انار بۇلت \ شينجياڭ گازەتىنىڭ ءتىلشىسى حي حۇڭۋي 9 - ايدىڭ 19 - كۇنى ۇرىمجىدەن حابارلايدى. 3 - جاقتىڭ ساناق ساندى مالىمەتى، 1 - ايدان 8 - ايعا دەيىن شينجياڭنىڭ جۇزەگە اسىرعان توراپتاعى ساۋدا سوماسى 214 ميلليارد 948 ميلليون يۋان بولىپ، سايكەس مەزگىلدەگىدەن ％38. 17 ارتىپ، مەملەكەتتىڭ ورتاشا دەڭگەيىنەن 67. 6 پايىز جوعارى بولعاندىعىن؛ مۇنىڭ ىشىندە توراپتاعى بولشەك ساتۋ سوماسى 43 ميلليارد 961 ميلليون يۋان بولىپ، سايكەس مەزگىلدەگىدەن ％07. 19 ارتىپ، مەملەكەتتىڭ ورتاشا دەڭگەيىنەن 91. 5 پايىز جوعارى بولىپ، ينتەرنەت جەلىسىندەگى تۇتىنۋ كومەسكى كۇشىنىڭ ۇزدىكسىز جارىققا شىققاندىعىن ايگىلەدى.
دەمالىس، ويىن - ساۋىق، ينتەرنەت جەلىسىندەگى ساياحات سياقتى قىزمەت وتەۋ كاسىبىنىڭ تۇتىنۋى جەدەل جاندانىپ، ەلەكتروندى ساۋداداعى تۇتىنۋدى جەبەۋ، جەتەكتەۋ رولى كورنەكتىلەنە ءتۇستى. 1 - ايدان 8 - ايعا دەيىن شينجياڭنىڭ ينتەرنەت جەلىسىندەگى اس - سۋىنىڭ، ينتەرنەت جەلىسىندەگى ساياحاتىنىڭ جانە تۇرمىستىق قىزمەت وتەۋىنىڭ جەكە - جەكە جۇزەگە اسىرعان توراپتاعى بولشەك ساتۋ سوماسى 8 ميلليارد 765 ميلليون يۋان، 2 ميلليارد 753 ميلليون يۋان جانە ءبىر ميلليارد 793 ميلليون يۋان بولىپ، جيىنتىعى سول تۇستاعى توراپتاعى بولشەك ساتۋ سوماسىنىڭ ％28. 30ىن يەلەگەن. 8 - ايدا، شينجياڭنىڭ قىزمەت وتەۋ تۇرىندەگى توراپتاعى بولشەك ساتۋ سوماسى ءبىر ميلليارد 511 ميلليون يۋانعا جەتىپ، سايكەس مەزگىلدەگىدەن ％68. 56 ارتىپ، بۇكىل ەلدىكىنەن ％52. 28 جوعارى بولعان، ينتەرنەت جەلىسىندەگى اس - سۋ، ينتەرنەت جەلىسىندەگى ساياحات جانە تۇرمىستىق قىزمەت وتەۋ كاسىپتىڭ الدىڭعى 3 ورىنىن يەلەپ، جۇزەگە اسىرعان توراپتاعى بولشەك ساتۋ سوماسى جەكە - جەكە 914 ميلليون يۋان، 303 ميلليون يۋان جانە 187 ميلليون يۋان بولعان.
تىكە تاراتۋ ەلەكتروندى ساۋداسىنىڭ تۇتىنۋدى جەبەۋ رولى كورنەكتىلەنە ءتۇسىپ، اۋىل - قىستاقتىڭ ەلەكتروندى ساۋداسى تىڭ جالىندى كۇشتى تۋىنداتتى. ينتەرنەت ينفورماتسيا تەحنيكاسىنىڭ تەرەڭ قولدانىسقا تۇسۋىنە ىلەسە، تىكە تاراتۋ ەلەكتروندى ساۋداسى ۋاكىلدىك ەتكەن ەلەكتروندى ساۋدانىڭ جاڭا كاسىپ كۇيى، جاڭا ۇلگىسى تىڭنان باس كوتەرىپ، ەلەكتروندى ساۋدانىڭ ۇزدىكسىز جەدەل دامۋىنىڭ جاڭا قوزعاۋشى كۇشىنە اينالدى. تيجارات نەگىزگى تۇلعالارى كۇن ساناپ تەبىندەپ، توراپتاعى ساتىلىمىنىڭ قارقىندى دامۋىن ىلگەرىلەتتى. قازىر شينجياڭنىڭ توراپ ساۋدا تۇلعالارىنىڭ جالپى سانى 250 مىڭنان اسىپ، 690 مىڭنان استام ادامدى تىكەلەي، جانامالاي جۇمىستانۋعا جەتەكتەدى. ساندى مالىمەتتە، 1 - ايدان 8 - ايعا دەيىن شينجياڭ اۋىل - قىستاقتارىنىڭ توراپتاعى بولشەك ساۋدا سوماسى 23 ميلليارد 45 ميلليون يۋان بولىپ، سايكەس مەزگىلدەگىدەن ％39. 25 ارتىپ، اۋىل شارۋاشىلىق ونىمدەرىنىڭ توراپتاعى بولشەك ساتۋ سوماسى 12 ميلليارد 829 ميلليون يۋان بولىپ، سايكەس مەزگىلدەگىدەن ％59. 17 ارتقاندىعىن كورسەتتى.
جۇڭچيۋ مەرەكەسى، مەملەكەت مەرەكەسى سىندى قوس مەرەكە قارساڭىندا، اۆتونوميالى رايوندىق ساۋدا ىستەرى مەڭگەرمەسى تۇتىنۋدىڭ قىزۋ تۇيىندەرىن ونان ارى مىقتى يگەرىپ، ەلەكتروندى ساۋدا سىندى جاڭا قوزعالتقىشتى الۋەتتەندىرىپ، تىكە تاراتۋ ەلەكتروندى ساۋداسىنىڭ تۇتىنۋ كۇيىندە جاڭالىق اشۋ، تۇتىنۋ سەزىنۋىن جوعارىلاتۋ، تۇتىنۋ كومەسكى كۇشىن جارىققا شىعارۋ سياقتى جاقتارداعى وزگەشە باسىمدىعىن تولىق ساۋلەلەندىرىپ، تۇتىنۋدىڭ جاڭا قوزعالىس ەنەرگياسىن تاسقىنداتۋعا كۇش سالادى.
