− شينجياڭنىڭ جارتى جىلدىق ەكونوميكاسىنا نازار
انار بۇلت \ شينجياڭ گازەتىنىڭ ءتىلشىسى يۇي جياڭيان
قايراتتانا جەلكەن جايىپ، ۇدەرە العا تارتتى. الدىڭعى جارتى جىلدا شينجياڭ دامۋ مەن حاۋىپسىزدىكتى ءبىر تۇتاس جوسپارلاپ، جوعارى ساپالى دامۋدى كۇش سالا ىلگەرىلەتىپ، ەكونوميكالىق دامۋ جاعدايىنىڭ ورنىقتىلىق بارىسىندا جاقسارۋىن، دامۋدىڭ قوزعاۋشى قۋاتىنىڭ ءونىمدى ارتۋىن، دامۋ كومەسكى كۇشىنىڭ بىرتىندەپ جارىققا شىعۋىن، دامۋدىڭ ساپاسى مەن ونىمدىلىگىنىڭ ۇزدىكسىز جوعارىلاۋىن، دامۋ جەتىستىكتەرىنەن حالىق تۇرمىسىنا اناعۇرلىم كوپ تيىمدىلىكتەر جاساۋدى جۇزەگە اسىردى.
جاز بەن كۇزدىڭ ءولاراسىندا تيانشان الابىنىڭ جەر - جەرىندە ماشينا ءۇنى گۇرىلدەپ، ءبىر - بىرلەگەن نىساندار ىركەس - تىركەس بوي كوتەرىپ، ”قۇمدى ءشول، قۇبا ءتۇز، يەن دالا“ دامۋ بيىگىنە اينالۋدا. پويەز ۆوگزالى، اۋەجاي، شەكارا وتكەلدەرىندە ادامدار ەركىن ءجۇرىپ - تۇرىپ، زات ىركىلىسسىز تاسىمالداندى، جولاۋشىلاردى قابىلداۋ - جونەلتۋ مولشەرى، يمپورت - ەكسپورت زات تاسىمال مولشەرى ىركەس - تىركەس تىڭ ورەگە كوتەرىلىپ، قۋاتتى قوزعاۋشى كۇشتى ايگىلەپ، شەكسىز ومىرشەڭدىك كۇش قاۋلاتتى.
بەتالىستان قاراعاندا، جوعارى ساپالى دامۋ قادامى نىق باسىلدى
پارتيا 20 - قۇرىلتايى بايانداماسىندا جوعارى ساپالى دامۋ جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى دەپ العا قويىلدى.
پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلىندا شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىقتى كوزدە ۇستاپ، جوعارى ساپالى دامۋدى ىلگەرىلەتۋدى جۇيەلى جوسپارلادى. 3 - ايدان باستاپ، اۆتونوميالى رايون ءۇرىمجى − قارامايلى − سانجى، وڭتۇستىك شينجياڭ، شىعىس شينجياڭ، سولتۇستىك شينجياڭ اۋماقتارىنىڭ جوعارى ساپالى دامۋى جۇمىس باسى ءماجىلىسىن ىركەس - تىركەس اشىپ، تۇتاس جىلداعى جوعارى ساپالى دامۋ كەلەلى جاعدايىنا ورنالاستىرۋ جاساپ، ىسكە كىرىستى.
5 - ايدا اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ءماجىلىسى اشىلىپ، «شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ جونىندەگى ارەكەت جوباسىن (2023 − 2025 - جىل)» جانە «وڭتۇستىك شينجياڭنىڭ جوعارى ساپالى دامۋىن جەبەۋ جونىندەگى ءبىرقانشا ساياسات - شارانى» قاراپ ماقۇلداپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ جونىندە جان - جاقتى ورنالاستىرۋ جاسادى.
جوعارى ساپالى دامۋ قادامى نىق بولىپ، دامۋدىڭ ساپاسى مەن ونىمدىلىگىنىڭ ۇزدىكسىز جوعارىلاۋىن ىلگەرىلەتتى.
