− 6 - كەزەكتى جۇڭگو شينجياڭ حالىقارالىق ۇلتتار ءبي فەستيۆالىنا نازار (2)
انار بۇلت \ شينجياڭ گازەتىنىڭ تىلشىلەرى جيا چۇنشيا، ۋاڭ شينحۇڭ
”ءان مەن ءبيدىڭ شالقار تەڭىزى نارلەندىرگەن ايبىندى تاۋ - وزەندەر جاستىق كوكتەمنىڭ جالىندى ومىرشەڭدىك كۇشىن تاسقىنداتىپ، شينجياڭنىڭ باۋراعىشتىعى مەن دارالىعىنىڭ ماڭىزدى قۇرامداس بولىگىن قالىپتاستىرىپ، شار تاراپتان كەلگەن ساياحاتشىلاردىڭ شينجياڭعا كەلىپ ساياحاتتاۋ ىنتاسىن ۇيىستىردى“. جۇڭگو كوركەمونەر زەرتتەۋ ورنىنىڭ بۇرىنعى باستىعى حان زىيۇڭ 6 - كەزەكتى جۇڭگو شينجياڭ حالىقارالىق ۇلتتار ءبي فەستيۆالىنا باعا بەرگەندە وسىلاي دەدى.
ءبي فەستيۆالىنىڭ وتكىزىلۋى شينجياڭ ءبيىنىڭ امالياتى مەن دامۋىن ىلگەرىلەتىپ، شينجياڭ ادەبيەت - كوركەمونەرىنىڭ باۋ - باقشاسىن گۇلدەندىردى ءارى وتانىمىزدىڭ مادەنيەت قامباسىن بايىتتى، سونداي - اق مادەنيەتتى شىنايى مويىنداۋدى كۇشەيتىپ، كوڭىلدەردىڭ توعىسۋىن جەبەدى.
ءان شىعانداپ، ءبي تەڭىزدەي تولقىپ، جاندى ەلىتتى. بيلەر قۇددى شاتتىقتىڭ قاقپاسىن ايقارا اشقانداي سۇلۋ نازدى كوركەمونەردىڭ ”قاراپايىم بۇقارانىڭ وتباسىنا ەنگىزىلۋىنە“ مۇمكىندىك جاسادى. ساحنا كوركەمونەرىنىڭ بارلىق گۇلى شەشەك اتىپ، سۇلۋلىق ارقىلى ادام تاربيەلەپ، مادەنيەت ارقىلى ادام تاربيەلەپ، كوكتەم جاڭبىرىنداي ءنار بەرىپ، شينجياڭداعى ءار ۇلت حالقىنىڭ رۋحاني دۇنيەسىن جىلى مەيىرگە بولەپ، ادامداردىڭ مادەنيەت سەنىمىن تاسقىنداتتى.
سارا ءبي تەاترلارى تيانشاندا قويىلدى
وسى كەزەكتى ءبي فەستيۆالىنىڭ اشىلۋ سالتىندا قويىلعان ويىن ءنومىرى رەتىندە، كولەمدى تاريحي تاقىرىپتىق ءبي تەاترى «جاڭ چيان» ءبي سىمباتى، كيىم - كەشەك جوبالاۋ سياقتى جاقتاردا دەڭگەيىن جوعارىلاتىپ، نازىك بۋىنداردى ۇزدىكسىز اجارلاندىرىپ، رەتكە ءتۇسىرىپ، كەمەلدەندىرگەننەن كەيىن، ءتىپتى دە تولىسقان نۇسقامەن قويىلىپ، اسەرى مەن باۋراعىشتىعى ارتا ءتۇستى. تەاتردا كورەرمەندەر وسى زامانعى ءبيدى، بالەت ءبيىن كورۋمەن بىرگە، كلاسسيكالىق ءبي، ۇلتتاردىڭ حالىق ءبيى سياقتى كوپ ءتۇرلى ءبي فورماسىن كوردى.
