پارتيا قۇرىلىسى ارقىلى جەتەكشىلىك ەتىپ، ەكپىندەي ىلگەرىلەۋ كۇشىن تاسقىنداتايىق
− اۆتونوميالى رايوندىق 10 - كەزەكتى پارتكومنىڭ توعىزىنشى جالپى ماجىلىسىنەن ەستەلىك
□ انار بۇلت \ شينجياڭ گازەتىنىڭ ءتىلشىسى لي ياڭ
ۋاقىت تەگەرشىگى جاڭا كوورديناتاعا جەتتى، تىرشىلىك تىنىسى تاسقىنداپ، بار تىرشىلىك قاۋلاعان مول ءونىم ماۋسىمىندا، ايقىن باعدار كورسەتىپ، جۇرت كوڭىلىن سەرپىلتكەن ءماجىلىس اسقاق جىگەرمەن ەكپىندەي ىلگەرىلەۋ، ۇدەرە العا باسۋ كۇشىن توپتادى. 9 - ايدىڭ 25 - كۇنى اۆتونوميالى رايوندىق 10 - كەزەكتى پارتكومنىڭ توعىزىنشى جالپى ءماجىلىسى اشىلدى.
ەرەكشە كەزەڭدەگى ماجىلىستە تەرەڭ ستراتەگيالىق تولعانىس پەن كەلەلى رەال ءمان بار.
بۇل رەتكى ءماجىلىس شەشۋشى ساتتە، ياعني بۇكىل رايوندا جوعارىدان تومەنگە دەيىن باس شۋجي شي جينپيڭنىڭ اۆتونوميالى رايون مەن بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ جاتقان ساتتە، بۇكىل رايونداعى ءار ۇلت حالقى زەيىن - زەردە، كۇش - قۋاتتى شوعىرلاندىرىپ جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازىپ جاتقان ماڭىزدى ساتتە اشىلدى. بۇل رەتكى ءماجىلىس باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنۋ، دايەكتىلەندىرۋ بارىسىندا قالىپتاسقان يدەيالىق ورتاق تانىمدى، دامۋ وي جەلىسىن، قىزمەت شاراسىن ناقتى ورنالاستىرۋ ەتىپ جيناقتاپ، ايقىن العا باسۋ بەتالىسىن كورسەتتى.
بۇل رەتكى ءماجىلىس نازاردى پارتيا قۇرىلىسىن جاپپاي كۇشەيتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرىپ شىعۋعا پارمەندى ساياسي كەپىلدىك ازىرلەۋ سىندى كەلەلى تاقىرىپقا شوعىرلاندىردى.
شينجياڭ حالىق سارايى ايبىندى دا دۋماندى بەينەگە ەندى، التىن ءتۇستى پارتيا بەلگىسى مەن نارت قىزىل تۋ ءبىر - بىرىنە ءار قوستى.
”جالپى جاعدايعا نازار اۋدارعان، مازمۇنى باي، جۇرت كوڭىلىن جەلپىندىردى“! جيىن زالىندا ماجىلىسكە قاتىناسقان ۋاكىلدەر مۇقيات زەرتتەپ وقىپ، اۆتونوميالى رايوندىق پارتكوم تۇراقتى كوميتەتىنىڭ قىزمەت بايانداماسىن جانە جالپى ءماجىلىستىڭ قاۋلىسى مەن قارارىن ىشكەرىلەي تالقىلادى، ولار: جالپى ءماجىلىس جوعارى ساپالى پارتيا قۇرىلىسى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا جەتەكشىلىك ەتۋ، قامتاماسىزداندىرۋ، جاڭا جورىقتا كورىكتى شينجياڭدى اناعۇرلىم ويداعىداي قۇرۋدىڭ اتتانىسقا كەلتىرۋ بۇيرىعىن جاريالادى، - دەپ قارادى.
”ماڭىزدى تۇيىندەر كورنەكتىلەنگەن، ورتاق تانىم ۇيىستىرىلعان، ادامدى ەكپىندەي ىلگەرىلەۋگە جىگەرلەندىرەدى“! اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي شۋان بىلاي دەدى: جالپى ءماجىلىس ءدال ۋاعىندا اشىلدى، بۇل بۇكىل رايوندا جوعارىدان تومەنگە دەيىن يدەيا مەن ارەكەتتى شىن مانىندە باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرۋگە ءتيىمدى، تاپسىرمانى ەستە بەرىك ساقتاۋىمىز، ەرلىكپەن العا ىلگەرىلەۋىمىز كەرەك.