ساناق ساندى مالىمەتىندە كورسەتىلۋىنشە، الدىڭعى جارتى جىلدا شينجياڭنىڭ وڭىرلىك ءوندىرىس جالپى ءونىم قۇنى، تۇراقتى باعا بويىنشا ەسەپتەگەندە، سايكەس مەزگىلدەگىدەن ％1. 5 ارتىپ، قارجى قوسۋ، تۇتىنۋ، ەكسپورت سىندى ”ءۇش تەگەرشىكتىڭ“ قوزعاۋشى كۇشى پارمەندى بولىپ، ەكونوميكانىڭ تەبىندى ارتۋىنا تىرەك بولدى.
اسىرەسە، زات يمپورت - ەكسپورت جالپى سوماسى سايكەس مەزگىلدەگىدەن ％2. 65 ارتىپ، جوعارى ارتۋدى جۇزەگە اسىرىپ، شينجياڭنىڭ باتىسقا ەسىك اشۋ قادامىنىڭ جۇرگەن سايىن ارشىنداي تۇسكەندىگىن ايگىلەدى.
كاسىپ سالاسى بويىنشا قاراعاندا، اۋىل شارۋاشىلىق ءوندىرىسى ورنىقتىلىق بارىسىندا جاقسارىپ، مال شارۋاشىلىعى ءبىرشاما تەز ارتتى، شوشقانىڭ، سيىردىڭ، قويدىڭ قورادان شىعۋى زور كولەمدە ارتىپ، بازاردى قامداۋدى جەتكىلىكتى قامتاماسىز ەتتى؛ ونەركاسىپ ءوندىرىسى ورنىقتى ارتىپ، ەنەرگيا كاسىپ سالاسى تياناقتى تىرەك بولىپ، كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％2. 5 ارتىپ، ارتۋ قارقىنى بۇكىل ەلدىكىنەن 4. 1 پايىز جوعارى بولدى؛ قىزمەت وتەۋ كاسىبى جەدەل قالپىنا كەلىپ، قاتىناس - تاسىمال كاسىبى جەدەل ارتتى، 1 - ايدان 5 - ايعا دەيىن كولەمنەن جوعارى قىزمەت وتەۋ كاسىپورىندارىنىڭ تيجارات كىرىسى 151 ميلليارد 218 ميلليون يۋان بولىپ، سايكەس مەزگىلدەگىدەن ％5. 10 ارتقان.
قىزمەت وتەۋ كاسىبىندە جولاۋشى تاسىمال مولشەرى زور مولشەردە ارتتى. الدىڭعى جارتى جىلدا تەمىر جولدىڭ جولاۋشى تاسىمال مولشەرى سايكەس مەزگىلدەگىدەن ％3. 81 ارتتى، حالىقتىق اۆياتسيانىڭ جولاۋشى تاسىمال مولشەرى سايكەس مەزگىلدەگىدەن ％4. 73 ارتىپ، شينجياڭنىڭ ومىرشەڭدىك كۇشى قاۋلاعان، ەكونوميكاسى جاندانعان جاعدايىنىڭ تەبىندى بولعانىن ايگىلەدى.
كومىر − ونەركاسىپ ەكونوميكاسىنىڭ ارتۋىنداعى ”ورنىقتىرعىش“. الدىڭعى جارتى جىلدا شينجياڭنىڭ وڭدەلمەگەن كومىر ءونىم مولشەرى 211 ميلليون 512 مىڭ تونناعا جەتىپ، سايكەس مەزگىلدەگىدەن ％5. 16 ارتىپ، ونەركاسىپ ەكونوميكاسىنىڭ دامۋىنا ”مىعىم تىرەك“ ازىرلەدى.
سان - سيفرلار شينجياڭنىڭ جوعارى ساپالى دامۋىن ىلگەرىلەتۋدەگى جارتى جىلدىق ”ناتيجە قاعازى“، بۇل ورنىقتىلىق بارىسىندا جاقسارۋ بەتالىسىنىڭ كورنەكتى بولعاندىعىن، دامۋدىڭ ساپاسى مەن ونىمدىلىگىنىڭ ۇزدىكسىز جوعارىلاعاندىعىن ايگىلەيدى. ”شينجياڭ جوعارى ساپالى دامۋدى ىلگەرىلەتۋدە ارشىندى قادام تاستادى، قوزعاۋشى قۋات مىعىم بولدى“، - دەدى اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) ەكونوميا وقىتۋىن زەرتتەۋ ءبولىمىنىڭ دوتسەنتى تان يۇڭشيان.
