شينجياڭدى مادەنيەتپەن نارلەندىرۋدىڭ تابىسى مول بولدى
□ انار بۇلت \ شينجياڭ گازەتىنىڭ ءتىلشىسى جيا چۇنشيا
9 - ايدىڭ 8 - كۇنى «شينجياڭعا كومەككە كەلگەن كادرلار» اتتى كينو سانجى قالاسىندا كەسكىنگە تۇسىرىلە باستادى. فۋجيان ولكەسىنەن 2 - توپتا شينجياڭعا كومەككە كەلگەن كادرلاردىڭ باس جەتەكشىسى ۋ يۇيحۇيدىڭ اتتاس رومانىنان وزگەرتىلىپ جاسالعان بۇل كينو - فيلمدە شينجياڭعا كومەككە كەلگەندەردىڭ كىشى وتباسىن قيىپ، ۇلكەن شاڭىراقتى ويلاعان، شينجياڭنىڭ قۇرىلىس ىستەرىنە ات سالىسقان اڭگىمەلەرى باياندالىپ، شينجياڭعا كومەكتەسۋ قىزمەتىندە ايگىلەنگەن ءداۋىر رۋحى بەينەلەنگەن.
”«شينجياڭعا كومەككە كەلگەن كادرلار» اتتى كينو - فيلم − ’شينجياڭدى مادەنيەتپەن نارلەندىرگەن‘ تۋىندى. «شينجياڭعا كومەككە كەلگەن كادرلار» اتتى كينو - فيلم ارقىلى جۇڭگو حيكاياسىن ويداعىداي باياندايمىز، شينجياڭ حيكاياسىن ويداعىداي باياندايمىز“. رەجيسسەر جاڭ جۇڭ بىلاي دەدى: كينو - فيلمگە دايىندالعاننان بەرى شينجياڭعا 40 نەشە رەت شاپقىلادىم، ۇزاق ۋاقىت ءومىر ۇيرەنىپ جانە ناقتى ورىندا تەكسەرۋ - زەرتتەۋ جۇرگىزىپ مول ماتەريال توپتادىم، سونداي - اق شينجياڭعا كومەكتەسۋدىڭ شينجياڭعا الا كەلگەن وراسان زور وزگەرىسىن دە كوردىم.
اسقار تيانشان جىرلادى، كەستەلەدى، مادەنيەت جۇرەكتەرگە ءنار بەرەدى. جاڭا ءبىر رەتكى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى ورتالىقتاعى ورىندار مەن شينجياڭعا كومەكتەسەتىن 19 ولكە، قالا جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، شىنايى مويىنداۋدى كۇشەيتۋدى نىسانا ەتۋگە تاباندى بولىپ، نىسان قارجىسىنىڭ ۇسىنىلىم سەرپىنىن ۇزدىكسىز ارتتىرىپ، شينجياڭدى مادەنيەتپەن نارلەندىرۋدى ىشكەرىلەي، ەگجەي - تەگجەيلى ىلگەرىلەتىپ، شينجياڭنىڭ شينجياڭعا كومەكتەسەتىن ولكە، قالالارمەن كەڭ كولەمدى ارالاسۋىن، جاپپاي ىشتەسۋىن، تەرەڭدەي توعىسۋىن ۇزدىكسىز جەبەپ، ءار ۇلتتىڭ ورتاق رۋحاني مەكەنىن قۇردى.
مادەنيەت شەبىن بەكەمدەدى رۋحاني مەكەندى بىرگە قۇردى
”بويجەتكەن ۇكىلى تاقيا كيىپ، جاس كەلىنشەكتىڭ سىرعاسى جەڭىل ىرعالادى، جاس جىگىت التىن بەلبەۋ تاعىنعان...“ كيىز ءۇي پىشىنىندەگى اقشي اۋداندىق ماناس زەرتتەۋ ورتالىعىندا ۇلتتىق كيىم كيگەن ونەرپازدار قومۇز شەرتىپ، «ماناستى» اسقاقتاتا شىرقادى. 2021 - جىلى قۇرىلعاننان كەيىن وسى زەرتتەۋ ورتالىعى 100 رەتتەن استام ءتۇرلى ەكسكۋرسيالاۋ، تەكسەرۋ، زەرتتەۋ - ۇيرەنۋ قيمىلدارىن قابىلدادى.
