نازاردى ”8 ءىرى كاسىپ سالاسى شوعىرىنا“ شوعىرلاندىرىپ، وسىزاماندانعان ونەركاسىپ جۇيەسىن قۇرامىز
− باس شۋجي شي جينپيڭنىڭ جاڭاشا ونەركاسىپتەندىرۋدى ىلگەرىلەتۋ جونىندەگى ماڭىزدى نۇسقاۋى رايونىمىزدا قىزۋ اڭىس قوزعادى
انار بۇلت \ شينجياڭ گازەتىنىڭ تىلشىلەرى
تۋ باعدار نۇسقادى، ۇيتقى بولاشاققا جول باستادى. باس شۋجي شي جينپيڭ جۋىقتا جاڭاشا ونەركاسىپتەندىرۋدى ىلگەرىلەتۋ جونىندە ماڭىزدى نۇسقاۋ بەرىپ، جاڭاشا ونەركاسىپتەندىرۋدى ىشكەرىلەي ىلگەرىلەتىپ، وسىزاماندانعان كاسىپ سالاسى جۇيەسىن جەدەل قۇرىپ جاتقان شينجياڭعا عىلمي جەتەكشىلىك ازىرلەدى.
شينجياڭنىڭ ءار سالاسىنداعىلار جاپپاي مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋىن ءتۇبىرلى بويسۇنۋ ولشەمى ەتىپ، جاڭا جورىقتا رۋحتى ونان ارى سەرپىلتىپ، سەنىمدى بەكەمدەپ، قيىندىققا قارسى اتتانىپ، جاڭاشا ونەركاسىپتەندىرۋدى تىڭعىلىقتى ىلگەرىلەتىپ، شينجياڭنىڭ ەرەكشەلىگى مەن باسىمدىعىن ايگىلەيتىن، ناقتى ەكونوميكانى تىرەك ەتكەن وسىزاماندانعان كاسىپ سالاسى جۇيەسىن جەدەل ورناتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا پارمەندى تىرەك ازىرلەيمىز.
ناقتى ەكونوميكانى تۇلعالايمىز
”باس شۋجي شي جينپيڭنىڭ ماڭىزدى نۇسقاۋى ەرەكشە كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، ءبىزدىڭ قىزمەتىمىزگە ايقىن بەتالىس كورسەتىپ بەردى“. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى جاۋ شيفىڭ مىنالاردى ءبىلدىردى: اۆتونوميالى رايوننىڭ ونەركاسىپ جانە ينفورماتسيالاندىرۋ جۇيەسى باس شۋجيدىڭ ماڭىزدى نۇسقاۋىن جاپپاي تياناقتاندىرىپ، جاساۋ كاسىبىندە قۋاتتى ەل قۇرۋدى سيفرلى ەكونوميكا، كاسىپ سالاسىن ينفورماتسيالاندىرۋ سياقتىلاردى دامىتۋمەن ورگانيكالى ۇشتاستىرىپ، جۇڭگو ۇلگىسىندەگى وسىزامانداندىرۋعا قۋاتتى زاتتىق، تەحنيكالىق نەگىز قالايدى. سونىمەن بىرگە ونەركاسىپ اينالىمىن باقىلاۋ - تەكسەرۋدى، ورنالاستىرۋدى ناقتى يگەرىپ، كەلەلى ونەركاسىپ نىسان قۇرىلىستارىن مىقتاپ يگەرىپ، ەرەكشەلىككە، باسىمدىققا يە كاسىپ سالالارىن دامىتۋدى ويداعىداي يگەرىپ، كاسىپ سالاسى تىزبەگىن ۇزارتۋدى، تىزبەگىن تولىقتاۋدى، تىزبەگىن كۇشەيتۋدى ارتتىرىپ، كاسىپورىنداردى ارنايىلانعان، كەمەلدەنگەن، ەرەكشەلىككە يە، جاڭاشا دامۋعا ۇزدىكسىز جەتەكتەپ، كاسىپورىندارعا سيفرلانعان قابىلەت ۇستەۋ سياقتى قىزمەتتەردى زور كۇشپەن ىلگەرىلەتىپ، ”8 ءىرى كاسىپ سالاسى شوعىرى“ تىرەك بولعان شينجياڭنىڭ وسىزاماندانعان ونەركاسىپ جۇيەسى قۇرىلىسىن بار كۇشپەن ىلگەرىلەتتى.