ورايدان قاراعاندا، شينجياڭنىڭ باسىمدىعى ۇزدىكسىز جارىققا شىقتى
اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ءماجىلىسى شينجياڭنىڭ جوعارى ساپالى دامۋدى ىلگەرىلەتۋدەگى ”6 ۇلكەن باسىمدىعىنا“، ياعني ساياسي باسىمدىققا، ساياساتتىق باسىمدىعىنا، گۋمانيتارلىق باسىمدىققا، جاراتىلىستىق شارت - جاعداي باسىمدىعىنا، اسا زور بايلىق ارتقىشىلىعى باسىمدىعىنا، ەسىك اشۋ باسىمدىعىنا تالداۋ جاسادى.
قازىر بۇل باسىمدىقتار جەدەل جارىققا شىعىپ، شينجياڭنىڭ دامۋىنا شەكسىز وراي تۋدىرىپ، قارجى قوسۋدىڭ جەدەل ارتۋىن جەبەۋدە. الدىڭعى جارتى جىلدا شينجياڭدا تۇراقتى مۇلىككە قوسىلعان قارجىنىڭ جالپى سوماسى (شارۋا وتباسىلارىن قامتىمايدى) سايكەس مەزگىلدەگىدەن ％2. 10 ارتىپ، ارتۋ قارقىنى بۇكىل ەلدىكىنەن 4. 6 پايىز جوعارى بولدى.
حوتان ايماعىنىڭ كەن بايلىعى مول. ”اسا زور بايلىق ارتىقشىلىعى باسىمدىعىنا“ سۇيەنگەن حوتان ايماعى جاسىل كەن كاسىپ سالاسى شوعىرىن قۇرۋدى العا قويدى، بيىل شينجياڭ ءتۇستى مەتال ونەركاسىبى توبى شەكتى جاۋاپكەرشىلىك سەرىكتەستىگى، شينجياڭ جىسۇن ليتي كاسىبى شەكتى سەرىكتەستىگى سياقتى ءبىر توپ ءتۇيىندى كاسىپورىنداردى ەنگىزىپ، ولار حوتان ايماعى كۇنگاڭ ەكونوميكالىق - تەحنيكالىق اشۋ رايونىنا (ءتۇستى مەتال كاسىپ سالاسى باقشاسىنا) ىرگە تەپتى. اسىرەسە، ءبىر توپ ليتي تۇزى نىسانىنىڭ تياناقتانۋى شينجياڭنىڭ ليتي تۇزى كاسىپ سالاسىنىڭ بۇكىل ەلدەگى كاسىپتىك ورنىن بەكەمدەۋدە، جوعارىلاتۋدا ماڭىزدى ستراتەگيالىق مانگە يە بولىپ، شينجياڭنىڭ 100 ميلليارد يۋاندىق ءونىم قۇنىنداعى ليتي ەلەكتر جاڭا ەنەرگيا كاسىپ سالاسىن قۇرۋىنا بەرىك نەگىز قالايدى.
بايلىق باسىمدىعىن كاسىپ سالاسى باسىمدىعىنا جانە ەكونوميكالىق دامۋ باسىمدىعىنا اينالدىرۋدى ىلگەرىلەتكەن شينجياڭنىڭ بايتاق دالاسىندا ”جەلمەن“ جارىسىپ، ”كۇنمەن“ تالاسۋ ورلەۋى كوتەرىلىپ، اۋەلگى ”قۇمدى ءشول، قۇبا ءتۇز، يەن دالا“ قارجى قوسۋ بيىگىنە ۇزدىكسىز اينالدى.