جياڭسۋدان كەلگەن شينجياڭعا كومەكتەسۋشى كۇشتەر بۇل ارانى ماناس مادەنيەتىن جالپىلاستىراتىن ماڭىزدى الەۋمەتتىك يگىلىك سيپاتتى قۇرىلىمعا اينالدىرىپ، «ماناس» ەپوسىن ۇزدىكسىز شۇعىلا شاشتىردى. جياڭسۋ ولكەسىنەن شينجياڭعا كومەككە كەلگەن كادر، قىزىلسۋ قىرعىز اۆتونوميالى وبلىستىق پارتكوم ۇگىت ءبولىمىنىڭ ورىنباسار باستىعى جۋ لەي ءبىر توپ سان - سيفر ارقىلى تانىستىرىپ بىلاي دەدى: 11 ميلليون يۋان قارجى قوسىپ قىزىلسۋ وبلىستىق تەلەۆيزيا ستانسياسىن سالۋعا كومەكتەستىك؛ 8 ميلليون يۋاننان استام قارجى قوسىپ قىزىلسۋ وبلىسىنىڭ 3000 جىلدىق سالت - سانا كوشەسى ”جياڭسۋ سارايىن“ سالدىق؛ 12 ميلليون يۋان قارجى قوسىپ قىرعىز بەيزاتتىق مادەنيەت مۇرالارى كورمە سارايىن، ۇيرەتۋ - ۇيرەنۋ سارايىن جانە سەزىنۋ سارايىن سالدىق، 13 ميلليون 400 مىڭ يۋان قارجى قوسىپ اقشي اۋداندىق ماناس زەرتتەۋ ورتالىعىنا قولداۋ كورسەتتىك...
3 جىلدان بەرى شينجياڭعا كومەكتەسەتىن ءارقايسى ولكە، قالالار مادەنيەتتە شىنايى مويىنداۋدى كۇشەيتۋدى، ارالاسۋدى، ىشتەسۋدى، توعىسۋدى جەبەۋدى جۇڭحۋا ۇلتى ورتاق تۇلعا تانىمىن بەرىك ورناتۋدىڭ ماڭىزدى ءتاسىلى ەتۋگە تاباندى بولىپ، شينجياڭعا كومەكتەسۋگە 15 ميلليارد يۋاننان استام قارجى ورنالاستىردى، شينجياڭدى مادەنيەتپەن نارلەندىرۋ جانە ارالاسۋ، ىشتەسۋ، توعىسۋ نىسانىنان 1833ىن اتقاردى، شينجياڭنىڭ شينجياڭعا كومەكتەسەتىن ولكە، قالالارداعى ءار ۇلت كادرلارىمەن، بۇقاراسىمەن ارالاسۋى، ىشتەسۋى بارعان سايىن قويۋ بولىپ، سۇيىسپەنشىلىكتەرى بارعان سايىن ارتىپ، اناردىڭ دانىندەي تىعىز ۇيىستى.
نەگىزگى ساتى مادەنيەت شەبى شينجياڭدى مادەنيەتپەن نارلەندىرۋدىڭ ىرگە تاسى. 2010 - جىلدان بەرى سانشي شينجياڭعا كومەكتەسۋ بويىنشا ىلگەرىندى - كەيىندى 140 ميلليون يۋان قارجى قوسىپ، جاڭادان سالعان بۇقارالىق مادەنيەت الاڭ - ورىندارى 73 مىڭ شارشى مەترگە جەتتى؛ جياڭسۋ شينجياڭعا كومەكتەسۋ بويىنشا ەل ىشىندەگى ەڭ تاڭداۋلى جوبالاۋ، قۇرىلىس ۇيىرمەسىن ۇسىنىس ەتىپ، ىلە قازاق اۆتونوميالى وبلىستىق مۇراجايدى، لين زىشۇي ەسكەرتكىش سارايىن جوعارى دەڭگەيدە كومەكتەسىپ سالىپ، شۋرما قۇرباندار قابىرى وتانشىلدىق تاربيە بازاسى سياقتىلاردى سالدى؛ حۋنان شينجياڭعا كومەكتەسۋ بويىنشا تۇرپان قالاسىنداعى 20 نەشە وتانشىلدىق تاربيە بازاسىنىڭ ساپاسىن جوعارىلاتىپ، دارەجەسىن ءوسىرىپ، حۋنان ولكەسىنىڭ شينجياڭعا باعىتتامالى كومەكتەسۋ تاريحى كورمە سارايى، ”حۋناندىق 8000 بويجەتكەننىڭ تيانشانعا بارۋى“ تاريحي كورمە سارايى سياقتىلاردى سالىپ، ورتاق رۋحاني مەكەندى قۇردى.