كاسىپ سالاسى باقشا رايونى − كاسىپ سالاسى شوعىرىن دامىتۋدىڭ ماڭىزدى دانەكەرى، ناقتى ەكونوميكانىڭ نەگىزگى شەبى. ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) 18 كاسىپ سالاسى باقشا رايونىنا سۇيەنىپ، كاسىپ سالاسى تىزبەگىن ۇزدىكسىز كەمەلدەندىردى. ”باس شۋجي شي جينپيڭنىڭ ماڭىزدى نۇسقاۋى باقشا رايونىنىڭ ونەركاسىپتى دامىتۋ سەنىمىن بەكەمدەدى“. ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) ونەركاسىپ جانە ينفورماتسيالاندىرۋ مەكەمەسىنىڭ باستىعى چين جياڭفىڭ مىنالاردى ءبىلدىردى: باقشا رايونى تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى ۇزدىكسىز ىلگەرىلەتىپ، قۇرىلىس ماشينالارى، جەلدەتكىش جابدىقتارى، بولات - تەمىر، مەتال قورىتۋ سياقتىلارعا سۇيەنىپ سايكەستى كاسىپورىنداردى ەنگىزىپ، جابدىق جاساۋ كاسىپ سالاسىن زورايتادى، اسىرەسە، جابدىق جاساۋدىڭ تۇتاس كاسىپ سالاسى تىزبەگىن تۇتاستىرادى.
جاڭالىق اشۋ ارقىلى جەبەۋگە تاباندى بولامىز
جاڭاشا ونەركاسىپتەنۋدى ىلگەرىلەتۋدە، ءسوز جوق، كاسىپ سالاسى جۇيەسىن ساپالىلاندىرۋدى، دارەجەسىن جوعارىلاتۋدى كۇش سالا ىلگەرىلەتۋ كەرەك.
2021 - جىلدان 2022 - جىلعا دەيىن، باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى زەرتتەۋ - اشۋعا ءبىر ميلليارد 608 ميلليون يۋان قارجى قوسىپ، عىلمي زەرتتەۋدەن جاڭادان 216 ميلليون يۋان ونىمدىلىك ارتتىردى، 734 پاتەنت ءوتىنىش ەتتى، مۇنىڭ ىشىندە 377 تاپقىرلىق پاتەنت ۇقىعى بار بولىپ، ％51ىن ۇستادى. ”باس شۋجي شي جينپيڭنىڭ ماڭىزدى نۇسقاۋى كاسىپورىننىڭ دەربەس جاڭالىق اشۋىن اناعۇرلىم بەكەمدەي ءتۇستى“. 1 - تامىز بولات - تەمىر شەكتى سەرىكتەستىگىنىڭ باس ديرەكتورى كى شانلياڭ بىلاي دەدى: جاڭالىق اشۋعا دەم بەرۋ − كاسىپورىن دامۋىنىڭ سارقىلماس قوزعاۋشى كۇشى، 2 جىلدان بەرى 1 - تامىز بولات - تەمىر شەكتى سەرىكتەستىگى تومەن كومىر قىشقىل گازدى مەتال قورىتۋ، وزىندىك قۇنى تومەن، جوعارى ساپالى، ەنەرگيا جۇمسالىمى تومەن، جاسىل ءوندىرىستى ارقاۋ ەتىپ، نازاردى ءونىم ساپاسىن جوعارىلاتۋعا شوعىرلاندىرىپ، زەرتتەۋ - اشۋعا ۇسىنىلىمدى ارتتىرىپ، عىلىم - تەحنيكادا قامال الۋدى ۇزدىكسىز ورىستەتىپ، شەشۋشى تەحنيكالاردا، ونىمدەردە، نىسانداردا ماڭىزدى ناتيجەلەرگە قول جەتكىزدى.
بيىل جىل باسىنان بەرى شينجياڭ ءداستۇرلى باسىمدىققا يە كاسىپ سالالارىن جاڭالاپ، دەڭگەيىن ءوسىرىپ، ءداستۇرلى باسىمدىققا يە كاسىپ سالالارىنىڭ جاڭاشا ونەركاسىپتەنۋ جولىمەن ارشىندى قاداممەن العا باسۋىن ىلگەرىلەتتى.