ساناق ساندى مالىمەتىندە كورسەتىلۋىنشە، الدىڭعى جارتى جىلدا شينجياڭنىڭ جەل كۇشى فوتوۆولتتىق ەلەكتر تاراتۋ نىسانىنا قوسىلعان قارجى سايكەس مەزگىلدەگىدەن 3.3 ەسە ارتقان. ”ەل ىشىندەگى كاسىپورىنداردىڭ شينجياڭعا كەلىپ جاڭا ەنەرگيا نىساندارىنا قارجى قوسۋ ىنتاسى جوعارى بولدى“. اۆتونوميالى رايوندىق ساۋدا ىستەرى مەڭگەرمەسى ساۋداگەر شاقىرۋ باسقارماسىنىڭ باستىعى جۋ چىڭ بىلاي دەدى: الدىڭعى جارتى جىلدا جەل ەلەكترى، جارىق ەلەكترى نىسانىنان 194ى تياناقتانىپ، اتقارىلىپ، رايون سىرتىنان 79 ميلليارد 400 ميلليون يۋان قارجى ەنگىزىلىپ تياناقتانىپ، سايكەس مەزگىلدەگىدەن 2.62 ەسە ارتتى.
بايلىق باسىمدىعى ۇزدىكسىز جارىققا شىعۋمەن بىرگە، شينجياڭنىڭ سىرتقا ەسىك اشۋداعى وڭىرلىك ورىن باسىمدىعى دا تولىق كورنەكتىلەندى.
شەكارا وتكەلى − سىرتقا ەسىك اشۋدىڭ الدىڭعى شەبى، شينجياڭدا مەملەكەتتىك كەڭەس سىرتقا ەسىك اشۋدى بەكىتكەن 20 شەكارا وتكەلى بار. بىلتىر باس شۋجي شي جينپيڭ شينجياڭدى كوزدەن كەشىرگەندە بىلاي دەپ باسا دارىپتەدى: ەلىمىزدىڭ سىرتقا ەسىك اشۋدى كەڭەيتۋ، باتىس بولىكتى قاۋىرت اشۋ، ”ءبىر بەلدەۋ، ءبىر جولدى“ بىرگە قۇرۋ سياقتىلارىنىڭ ىشكەرىلەي ىلگەرىلۋىنە مەڭزەس، شينجياڭ سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالدى.
باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاعان شينجياڭ ازيا - ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن قۇرۋعا كۇش سالۋدا. الدىڭعى جارتى جىلدا شينجياڭنىڭ ورتا ازياداعى 5 ەلمەن يمپورت - ەكسپورت قۇنى ％1. 75 ارتتى، ”ءبىر بەلدەۋ، ءبىر جول“ جەلى بويىنداعى ەلدەرمەن يمپورت - ەكسپورت قۇنى ％2. 68 ارتتى، شاڭحاي سەلبەستىك ۇيىمىنا مۇشە باسقا ەلدەرمەن يمپورت - ەكسپورت قۇنى ％9. 75 ارتتى، ەۆروپا وداعىمەن يمپورت - ەكسپورت قۇنى ％8. 14 ارتتى.
ازيا - ەۆروپا التىن ارناسى ”التىن قۇنىن“ ايگىلەپ، ”التىن ونىمدىلىگىن“ جاراتۋدا.
تانىمالدىعىنان قاراعاندا، ماگنيت ءورىسى اسەرى ۇزدىكسىز كورنەكتىلەندى
اۋەجايداعى جانە رەليستى قاتىناستاعى جولاۋشىلار اعىنى قالانىڭ ومىرشەڭدىك كۇشىنىڭ بارومەترى.
شينجياڭ اۋەجاي توبىنىڭ ساناق ساندى مالىمەتىندە كورسەتىلۋىنشە، 7 - ايدىڭ 8 - كۇنى جولاۋشى قابىلداۋ - جونەلتۋ مولشەرى 150 مىڭ ادامعا (رەت) جەتكەننەن كەيىن، 8 - ايدىڭ 5 - كۇنى تاعى دا تاريحتاعى جاڭا ورەنى جاراتىپ، 161 مىڭ ادامعا (رەت) جەتكەن. قازىر شينجياڭ اۋەجايى توبىندا جولاۋشىلار اعىنىنىڭ ارتۋ تەبىنى 2019 - جىلعى سول تۇستاعىدان اسىپ، كۇشتى قايتا جاندانۋ ارىنىن بايقاتتى.