9 - ايدىڭ 16 - كۇنى تۇستەن بۇرىن 64 جاستاعى شىن جيانمين حىنان ولكەسى كومەكتەسىپ سالعان قۇمىل وزەنى سازدىق باقشاسىنىڭ ەكولوگياسىن قالپىنا كەلتىرۋ نىسانى ”يۇييۋان باقشاسىنا“ باردى، بۇل اراداعى قۇمىل زەردەلى كىتاپ وقۋ كەڭىستىگى ”يۇيشۋفاڭ“ ونىڭ ۇنەمى ارالايتىن جەرى ەدى. ”مەنىڭ ءۇيىم جاقىن ماڭدا عانا، مەن ءار كۇنى وسىندا كەلىپ كىتاپ كورەمىن. بۇل ارانىڭ تەرەزەسى جاپ - جارىق، تازا، كىتاپ ءۇيى قاراپايىم دا تارتىمدى، مەنىڭ ويىمداعى قالاداعى كىتاپ ۇيىندەي“، - دەدى ول. وسى كىتاپ ءۇيىنىڭ باسقارۋشىسى لو جيا تانىستىرىپ بىلاي دەدى: حىنان شينجياڭعا كومەكتەسۋ بويىنشا قۇمىلعا 16 ميلليون يۋان قارجى قوسىپ، قۇمىل قالا رايونىندا زەردەلى كىتاپ ۇيىنەن 8ىن جاڭادان سالىپ، وزگەرتىپ سالىپ، قۇمىل ”15 مينۋتتىق كىتاپ وقۋ شەڭبەرىن“ تۇلعالادى.
3 جىلدان بەرى حىنان مادەنيەت جاعىندا شينجياڭعا كومەكتەسۋ بويىنشا جيىنى 250 ميلليون يۋان قارجى قوسىپ، 29 مادەنيەت نىسانىن اتقارىپ، ”يۇييۋان باقشاسىن“، زوگۇڭ مادەنيەت باقشاسى كورمەسىنىڭ دەڭگەيىن جوعارىلاتۋ، باركول قازاق اۆتونوميالى اۋدانىنىڭ اۋدان ءوڭىرى ساياحات نەگىزدىك قۇرىلعى قۇرىلىسى، حىنان − شينجياڭ تاريح، مادەنيەت اۋىس - كۇيىس بازاسى سياقتى نىسانداردىڭ جوباسى مەن قۇرىلىسىن ىلگەرىلەتىپ، وسى زامانعى الەۋمەتتىك مادەنيەت بويىنشا قىزمەت وتەۋ جۇيەسىن ۇزدىكسىز اقاۋسىزداندىرىپ، جان - جاقتى، كوپ ساتىلى، كەڭ سالالى شينجياڭدى مادەنيەتپەن نارلەندىرۋدىڭ جاڭا جاعدايىن تۇلعالادى.
”سىرتتان ەنگىزىپ“، ”سىرتقا شىعاردى“ ىشتەسۋ، ءوزارا توعىسۋ ارقىلى دوستىق - سۇيىسپەنشىلىكتى نىعايتتى
9 - ايدىڭ 15 - كۇنى 2 - كەزەكتى حۋنان بەيزاتتىق مادەنيەت مۇرالارى كورمەسى چىنجوۋ قالاسىندا اشىلدى، شينجياڭنىڭ قارىپ سۋرەت سالۋ، تۇرپاننىڭ ءتۇستى قىش بۇيىمدارى، توقسۇننىڭ اق گاۋلياڭنان نان جابۋ ونەرى، جەرگىلىكتى قىش بۇيىمداردى قالىپتا جاساۋ تاسىلىمەن ورتەپ جاساۋ شەبەرلىگى سياقتى تۇرپاننىڭ بەيزاتتىق مادەنيەت مۇرالارى نىساندارى كوزدىڭ جاۋىن الىپ، ساياحاتشىلارعا شينجياڭنىڭ بەيزاتتىق مادەنيەت مۇرالارىنىڭ باۋراۋ قۋاتىن تولىق سەزىندىردى.
