جاڭ چۇنلين تارباعاتاي ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ءوندىرىس حاۋىپسىزدىگىن كۇشەيتىپ، حالىق تۇرمىسى ينجەنەرياسى قۇرىلىسىن ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 8 - ايدىڭ 10 - كۇنى شاۋەشەكتەن حابارلايدى. 8 - ايدىڭ 9 - كۇنى اۆتونوميالى رايوندىق پارتكومنىڭ ورىنباسار شۋجيى جاڭ چۇنلين تارباعاتاي ايماعىنىڭ شاۋەشەك قالاسىنا، ءدوربىلجىن اۋدانىنا بارىپ، ىلگەرىندى - كەيىندى سان - ي (شاۋەشەك) جەل ەلەكتر جابدىقتارى شەكتى سەرىكتەستىگى، شاۋەشەك حالىقارالىق زات اينالىمى باقشاسىنا ارناۋلى پايدالانىلاتىن تەمىر جول جەلىسى قۇرىلىسى نىسانى، تارباعاتاي ايماعىنىڭ تابيعي گاز ارقىلى حالىققا تيىمدىلىك جاساۋ ينجەنەرياسىنىڭ جۇمىس باسى، ءدوربىلجىن اۋداندىق كاسىپتىك جوعارى دارەجەلى تولىق ورتا مەكتەبى، ءدوربىلجىن اۋداندىق 3 - ورتا مەكتەپ سياقتىلارعا بارىپ، تارباعاتاي ءتۇيىندى وركەندەتۋ، ەسىك اشۋ سىناق رايونى قۇرىلىسى، ءوندىرىس حاۋىپسىزدىگى، وقۋ - اعارتۋ سياقتى قىزمەتتەر جونىندە تەكسەرۋ - زەرتتەۋ جۇرگىزدى.
جاڭ چۇنلين تەكسەرۋ - زەرتتەۋدە بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ تەرەڭدەۋىن، ناقتىلانۋىن ۇزدىكسىز ىلگەرىلەتىپ، ۇيرەنۋ ارقىلى ىستەۋدى جەبەۋدى كورنەكتىلەندىرىپ، جۇيە وي جەلىسىنە تاباندى بولىپ، ەرەكشەلىككە، باسىمدىققا يە كاسىپ سالاسى شوعىرىن اناعۇرلىم جەتىلدىرىپ، زورايتىپ، كاسىپورىنداردىڭ دامۋىنا بەلسەنە قىزمەت وتەپ، قولداۋ كورسەتىپ، تارباعاتاي ءتۇيىندى وركەندەتۋ، ەسىك اشۋ سىناق رايونى قۇرىلىسىنىڭ جاڭا ونىمدىلىككە قول جەتكىزۋىن كۇش سالا ىلگەرىلەتۋ كەرەك. باقشا رايونىنا ارناۋلى پايدالانىلاتىن تەمىر جول جەلىسى نىسانى قۇرىلىسىن جەدەل ىلگەرىلەتىپ، تەمىر جول تاسىمالىنىڭ ونەركاسىپ كەن كاسىپورىندارى، زات اينالىمى باقشا رايونى سياقتىلارمەن جوعارى ءونىمدى ۇلاسۋىن جۇزەگە اسىرۋ كەرەك. ءوندىرىس حاۋىپسىزدىگى جاۋاپكەرشىلىك ءتۇزىمىن قاتاڭ تياناقتاندىرىپ، كاسىپورىنداردىڭ ءوندىرىس حاۋىپسىزدىگى قورعانىس شەبىن بەرىك ورناتۋىنا قۋزاۋشىلىق، جەتەكشىلىك ەتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، جۇمىس مەرزىمىن مىقتى يگەرىپ، قۇرىلىس جۇرگىزۋدى ءونىمدى ۇيىمداستىرىپ، تارباعاتاي ايماعىنىڭ تابيعي گاز ارقىلى حالىق تۇرمىسىنا تيىمدىلىك جاساۋ ينجەنەريا قۇرىلىسىن جەدەل ىلگەرىلەتۋ كەرەك. ءمورال ارقىلى ادام تاربيەلەۋ ءتۇبىرلى مىندەتىن تياناقتاندىرىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسى وقىتۋىن كۇشەيتىپ، سوتسياليستىك وزەكتى قۇن كوزقاراسىن اسقاقتاتىپ، جۇڭحۋا ۇلتى ورتاق تۇلعا تانىمىن ونان ارى بەكەمدەپ، يدەيا - ساياسي قىزمەت پەن پسيحولوگيالىق اقاۋسىزدىق تاربيەسىن كۇشەيتىپ، ءار ۇلت وقۋشىلارىن پارتيانىڭ سوزىنە قۇلاق اسۋعا، پارتيانىڭ مەيىرىنە العىس ايتۋعا، پارتياعا ىلەسۋگە تاربيەلەۋ، جەتەكتەۋ كەرەك. ءوندىرىس پەن وقىتۋدىڭ توعىسۋىن كۇشەيتىپ، كاسىپتىك مەكتەپتەردىڭ وقىتۋ جۇرگىزۋ دەڭگەيى مەن دارىندىلاردى باۋلۋ ساپاسىن ۇزدىكسىز جوعارىلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى تىرەك ازىرلەۋ كەرەك.
