ي - ۋ قورعامالى باجى زات اينالىم باقشاسى
ءۇش رەتكى تيپ وزگەرتۋ وسى شينجياڭ كاسىپورنىنا تاماشا وراي اكەلدى
انار بۇلت \ شينجياڭ گازەتىنىڭ تىلشىلەرى چىن چياڭۋي، لۋ فىڭباۋ
8 - ايدىڭ 18 - كۇنى شينجياڭ گازەتى مەكەمەسى (توبى) ”سامعاۋ جولى − ’ءبىر بەلدەۋ، ءبىر جول‘ جەلى بويى جالپىلىق مەديالارىنىڭ كولەمدى توعىسپالى مەديا حابارى“ تىلشىلىك شاعىن بولىمشە اترەتى ي - ۋ قورعامالى باجى زات اينالىمى باقشاسىنىڭ جۇك اۆتوموبيلى تاسىمالى جيناۋ، تاسىمالداۋ ورتالىعىنا كەلىپ، شينجياڭمەن بايلانىسى قويۋ ءبىر كاسىپورىندا تىلشىلىك ىستەدى.
تىلشىلەردىڭ شينجياڭنان كەلگەندىگىن ەستي سالا، جىجياڭ يلۋحاڭ حالىقارالىق قامداۋ تىزبەگى شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى رىن جىنجىن بۇيرىقشا كەزدەستىك دەپ قۋاندى. ”كاسىپورنىمىز شينجياڭ كاسىپورنىنىڭ تولىق قارجىلى بولىمشە سەرىكتەستىگى، ي - ۋ قالاسى شينجياڭنان ساۋداگەر شاقىرىپ قارجى ەنگىزگەندە ىرگە تەپكەنبىز“.
وسى توسىن حاباردى ەستىگەندە تىلشىلەر ءبىر شينجياڭ كاسىپورنىنىڭ ي - ۋعا ىرگە تەبۋىنە قانداي وراي سەبەپشى بولدى ەكەن دەپ قىزىعۋشىلىق تانىتتى.
الايدا رىن جىنجىن اتتەگەن - اي دەي وتىرىپ تىلشىگە جاي - جاپسارعا قانىق باس ديرەكتوردىڭ سىرتقا ءىسساپارعا كەتكەندىگىن، تەك ول قايتىپ كەلگەننەن كەيىن عانا تىلشىلىك جاساۋعا بولاتىندىعىن ايتتى.
8 - ايدىڭ 21 - كۇنى تىلشىلەر قىزىعۋشىلىق تانىتىپ، يلۋحاڭ سەرىكتەستىگىنە تاعى دا كەلىپ، وسى سەرىكتەستىكتىڭ باس ديرەكتورى شىڭ ياۋفىڭمەن كەزدەستى.
شىڭ ياۋفىڭ بىلاي دەپ تانىستىردى: 2021 - جىلى ي - ۋ قالاسى جۇك اۆتوموبيلى تاسىمالى جيناۋ، تاسىمالداۋ ورتالىعىنا ساۋداگەر شاقىرىپ قارجى ەنگىزدى. سول كەزدە شينجياڭ شىڭدا جۇك اۆتوموبيلى تاسىمالى قامداۋ تىزبەگىن باسقارۋ شەكتى سەرىكتەستىگى شەكارا اتتاعان زات اينالىمى تاسىمال كاسىپورنى بولاتىن، ورتا ازيا، ەۆروپا تاس جول تاسىمالى جونىنەن توتەنشە مول تاجىريبەگە يە ەدى.
”ي - ۋ زات قاينارى شوعىرلانعان جەر، شينجياڭدا كوپتەگەن شەكارا وتكەلى بار بولىپ، سەلبەستىگىمىز بىردەن ورىستەي جونەلدى“، - دەدى شىڭ ياۋفىڭ. 2022 - جىلى شىڭدا جۇك اۆتوموبيلى تاسىمالى سەرىكتەستىگى ي - ۋ قورعامالى باجى زات اينالىم باقشاسىنا ىرگە تەۋىپ، جىجياڭ يلۋحاڭ حالىقارالىق قامداۋ تىزبەگى شەكتى جاۋاپكەرشىلىك سەرىكتەستىگى قۇرىلىپ، ي - ۋ ورتالىعىنىڭ شوعىرلى تاسىمال قامباسىن قۇردى. زاتتار ي - ۋدا جينالىپ، شوعىرلى جونەلتىلگەننەن كەيىن، شينجياڭداعى شەكارا وتكەلدەرى ارقىلى ورتا ازيا، ەۆروپا سياقتى جەرلەرگە جەتىپ، زات قاينارىنان يمپورت ەتۋشىلەردىڭ قولىنا تيگىزگەنگە دەيىنگى تۇتاس بارىستىق تاسىمال قىزمەت وتەۋىن جۇزەگە اسىردى.
