ما شيڭرۇي، ەركىن تۇنياز بەيجيڭ داشۋەسى ”شىعىس وقۋ سيلىعى“ كۋرسانتتارى ۋاكىلدەر ۇيىرمەسىندەگىلەرمەن كەزدەستى
گۇڭ چيحۋاڭ، جاڭ چۇنلين قاتارلىلار كەزدەسۋگە قاتىناستى
انار بۇلت \ شينجياڭ گازەتىنىڭ ءتىلشىسى ياۋ تۇڭ 9 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 9 - ايدىڭ 24 - كۇنى تۇستەن بۇرىن ۇرىمجىدە شينجياڭعا ەكسكۋرسيالاي، ساپارلاي كەلگەن بەيجيڭ داشۋەسى ”شىعىس وقۋ سيلىعى“ كۋرسانتتارى ۋاكىلدەر ۇيىرمەسىندەگىلەرمەن كەزدەستى. بەيجيڭ داشۋەسىنىڭ باستىعى، جۇڭگو عىلىم اكادەمياسىنىڭ اكادەميگى گۇڭ چيحۋاڭ كەزدەسۋگە قاتىناستى.
اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين كەزدەسۋگە قاتىناستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان دۇنيە ءجۇزىنىڭ جەر - جەرىنەن كەلگەن ۋاكىلدەر ۇيىرمەسىندەگى كۋرسانتتاردى قارسى الاتىندىعىن ءبىلدىردى، بەيجيڭ داشۋەسىنىڭ شينجياڭ قىزمەتىنە زور قولداۋ كورسەتكەندىگىنە شىن جۇرەكتەن العىس ايتتى. ما شيڭرۇي بىلاي دەدى: كەزەكتە جۇڭگوداعى ءار ۇلت حالقى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، جۇڭگو ۇلگىسىندەگى وسىزامانداندىرۋدىڭ جاڭا تابىستارى ارقىلى دۇنيە جۇزىندەگى ءار ەلدىڭ بىرگە دامۋىنا جاڭا وراي اكەلۋگە قۇلشىنۋدا. ءتوراعا شي جينپيڭ، جۇڭگو كوممۋنيستىك پارتياسى ورتالىق كوميتەتى شينجياڭ قىزمەتىنە باستان - اياق وسكەلەڭ ءمان بەرىپ، شينجياڭداعى ءار ۇلت حالقىن كوكەيىنەن شىعارمادى. ءتوراعا شي جينپيڭ بىلتىر شينجياڭعا كەلىپ قىزمەت تەكسەرگەننەن كەيىن، اراعا ءبىر جىل سالىپ، وتكەن ايدا بريكس ەلدەرى باسشىلارىنىڭ 15 - رەتكى ديدارلاسۋىنا قاتىناسىپ ءارى وڭتۇستىك افريكاداعى مەملەكەتتىك ساپارىن اياقتاتا سالىسىمەن، شينجياڭعا تاعى ارنايى كەلىپ، قىزمەت مالىمەتىن تىڭدادى ءارى ماڭىزدى ءسوز سويلەدى، ءبىز بۇدان بارىنشا شابىت الدىق، ەرەكشە جىگەرلەندىك. قازىر شينجياڭنىڭ قوعامدىق كەلەلى جاعدايى ورنىقتى بولىپ، حالىق تىنىش ءومىر، شات - شادىمان تىرشىلىك كەشىرىپ، تيانشان الابىندا جاڭا بەت - بەينە جارىققا شىعىپ، كورىكتى شينجياڭ قۇرۋدىڭ جاڭا جورىعىنا قادام تاستادى. امەريكا سياقتى باتىس ەلدەرىندەگى جۇڭگوعا قارسى كۇشتەر جۇڭگونىڭ ۇلى گۇلدەنۋىن كورگىسى كەلمەي، شينجياڭنىڭ گۇلدەنۋىن، دامۋىن كورگىسى كەلمەي، وسەك - اياڭ، ساندىراقتاردى ۇزدىكسىز تاراتىپ، وزدەرىنىڭ ”شينجياڭ ارقىلى جۇڭگونى شاۋجايلاۋ“ قاسكۇنەمدىگىن جۇزەگە اسىرۋعا ۇرىندى. شينجياڭعا ساياتىن ماسەلەنىڭ ءمانى − زورلىقتى كۇش لاڭكەستىگىنە قارسى تۇرۋ، ۇشقارىلىقتى الاستاۋ، بولشەكتەۋشىلىككە قارسى تۇرۋ ماسەلەسى. ادامدىق ۇقىققا قۇرمەت ەتۋ جانە ونى قامتاماسىز ەتۋ − جۇڭگو نەگىزگى زاڭىنىڭ پرينسيبى، ادامدىق ۇقىقتىڭ ۇزدىكسىز دامۋىن، العا باسۋىن ىلگەرىلەتۋ − شينجياڭداعى ءار ۇلت حالقىن قامتىعان بۇكىل جۇڭگو حالقىنىڭ تالىقپاس تالپىنىسى. شىندىق بۇلتارتپايدى، بۇل جولى كوپشىلىك وبيەكتيۆ، ناعىز شينجياڭدى شىنايى سەزىندى. كوپشىلىكتىڭ شينجياڭدا بولعان كەزدەرىندە كورگەن - بىلگەندەرىن اناعۇرلىم كوپ ادامعا جان - جاقتى، شىنايى تانىستىرىپ، حالىقارالىق قوعامنىڭ شينجياڭنىڭ دامۋ جەتىستىكتەرى مەن حالىقتىڭ باقىتتى تۇرمىسىن اناعۇرلىم جان - جاقتى، وبيەكتيۆ تۇسىنۋىنە مۇمكىندىك جاساۋىن ءۇمىت ەتەمىن.
