يندونەزيا يستيحلا مەشىتىنىڭ باس يمامى نازارۋددين جانە ونىڭ ساپارلاستارى شينجياڭدا ەكسكۋرسيادا، ساپاردا بولدى −
”شينجياڭنىڭ تاجىريبەلەرى، ءادىس - امالدارى ۇيرەنۋگە جانە ۇلگى الۋعا تاتيدى“
انار بۇلت \ شينجياڭ گازەتىنىڭ ءتىلشىسى لي جيا - ني
شىلىڭگىر شىلدەدەگى شينجياڭدا كۇن قاباعات ىسىپ كەتتى، جەمىس - جيدەكتىڭ حوش ءيىسى شار - تاراپقا تارالىپ، ساياحاتشىلار ءيىن تىرەسەدى.
8 - ايدىڭ 1 - كۇنىنەن 5 - كۇنىنە دەيىن، يندونەزيا يستيحلا مەشىتىنىڭ باس يمامى نازارۋددين ومار جانە ونىڭ ساپارلاستارى شينجياڭعا كەلىپ، قاشقار ايماعىندا، ىلە قازاق اۆتونوميالى وبلىسىندا جانە ءۇرىمجى قالاسىندا ەكسكۋرسيادا، ساپاردا بولدى.
شينجياڭداعى كەزىندە، ەكسكۋرسيا - ساپار ۇيىرمەسىندەگىلەر كاسىپورىن، بازار، مەشىت، كورىنىس ءوڭىرى سياقتى ورىندارعا بارىپ، شينجياڭنىڭ ەكونوميكالىق دامۋ، ەكولوگيالىق وركەنيەت، ءار ۇلتتىڭ مادەنيەتىن جالعاستىرۋ، قورعاۋ سياقتى جاقتاردا قول جەتكىزگەن وراسان زور تابىستارىن سەزىندى.
قاشقار قالاسى كونە قالا رايونىن قورعاۋ كەشەندى باسقارۋ ەسكەرتكىش سارايىندا، ەكسكۋرسيا - ساپار ۇيىرمەسىندەگىلەر ءاربىر پارشا سۋرەتتەن، ءاربىر ناقتى كورىنىستەن كونە قالا رايونىنىڭ تاريحي دامۋىنا مۇقيات قايىرىلا قاراپ، شينجياڭ ۇكىمەتىنىڭ كونە قالا رايونىن جاڭالاۋدا جاساعان قۇلشىنىستارىن ۇعىستى. كونە قالانى جاڭالاۋ بارىسىندا جەرگىلىكتى ورىنداعى از ۇلتتاردىڭ كوپتەگەن مادەنيەت ەرەكشەلىگىن قورعاپ قانا قالماي، تۇرعىنداردىڭ پىكىرى مەن ۇسىنىستارىنا دا تولىق قۇرمەت ەتىلىپ، ”ءبىر وتباسىنا، ءبىر جوبا“ جاسالعاندىعىن بىلگەن سوڭ، ەكسكۋرسيا - ساپار ۇيىرمەسىندەگىلەر قايران قالدى.
قاشقار بايىرعى قالاسىندا، ەكسكۋرسيا - ساپار ۇيىرمەسىندەگىلەر تۇسىندىرۋشىگە ىلەسىپ ءتۇرلى بازارلاردى ارالاپ كورگەندە، ساياحاتشىلار ءالسىن - ءالى ەكسكۋرسيا - ساپار ۇيىرمەسىندەگىلەرگە امانداستى. ۇلتتىق مۋزيكا اسپاپ جاساۋ - ساتۋ دۇكەنىنە كىرگەندە، شاتتىق اۋەنى كوتەرىلىپ، ەكسكۋرسيا - ساپار ۇيىرمەسىندەگىلەر ءان ايتىپ، بيگە باستى، دۇكەننىڭ ىشىندە قولدان جاسالعان دۋتار، تامبىر، داپ سياقتى ۇلتتىق مۋزيكا اسپاپتارى قارسى الۋعا بولەندى، كوپشىلىك جاپا - تارماعاي قول تەلەفوندارىن الىپ شىعىپ توپتىق سۋرەتكە ءتۇسىپ ەستەلىك قالدىردى.
جۇڭگو شينجياڭ ۇلتتىق مۋزيكا اسپاپتار قىستاعىندا، شينجياڭ كوركەمونەر شۋەيۋانى ۋان تۇڭشۋ مۇقام حۇجاتتارى سارايى سياقتى ورىنداردا ەكسكۋرسيا - ساپار ۇيىرمەسىندەگىلەر مۋزيكا اسپابىن جاساۋشىلارمەن، مۋزيكا ورىنداۋشىلارمەن ىشكەرىلەي اۋىس - كۇيىس جاساپ، مۋزيكا اسپاپتارىنىڭ جاسالۋ بارىسىن ۇعىسىپ، از ۇلتتاردىڭ ءداستۇرلى مادەنيەتىنىڭ باۋرامدىلىعىن سەزىندى. ”بۇل اراداعى ويىن نومىرلەرى اسا تاماشا ەكەن“، - دەدى ۋان تۇڭشۋ مۇقام حۇجاتتارى سارايىندا 12 مۇقام ويىن ءنومىرىن كورگەننەن كەيىن نازارۋددين ومار.