”وسى رەتكى كورمە - ماجىلىستە مەنىڭ شينجياڭنىڭ جەر جاعدايى مەن ەل جاعدايىن بەينەلەيتىن تۋىندىم قارىپ سالىنعان سۋرەتتەردى ادامدار ەرەكشە ۇناتتى، 3 كۇندە 5000 يۋاندىق سۋرەت ساتتىم“، - دەدى 9 - ايدىڭ 18 - كۇنى كورمەگە قاتىناسۋعا بارعان تۇرپان قالا دارەجەلى بەيزاتتىق مادەنيەت مۇرالارىن جالعاستىرۋشى كەرىم رازاق. حۋنان ولكەسىنىڭ شينجياڭعا باعىتتامالى كومەكتەسۋىنىڭ ارقاسىندا، ول جەر - جەردەگى تاڭداۋلى بەيزاتتىق مادەنيەت مۇرالارىن جالعاستىرۋشىلارمەن تانىستى، كوپشىلىك بەيزاتتىق مادەنيەت مۇرالارىن دانەكەر ەتىپ، شەبەرلىك جايىندا كەڭەسىپ، بەيزاتتىق مادەنيەت مۇرالارىن توعىستىرۋ بارىسىندا دامىتتى.
مادەنيەتتە شىنايى مويىنداۋ − ەڭ تەرەڭ قاتپارلى شىنايى مويىنداۋ. سوڭعى جىلدارى شينجياڭعا كومەكتەسەتىن ولكە، قالالار مەن ورتالىقتاعى ورىندار ”سىرتتان ەنگىزۋ“ مەن ”سىرتقا شىعارۋدى“ ءوزارا ۇشتاستىرۋعا تاباندى بولىپ، 8200 رەتتەن استام ادەبيەت - كوركەمونەر كونسەرتى، مادەنيەت لەكسياسى، حاتكەرلىك - سۋرەت كورمەسى سياقتى ءتۇرلى قيمىلداردى ۇيىمداستىرىپ، ۇلتتاردىڭ تاڭداۋلى مادەنيەتى جونىندەگى اۋىس - كۇيىستى، ءوزارا ۇلگى الۋدى ىلگەرىلەتىپ، ءار ۇلت بۇقاراسى قايتا - قايتا اۋىس - كۇيىس جاساۋ، ءتۇيىلىسۋ بارىسىندا جۇرەكتەرى بارعان سايىن جاناسىپ، سۇيىسپەنشىلىكتەرى بارعان سايىن قويۋلادى.
− شاڭحاي قالاسىنىڭ شينجياڭعا باعىتتامالى كومەكتەسۋى مادەنيەتتىڭ قۇنارلى توپىراعىنا تەرەڭ تامىر تارتتى، قاشقار ايماعىنداعى كوپتەگەن مەكتەپتەرگە كۇنجۇي تەاترى، جيڭجۇي تەاترى سياقتى تەاتردىڭ كلاسسيك تۋىندىلارىن ەنگىزىپ، كوركەمونەر فاكتورىن مەكتەپ اۋلاسىنا كىرگىزىپ، وقۋشىلاردىڭ ءتىپتى دە كوپ تاڭداۋلى ءداستۇرلى مادەنيەتتى كورۋىنە وراي جاراتتى؛ مور بۇتحاناسى بايىرعى جۇرتى باقشاسىن جوسپارلاپ، جوبالاپ ءارى سالىپ، قاشقار تاريحىن اۋەلگى قالپىنا كەلتىرىپ جانە قايتا كورسەتىپ، قاشقار ايماعىنىڭ مادەنيەت، ساياحات كاسىبىنىڭ دامۋىن ىلگەرىلەتتى جانە جەبەدى؛ «ياركەن وزەنى» اتتى جاراتىلىستىق، گۋمانيتارلىق حۇجاتتى فيلمدى سايكەستىرىپ، ۇيىمداستىرىپ ءتۇسىرىپ، ياركەن وزەنى الابىنداعى ءار ۇلت حالقىنىڭ ورتاق تاريحىن جان - جاقتى پايىمدادى جانە كورسەتتى.