دارالىق سالت - ءداستۇر ايگىسى بولعان شينجياڭ حالىقارالىق ۇلكەن بازارى ءۇرىمجىنىڭ بەلگى سيپاتتى قۇرىلىسى، سونداي - اق ساياحاتشىلاردىڭ ەڭ بازارلى ات بايلار جەرى.
8 - ايدىڭ 14 - كۇنى ساعات 21، ىمىرت ءۇيىرىلىپ، شامدار جارقىراي باستادى. بۇكىل ەلدىڭ جەر - جەرىنەن كەلگەن ساياحاتشىلار شينجياڭ حالىقارالىق ۇلكەن بازارى كورىنىس وڭىرىنە قاراي اعىلدى. 80 مەتر بيىكتىكتەگى جىبەك جولى تاماشالاۋ مۇناراسىنىڭ استىندا ءان - ءبي شارىقتاۋدا؛ ساياحات ەستەلىك بۇيىمدارى جايماسى جايىلعان جاياۋلار كوشەسىندە ادامدار ءيىن تىرەسەدى. ”قازىر كورىنىس وڭىرىنە كۇنىنە ورتا ەسەپپەن 130 مىڭ ادام (رەت) كەلەدى“، - دەدى ءۇرىمجى تيانشان رايونى مادەنيەت - ساياحاتتى دامىتۋ شەكتى سەرىكتەستىگىنىڭ ورىنباسار باس ديرەكتورى جاڭ لۋ.
ساناق ساندى مالىمەتىندە كورسەتىلۋىنشە، الدىڭعى جارتى جىلدا شينجياڭ قابىلداعان ساياحاتشى جانە ساياحات جالپى كىرىسى سايكەس مەزگىلدەگىدەن جەكە - جەكە ％5. 31 جانە ％6. 73 ارتىپ، 2019 - جىلعى سول تۇستاعى دەڭگەيدەن بىردەي كوپ مولشەردە ارتقان. 7 -، 8 - ايلاردا شينجياڭ ساياحاتىنىڭ قىزۋ تەبىنى ۇزدىكسىز جالعاسىپ، اۋەجايدا ۇشاقتار كەزەكپەن ۇشىپ - قونىپ، كورىنىس وڭىرلەرىندە ساياحاتشىلار سەڭدەي سوعىلىستى.
ساياحات جاتىن ورىن مەن اس - سۋ تۇتىنۋىنا تۇرتكى بولدى. الدىڭعى جارتى جىلدا شينجياڭدا شەكتى سومادان جوعارعى جاتىن ورىن كاسىبىنىڭ ورىنداعان تيجارات سوماسى 3 ميلليارد 592 ميلليون يۋانعا جەتىپ، سايكەس مەزگىلدەگىدەن ％6. 40 ارتقان؛ شەكتى سومادان جوعارعى اس - سۋ كاسىبىنىڭ ورىنداعان تيجارات سوماسى 4 ميلليارد 343 ميلليون يۋانعا جەتىپ، سايكەس مەزگىلدەگىدەن ％3. 8 ارتقان.
تۇتىنۋدىڭ ءبىر جاعى ەكونوميكاعا، ەندى ءبىر جاعى حالىق تۇرمىسىنا بايلانعان. ”بيىل مەملەكەت پەن اۆتونوميالى رايون تارابىنان تۇتىنۋدى قالپىنا كەلتىرۋدىڭ جانە ۇلعايتۋدىڭ ناقتى شارالارى جەكە - جەكە العا قويىلدى“. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى حى گوچيڭ مىنالاردى ءبىلدىردى: كەزەكتە جەر - جەردەگى ءتۇرلى شارۋاشىلىقپەن شۇعىلداناتىن ساۋداگەرلەردىڭ ”2023 - جىلعى تۇتىنۋدى جەبەۋ جىلى“ جەلىلەس قيمىلدارىن ۇزدىكسىز ىلگەرىلەتۋىنە جەتەكشىلىك ەتىلىپ، تۇتىنۋ جاعدايىندا ۇزدىكسىز جاڭالىق اشىپ، تۇتىنۋدى قامداۋدى مولىقتىرىپ، تۇتىنۋ ورتاسىن ساپالىلاندىرىپ، بۇكىل شينجياڭنىڭ تۇتىنۋ بازارىنىڭ ومىرشەڭدىگىن تاسقىنداتتىق.