گۇڭ چيحۋاڭ بىلاي دەدى: شينجياڭ − جۇڭگونىڭ باتىس بولىگىندەگى ماڭىزدى ەسىك اشۋ قاقپاسى، ”ءبىر بەلدەۋ، ءبىر جولدى“ بىرگە قۇرۋداعى، مەملەكەتكە قىزمەت وتەۋ ستراتەگياسىنداعى ورنى ماڭىزدى، ابزالدىلىعى كورنەكتى. بەيجيڭ داشۋەسى شينجياڭمەن باعىتتامالى كومەكتەسۋ، جىبەك جولى ارحەولوگياسى، ەمدەۋ - دەنساۋلىق ساقتاۋ، دارىندىلاردى جەتكىزىپ بەرۋ، عىلىم - تەحنيكا جەتىستىكتەرىن كادەگە جاراتۋ سياقتى جاقتاردا تىعىز اۋىس - كۇيىس جاساپ، تەرەڭ سەلبەستىك نەگىزىن قالادى. وسى رەتكى ”شىعىس وقۋ سيلىعى“ كۋرسانتتارىنىڭ ساپارى ءساتتى دە ماعىنالى بولدى، شىنايى شينجياڭ، ستەرەولدى شينجياڭ جونىندە شىت جاڭا تانىمعا جانە شىنايى تۇسىنىككە يە بولدى. كوپشىلىكتىڭ جۇڭگو مەن شەتەلدىڭ ۇزدىكسىز اۋىس - كۇيىس ەلشىسى بولىپ، ەكسكۋرسياعا، ساپارعا قاتىناسقان كەزدەگى اسەرلەرىن ورتاقتاسىپ، جاڭا داۋىردەگى جۇڭگو شينجياڭىنىڭ حيكايالارىن ويداعىداي بايانداپ، جۇڭگو شينجياڭىنىڭ ەسىك اشۋ، سەنىم ورناتۋ جاڭا بەت - بەينەسىن، جاڭا رايىن ايگىلەپ، دۇنيە جۇزىنە شىنايى، ستەرەولدى، جان - جاقتى جۇڭگونى ءتۇسىندىرىپ، ءار ەل حالقىنىڭ حالىق تىلەگىنىڭ ءوزارا توعىسۋىن جەبەۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە كۇش - قۋات ارناۋىن ءۇمىت ەتەمىن.
سومالي، چاد، زامبيا، ليبەريا، گابون، انگولا، نيگەريادان كەلگەن كۋرسانتتاردىڭ ۋاكىلدەرى ىلگەرىندى - كەيىندى ءسوز سويلەپ، جۇڭگوداعى ۇيرەنۋ جەتىستىكتەرى مەن شينجياڭعا ەكسكۋرسيالاۋداعى، ساپارلاۋداعى شىنايى اسەرلەرىن ءبولىستى. ولار بىلاي دەدى: تيانشان الابىندا ادام مەن تابيعات جاراسىمدى قاتار ءومىر ءسۇرىپ، ءار ۇلت حالقى بىرگە ىنتىماقتاسا دامىپ، ءتۇرلى ءدىن تاتۋ، ۇيلەسىمدى بولىپ، از ۇلتتاردىڭ مادەنيەتى جالعاستىرىلىپتى، قورعالىپتى، بۇقارانىڭ شات - شادىمان ءبيى، كوڭىلدى ءجۇزى، قام - قايعىسىز تۇرمىسىنان ىنتىماقتى شينجياڭدى، ۇيىستىرۋ قۋاتىنا تولى شينجياڭدى كوردىك. رەفورمانى تەرەڭدەتۋ، ەسىكتى ايقارا اشۋ، وقۋ - اعارتۋدى دامىتۋ، حالىق تۇرمىسىن جاقسارتۋ، كاسىپ سالاسىن دامىتۋ، كەدەيلىكتەن ارىلتۋدان قامال الۋ، شينجياڭعا باعىتتامالى كومەكتەسۋ، مادەنيەتتى قورعاۋ سياقتىلاردىڭ شينجياڭداعى تابىستى امالياتىن شىنايى سەزىندىك، اسىرەسە، جۇڭگونىڭ ەسىك اشۋىنىڭ الدىڭعى شەبى بولعان شينجياڭ حالىقارالىق اۋىس - كۇيىستى، سەلبەستىكتى كەڭ كولەمدە ورىستەتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىردى، قول جەتكىزگەن تابىستارى جۇرتقا ايان، بۇل ءوز ەلىمىزدىڭ دامۋى جونىنەن اسا كۇشتى ۇلگىلىك ءمان الادى. وسەك - اياڭ فاكت الدىندا جەلگە ۇشادى، شىنايى شينجياڭ الدىندا جۇڭگونىڭ شينجياڭىن قارالاعان، كۇيە جاققان وسەك - اياڭدار وزدىگىنەن جوق بولادى. ناقتى جۇڭگو شينجياڭىن اناعۇرلىم كوپ ادامعا تانىستىرىپ، ءار ەل اراسىنداعى، اسىرەسە، وركەندەپ كەلە جاتقان ەلدەر، تۇستىك ەلدەر اراسىنداعى اناعۇرلىم كوپ اۋىس - كۇيىستى، سەلبەستىكتى قۇلشىنا جەبەپ، ءوزارا تيىمدىلىك جاساپ، تەڭ يگىلىككە كەنەلۋدى، بىرگە دامۋدى جۇزەگە اسىرىپ، ادامزاتتىڭ تاعدىرلاس ورتاق تۇلعاسىن قۇرۋعا كۇش - قۋات ارنايمىز.
چىن ۋيجۇن، لي شۋەجۇن، قايسار ابدىكەرىم قاتارلىلار كەزدەسۋگە قاتىناستى.