− تيانجين شينجياڭعا كومەكتەسۋ بويىنشا حوتان ايماعىنداعى شينۇي ءان - ءبي ۇيىرمەسىن، ءارقايسى اۋدان، قالالارداعى ويىن - ساۋىق ۇيىرمەسىن جانە حالىق ونەرپازدارىن، ت. ب تيانجينگە اۋىس - كۇيىس جاساۋعا توپقا ءبولىپ ۇيىمداستىرىپ جىبەرىپ، ”تيانجين − حوتان بەرەكەلى شاڭىراعى، جۇڭچيۋدا باس قوسۋدى اڭگىمەلەۋ“ سياقتى ويىنداردى قويدى؛ ”ءبىزدىڭ جۇڭگو ارمانىمىز . جۇڭحۋا مادەنيەتى حوتاندى نۇرلاندىردى“ دەگەندى نەگىزگى تاقىرىپ ەتىپ، تيانجين مادەنيەت - كوركەمونەر ۇيىرمەسىن حوتانعا بارىپ ”كوكتەم جاڭبىرى ينجەنەرياسى“ بويىنشا تيانجين قالاسىنىڭ مادەنيەت ەرىكتىلەرىنىڭ شەكارا وڭىرگە ساپارى، تيانجين سيمفونيا وركەسترى مادەنيەت ەرىكتىلەرىنىڭ حوتانعا ساپارى سياقتى اۋىس - كۇيىس كونسەرت قيمىلىن ورىستەتۋگە ۇيىمداستىردى.
− فۋجيان ولكەسى فۋجيان جاستارى مەن ورەندەرىنىڭ شينجياڭعا بارۋى، سانجى حۇيزۋ اۆتونوميالى وبلىسىنداعى جاستار مەن ورەندەردىڭ فۋجيانعا بارىپ زەرتتەۋ، ۇيرەنۋ جۇرگىزۋ قيمىلىن وتكىزىپ، ەكى جەردەگى جاستار مەن ورەندەردىڭ حات جولداۋىن، ”بۇلتتا“ باس قوسۋىن ۇيىمداستىردى، بۇعان جالپى 22 مىڭ ادام (رەت) قاتىناستى؛ فۋجيان − سانجى بەيزاتتىق مادەنيەت مۇرالارى اۋىس - كۇيىس قويىلىمىن، كورمەسىن جانە نازاريالىق ۇگىت لەكسيا جەلىلەس قيمىلىنان 10 رەتتەن استام وتكىزدى؛ ساياحاتتىق ۇشاق مايلاۋدى، ارناۋلى كەزەكشى پويەز مايلاۋدى جانە مادەنيەت - ساياحاتتى تانىستىرۋ ءماجىلسىن ۇيىمداستىرىپ، فۋجياندىق ساياحاتشىلاردان شامامەن 22 مىڭ ادامدى (رەت) شينجياڭعا كەلۋگە باۋرادى.
...
مادەنيەت ارقىلى شينجياڭدى نارلەندىرىپ، تىلەكتەستىك گۇلى تيانشان باۋرايىندا قۇلپىرا شەشەك اتتى. شينجياڭعا كومەكتەسكەن ءارقايسى ولكە، قالالاردىڭ قولداۋىندا، كومەگىندە، ءۇرتىس 3 جىل باۋلۋ ارقىلى ”شينجياڭ جاقسى جەر“ اتىنداعى شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالار كورمەسى شينجياڭدى مادەنيەتپەن نارلەندىرۋدىڭ ەرەكشە ماركا قيمىلىنا جانە شينجياڭنىڭ بەيزاتتىق مادەنيەت مۇرالارىن قورعاۋدىڭ جانە مادەنيەت قۇرىلىسىنىڭ دامۋ تابىستارىن ايگىلەۋدىڭ، ىشتەسۋدى، ارالاسۋدى كۇشەيتۋدىڭ ماڭىزدى تۇعىرىنا اينالدى.