مەرەكەلىك قۇتتىقتاۋ جانە كورمە − تۇتىنۋدى جەبەۋدىڭ ماڭىزدى قوزعالتقىشى. 6 - كەزەكتى جۇڭگو شينجياڭ حالىقارالىق ۇلتتار ءبي فەستيۆالىنىڭ وتكىزىلۋى، وعان قوسا بۇلدىرگەن مۋزيكا فەستيۆالى، جياڭگو مۋزيكا فەستيۆالى، ميدي مۋزيكا فەستيۆالى قاتارلىلاردىڭ ىركەس - تىركەس وتكىزىلۋى، شينجياڭدى ءبىر اۋىق ءان - ءبي تەڭىزىنە اينالدىرىپ، تۇتىنۋدىڭ جاڭا ماگنيت ءورىسىن قالىپتاستىرىپ، 7 -، 8 - ايدا شينجياڭنىڭ تانىمالدىعى ەرەكشە ارتتى.
مادەنيەت - ساياحات ورلەۋى كوتەرىلىپ، مەرەكەلىك قۇتتىقتاۋلار اۋقىم قالىپتاستىردى، شينجياڭعا جۇرت جينالىپ، كاسىپ سالاسى وركەندەدى. جوعارى ساپالى دامۋ تولقىنى تاسقىندادى.
حالىق تۇرمىسىنان قاراعاندا، قازىنالىق ۇسىنىلىم قۇت - ىرىستى ۇزدىكسىز ارتتىردى
دامۋ − حالىق ءۇشىن، دامۋدا حالىققا سۇيەندى، دامۋ جەتىستىكتەرىن حالىقپەن ءبولىستى، شينجياڭ جوعارى ساپالى دامۋ بارىسىندا حالىق تۇرمىسىنىڭ قۇت - ىرىسىن ۇزدىكسىز ارتتىردى.
الدىڭعى جارتى جىلدا اۆتونوميالى رايون قازىناسىنىڭ وقۋ - اعارتۋ، ەمدەۋ، تۇرعىن ءۇي، زەينەتكەرلىك جانە جۇمىستاندىرۋ سياقتى 13 ءتۇر بويىنشا بۇقارانىڭ ءتول مۇددەسىنە ساياتىن حالىق تۇرمىسىنىڭ ءتۇيىندى سالالارداعى شىعىسى 258 ميلليارد 420 ميلليون يۋان بولىپ، بۇكىل رايوننىڭ ادەتتەگى الەۋمەتتىك مەجە ەسەبى شىعىسىنىڭ ％9. 78ىن يەلەپ، حالىق تۇرمىسى شىعىسىندا ۇستاعان سالىستىرماسى سايكەس مەزگىلدەگىدەن 1. 4 پايىز جوعارىلادى.
جۇمىستاندىرۋ − حالىق تۇرمىسىنىڭ نەگىزى. شينجياڭ جۇمىستاندىرۋدى الدىمەن ويلاستىرۋ بەتالىسىن ۇزدىكسىز كۇشەيتىپ، جۇمىستاندىرۋ قىزمەتىن جوعارى دەڭگەيدە ىلگەرىلەتتى. الدىڭعى جارتى جىلدا بۇكىل رايون قالا - قالاشىقتاردان 300 مىڭ 800 ادامدى تىڭنان جۇمىستاندىرىپ، تۇتاس جىلدا 460 مىڭ ادامدى جۇمىستاندىرۋ نىسانالىق مىندەتىنىڭ ％39. 65ىن ورىندادى.
شينجياڭ شينجي ەنەرگيا، حيميا ونەركاسىبى شەكتى سەرىكتەستىگى 2020 - جىلى قۇرىلعان مەملەكەت قارجىلاندىرعان كاسىپورىن، باستىسى، كومىردەن سينتەزدىك اممياك، ۋرەا، كۇردەلى تىڭايتقىش، مەلەمين جاساۋ سياقتى تۇتاس تىزبەكتى كومىر نەگىزدى جاڭا ماتەريالداردى وندىرەدى. كەزەكتە اتالعان سەرىكتەستىك زاۆود ۇيلەرىن سالىپ، جابدىقتاردى ورناتۋدا مەجەمەن كەلەر جىلى 9 - ايدىڭ 30 - كۇنى رەسمي شيكىزات سالىپ، وندىرىسكە قوسىلىپ، 1000نان استام ادامنىڭ جۇمىستانۋىنا تۇرتكى بولادى.
