8 - ايدىڭ 10 - كۇنى تاڭەرتەڭ، ٴۇرىمجى قالاسىندا كۇن شايداي اشىق، جاڭا شىققان كۇن بۇلتتار اراسىنان باياۋ كوتەرىلىپ كەلەدى. سۋرەتتى انار بۇلت / شينجياڭ گازەتىنىڭ ٴتىلشىسى جاڭ ۋاندى تۇسىرگەن
انار بۇلت / شينجياڭ گازەتىنىڭ حابارى (ٴتىلشى يۇي مىڭفان حابارلايدى). ءسىز دە وسىلاي سەزىندىڭىز بە؟ بيىلعى كۇز باسى امالى بەينە تابيعات سالقىن سامالىمەن ەسىك قاققانداي، سول كۇننەن باستاپ - اق سالقىن اۋا رايى بەلەڭ بەرە باستادى. ٴار امال ءۇش كەزەڭگە بولىنەدى، كۇز باسى امالىنىڭ 1 - كەزەڭىندە ”سالقىن سامال ەسەدى“، بۇرىنعىلار ايتقانداي ”تابيعات بىزگە قوڭىر سامالىن سيلايدى“. جازدان كۇزگە وتەتىن ماۋسىم وزگەرىسى ەڭ الدىمەن سالقىن سامالدان بەينەلەندى. كۇز باسى كىرگەننەن كەيىن، ەرتەلى - كەش سالقىن سامال ەسىپ، شىلىڭگىر ىستىقتاعى بىزدەر ءۇشىن جانعا جايلى تاماشا سەزىم سيلادى.
8 - ايدىڭ 10 - كۇنى ءتىلشىنىڭ شينجياڭ اۋا رايى ستانسياسىنان ۇعىسۋىنشا، بۇگىن ىلە قازاق اۆتونوميالى وبلىسىنىڭ تاۋلى وڭىرلەرى، بۇراتالا موڭعۇل اۆتونوميالى وبلىسىنىڭ باتىسىنداعى تاۋلى وڭىرلەر، تارباعاتاي ايماعىنىڭ سولتۇستىگى، التاي ايماعىنىڭ سولتۇستىگى مەن شىعىس بولىگى، تيانشان تاۋلى ٴوڭىرى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى، قۇمىل قالاسىنىڭ سولتۇستىگىندەگى تاۋلى وڭىرلەر سياقتى جەرلەردىڭ ٴىشىنارا وڭىرلەرىندە سەبەزگى جاڭبىر جاۋادى، جوعارىدا ايتىلعان جەرلەردىڭ ٴىشىنارا وڭىرلەردە ورتاشا دارەجەدە جاڭبىر جاۋادى؛ جوعارىدا ايتىلعان ٴبىر ٴبولىم وڭىرلەر مەن شىعىس شينجياڭدا 5 بال شاماسىندا باتىس سولتۇستىك جەلى سوعادى، وڭتۇستىك شينجياڭ ويپاتىنىڭ شىعىس بولەگىندە 5 بال شاماسىندا قيىس شىعىس جەلى، جەل وتىندە 8 بال شاماسىندا بوران سوعادى. وڭتۇستىك شينجياڭ ويپاتىنىڭ باسىم كوپ ٴبولىم وڭىرلەرىندە، ىلە وبلىسىنىڭ باتىس بولىگى، شىعىس شينجياڭ قاتارلى جەرلەردىڭ ٴىشىنارا وڭىرلەرىندە ℃ 40 - ℃ 35تىق جوعارى تەمپەراتۋرالى اۋا رايى بولادى، شىعىس شينجياڭداعى ٴىشىنارا جەرلەردە ەڭ جوعارى تەمپەراتۋرا 40 سەلتسي گرادۋستان اسادى.
8 ـ ايدىڭ 10 ـ كۇنى تاڭەرتەڭ، ٴۇرىمجى قالاسىندا كۇن شايداي اشىق، ەندى عانا كوتەرىلگەن كۇننىڭ التىن نۇرى بۇلتتار اراسىنان الۋان ءتۇرلى شۇعىلا شاشتى. سۋرەتتى انار بۇلت / شينجياڭ گازەتىنىڭ ٴتىلشىسى ياڭ ۋي تۇسىرگەن
بۇگىن ٴۇرىمجى قالاسىندا كۇن اشىق، ەڭ جوعارى تەمپەراتۋرا 31 سەلتسي گرادۋس، ەڭ تومەن تەمپەراتۋرا 21 سەلتسي گرادۋس، جەل كۇشى 3 بال شاماسىندا.
الداعى ٴۇش كۇندە، وڭتۇستىك شينجياڭ، شىعىس شينجياڭنىڭ باسىم كوپ ساندى وڭىرلەرىندە ٴورت قاتەرىن تۋدىراتىن اۋا راي دارەجەسى ٴبىرشاما جوعارى بولادى، ىستىقتان ساقتانىپ، تەمپەراتۋرانى تومەندەتۋگە جانە وت ىستەتۋ، توك ىستەتۋ حاۋىپسىزدىگىنە كوڭىل ٴبولۋ كەرەك. سولتۇستىك شينجياڭنىڭ باتىس، سولتۇستىك بولىگى، تيانشان تاۋلى ٴوڭىرى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى سياقتى جەرلەردىڭ ٴىشىنارا جەرلەرىندە قىسقا ۋاقىتتىق نوسەر، بۇرشاق، ناجاعايلى بوران سياقتى كۇشتى كونۆەكسيالىق اۋا رايى بولاتىندىقتان، كۇشتى كونۆەكسيالىق اۋا رايىنىڭ ٴتيىمسىز ىقپالىنان جانە تاۋلى ٴوڭىردىڭ ٴىشىنارا جەرلەرىندە ارالاس تاسقىن، نوسەرلى تاسقىن جانە لاي كوشكىنى، بەتكەي كوشكىنى سياقتى گەولوگيالىق اپاتتاردان ساقتانۋ قاجەت.
سەبەزگى جاڭبىر مەن از جاۋىننىڭ ىقپالىنا ۇشىرايتىن جول بولىكتەرى: G30 ،G312 جەلىسىنىڭ قورعاستان جىڭعا دەيىنگى بولىگى، G216 جەلىسىنىڭ التايدان كوكتوعايعا دەيىنگى، حوۋشيادان بالعىنتايعا دەيىنگى بولىگى، G217 جەلىسىنىڭ التايدان قارامايلىعا دەيىنگى، مايتاۋدان اعىعا دەيىنگى بولەگى، G218 جەلىسىنىڭ نىلقىدان بالعىنتايعا دەيىنگى بولىگى، G3015 جەلىسىنىڭ شاۋەشەكتەن تەمىرتامعا دەيىنگى بولىگى. G314 جەلىسىنىڭ بۇلۇڭكولدەن حونچيراپقا دەيىنگى بولىگى، G219 جەلىسىنىڭ مازاردان جيەشان اسۋىنا دەيىنگى بولىگى.