”قان قۇيۋعا“، ”قان جاساۋعا“ تەڭ ءمان بەردى ىشكى قوزعاۋشى كۇشتى ارتتىردى
9 - ايدىڭ 19 - كۇنى حوتان ايماعى شينيۇي جەڭىل اتتى اسكەرلەر ”ءۇشتى بىرلەستىرۋ“ كونسەرتى جانە كولەمدى تاريحي ءبي تەاترى «بەس جۇلدىز شىعىستان كوتەرىلدى» ارالاپ قويۋ كونسەرتى حوتان قالاسى يۇرۇڭقاش قالاشىعى قىرقارىق قىستاعىندا قويىلدى، بۇلىقىسىعان ”شىراق ءبيى“، سالاۋاتتى دا بايسالدى ”قامقا كەستە ءبيى“، جالىندى دا جاندى ”بازار ءبيى“... «بەس جۇلدىز شىعىستان كوتەرىلدى» ءبي تەاترىنداعى ءتۇرلى ەرەكشەلىككە يە ءبي بولىكتەرى مايدانداعى قىستاق تۇرعىندارىنىڭ كوز مەيىرىن قاندىردى.
”«بەس جۇلدىز شىعىستان كوتەرىلدىنى» بەيجيڭ ونەر كورسەتۋ توبى بەيجيڭ قالاسىنىڭ شينجياڭعا كومەكتەسەتىن حوتان قولباسشىلىق شتابىمەن، حوتان ايماقتىق پارتكوم ۇگىت بولىمىمەن بىرلەسىپ بىرگە جاساعان. بيىل ءبي جاساۋشىلار مەن تىرەكتى ارتيستەردىڭ جەتەكشىلىگىندە جانە كومەگىندە، وسى ءبي تەاترى حوتانعا تەرەڭ تامىر تارتتى. ءبىز ءبي تەاترىنىڭ تارتىمدى بولىكتەرىن ءارقايسى اۋىل - قىستاقتارعا جەتكىزىپ، ءار ۇلت بۇقاراسىمەن شينجياڭدى مادەنيەتپەن نارلەندىرۋدىڭ تابىستارىن ورتاقتاسامىز“. حوتان ايماقتىق شينيۇي ءان - ءبي ۇيىرمەسى پارتيا ياچەيكاسىنىڭ ورىنباسار شۋجيى تۇرسۇنجان ابدوللا بىلاي دەدى: «بەس جۇلدىز شىعىستان كوتەرىلدى» ءبي تەاترىن دايىنداۋ، قويۋ شينيۇي ءان - ءبي ۇيىرمەسىنىڭ دامۋىنا قوزعاۋشىلىق ەتىپ، كاسىپتىك ادەبيەت - كوركەمونەر دارىندىلارىن باۋلىپ شىقتى.
دالمە - ءدال ”قان قۇيۋدان“، ”قان جاساۋدى“ كۇشەيتۋدەن ”قان اينالىسىن جاقسارتۋعا“ كۇش ۇستەۋگە دەيىن، شينجياڭعا كومەكتەسكەن ولكە، قالالار مادەنيەت جاعىندا شينجياڭعا كومەكتەسۋ ۇلگىسىن جاڭالىق اشا ىلگەرىلەتىپ، مادەنيەت ارقىلى ادام باۋلىپ، زەيىن - زەردەنى ۇيىستىرىپ، رۋحتى سومداپ، كومەك قابىلداعان جەرلەردىڭ مادەنيەتىنىڭ دامۋىنا قۋاتتى ىشكى قوزعاۋشى كۇش قوستى. جاقىنعى 3 جىلدا بەيجيڭ قالاسى شينجياڭدى مادەنيەتپەن نارلەندىرۋ نىسانىنان 158ىن اتقارىپ، شارپىعان قارجى ءبىر ميلليارد 670 ميلليون يۋان بولىپ، ”بەيجيڭ − حوتان جىبەك جولى سۇيىسپەنشىلىگى“ استانانىڭ شينجياڭدى مادەنيەتپەن نارلەندىرۋ ماركاسىن تۇلعالادى، حوتاندا بەيجيڭ ”شينجياڭدى مادەنيەتپەن نارلەندىرۋ“ شىعارماشىلىق، ءومىر ۇيرەنۋ بازاسىن قۇرىپ، استاناداعى جازۋشىلاردى، حاتكەرلەردى، ساحنالىق كوركەمونەرشىلەردى حوتانعا كەلىپ شىعارماشىلىقپەن اينالىسۋعا، ءومىر ۇيرەنۋگە بەلسەنە ۇيىمداستىردى؛ ”توپىراقتى نارلەندىرۋ ينجەنەرياسىن“ ورىستەتىپ، «گۋگۋڭ سارايىنداعى ۇلكەن قۇبىجىق» سياقتى تاڭداۋلى تەاتر نومىرلەرىن ەنگىزدى.
