انار بۇلت \ شينجياڭ گازەتىنىڭ ءتىلشىسى فان چيۇڭيان 9 - ايدىڭ 19 - كۇنى ۇرىمجىدەن حابارلايدى. اۆتونوميالى رايوندىق ۇكىمەتتىك قىزمەت وتەۋ جانە الەۋمەتتىك بايلىق ايىرباس ورتالىعىنان ۇعىسۋىمىزشا، 9 - ايدىڭ 15 - كۇنى شينجياڭنىڭ تۇڭعىش ”كاسىپورىن قۇرۋ“، ”كاسىپورىندى تىزىمنەن ءوشىرۋدى قاراپايىمداستىرۋ“ نەگىزگى تاقىرىپتىق شوعىرلى قىزمەت وتەۋ بلوكچەين سىناق ءتۇيىنىنىڭ قولدانىم تابىستارى جاريالانعان.
اتالعان قولدانىم اۆتونوميالى رايوننىڭ ءبىر تۇلعالانعان ۇكىمەتتىك قىزمەت وتەۋ تۇعىرىن تياناق ەتە وتىرىپ، بلوكچەين ساندى مالىمەتىنەن تەڭ يگىلىكتەنۋ ۇلگىسىندە ىزدەنىس جاساۋ، پايدالانۋ ارقىلى ۇكىمەتتىك ىستەر ساندى مالىمەتىن تاراۋ اتتاي، ءوڭىر اتتاي وتىرىپ بىرگە قورعاۋدى جانە پايدالانۋدى جۇزەگە اسىرىپ، جۇمىستاردى سايكەسە ءبىتىرۋدى ىلگەرىلەتەدى. قازىر اۆتونوميالى رايوندىق بازار باقىلاۋ - باسقارۋ مەكەمەسى، قوعام حاۋىپسىزدىگى مەڭگەرمەسى، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، تۇرعىن ءۇي جانە قالا، اۋىل قۇرىلىسى مەڭگەرمەسى، سالىق ىستەرى مەكەمەسى، ەمدەۋدى قامتاماسىزداندىرۋ مەكەمەسى سياقتى 6 مەڭگەرمە - مەكەمەنىڭ 9 ءتۇرلى جۇمىس جۇيەسى ءتۇيلىستىرىلىپ، العاشقى ماتەريالداردى ءبىر جولدا تاپسىرۋ، ينتەرنەت جەلىسىندە ءبىر جولدا ءوتىنىش ەتۋ، سوڭىندا ۇكىمەتتىك ىستەر ساندى مالىمەتىنەن ءدال كەزىندە تەڭ يگىلىكتەنۋدى، جۇمىستاردى سايكەسە ءبىتىرۋدى جۇزەگە اسىرىپ، جيىنى 20 مىڭنان استام جۇمىستى ءبىتىردى.
اۆتونوميالى رايوندىق ۇكىمەتتىك قىزمەت وتەۋ جانە الەۋمەتتىك بايلىق ايىرباس ورتالىعى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى جاۋ يان مىنانى ءبىلدىردى: ”اتالعان سىناق ءتۇيىنى قولدانىمى − ۇكىمەتتىك قىزمەت وتەۋدىڭ جاڭالىق اشا دامۋىنىڭ جاڭا باستاماسى، شارۋاشىلىق - ساۋدا ورتاسىن ساپالىلاندىرۋ، بازاردىڭ ومىرشەڭدىك كۇشىن تاسقىنداتۋ، ەكونوميكانىڭ دامۋىن جەبەۋ جونىنەن ماڭىزدى مانگە يە“.
بۇرىندارى كاسىپورىن قۇرۋ كوپتەگەن تاراۋدىڭ تەكسەرىپ بەكىتۋىنە ساياتىن، راسمياتتارى شىتىرمان، پەريوتى ۇزاق، كوپ شاپقىلاۋعا تۋرا كەلەتىن. ال قازىر تۇڭعىش ”بلوكچەين + ۇكىمەتتىك قىزمەت وتەۋ“ تەحنيكاسى سىناق ءتۇيىنى قولدانىمىن تياناق ەتىپ، ءبىر تەرەزەدە نەمەسە شينجياڭ ۇكىمەتتىك قىزمەت وتەۋ تورىندا كەستە تولتىرىپ، ءبىر رەت ماتەريال تاپسىرسا بولعانى، سوڭىندا ساندى مالىمەتتەن ءدال ۋاعىندا تەڭ يگىلىكتەنۋدى، كاسىپتىك جۇمىستاردى سايكەسە ءبىتىرۋدى جۇزەگە اسىرۋعا بولادى.
اۆتونوميالى رايوندىق ۇكىمەتتىك قىزمەت وتەۋ جانە الەۋمەتتىك بايلىق ايىرباس ورتالىعى ۇلكەن ساندى مالىمەت ءبولىمىنىڭ ورىنباسار باستىعى ۋاڭ گۋاڭۋىن بىلاي دەپ تانىستىردى: ەسەپتەۋ ارقىلى سىناق ءتۇيىنى قولدانىمى ىسكە قوسىلعاننان كەيىن، جۇمىس بىتىرەتىن كاسىپورىنداردىڭ 4 رەت از شاپقىلاۋىنا، ماتەريالدى قايتا تولتىرىپ جولداۋ 4 رەت از قايتالانادى، تۇتاس تۇلعالىق جۇمىس ءبىتىرۋ ونىمدىلىگى بارىنشا جوعارىلايدى. كەلەسى قادامدا ورتالىق بلوكچەيننىڭ وزەكتى باسىمدىعىن تولىق ساۋلەلەندىرىپ، ۇكىمەتتىك قىزمەت وتەۋ قولدانىمىنىڭ ىسكە قوسىلۋ كولەمىن كەڭەيتە تۇسەدى.
9 - ايدىڭ 4 - كۇنى مەملەكەتتىك كەڭەس كەڭسەسى «مەملەكەتتىك ءبىر تۇلعالانعان ۇكىمەتتىك قىزمەت وتەۋ تۇعىرىن تياناق ەتىپ، ۇكىمەتتىك قىزمەت وتەۋ ونىمدىلىگىن جوعارىلاتۋ ۇدايىلانعان قىزمەت مەحانيزمىن ورناتۋ جونىندەگى پىكىردى» باسىپ تاراتىپ، جەرگىلىكتى ورىنداعى تاراۋلاردىڭ ۇكىمەتتىك قىزمەت وتەۋ ونىمدىلىگىن جوعارىلاتۋىنا قاتىستى 57 ءتۇرلى تيپتىك تاجىريبە مىسالىن سارالاپ، جيناقتادى مۇنىڭ ىشىندە، اۆتونوميالى رايوننىڭ ”كاسىپورىن قۇرۋ“ بلوكچەين تەحنيكاسى سىناق ءتۇيىنى قولدانىمى ءساتتى تاڭدالىپ، بۇكىل ەل كولەمىندە جالپىلاستىرىلدى.