”كاسىپورىن ءونىم قۇرىلىمىن ۇزدىكسىز ساپالىلاندىرىپ، كومەسكى كۇشتى اشىپ، ءونىمدى، قۋاتتى كەڭەيتتى“. جۇڭگو مۇناي - تابيعي گاز جارنا شەكتى سەرىكتەستىگى ءۇرىمجى مۇناي - حيميا بولىمشە سەرىكتەستىگى ءوندىرىس تەحنيكاسى باسقارماسىنىڭ ورىنباسار باستىعى جاڭ لييۇن بىلاي دەپ تانىستىردى: ءۇرىمجى مۇناي - حيميا بولىمشە سەرىكتەستىگى جاڭا ماتەريال كاسىپ سالاسى قۇرىلىسىن بەلسەنە ىلگەرىلەتىپ، ”وڭدەۋلى مۇناي ءونىم مولشەرىن ازايتىپ، حيميا ونەركاسىپ ماتەريالدارىنىڭ، جوعارى ءونىمدى ەرەكشە ماتەريالدارىنىڭ ءونىم مولشەرىن كوبەيتۋ“ بويىنشا پارىقتاندىرىپ دامىتۋ ارقىلى جوعارى ۇستەمە قۇندى حيميا ونەركاسىپ ونىمدەرىن ءوندىرىپ، ”مۇناي ايىرۋ + ارەن + جاڭا ماتەريال“ ەرەكشە كاسىپ سالاسى تىزبەگىن قالىپتاستىردى.
جۇڭگو كومىر توبى شينجياڭ ەنەرگيا شەكتى سەرىكتەستىگى دانانحۋ 7 - ءنومىرلى كومىر كەنىنىڭ القا باستىعى، باس ديرەكتورى دۋ ميڭچي مىنانى ءبىلدىردى: باس شۋجي شي جينپيڭنىڭ ماڭىزدى نۇسقاۋى ەنەرگيا كاسىپ سالاسىن دامىتۋدىڭ ايقىن بەتالىسىن كورسەتتى.
شينجياڭ وڭىرىندەگى كولەمى ەڭ زور ۇڭعىمالى كومىر كەن كەلەسى ساتىدا كەن ۇڭعىماسىن زەردەلىلەندىرۋ قۇرىلىسىنىڭ دەڭگەيىن ۇزدىكسىز كوتەرىپ، زات ينتەرنەتى، بۇلتتىق ەسەپتەۋ، ۇلكەن ساندىق مالىمەت، جاساندى زەردە سياقتى وزىق تەحنيكالار مەن كەن ۇڭعىماسىن اشۋدى ۇشتاستىرىپ، زاماناۋي عىلىم - تەحنيكالاردى قولدانىپ، كومىر كاسىپ سالاسىنىڭ دەڭگەيىن جوعارىلاتۋعا دەم بەرەمىز.
كاسىپ سالاسى تىرەگىن بەكەمدەيمىز
باس شۋجي نۇسقاعان بەتالىستى بويلاپ العا ىلگەرىلەۋدە جىبەك جولى ەكونوميكالىق بەلدەۋىنىڭ وزەكتى رايونى رەتىندەگى شينجياڭنىڭ باسىمدىعى اناعۇرلىم كورنەكتىلەنە ءتۇستى.
”باس شۋجي شي جينپيڭنىڭ ماڭىزدى نۇسقاۋىنىڭ رۋحىن جاپپاي دايەكتىلەندىرىپ، تياناقتاندىرىپ، بۇلجىماستان كاسىپ سالاسىن دامىتۋدى ماڭداي الدى ورىنعا قويامىز“. كورلا ەكونوميكالىق، تەحنيكالىق اشۋ رايونى پارتيا قىزمەتى كوميتەتىنىڭ شۋجيى حۋاڭ شينحۋاي مىنانى ءبىلدىردى: نازاردى باقشا رايونىنا ساۋداگەر شاقىرىپ، قارجى ەنگىزۋ، نىسان قۇرىلىسى، كاسىپورىندارعا قىزمەت كورسەتۋ سىندى ”ءۇش ۇلكەن نەگىزگى كاسىپكە“ شوعىرلاندىرىپ، اشۋ رايونى ەرەكشەلىگىنە يە ءتۇيىندى كاسىپ سالاسى جۇيەسىن جەدەل قۇرىپ، جوعارى ساپالى دامۋدىڭ كاسىپ سالاسى تىرەگىن ۇزدىكسىز بەكەمدەيمىز. جاسىل ەنەرگيا باسىمدىعىنا سۇيەنىپ، عىلىم - تەحنيكادا جاڭالىق اشۋدى بار كۇشپەن ىلگەرىلەتىپ، جاڭا ەنەرگيا، جاڭا ماتەريال، اۆياتسيا - عارىش، سيفرلى ەكونوميكا سياقتى جاڭادان گۇلدەنگەن كاسىپ سالالارىن بەلسەنە دامىتىپ، جاڭا ارتۋ ۇيەگىن جەتىلدىرەمىز، دامىتامىز.