جۇك اۆتوموبيلى تاسىمالى جيناۋ، تاسىمالداۋ ورتالىعى − ي - ۋ قالاسىنىڭ نازاردى ەۆروپا - ازيا باعىتىنا قاراي شوعىرلاندىرا وتىرىپ تۇلعالاعان شوعىرلى جيناپ، شوعىرلى تاسىمالداۋ ورتالىعى، جالپى اۋدانى شامامەن 34 مىڭ 200 شارشى مەتر، 2022 - جىلى 3 - ايدا رەسمي تياناقتانىپ ىسكە قوسىلعان، قازىر 6 كاسىپورىن ىرگە تەپتى، جۇك تاسىمال جەلىسى جۇڭگو − ەۆروپا، جۇڭگو − ورتا ازيا، جۇڭگو − كورەيانى قامتىدى.
”ي - ۋعا ىرگە تەبۋ شىڭدا جۇك اۆتوموبيلى تاسىمالىنىڭ شينجياڭ شەكارا وتكەلدەرىندە زات قاينارىن كۇتۋدەگى ولقىلىعىن وزگەرتتى، سونىمەن بىرگە كاسىپورىنداردىڭ قىزمەت وتەۋ جەلىسىن ۇزارتتى“. شىڭ ياۋفىڭ بىلاي دەدى: بۇل شىڭدا جۇك اۆتوموبيلى تاسىمالىنىڭ دامۋدىڭ جاڭا كەزەڭىن قارسى الۋىنا مۇمكىندىك جاراتتى.
شىڭ ياۋفىڭنىڭ قاراۋىنشا، شىڭدا جۇك اۆتوموبيلى تاسىمالىنىڭ شينجياڭنان شىعۋى − كاسىپورىننىڭ 3 - رەت تيپ وزگەرتۋىندەگى شەشۋشى شاراسى. 20 نەشە جىلدان بەرى ولاردىڭ كاسىپورىندارىنىڭ دامۋ بارىسى شينجياڭنىڭ سىرتقى ساۋدا كاسىپورىندارىنىڭ دامۋ وزگەرىسىن ايگىلەدى.
1998 - جىلى شىڭ ياۋفىڭنىڭ اعا بۋىندارى ءۇرىمجى بيانجياڭ قوناق سارايى ساۋدا بازارىنا كەلىپ سىرتقى ساۋدامەن شۇعىلدانىپ، شينجياڭنىڭ سىرتقى ساۋداسىنىڭ كۇسەت مەزگىلىنە ىلىنەدى.
”ءبىراق بىرنەشە جىلدان كەيىن بازارداعى شەتەلدىك ساتىپ الۋشى ساۋداگەرلەردىڭ ازايىپ باراجاتقاندىعىن بايقاعان سوڭ، كاسىپورىننىڭ تيبىن وزگەرتۋدى ۇيعاردىق“. شىڭ ياۋفىڭ بىلاي دەدى: كوپ جىلدان بەرى جينالعان ورتا ازيا قاريدارلارى مەن ارنا باسىمدىعىنا سۇيەنىپ، 2010 - جىلى ءبىز حالىقارالىق زات تاسىمالى ۋاكىلدىك كاسىبىنە ويىستىق، بۇل كاسىپورىننىڭ تۇڭعىش رەتكى تيبىن وزگەرتۋى ەدى.
قاريدارلاردىڭ شەكارا اتتاعان تاسىمالعا سۇرانىسىنىڭ ۇزدىكسىز جوعارىلاۋىنا بايلانىستى، 2015 - جىلى شىڭ ياۋفىڭ وتباسىنىڭ كاسىپورنى باقتى وتكەلىندە ءوزىنىڭ جەر اۋماعى 50 مىڭ شارشى مەتردەن اساتىن كەدەن باقىلاۋ - باسقارۋ قامباسىن قۇردى.
”’ءبىر بەلدەۋ، ءبىر جولدى‘ بىرگە قۇرۋ باستاماسى العا قويىلىپ 2 جىلدان كەيىن، كاسىپورنىمىزدىڭ حالىقارالىق زات ۋاكىلدىك كاسىبى ەرەكشە جاقسى دامىدى، قامبانى جالعا بەرۋ دامۋدىڭ قاجەتىن قاناعاتتاندىرۋدان الدەقايدا الشاق قالدى“. شىڭ ياۋفىڭ بىلاي دەدى: قاتتى بولشەك شارت - جاعدايى جاقسارسا، زاتتاردى جونەلتۋدىڭ ونىمدىلىگى اناعۇرلىم قامتاماسىز ەتىلەدى، بۇل كاسىپورىننىڭ ەكىنشى رەتكى تيبىن وزگەرتۋى.
