندەگى اۆياتسيا قوسالقى تورابىن تىرەك، تارماق جەلى اۋەجايلارىن جانە امبەباپ اۋەجايلاردى تولىقتاما ەتكەن كوپ ساتىلى، كوپ فۋنكتسيالى اۆياتسيا تاسىمال جۇيەسىن قۇرۋدى جەدەلدەتۋدە. جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگىنىڭ ءىرى تۇرپاتتى ۇشاقتى زەرتتەۋ - جاساۋ، سونداي - اق حالىقتىق ۇشاق جۇرگىزۋ، جوندەۋ سياقتى جاقتارداعى تاجىريبە باسىمدىعىن تولىق ساۋلەلەندىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىمەن بەلسەنە توعىسىپ، نازاردى جوندەۋ جانە جاساۋ بازاسى قۇرىلىسى، ماتەريالداردى زەرتتەۋ - اشۋ، ونىمدەردى سايكەستىرۋ، بازاردى كەڭەيتۋ سياقتى جاقتارعا شوعىرلاندىرىپ، شينجياڭمەن ناقتى ىستەر سەلبەستىگىن تەرەڭدەتىپ، نىسانداردى تياناقتاندىرۋ، اۋە جەلىسىن اشۋ سەرپىنىن ارتتىرىپ، شينجياڭنىڭ كەشەندى ستەرەولدى قاتىناس جۇيەسىن قۇرۋىنا، حالىقارالىق بىرەگەي اۆياتسيا تورابىن تۇلعالاۋىنا دەم بەرىپ، مادەنيەت، ساياحات، زات اينالىمى، سىرتقى ساۋدا سياقتى كاسىپ سالالارىنىڭ دامۋىن قولداۋدى ساپالى قىزمەت وتەۋمەن قامتاماسىز ەتىپ، اۆياتسيا كاسىپ سالاسىنىڭ جوعارى ساپالى دامۋىن قول ۇستاسا ىلگەرىلەتىپ، جۇڭگونىڭ ءىرى تۇرپاتتى ۇشاق ىستەرىن ويداعىداي ىستەۋگە، اۆياتسيادا قۋاتتى ەل قۇرۋعا بىرگە كۇش قوسۋىن ءۇمىت ەتەمىن.
حى دۇڭفىڭ اۆتونوميالى رايوندىق پارتكوم مەن ۇكىمەتتىڭ جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگىنىڭ دامۋىنا كوڭىل بولگەندىگىنە، قولداۋ كورسەتكەندىگىنە العىس ايتىپ، كاسىپورىننىڭ شينجياڭداعى دامۋ جوباسىن تانىستىردى. ول بىلاي دەدى: جىبەك جولى ەكونوميكالىق بەلدەۋىنىڭ وزەكتى رايونى رەتىندە شينجياڭنىڭ وڭىرلىك ورىن باسىمدىعى كورنەكتى، ەلىمىزدىڭ باتىسقا ەسىك اشۋداعى ماڭىزدى قاقپاسى، ەلىمىزدە وندىرىلگەن ءىرى تۇرپاتتى ۇشاقتاردىڭ بۇل جەردە بولاشاعى زور. جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگى شينجياڭدا اۋەجايلاردىڭ ورنالاسۋى كوپ، نەگىزدىك قۇرىلعىلارى كەمەلدى بولۋداي باسىمدىعىن تولىق ساۋلەلەندىرىپ، ەلىمىز وندىرگەن اناعۇرلىم كوپ ۇشاقتاردىڭ شينجياڭعا كىرۋىن ۇزدىكسىز ىلگەرىلەتىپ، ”نەگىزگى جەلى مەن تارماق جەلى تۇتاسۋ، تارماق جەلىلەر تۇتاسۋ، تۇتاس جەلى تۇتاسۋ“ سىندى شينجياڭ اۆياتسيا جەلىسى تورابى قۇرىلىسىن ىلگەرىلەتىپ، وزىق ماتەريال، ءوندىرۋ، وقىتۋ، زەرتتەۋ سەلبەستىگى، اۆياتسيا اينالىمىنىڭ تىرەكتىك، قامتاماسىزدىق قابىلەتى قۇرىلىسى سياقتى سالالارداعى سەلبەستىكتى تەرەڭدەتىپ، اۆياتسيا كاسىپ سالاسىن زورايتىپ، الۋەتتەندىرىپ، شينجياڭ ەكونوميكاسىنىڭ جوعارى ساپالى دامۋىنا اناعۇرلىم كوپ ومىرشەڭدىك كۇش ۇستەيدى.
