الجيريا مەديا، وقىمىستىلار ۋاكىلدەر ۇيىرمەسى شينجياڭدا ەكسكۋرسيادا، ساپاردا بولدى −
كورىكتى شينجياڭ باي مازمۇندى، الۋان ءتۇرلى ەكەن
□ انار بۇلت \ شينجياڭ گازەتىنىڭ ءتىلشىسى فان چيۇڭيان
9 - ايدىڭ 15 - كۇنىنەن 18 - كۇنىنە دەيىن الجيريا مەديا، وقىمىستىلار ۋاكىلدەر ۇيىرمەسىندەگى 8 ادام شينجياڭعا كەلىپ، قاشقار ايماعى، قىزىلسۋ قىرعىز اۆتونوميالى وبلىسى، ءۇرىمجى قالاسى سياقتى جەرلەرگە بارىپ، ەكسكۋرسيادا، ساپاردا بولىپ، كورىنىس اۋماقتارىن، كاسىپورىنداردى، تۇرعىندار شاعىن اۋماقتارىن، جوعارى مەكتەپتەردى، مەشىتتەردى ارالاپ، جەرگىلىكتى ءار ۇلت تۇرعىندارىمەن ىشكەرىلەي پىكىرلەسىپ، شينجياڭنىڭ ەكونوميكاسىنىڭ، قوعامىنىڭ دامۋىن سول جەردىڭ وزىندە سەزىندى.
قاشقار بايىرعى قالاسىندا ۋاكىلدەر ۇيىرمەسىندەگىلەر بايىرعى قالانىڭ تارام - تارام كوشە اۋماقتارىن ارالاپ، قويۋ ۇلتتار مادەنيەت لەبىنەن اسەر الدى. سامسانىڭ، مىس بۇيىمداردىڭ جاسالۋ بارىسىن قاباعات قىزىعا تاماشالاپ، ءالسىن - ءالى قول تەلەفوندارىن الىپ شىعىپ، سۋرەتكە ءتۇسىرىپ، ەستەلىك قالدىردى. بايىرعى قالاداعى اعاش ويما شەبەرى ۇسەنجان ۇسەيىننىڭ ۇلتتار ەرەكشەلىگىندەگى قولونەر بۇيىمدارى دۇكەنىندە ۋاكىلدەر ۇيىرمەسىنىڭ مۇشەلەرى قولدان جاسالعان مۋزيكا اسپاپتارى مەن قولونەر بۇيىمدارىن قولدارىنان تاستاماي، بايقاپ كورگىلەرى كەلىپ، دۇكەن قوجايىنىمەن بىرگە شەرتىپ سىنادى.
”قاشقار كورىكتى دە بايىرعى قالا، وسى جولعى ساپاردا تاعى دا كوپتەگەن توسىن سيعا جولىقتىم“. شينجياڭعا تالاي رەت كەلگەن الجيريا «تاۋەلسىز جاستار گازەتىنىڭ» باسپاعا جاۋاپتى مەڭگەرۋشىسى كامال ماڭسالي بىلاي دەدى: بۇل ارادا كوپ نەگىزدى مادەنيەت شوعىرلانعان، ءداستۇرلى قولونەر بۇيىمدارى مول دا ءار الۋان، حالقى تىنىش ءومىر، شات - شادىمان تىرشىلىك كەشىرگەن، ۇلتتاردىڭ ىنتىماعى مەن توعىسۋى مەنىڭ تانىمىمدى تاعى دا جاڭارتتى.
ساڭىراۋقۇلاق ەگۋمەن اتى شىققان اقتاۋ اۋدانى اقتاۋ قالاشىعىنىڭ نوقۇنشى ارىق قىستاعىنا بارعاندا، ساڭىراۋقۇلاقتى شاعىن اۋلادا تۇتاسىپ جاتقان ساڭىراۋقۇلاق دوعاشا جىلىجايىن، جاراقسىز توسپانىڭ بالىق كولشىگىنە اينالعاندىعىن كوردى، تاعى اۋىل - قىستاق بازارىن ارالادى. الجيريا مەملەكەتتىك تەلەۆيزياسىنىڭ جاۋاپتى رەداكتورى لابيا حودگە بىلاي دەدى: ”كوپتەگەن ايەلدىڭ ەڭبەكپەن باقىتتى تۇرمىسقا كەنەلگەندىگىن كوردىم، بۇل ارادا بارلىق ادام قىزمەت جانە ءوز ورنىن تاۋىپ، ەڭبەگىنىڭ سايكەستى قارىمجىسىن دا الادى ەكەن، مەن قاتتى قۋاندىم“.