”وسى كەزەكتى ءبي فەستيۆالىندا ءبىز شەتەلدىڭ 11 ادەبيەت - كوركەمونەر ۇيىرمەسىن، جۇڭگونىڭ 5 جىلدان بەرگى ەڭ شىعانداعان ادەبيەت - كوركەمونەر ۇيىرمەلەرىن جانە ءبي تەاتر تۋىندىلارىن كونسەرتكە قاتىناسۋعا ۇسىنىس ەتتىك، ءبىز دە 5 جىلدان بەرگى شينجياڭنىڭ ەڭ جاقسى 4 ساحنالىق كوركەمونەر تۋىندىسىن كورەرمەندەرگە تارتۋ ەتتىك“، - دەدى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ مۇشەسى، شينجياڭ كوركەمونەر تەاترحاناسى پارتكومىنىڭ شۋجيى ساي شياۋرۇڭ. «جاڭ چيان»، «بەس جۇلدىز شىعىستان كوتەرىلدى»، «كۇنلۇن ۋادەسى»، «ساقا جاۋىنگەردىڭ حيكاياسى» سىندى شينجياڭنىڭ جەرگىلىكتى 4 تەاترى ءبي فەستيۆالىنىڭ ۇلكەن تۇعىرىندا ەل ءىشى - سىرتىنداعى ايگىلى تەاترلارمەن ءبىر ساحنادا ونەر كورسەتتى، ءار جولى الاڭ كورەرمەنگە لىق تولىپ، اسا تاماشا باعا الىپ، شينجياڭ ءبي ساحنا كوركەمونەرىنىڭ جەتكەن بيىگىن ايگىلەدى.
سوڭعى جىلداردان بەرى شينجياڭنىڭ كوركەمونەر ۇيىرمەلەرى ەل ىشىندەگى ماڭداي الدى ويىن - ساۋىق ۇيىرمەلەرىمەن سەلبەستىكتى ۇزدىكسىز كۇشەيتىپ، جەرگىلىكتى ورىننىڭ شىعارماشىلىق جانە ورىنداۋشى قىزمەتكەرلەرىنىڭ كاسىپتىك قابىلەتىن جوعارىلاتىپ، كوپشىلىكتىڭ جاسامپازدىق تانىمىن تاسقىنداتىپ، ساحنالىق ويىن نومىرلەرىن جاساۋ دەڭگەيىن ۇزدىكسىز جوعارىلاتقاندىقتان، جاسامپازدىق جانە ويىن - ساۋىق ۇيىرمەلەرىنىڭ بارلىعى بۇرىلىس جاسادى جانە ناتيجەگە جەتتى. تاياۋدا وردوستا وتكىزىلگەن 14 - كەزەكتى مەملەكەتتىك ءبي قويىلىمىندا شينجياڭنىڭ 3 ساحنالىق كوركەمونەر تۋىندىسى جەكە - جەكە «جاڭ چيان»، «سىنتاس حيكاياسى»، «كۇن شۋاعىنا شومىلعان ماكىت» قويىلىمعا قاتىناساتىن تۋىندىلار تىزىمدىگىنە ەنگىزىلدى.
”كولەمدى ءان - ءبي تەاترىنا يە بولۋ، جاقسى قويۋ − ءان - ءبي ۇيىرمەمىزدەگى بارلىق قۇراستىرۋ - جاساۋ قىزمەتكەرلەرىنىڭ كوپ جىلدان بەرگى تىلەگى ەدى. ءبي فەستيۆالىندا ەل ءىشى - سىرتىنداعى ويىن - ساۋىق ۇيىرمەلەرى الا كەلگەن ماڭداي الدى ءبي تەاترى مەيلى ءبي ارتيستەرىنىڭ ساپاسىن جوعارىلاتۋدا بولسىن، الدە ءبي قۇراستىرىپ جاساۋشىلاردىڭ تانىمىندا جاڭالىق اشۋدا بولسىن، اسا زور جەبەۋ رولىن اتقاردى“. ءبي تەاترى «جاڭ چياننىڭ» اتقارۋشى رەجيسسەرى، شينجياڭ كوركەمونەر تەاترحاناسى ءان - ءبي ۇيىرمەسىنىڭ ورىنباسار باستىعى جاسۇر تۇرسۇن 6 كەزەكتى ءبي فەستيۆالىنىڭ باسى - قاسىندا بولدى. ول بىلاي دەدى: ەل ءىشى - سىرتىنداعى تاڭداۋلى ءبي تەاترلارىنىڭ ىقپالى مەن شابىتتاندىرۋىندا، ۇيىرمەمىز ىزدەنىس جاساپ، سارا ويىن ءنومىرىن جاساۋ جولىن ءساتتى تاۋىپ شىقتى.