كەزدەسۋدەن كەيىن، اۆتونوميالى رايوندىق حالىق ۇكىمەتى جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگىمەن ستراتەگيالىق سەلبەستىك كەلىسىمىنە قول قويدى، ءۇرىمجى قالالىق حالىق ۇكىمەتى، جۇڭگو ساۋدالىق ۇشاق قاريدارلارعا قىزمەت وتەۋ سەرىكتەستىگى، شينجياڭ اۋەجاي توبى «ەلىمىزدە وندىرىلگەن ساۋدالىق ۇشاقتاردى جوندەۋ جانە تاربيەلەۋ بازاسىنىڭ ءۇرىمجى قالاسىندا قۇرىلىس جۇرگىزۋى جونىندەگى سەلبەستىك ەسكەرتپە حاتىنا» قول قويدى، چىڭدۋ اۆياتسياسى شينجياڭ اۋەجايى توبىمەن «اۋە جەلىسى سەلبەستىك كەلىسىمىنە» قول قويدى.
ما شيڭرۇي، ەركىن تۇنياز قاتارلىلار ەلىمىزدە جاسالعان C919، ARJ21 ۇشاعىن ەكسكۋرسيالادى. C919 ءىرى تۇرپاتتى جولاۋشىلار ۇشاعى ەلىمىزدىڭ تۇڭعىش رەت حالىقارالىق قاتىناۋداعى اۆياتسياعا ۇيلەسۋ ولشەمى بويىنشا ءوزى زەرتتەپ جاساعان، دەربەس ءبىلىم مەنشىگى ۇقىعىنا يە رەاكتيۆتىك نەگىزگى جەلى جولاۋشىلار ۇشاعى؛ ARJ21 ەلىمىز حالىقارالىق ولشەم بويىنشا زەرتتەپ جاساعان، دەربەس ءبىلىم مەنشىگى ۇقىعىنا يە تارماق جەلى جولاۋشىلار ۇشاعى. وسى جولى جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگى ەلىمىزدە وندىرىلگەن وسى ەكى ءتۇرلى ۇشاقتى شينجياڭعا الا كەلىپ، ءبىر ايلىق كورسەتپەلى ۇشۋ قيمىلىن ورىستەتتى، اۋە جەلىسى شينجياڭ ىشىندەگى بارلىق اۋەجايلاردى شارپىدى، مۇنىڭ ىشىندە شينجياڭ ىشىندەگى شىعىس، باتىس باعىتتاعى ەڭ ۇزىن قۇمىل − قاشقار جەلىسى، وڭتۇستىك، سولتۇستىك باعىتتاعى ەڭ ۇزىن كەريا − قاناس جەلىسى، ەڭ قىسقا قۇلجا − موڭعۇلكۇرە جەلىسى، سونداي - اق ەڭ بيىك ءۇستىرت اۋەجايى − حونچيراپ اۋەجايى بار.
جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگىنىڭ باس ديرەكتورى جوۋ شينمين، جۇڭگو ينجەنەريا اكادەمياسىنىڭ اكادەميگى، C919 ءىرى تۇرپاتتى جولاۋشىلار ۇشاعىنىڭ جەلىلەس باس جوبالاۋشىسى ۋ گۋاڭحۇي، ARJ21 ۇشاعىنىڭ باس جوبالاۋشىسى چىن يۇڭ قاتارلىلار؛ اۆتونوميالى رايون مەن بيڭتۋاننىڭ باسشىلارىنان قادەن كابەن، ليۋ سۋشى، شۋە بين؛ سىچۋان اۆياتسياسى، حۋاشيا اۆياتسياسى، چىڭدۋ اۆياتسياسى قاتارلىلاردىڭ قاتىستى جاۋاپتىلارى قيمىلعا قاتىناستى.