كاسىپورىن − وسى زامانعى كاسىپ سالاسى جۇيەسىن قۇرۋدىڭ ماڭىزدى تىرەگى. وسى بىرنەشە كۇندە جينفىڭ عىلىم - تەحنيكاسى قۇمىل جەل ەلەكتر جابدىقتارى شەكتى سەرىكتەستىگىنىڭ باس جابدىق زاۆودىندا جاڭادان كەڭەيتىپ سالىنعان جىلدىق ءوندىرىس قۋاتى 5 ميلليون كيلوۆات كەلەتىن 2 - مەرزىمدىك نىسان تەكسەرىپ وتكىزىپ الۋ كەزەڭىنە ءوتتى، مەجەمەن بيىل 10 - ايدا ىسكە قوسىلادى.
”باس شۋجي شي جينپيڭنىڭ ماڭىزدى نۇسقاۋى ءبىزدى بارىنشا جىگەرلەندىرىپ، قايراتىمىزدى ەسەلەپ ارتتىردى“. جينفىڭ عىلىم - تەحنيكاسى قۇمىل باس جابدىق زاۆودىنىڭ باستىعى لياڭ تىڭفي بىلاي دەدى: قازىرگى ۋاقىتتا جەل ەلەكتر بازارىندا وراي مەن سىن - سايىس قاتار ءومىر سۇرۋدە، كاسىپورىن ءوزىنىڭ جالپىلىق باسەكەلىك قۋاتىن جوعارىلاتىپ، كاسىپ سالاسى تىزبەگىنىڭ جەتەكتەۋ رولىن تولىق ساۋلەلەندىرىپ، قۇمىلدىڭ وڭىرلىك جەل ەلەكتر بويىنشا جاڭالىق اشۋ جاڭا بيىگىن تۇلعالاۋىنا دەم بەرەدى.
باس شۋجيدىڭ ماڭىزدى نۇسقاۋى − جىگەرلەندىرۋ ءارى قوزعاۋشى كۇش. ”كاسىپورىن جاڭا ءبىر كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنە اناعۇرلىم بەلسەندى دە ىرىقتى تۇردە ۇيلەسەدى جانە وعان جەتەكشىلىك ەتەدى“. شانشي اۆتوكولىك توبى شينجياڭ اۆتوكولىك شەكتى سەرىكتەستىگىنىڭ ورىنباسار باس ديرەكتورى شى شينلي مىنانى ءبىلدىردى: جاڭا ەنەرگيالى اۆتوكولىكتەردى دامىتۋدى كاسىپورىننىڭ زورايۋىنىڭ، كۇشەيۋىنىڭ، ءسوزسىز، باسىپ وتەتىن جولى ەتىپ، شينجياڭنىڭ بازار قاجەتىنە مەڭزەس، جاڭا ونىمدەردى زەرتتەۋ - اشۋ ءوندىرىس سەرپىنىن ۇزدىكسىز ارتتىرىپ، شينجياڭ ىشىندەگى كاسىپورىندارمەن تەرەڭ سەلبەستىك ورىستەتىپ، جاڭا ەنەرگيالى ساۋدالىق كولىك كاسىپ سالاسى شوعىرىن تۇلعالايمىز.
جۇڭگو يادرو ونەركاسىبى توبى شينحۋا سۋ كۇشىمەن ەلەكتر تاراتۋ شەكتى سەرىكتەستىگى پارتكومىنىڭ شۋجيى، القا باستىعى جاڭ يان مىنانى ءبىلدىردى: كاسىپورىن اناعۇرلىم زور بەكىم، اناعۇرلىم ناقتى شارالار ارقىلى تاباندى جاڭالىق اشۋ مەن باياندى دامۋعا بىردەي ءمان بەرۋ جولىمەن جۇرەدى. ”جەل، جارىق، سۋ ەنەرگيالارىن سۋتەگىنە اينالدىرىپ ساقتاۋدى ءبىر تۇلعالاندىرۋ“ بويىنشا ۇلگى كورسەتۋ ورنى قۇرىلىسىن بەلسەندى تۇردە سايكەستى ىلگەرىلەتىپ، كاسىپ سالاسى قۇرىلىمىنىڭ ساپالىلانۋىن، دارەجەسىنىڭ جوعارىلاۋىن ۇزدىكسىز ىلگەرىلەتىپ، جاسىل ەنەرگياعا قاراي ويىسۋدى ىلگەرىلەتىپ، جاڭا دامۋ ارناسىن قۇرۋعا اناعۇرلىم ويداعىداي قىزمەت ەتەدى.