اۆتونوميالى رايون دارەجەلى ادەبيەت - كوركەمونەر ۇيىرمەلەرى عانا ەمەس، مادەنيەت ارقىلى شينجياڭعا كومەكتەسۋدىڭ تەرەڭدەۋىنە بايلانىستى، شينجياڭنىڭ ايماق، وبلىس، قالا دارەجەلى ادەبيەت - كوركەمونەر ۇيىرمەلەرى مەن ەل ىشىندەگى شىعارماشىلىق ۇجىمدارىنىڭ اۋىس - كۇيىسى، ءوزارا ۇلگى الۋى دا جاپپاي ورىستەتىلىپ، ءبىرسىپىرا سارا تۋىندىلار جاسالدى. جياڭسۋ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ قولداۋىندا، ءان - ءبي تەاترى «ماناس» بيىل مەملەكەتتىك ۇلتتىق وڭىرلەر كوركەمونەر ۇيىرمەلەرى بەيجيڭگە بارىپ، كورمەلىك قويىلىم ساحناسىنا، تۇڭعىش كەزەكتى شينجياڭ مادەنيەت - كوركەمونەر فەستيۆالى ساحناسىنا ارت - ارتىنان كوتەرىلدى؛ دۇنيە جۇزىلىك مادەنيەت مۇرالاردى ايگىلەۋدى نەگىزگى ماقسات ەتىپ، سانجى حۇيزۋ اۆتونوميالى وبلىسى «بەيتيڭ بايىرعى قالاسى» ءان - ءبي تەاترىن شىعاردى؛ شاندۇڭ ولكەسى دۇڭيىڭ قالاسىنىڭ شينجياڭعا كومەكتەسۋ الدىڭعى شەپ قولباسشىلىق شتابى مەن جاڭاءشار اۋداندىق پارتكومنىڭ ۇگىت ءبولىمى بىرلەسىپ جوبالاپ جاساعان ءان - ءبي تەاترى «بان چاۋ» ەل ىشىندەگى ماڭداي الدى سەناريست، رەجيسسەرلەردى نەگىزگى شىعارماشىلىق مىندەتىن ارقالاۋعا ۇسىنىس ەتتى...
شينجياڭ كوركەمونەر شۋەيۋانىنىڭ پروفەسسورى، شينجياڭ بيشىلەر قوعامىنىڭ ورىنباسار ءتوراعاسى ۋاڭ يۇڭگى بىلاي دەپ قارادى: 6 كەزەكتى ءبي فەستيۆالىنىڭ وتكىزىلۋى شينجياڭداعى ءار ۇلتتىڭ ءان - ءبي كوركەمونەرىنىڭ بەت - بەينەسىن جانە جاسامپازدىق جەتىستىكتەرىن ايگىلەۋمەن بىرگە، شينجياڭ بيشىلەرىنىڭ ەل ءىشى - سىرتىنداعى كاسىپتەستەرمەن اشىق، سيىسىمدى پوزيتسيامەن ىشكەرىلەي اۋىس - كۇيىس جاساپ، كىشى پەيىلدىكپەن ۇيرەنۋىنە مۇمكىندىك جاسادى. ولار ەل ىشىندەگى بىرەگەي شىعارماشىلىق ۇجىمدارىمەن سەلبەستىك جاساسۋ ارقىلى ءداۋىر كەلبەتىن بەينەلەيتىن، جۇڭحۋا مادەنيەتىنىڭ مايەگى بار ءبىر توپ ءبي نومىرلەرىن جاراتىپ، شينجياڭ ساحنا كوركەمونەرىنىڭ جوعارى ساپالى دامۋىن ىلگەرىلەتتى.