دارىندىلار قورىن دايىنداۋ ءۇشىن اتالعان سەرىكتەستىك جۋىقتا شينجياڭ داشۋەسى، شىحىزى داشۋەسى، شينجياڭ تەحنيكالىق عىلىم شۋەيۋانى سياقتى جوعارى مەكتەپتەردەن 240تان استام جوعارى مەكتەپ تاۋىسقان وقۋشىنى قابىلدادى، پويەز ستانساسياسىنا 6 اۆتوبۋز جىبەرىپ، جاڭا قىزمەتكەرلەردى قارسى الدى، ولارعا كۇندەلىكتى تۇرمىستىق بۇيىمداردى تاراتىپ، جاتىن ورىن، تاماعىن تىڭعىلىقتى ورنالاستىرىپ، وتباسى مەيىرىمىن قالىپتاستىردى. ”كومىر حيميا ونەركاسىبىنىڭ كاسىپتىك تەحنيكالىق تالابى ءبىرشاما جوعارى. دارىندىلار − سەرىكتەستىكتىڭ جوعارى ساپالى دامۋىنىڭ تەتىگى“، - دەدى شينجياڭ شينجي ەنەرگيا حيميا ونەركاسىبى شەكتى سەرىكتەستىگىنىڭ ورىنباسار باس ديرەكتورى فىڭ يۇيحۋ.
جوعارى ساپالى دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جەتكىزۋىن، جۇرت تىلەگىن ۇيىستىرۋىن ىلگەرىلەتتى. تاياۋدا اۆتونوميالى رايوندىق حالىق ۇكىمەتى جۇڭگو مۇناي - تابيعي گاز توبى شەكتى سەرىكتەستىگىمەن ستراتەگيالىق سەلبەستىك كەلىسىمىنە قول قويىپ، شينجياڭنىڭ 10 ايماق، وبلىس، قالاسىندا تابيعي گاز قۇبىرىن كەڭەيتىپ سالۋ ينجەنەرياسىن اتقارادى، جالپى ۇزىندىعى 4977 كيلومەتر. وڭتۇستىك - سولتۇستىك شينجياڭدا اتقارىلعان تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋ ينجەنەرياسى − حالىقتى وزەك ەتۋگە تاباندى بولعان، ءار ۇلت بۇقاراسىنىڭ تۇرمىس ساپاسىن جوعارىلاتاتىن حالىق تۇرمىسى ينجەنەرياسى. نىسان سالىنىپ بولعاننان كەيىن، بۇكىل شينجياڭداعى قالا رايونىندا قۇبىر تابيعي گازى ءالى جەتپەگەن 23 اۋدان، قالانى جانە شينجياڭ ءوندىرىس - قۇرىلىس بيڭتۋانى تۋان - الاڭدارىن قامتىپ، تىكە يگىلىككە كەنەلەتىن بۇقارا ون ميلليون اينالاسىندا بولادى.
جوعارى ساپالى دامۋ بارىسىندا حالىق تۇرمىسىن قامتاماسىز ەتىپ جانە جاقسارتتى، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم كۇشەيىپ، اناعۇرلىم قامتاماسىز ەتىلىپ، اناعۇرلىم باياندى بولىپ، تيانشان الابىندا بارلىق جەردەن تاماشا تۇرمىستىڭ تىڭ كورىنىسى ايگىلەندى.
داڭعىل جولعا ءتۇسۋ اسا قاراپايىم، ناقتى ىستەۋ بارىنەن ماڭىزدى. نازاردى جوعارى ساپالى دامۋ سىندى ماڭداي الدى مىندەتكە شوعىرلاندىرىپ، بۇكىل شينجياڭدا جوعارىدان - تومەنگە دەيىن تولقىن جارا العا ىلگەرىلەپ، قايراتتانا ءىس تىندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە.