”تاجىريبەحانا بار ما؟“، ”ءونىم شيكىزاتتارى قاي جەردەن اكەلىنەدى؟“... قاشقار جياڭگوگو اۋىل شارۋاشىلىعى عىلىم - تەحنيكا شەكتى سەرىكتەستىگىندە ەكسكۋرسيا - ساپار ۇيىرمەسىندەگىلەر القا باستىعى چىن ۋىنجۇنگە سۇراۋ قويىپ، كاسىپورىننىڭ دامۋ جاعدايىن ۇعىستى، ءتۇرلى ونىمدەردىڭ ءدامىن تاتىپ، ”شينجياڭ ءدامىن“ سەزىندى.
”بايلانىس ورناتىپ، سەلبەستىك جاساۋلارىڭىزدى قارسى الامىز“، - دەدى ەكسكۋرسيا اياقتاعاننان كەيىن، ەكسكۋرسيا - ساپار ۇيىرمەسىنىڭ باسىم كوپ مۇشەلەرى چىن ۋىنجۇنگە تانىسقىلارىن ۇسىنىپ تۇرىپ.
8 - ايدىڭ 3 - كۇنى، ىلە تيانشان حۋاحاي ساياحات كورىنىس وڭىرىندە، لاۆاندا گۇلى الابىندا ەكسكۋرسيا - ساپار ۇيىرمەسىندەگىلەر گۇلدەردى تاماشالاپ، سۋرەتكە ءتۇستى. ”كەزىندەگى يەن ءتۇز اسەم گۇل الابىنا اينالىپتى، ەكونوميكالىق ونىمدىلىگى دە جاقسى، بۇل جاڭا باستاما ايرىقشا كەرەمەت ەكەن“، - دەدى يستيحلا مەشىتىنىڭ عيبادات ىستەرىن باسقارۋ تاراۋىنىڭ جاۋاپتىسى بۋحاري سايل ادايل ءسۇيىنىپ.
قاشقار قالاسىنداعى ايتكار مەشىتىندە، ءۇرىمجى قالاسىنداعى اق مەشىتتە، شينجياڭ ءىسلام ءدىنى شۋەيۋانىندا ەكسكۋرسيادا بولعاندا ەكسكۋرسيا - ساپار ۇيىرمەسىندەگىلەر مەشىتتەردىڭ ءدىني قىزمەتكەرلەرىمەن ءدىني قىزمەتكەرلەردى باۋلۋ، ءدىني قيمىل ورىستەتۋ سياقتى قاتىستى جاعدايلار جونىندە اۋىس - كۇيىس جاساپ، جۇڭگو ۇكىمەتىنىڭ قارجى شىعارىپ مەشىتتىڭ ىشىندەگى نەگىزدىك قۇرىلعىلاردى جاڭالاپ، دارەجەسىن جوعارىلاتقاندىعىن، دىنگە سەنەتىن بۇقارانىڭ قالىپتى قاجەتىن قامتاماسىز ەتكەندىگىن ۇعىسىپ، جاپا - تارماعاي القادى.
اۆتونوميالى رايوندىق مۇراجايدا، ەكسكۋرسيا - ساپار ۇيىرمەسىندەگىلەر تۇسىندىرۋشىگە ىلەسىپ «شينجياڭنىڭ تاريحي مادەني ەسكەرتكىشتەر كورمەسىن» ەكسكۋرسيالادى، قالىڭ مادەني ەسكەرتكىشتەر كوپشىلىككە شينجياڭنىڭ ەجەلدەن بەرى جۇڭگونىڭ ايرىلماس ءبىر بولىگى ەكەندىگىن ايگىلەدى.
”بۇل ارادا ساقتالعان نارسەلەر مول ەكەن، ءبىزدىڭ شينجياڭنىڭ تاريحىن اناعۇرلىم ىشكەرىلەي تۇسىنۋىمىزگە، ءار ۇلت مادەنيەتىنىڭ اۋىس - كۇيىسىن، توعىسۋىن سەزىنۋىمىزگە مۇمكىندىك جاسادى“، - دەدى يستيحلا مەشىتىنىڭ باس حاتشىسى اسەب ساپۋدين سوباندي.
”شينجياڭنىڭ سوڭعى جىلداردا قول جەتكىزگەن كورنەكتى جەتىستىك تاجىريبەلەرى جانە ءادىس - امالدارى ۇيرەنۋگە جانە ۇلگى الۋعا تاتيدى“. نازارۋددين ومار مىنانى ءبىلدىردى: بۇل مەنىڭ جۇڭگو شينجياڭىنا ەكىنشى رەت كەلۋىم، وراسان زور دامۋ، وزگەرىس ماعان تەرەڭ اسەر قالدىردى. يندونەزيا مەن جۇڭگونىڭ سەلبەستىك جاساسۋ نەگىزى جاقسى، بايلانىستى، اۋىس - كۇيىستى ونان ارى كۇشەيتىپ، ەكى جاقتىڭ ءارقايسى سالالارداعى سەلبەستىكتى تەرەڭدەتە ءتۇسۋىن ءۇمىت ەتەمىن.