قاراپايىم بۇقارا وتباسىنا ەنگىزىلدى
وسى كەزەكتى ءبي فەستيۆالىنداعى ءىرى قىزعىندى ويىن نومىرلەرىنىڭ ءبىرى − ءبي تەاترى «بەس جۇلدىز شىعىستان كوتەرىلدىنى» بەيجيڭ قالالىق پارتكومنىڭ ۇگىت ءبولىمى، شينجياڭ ۇيعۇر اۆتونوميالى رايوندىق پارتكومنىڭ ۇگىت ءبولىمى، بەيجيڭ ويىن - ساۋىق توبى، بەيجيڭ قالاسىنىڭ شينجياڭعا كومەكتەسۋ حوتان قولباسشىلىق شتابى، حوتان ايماقتىق پارتكومنىڭ ۇگىت ءبولىمى بىرلەسىپ جاساعان، بۇل تەاتردى جاساۋداعى ماقساتتىڭ ءبىرى − ساحنا كوركەمونەرىنىڭ سارا تۋىندىسىن جاراتىپ، ونى حوتاننىڭ مادەنيەت تانىسقىسىنا اينالدىرىپ، حوتاندا ويىن قويۋ. ال قازىر بۇل نىسانا العاشقى ادىمدا جۇزەگە استى.
بيىل 3 - ايدا بەيجيڭ وپەرا - ءبي تەاترحاناسىنىڭ ءبي جاساۋشىسى جانە تىرەكتى ارتيستەرى وسى ءبي تەاترىن الىپ ”اۋىلعا قايتىپ“، حوتانعا كەلدى. 14 مايدان ويىن قويۋدان سىرت، ولار حوتان ايماعى شينيۇي ءان - ءبي ۇيىرمەسىنىڭ ارتيستەرىن وقىتۋعا جانە جاتتىقتىرۋعا جاۋاپتى بولدى. 4 ايدان كەيىن شينيۇي ءان - ءبي ۇيىرمەسىنىڭ ارتيستەرى ۇستىنە العان وسى ءبي تەاترى ءبي فەستيۆالىنىڭ ساحناسىنا كوتەرىلىپ، كورەرمەندەر مەن كاسىپ سالاسىنداعىلاردىڭ القاۋىنا بولەندى.
”4 ايدىڭ الدىنداعى ويىن قويۋمەن جەر مەن كوكتەي پارىق بولدى، مەن شينيۇيدىڭ قىز - جىگىتتەرىنىڭ وزىندىك تارتىپپەن، سەنىممەن بۇگىنگى ويىن كورسەتۋ ونىمدىلىگىنە قايتىپ جەتكەنىن توپشىلاپ وتىرمىن“، - دەدى بەيجيڭ وپەرا - ءبي تەاترحاناسىنىڭ ءبيشىسى، شينيۇي ءان - ءبي ۇيىرمەسىنىڭ «بەس جۇلدىز شىعىستان كوتەرىلدى» ءبي تەاترىنا جاتتىقتىرۋشى جەتەكشى رەجيسسەر چىن جۇنرۋ. ءبي فەستيۆالى اياقتاعاننان كەيىن، حوتانداعى اعا - باۋىر، اپەكە - سىڭلىلەر ورىنداعان وسى ءبي تەاترى اقىرى بازارعا بەتتەپ، حوتان كورەرمەندەرىمەن كەزدەسەتىن بولادى.
جۇڭگو شينجياڭ حالىقارالىق ۇلتتار ءبي فەستيۆالى، تۇڭعىش كەزەكتى شينجياڭ مادەنيەت - كوركەمونەر فەستيۆالى سياقتى ادەبيەت - كوركەمونەر سالتاناتىنىڭ جەبەۋىندە، شينجياڭ ۇزدىكسىز سارا تۋىندىلار جاراتىپ، سۇلۋ نازدى كوركەمونەردى بۇقارانىڭ تۇرمىسىنا ءسىڭىرىپ، اناعۇرلىم كوپ ادامعا كوركەمونەردىڭ تارتىمدىلىعىن سەزىندىردى.