اسقار تايحاڭشان تاۋىنان تيانشان تاۋىنىڭ باۋرايىنا دەيىن، سانشي ولكەسى ”ادەبيەت - كوركەمونەر جەڭىل اتتى اسكەرلەر“ قيمىلىن جاڭالىق اشا ورىستەتىپ، تاڭداۋلى جەرگىلىكتى تەاتر نومىرلەرىن جانە ءجىپتى قۋىرشاق، جياڭجوۋ بارابان مۋزيكاسى سياقتى ”سانشيدىڭ ەرەكشە ونەرلەرىنىڭ“ نەگىزگى ساتىعا بارۋىن ىلگەرىلەتىپ، شينجياڭدى مادەنيەتپەن نارلەندىرۋدىڭ ”توزعاناق تۇقىمىن“ سەپتى؛ جيلين ولكەسى مامانداردى التاي ايماعىنا بارىپ «كوكتوعاي مەنىڭ ارمانىم» اتتى كولەمدى تەاتردى جوبالاۋعا، جەتەكشىلىك ەتۋگە سايكەستىردى، تەاتر شينجياڭنىڭ ءىشى - سىرتىندا كۇشتى اڭىس قوزعادى؛ لياۋنيڭ ولكەسى لياۋنيڭ ولكەسىندەگى سۇن جيڭكۇن، تارباعاتاي ايماعىنداعى ۋي دىيوۋ سىندى ەكى ”1 - شىلدە وردەنى“ يەگەرىنىڭ ىزگى ىستەرىن ماتەريال ەتكەن ”8000 شاقىرىمدىق جولداعى قاھارماندار سۇيىسپەنشىلىگى − ۋاقىت پەن كەڭىستىكتەن اتتاعان يدەيا - ساياسي ساباعىن“ ۇيىمداستىرىپ دايىندادى، بۇكىل ەلدەگى تىكە تاراتاتىن مەديالارداعى ءتۇرتىلىم مولشەرى 3 ميلليون رەتتەن استى.
تاعدىرلاسپىز، جولىمىز دا جالعاسقان، مەكەن ورتاق، ورتاق ءارى ايلى اسپان. 3 جىلدان بەرى شينجياڭعا كومەكتەسكەن ولكە، قالالار جۇرت تىلەگىن ۇيىستىرۋدى ءتۇبىر ەتۋگە تاباندى بولىپ، شينجياڭنىڭ ءارقايسى ايماق، وبلىس، قالالارىمەن ءوزارا 270تەن استام پارتيا، ۇكىمەت ۋاكىلدەر ۇيىرمەسىن جىبەرىپ، كومەك بەرگەن جانە كومەك قابىلداعان ەكى جەردەگى اۋىل - قالاشىقتاردىڭ (ءمالى) 570دەن استام جۇپ قۋراۋىن، قىستاقتاردىڭ (الەۋمەتتىك اۋماق) 1500دەن استام جۇپ قۇراۋىن ىلگەرىلەتىپ، ورەندەردىڭ، بالالاردىڭ قول ۇستاسۋ قيمىلىن ۇيىمداستىرىپ ورىستەتتى، قاتىناسۋشىلاردىڭ سانى 700 مىڭ رەتتەن (ادام) اسىپ، ۇلتتاردىڭ كەڭ كولەمدى ارالاسۋىن، جاپپاي ىشتەسۋىن، تەرەڭ توعىسۋىن ءونىمدى ىلگەرىلەتتى.
نەگىزدىك قۇرىلعىلاردى كومەكتەسىپ سالۋدان تاڭداۋلى تەاتر نومىرلەرىن ۇسىنۋعا دەيىن، بەيزاتتىق مادەنيەت مۇرالار كورمەسىنەن مادەنيەت دارىندىلارىن باۋلۋعا دەيىن... تيانشان الابىنداعى ءاربىر ناقتى مادەنيەت جاعىندا شينجياڭعا كومەكتەسۋ نىساندارى جۇڭحۋا ۇلتى ورتاق تۇلعا تانىمىن بەرىك ورناتۋدىڭ تەرەڭ تاڭباسىن قالدىرىپ، ۇلتتار ىنتىماعىنىڭ، توعىسا ەكپىندەي ىلگەرىلەۋدىڭ ادامدى اسەرلەندىرەتىن تاراۋىن جازدى.