”ءبىر بەلدەۋ، ءبىر جول“ قۇرىلىسىنىڭ ىشكەرىلەي ىلگەرىلەتىلۋىنە ىلەسە، حالىقارالىق زات اينالىمى تاسىمال سالاسىنداعى باسەكە كۇشەيىپ، ءتىپتى دە ىجداعاتتى قىزمەت وتەۋ كاسىپورىنداردىڭ جەڭىسكە جەتۋدەگى اسىلىنا اينالدى، جىجياڭ يلۋحاڭ حالىقارالىق قامداۋ تىزبەگى شەكتى جاۋاپكەرشىلىك سەرىكتەستىگى وسىعان سايكەس دۇنيەگە كەلدى.
”بۇرىن ءبىز شينجياڭنىڭ شەكارا وتكەلىندە زات توسىپ تۇراتىنبىز، قازىر ءبىز ىرىقتىلىقپەن زات جيناۋ قامباسىن زات قاينارى بار جەرگە كوشىردىك“. شىڭ ياۋفىڭ بىلاي دەدى: بۇل جۇك اۆتوموبيلى تاسىمالىنىڭ ەرەكشەلىگىنە ءتىپتى دە ساي كەلدى.
جۇك اۆتوموبيلى تاسىمال − جوعارى يقۋاتتى جۇك اۆتوكولىگى ارقىلى زاتتى ەل اتتاپ تاسىمالدايتىن جاڭادان گۇلدەنگەن زات اينالىمى ءتاسىلى. ۇقساس نىسانالى جەردە جۇك اۆتوموبيلى تاسىمالىنىڭ تاسىمال ۋاقىتى تەمىر جولدان ءبىر ەسە تەز، تەڭىز تاسىمالىنان 2 ەسەدەن استام تەز بولدى، باعاسى اۋە تاسىمالىنىڭ ۇشتەن بىرىنە عانا تۋرا كەلدى، تاسىمالداناتىن بۇيىمدارعا قويىلاتىن شەكتەمە دە ءبىرشاما از بولدى.
”ءبىز ي - ۋدان گەرمانياعا باراتىن ەڭ تەز كەزەكشى جۇك اۆتوموبيلى تاسىمالىنىڭ جالپى بارىسىنا نەبارى 13 كۇن عانا جۇمسايمىز“، - دەدى رىن جىنجىن.
قازىر ءتىپتى دە تەز جەتكىزۋ ءۇشىن، شىڭ ياۋفىڭ وتباسىنىڭ كاسىپورنى تاعى دا جاڭا دامۋ بەتالىسىن تاپتى. ”ءبىز قازىر قازاقستاندا كەدەندىك باقىلاۋ - باسقارۋ قامباسىن قۇرۋدامىز، سول كەزدە ءبىزدىڭ زات جەتكىزۋىمىز تاعى دا تەزدەيتىن بولادى“، - دەدى شىڭ ياۋفىڭ.
شينجياڭنىڭ شەكارا وتكەلدەرىنىڭ باسىمدىعى كورنەكتى، شەكارا اتتاعان زات اينالىمى تاسىمالى تۇرعىسىنان قاراعاندا، شەكارا وتكەلىنىڭ ماڭىندا الدىڭعى قامبا سالىنىپ، جىلدامدىققا تالابى ءبىرشاما جوعارى كاسىپورىنداردى ايرىقشا باۋراۋ قۋاتىنا يە.
وسى مەزگىلدە شىڭ ياۋفىڭ ءىسساپارعا ءجيى شىعاتىن بولدى، بىرىنشىدەن، زات قاينارىن ىزدەسە، ەكىنشىدەن، سەلبەستىك جونىندە كەڭەسىپ، تاعى دا بىرنەشە ورتالىق قامبا قۇرۋعا دايىندالدى.
”ءبىز تاياۋدا تاعى ءبىر ءبولىم قاريدارلاردى باستاپ شينجياڭنىڭ شەكارا وتكەلدەرىنە بارىپ تەكسەرۋ جۇرگىزۋدى جوسپارلاپ وتىرمىز، ءوندىرىس جەلىسىن شينجياڭدا قۇرۋدى ءۇمىت ەتەمىز“. شىڭ ياۋفىڭ بىلاي دەدى: قاريدارلارعا مىناداي ءبىر ەسەپ جاسادىم، ەگەر شينجياڭ شەكارا وتكەلدەرىندە ءوندىرىلىپ ەكسپورت ەتىلسە، زاتتىڭ وزىندىك قۇنىن %40 − %30 اينالاسىندا تومەندەتۋگە بولادى ەكەن.
كاسىپورىننىڭ دامۋىنا قايىرىلا قاراعاندا، شىڭ ياۋفىڭ كۇلىمسىرەي بىلاي دەپ قورىتىندىلادى: ”ءبىز شەكارا ساۋداسىنان شاڭىراق كوتەردىك، شينجياڭدى تياناق ەتىپ، شينجياڭنان شىعىپ دامىدىق، قازىر شەتەلدە قارجى قوسۋدامىز، تيپ وزگەرتىپ دامۋ ’ءبىر بەلدەۋ، ءبىر جول‘ قۇرىلىسىنان ايرىلا المايدى“.