ءىس جۇزىندە، بيىل جىل باسىنان بەرى شينجياڭنىڭ كونسەرت بازارى ۇزدىكسىز دۋمانعا بولەنىپ، ءبي تەاترى، مۋزيكا تەاترى، مۋزيكا كەشى، پيەسا، توك - شوۋلار ارت - ارتىنان قويىلىپ، ساحنا سىرتىندا، بەلەت تەكسەرۋ اۋزىندا قالىڭ ادام ساپىرىلىسىپ، قويىلىم سانى وتكەن 3 جىلداعى جالپى ساننان اسىپ ءتۇستى. وتە - موتە، ”ءبي تەاترى دۋمانى“ شينجياڭنىڭ ءبىر ءتۇرلى جاڭا مادەنيەت قۇبىلىسىنا اينالدى، سارا تۋىندىلارعا بەلەت الۋ قيىنداسىپ، كوپتەگەن كورەرمەندى تەاترحاناعا كىرۋگە، ءبي تەاترىن كورۋگە باۋرادى.
”شينجياڭ ەجەلدەن ءان - بيگە تولى جەر. كونسەرتتىڭ ءوزى ورنىن باستىرۋعا بولمايتىن ءبىر ءتۇرلى كوركەمدىك، تينامداي تۇسىنان جەر - الەم مەن مۇندالاپ، نازىك بۋىندارىنان جالپى جاعدايدى باعامداۋعا بولادى، بۇل ءبىزدىڭ كۇندەلىكتى تۇرمىسىمىزدا كەم بولماۋى كەرەك“، - دەدى شينجياڭ ويىن - ساۋىق سالاسىنداعى ءبىر كاسىپكەر.
سونىمەن بىرگە دۋماندى كونسەرت بازارى دا بۇقارانى ناقتى جاقسىلىقتاردان يگىلىكتەندىردى. 7 - ايدىڭ 26 - كۇنى كەشتە كولەمدى ناقتى كورىنىستىك مۋزيكا تەاترى «كۇنلۇن ۋادەسى» ءۇرىمجى اۋدانى شۇيشيگوۋ قالاشىعىندا كورەرمەندەرمەن جۇزدەستى. بيىل ورىندالعان «كۇنلۇن ۋادەسىندە» وتكەن جىلدارداعىمەن سالىستىرعاندا 2 وزگەرىس بار: بىرىنشىدەن، ۇجىم وتكەن جىلدارداعى بۇقارانىڭ اڭىسىنا نەگىزدەلىپ، بۇرىنعى نۇسقاسىنداعى ءبيدىڭ قۇراستىرىلۋىن، كوركەمونەرلىك بەينەلەۋىن جانە ساحنالىق كورىنىس اسەرىن ساپالىلاندىردى جانە جاقسارتتى؛ ەكىنشىدەن، جەرگىلىكتى قىستاق تۇرعىندارىنان قويىلىمعا قاتىناسقانداردىڭ سانى تۇڭعىش رەت 250 ادامنان استى.
”ءۇرىمجى اۋدانىنداعى ءارقايسى قىستاق، قالاشىقتاردان كەلگەن قىستاق تۇرعىندارىنىڭ ءبارى قابىلەتتەرىنە سۇيەنىپ ساحناعا شىقتى، ورتاشا جاسى 38 جاس، جەكە - جەكە بۇقارا ارتيست، شاباندوز، الاڭ قىزمەتكەرى، باقتاشى، كيىم - كەشەك دايىنداۋشى سياقتى جۇمىس ورىندارىندا ونەر كورسەتىپ، رولىن ساۋلەلەندىرىپ، ەسىك الدىندا - اق قوسىمشا جۇمىس ىستەپ جۇمىستانۋدى جۇزەگە اسىرۋمەن بىرگە، وتباسى كىرىسىن دە ارتتىردى“، - دەدى ءۇرىمجى كۇنلۇن ۋادەسى مادەنيەت - ساياحات قارجى قوسۋ شەكتى سەرىكتەستىگى كونسەرت قويۋ ءبولىمىنىڭ باستىعى ران چيانۋىن.