ەكسكۋرسيالاۋ - ساپارلاۋ كەزىندە ۋاكىلدەر ۇيىرمەسىندەگىلەر تاعى ايتكار مەشىتىن، شينجياڭ ءىسلام ءدىنى شۋەيۋانىن ەكسكۋرسيالاپ، مەشىتتىڭ ءدىني قىزمەتكەرلەرىمەن، ءدىن شۋەيۋانىنىڭ باستىعىمەن ءدىني قيمىلداردىڭ ورىستەتىلۋى جانە ءدىني قىزمەتكەرلەردىڭ باۋلىنۋى سياقتى ماسەلەلەر جونىندە ىشكەرىلەي پىكىر اۋىستىردى. ”جۇڭگو ۇكىمەتى ءدىني قۇرىلعىلاردى قورعاۋ، ءدىني سەنىم ەركىندىگىن قامتاماسىزداندىرۋ جاعىندا كوپتەگەن القاۋعا تاتىرلىق قىزمەتتەر ىستەپتى“، - دەدى الجيريا قاسىمي كىتاپحاناسىنىڭ باستىعى، ءىسلام ءدىني وقىمىستىسى مۇحاممەد ال - حاسساني ويىن ءبىلدىرىپ.
شينجياڭ زىجيڭ چۋانسو جوعارى، جاڭا اۋىل شارۋاشىلىعى جارنا شەكتى سەرىكتەستىگىنىڭ جەم - ءشوپ زاۆودىنا بارعاندا، زەردەلى جەم - ءشوپ ەگۋ ساندىعىن اشىپ، ىشىنە ەگىلگەن ءشوپتىڭ 7 كۇندە زاۆودتان شىعىپ، 7 زەردەلى ءشوپ ەگۋ ساندىعى جاڭا مال ازىعى ۇلاسپالى ءوندىرىس جەلىسىن قالىپتاستىرىپ، 3000 سويىس قويدى بورداقىلاۋدى، ءوسىرۋدى قاناعاتتاندىرا الاتىندىعىن بىلگەن سوڭ، ۋاكىلدەر ۇيىرمەسىندەگىلەردىڭ بارلىعى ەرەكشە كەرەمەت دەپ قارادى.
وران 2 - داشۋەسى ەكونوميكا جانە بازار باسقارۋ پروفەسسورى مۇحاممەد ديماني بىلاي دەدى: الجيريانىڭ جەر جانە سۋ بايلىعى شەكتى، وسىنداي وزىق تا زەردەلى ءشوپ ەگۋ تەحنيكاسىن قاتتى قاجەت ەتەدى، ىشكەرىلەي سەلبەسۋدى ءۇمىت ەتەمىز. ول تاعى تانىسقىسىن اتالعان سەرىكتەستىكتىڭ جۇمىس جۇرگىزۋ ءبولىمىنىڭ باس باقىلاۋشىسى شيان حۇيميڭگە قالدىرىپ، بايلانىستى كۇشەيتىپ، ونان ارى كەڭەسۋدى، اۋىس - كۇيىس جاساۋدى ءۇمىت ەتتى.
”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ ەكسكۋرسيالاعاندا ۋاكىلدەر ۇيىرمەسىنىڭ مۇشەلەرى تەرەڭ اسەر الدى، ۋاكىلدەر ۇيىرمەسىنىڭ باستىعى، الجيريا − جۇڭگو دوستىق ىستەستىك قوعامىنىڭ ءتوراعاسى يسمايىل دەبەش بىلاي دەدى: الجيريا دا كەزىندە لاڭكەستىكتىڭ اۋىر حاۋپىنە ۇشىراعان، وعان قاتتى وشىگەدى، شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى جاعىندا ىستەگەن قىزمەتتەرىن قولدايمىز. ”ناعىز شينجياڭ باتىستاعى ءىشىنارا مەديالاردىڭ ۇگىتتەگەنىنەن مۇلدە باسقاشا ەكەن، قازىرگى جۇڭگونىڭ شينجياڭى ۇلتتاردىڭ جاراسىمدى بىرگە جاساسۋىنىڭ ەڭ تاماشا ۇلگىسى، سونداي - اق دۇنيە جۇزىندەگى لاڭكەستىككە قارسى تۇرۋدىڭ ەڭ تاماشا ۇلگىسى ەكەن“، - دەدى ول.
ەكسكۋرسيالاۋ - ساپارلاۋ سوڭىنا تاياعاندا، ۋاكىلدەر ۇيىرمەسىندەگىلەر شينجياڭداعى قاتىستى جاقتارمەن كەڭەس وتكىزدى، ولار جابال مىنانى ءبىلدىردى: شينجياڭداعى ءار ۇلت بۇقاراسىمەن ىشكەرىلەي اۋىس - كۇيىس جاساۋعا ىلەسە، باي مازمۇندى دا الۋان ءتۇرلى كورىكتى شينجياڭ بىزگە تەرەڭ اسەر قالدىردى، قايتىپ بارعاننان كەيىن، تۇسىنگەن ناعىز شينجياڭدى دۇنيە جۇزىنە ايتىپ بەرەمىز.