جاڭا داۋىردەگى پارتيانىڭ شينجياڭدى باسقارۋ جالپى جوباسى − شينجياڭ قىزمەتىن جاقسى ىستەۋدىڭ تۇتقاسى جانە جانى. ماجىلىسكە قاتىناسقاندار ءبىر اۋىزدان بىلاي دەپ قارادى: جاڭا داۋىردەگى پارتيانىڭ شينجياڭدى باسقارۋ جالپى جوباسىن شينجياڭ قىزمەتىن جاقسى ىستەۋدىڭ ءتۇبىرلى بويسۇنۋ ولشەمى ەتۋگە، شينجياڭ قىزمەتىن تارازىلاۋدىڭ ماڭىزدى ولشەمى ەتۋگە تاباندى بولىپ، جەتە ءتۇسىنۋ، جەتە تياناقتاندىرۋ جاعىنا ۇزدىكسىز كۇش سالۋ كەرەك.
باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا سوڭىنا دەيىن دايەكتىلەنۋىنە، ناقتى ونىمدىلىككە قول جەتكىزۋىنە شىنايى كەپىلدىك ەتۋ ءۇشىن، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيانىڭ ساياسي قۇرىلىسى ارقىلى پارتيا قۇرىلىسىنىڭ ءتۇرلى قىزمەتتەرىنە ءبىر تۇتاس باسشىلىق ەتىپ، پارتيانىڭ شينجياڭداعى بيلىك جۇرگىزۋ نەگىزىن ۇزدىكسىز بەكەمدەۋ قاجەت.
2 - توپتاعى نەگىزگى تاقىرىپتىق تاربيەنى تىڭعىلىقتى ىلگەرىلەتىپ، ”التىعا، ءسوز جوق، تاباندى بولۋ“ سىندى دۇنيەگە كوزقاراستى جانە ادىستەمەنى ۇيرەنۋ، قولدانۋ ارقىلى شينجياڭ قىزمەتىنىڭ امالياتىنا جەتەكشىلىك ەتۋ؛ ادال، كىرشىكسىز، باتىل جاۋاپكەرشىلىك ارقالايتىن جوعارى ساپالى ءار ۇلت كادر - دارىندىلار قوسىنىن كۇش سالا تۇلعالاۋ؛ ۇيىمدىق جۇيە مەن قىزمەت كۇشىنىڭ نەگىزگى ساتىعا تىكە جەتۋىن ىلگەرىلەتۋ...
ءبىر قىدىرۋ شارالاردا شىندىققا جۇگىنىپ ناقتى ىستەۋ ايگىلەندى، العا باسۋ بەتالىسى اناعۇرلىم ايقىندالدى، ەكپىندەي ىلگەرىلەۋ كوورديناتاسى اناعۇرلىم نىق بولدى.
”ءبىز نەگىزگى تاقىرىپتىق تاربيە ورىستەتۋمەن ۇشتاستىرىپ، نازاردى بۇقارانىڭ شۇعىل، قيىن، ۋايىمداعان، ءزارۋ ماسەلەلەرىنە شوعىرلاندىرىپ، حالىق تۇرمىسىنا تيىمدىلىك جاساۋ، جۇرت جۇرەگىن جىلىتۋ، حالىق تىلەگىنە ۇيلەسۋ قىزمەتىن شىن مانىندە ءار ۇلت بۇقاراسىنىڭ جۇرەك تۇكپىرىنە جەتكىزە ىستەيمىز. سونىمەن بىرگە ’8 ءىرى كاسىپ سالاسى شوعىرى‘ قۇرىلىسى توڭىرەگىندە ۇلكەن ساياحات، ۇلكەن سالاماتتىق، ۇلكەن اۋىل شارۋاشىلىعى، تازا ەنەرگيا، جاسىل كەن كاسىبى ىستەرىن بەلسەنە دامىتىپ، جوعارى ساپالى دامۋدى ىلگەرىلەتەمىز“، - دەدى التاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى جەڭىس قادىس.
اقسۋ ايماقتىق پارتكومنىڭ شۋجيى ۋ حۇڭجان مىنانى ءبىلدىردى: ”ءبىز پىشاقتىڭ ءدۇزىن ىشكە قاراتۋداي وزىنە - ءوزى توڭكەرىس جاساۋ رۋحىن ساۋلەلەندىرىپ، كادرلار قوسىنىنىڭ ستيل قۇرىلىسىن كۇشەيتىپ، ستيلى پاك، سالتى دۇرىس تاماشا ساياسي ەكولوگيا قالىپتاستىرامىز“.
جۇرەگىمىزدە باعدار ايقىن بولدى، قۇلاق تۇبىمىزدە دابىل ءۇنى جاڭعىردى؛ اياق استىمىزدا ساپار باستالدى. تيانشان الابىنداعى ءار ۇلت كادر - بۇقاراسى رۋحتى سەرپىلتىپ، كۇرەس جىگەرىن اسقاقتاتىپ، باس شۋجي شينجياڭعا كەسكىندەپ بەرگەن كوركەم جوبانى رەالدىققا اينالدىرۋ جولىندا ىنتىماقتاسا كۇرەس جۇرگىزەدى.