”ءدامدى تاعامدارعا“ جاقسى ”ىدىس“ دايىنداۋ كەرەك
ەگەر ورىندالعان ءبي تەاترلارى وسى رەتكى كوركەمونەر سالتاناتىنداعى ءدامدى تاعام دەلىنسە، وندا تەاترحانالار وسى ءدامدى تاعامدارعا ەڭ لايىق ادەمى ىدىس - اياق سانالادى.
ءبي فەستيۆالىنداعى تارتىمدى كونسەرتتەرمەن قاتار شينجياڭنىڭ ءبىرتالاي تەاترحانالارىندا كونسەرت قويىلدى. كوركەم، دەڭگەيى جوعارى وسى قويىلىم ورىندارىندا دالدىك دارەجەسى جوعارى ساحنانى ماشينامەن جوعارىلاتىپ - تومەندەتۋ جۇيەسى، LED ەكرانى، مۇز ەكران، جوعارى لۋمەندى پروەكتور سياقتى كوپ مەديالى بەينە ەكران جۇيەسىنىڭ بولۋى كونسەرت قوياتىن تەاتر ۇيىرمەلەرىن قامتاماسىز ەتۋمەن قويماي، كونسەرت تاماشالاعان بۇقارانى تاڭ قالدىردى ءارى ەل - جۇرتقا شينجياڭنىڭ دۇنيە جۇزىندەگى تاڭداۋلى كونسەرت كوركەمونەر ۇيىرمەلەرىنىڭ كونسەرتىن قابىلداۋ شارت - جاعدايى مەن قۋاتىن كورسەتىپ، شينجياڭنىڭ جىبەك جولى ەكونوميكالىق بەلدەۋى وزەكتى رايونى رەتىندەگى مادەنيەت قۋاتتى كۇشىىن ايگىلەدى.
سوڭعى جىلدارى شينجياڭ مادەنيەت الاڭ - سارايلارىنىڭ قۇرىلىس كولەمى مەن دەڭگەيىندە ساپالىق قارىشتاۋ بولدى، مىسالى، ءۇرىمجى قالاسىنداعى ”التى ساراي، ءبىر ورتالىق“ سىرتقى جوبالانۋىنان ىشكى قۇرىلعىلارىنا دەيىن وسىزاماندانعان، زاماناۋي جانە حالىقارالانعان ۇلكەن قالا ەرەكشەلىگىن ازىرلەدى. جاڭا، كونە تەاترحانالاردىڭ سانى مەن قالا رايونىندا جالپىلاسۋ سالىستىرماسى جاعىنان العاندا، تۇگەل ”ءتورت تۇرمانى ساي“ دەرلىك، ءبي فەستيۆالىنا سارا ويىن نومىرلەرىنىڭ قاتىناستىرىلۋى بەينە ”شىعىستان ەسكەن سامالداي“ بولدى.
ءۇرىمجى قالاسى تيانشان رايونى ميڭحۋا كوشەسى 308 - نومىرگە ورنالاسقان ءۇرىمجى جيڭجۇي تەاترحاناسى 2019 - جىلى 8 - ايدا ىسكە قوسىلعان، جاڭاشا جۇڭگو ۇلگىسىندەگى نىشاندىق قۇرىلىس، ءتۇزۋ، ورنىقتى بولۋ، اشىق بولۋ، توعىسۋ سىندى جوبالاۋ ۇستانىمى قولدانىلىپ، قىزىل مىستان سالىنعان قۇرىلىستىڭ جالپى تۇلعاسى سالاۋاتتى بەينە بايقاتاتىن قارا قوشقىل ءتۇستى بولىپ، كلاسسيكالىق كوركەمدىككە يە. بۇل تەاترحانانىڭ جالپى جەر اۋدانى مولشەرمەن 22 مىڭ 700 شارشى مەتر بولىپ، 1006 ورىندى ءبىر ۇلكەن تەاترحانا جانە 244 ورىندى ءبىر كىشكەنە تەاترحانا بار، ساحنا شىراعى جيىنى 1000 نەشە تىزبەك ءارى 3D پروەكتور جابدىعى مەن داكى شىمىلدىق قوسىپ ىستەتىلگەن. ءبي فەستيۆالى كەزىندە جيڭجۇي تەاترحاناسىندا 3 تاڭداۋلى ويىن ءنومىرى قويىلدى، بۇلار جەكە - جەكە «گرۋزيا بايلىعى»، «ۆوگزال» جانە «بەس جۇلدىز شىعىستان كوتەرىلدى». ”مادەنيەت ارقىلى ادام باۋلۋ جان دۇنيەنى ءتىپتى دە ۇيىستىرا الادى؛ كوركەمونەر كوڭىل توعىستىرادى، جيڭجۇي تەاترحاناسى حالىققا جاناسىمدى، حالىققا قىزمەت وتەيتىن، حالىققا تيىمدىلىك جەتكىزەتىن كوركەمونەر سارايىن تۇلعالاپ، شينجياڭنىڭ ادەبيەت - كوركەمونەرىن گۇلدەندىرۋگە كۇش - قۋات قوسۋدى ماقسات ەتكەن“، - دەدى ءۇرىمجى جيڭجۇي تەاترحاناسىنىڭ جاۋاپتىسى گو يۇڭحۇڭ.
1957 - جىلى ىسكە قوسىلعان شينجياڭ حالىق تەاترحاناسى تالاي رەت جوندەلدى، قۇرىلىستىڭ سالىنعانىنا ۇزاق جىل بولعانىمەن، قۇرىلعىلارى جاڭا ەدى. 2020 - جىلى تەاترحانا كونسەرت زالى ساحناسىنداعى كوتەرگىش، شىراق سياقتى قاتتى بولشەك قۇرىلعىلارىنىڭ دارەجەسىن جاڭادان ءوسىردى، سونىمەن بىرگە بارلىق كينو زالىنىڭ ءىشى - سىرتىنداعى ورتانى جانە كينو جابدىقتارىن جاڭالاپ، اشەكەيلەدى. وسى بىرنەشە جىلدا شينجياڭ حالىق تەاترحاناسى تاعى توك - شوۋ قىزمەت كەڭسەسىمەن سەلبەستىك جاساسۋعا ۇمتىلىپ، گۇلاندام ماروجني كينو بەيزاتتىق مادەنيەت مۇرالارى مادەنيەت كورمەسىن اشىپ، شينجياڭ كينو نەگىزگى تاقىرىپتىق كورمەسى سياقتىلاردى وتكىزىپ، بەرىلە ونەر كورسەتۋ جاڭا كەڭىستىگىن تۇلعالاپ، جاس كورەرمەندەر ۇناتىپ باراتىن جەرگە اينالدى. وسى كەزەكتى ءبي فەستيۆالىندا تۇركمەنستان، قىرعىزستان، قازاقستان، وڭتۇستىك افريكا سياقتى 4 ەلدىڭ كونسەرتى وسى ارادا قويىلىپ، ارتيستەر ساحنا ورتاسى مەن ءونىمىن تۇگەل جوعارى باعالادى.
اۆتونوميالى رايوندىق مادەنيەت جانە ساياحات مەڭگەرمەسىنىڭ ساناعىنا قاراعاندا، قازىر بۇكىل رايونداعى 14 ايماق، وبلىس، قالادا كونسەرت قويىلاتىن تەاترحانا، كوركەمونەر ورتالىعىنان جيىنى 69ى بار ەكەن، مۇنىڭ ىشىندە شينجياڭ حالىق تەاترحاناسى، شينجياڭ كوركەمونەر تەاترحاناسى پيەسا ۇيىرمەسى تەاترحاناسى سياقتى 6 تەاترحانا 2000 - جىلدان ىلگەرى سالىنعان؛ 63 تەاترحانا 2000 - جىلدان كەيىن سالىنعان، مۇنىڭ ىشىندە 33ى 2012 - جىلدان كەيىن قۇرىلىس باستاعان.
”ساندى مالىمەت ەڭ جاقسى دالەل، ول شينجياڭ مادەنيەتىنىڭ دامۋىندا پارمەندى قۋاتى بار ەكەندىگىن كورسەتەدى“، - دەدى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى شۇي رۇيجۇن.
