انار بۇلت \ شينجياڭ گازەتىنىڭ ءتىلشىسى جاڭ يۇنمەي 8 - ايدىڭ 9 - كۇنى ۇرىمجىدەن حابارلايدى. 8 - ايدىڭ 9 - كۇنى اۆتونوميالى رايوندىق ۇكىمەت ارناۋلى تاقىرىپتىق ۇيرەنۋ ءماجىلىسىن اشىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە 7 - ايدىڭ 24 - كۇنگى ورتالىق كوميتەت ساياسي بيۋروسى ءماجىلىسىنىڭ رۋحىن ىشكەرىلەي ۇيرەنىپ، نەگىزگى تاقىرىپتىق تاربيەنى ىشكەرىلەي ورىستەتۋمەن ۇشتاستىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا ماسەلەنى باعدار ەتۋگە تاباندى بولىپ، الدىڭعى جارتى جىلداعى قىزمەت جاعدايى جونىندە پىكىر اۋىستىرىپ، سوڭعى جارتى جىلداعى قىزمەتتى اقىلداسىپ جوسپارلادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى ءارى ءسوز سويلەدى، اۆتونوميالى رايوننىڭ ورىنباسار ءتوراعالارى مەن ۇكىمەت پارتيا باسشىلىق گرۋپپاسىنىڭ مۇشەلەرى پىكىر اۋىستىرىپ، لەبىز ءبىلدىردى.
ەركىن تۇنياز پىكىر اۋىستىرۋ لەبىزدەرىن تىڭداعاننان كەيىن، بىلاي دەپ اتاپ كورسەتتى: ساياسي دەڭگەيدى اناعۇرلىم جوعارىلاتىپ، پارتيانىڭ باسشىلىعىن ۇكىمەت قىزمەتىنىڭ تۇتاس بارىسىمەن، ءارقايسى بۋىنىمەن ساباقتاستىرىپ، ”ەكىنى تۇراقتاندىرۋدى“ تاباندىلىقپەن قورعاپ، ”ەكىنى قورعاۋدى“ باتىل ورىنداپ، يدەيا مەن ارەكەتتى باس شۋجي شي جينپيڭ مەن پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن قاشاندا بارلىق قىزمەتتى ويداعىداي ىستەۋدىڭ تارازىسى جانە ولشەمى ەتىپ، سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن قاشاندا قىزمەتتىڭ كوزدەۋ ءتۇيىنى، كۇش سالۋ ءتۇيىنى ەتىپ، ۇكىمەت قىزمەتىنىڭ جاڭا تابىستارعا قول جەتكىزۋىن ۇزدىكسىز ىلگەرىلەتۋ كەرەك.
ەركىن تۇنياز بىلاي دەپ باسا دارىپتەدى: سەنىمدى بەكەمدەپ، تاباندىلىقتى ساقتاپ، رايونىمىز ەكونوميكاسىنىڭ دامۋ اۋقىمىن سەرگەكتىكپەن تانىپ، ورنىقتى ارتۋدى جەبەيتىن جەلىلەس ساياساتتاردى، شارالاردى جەدەل اقىلداسىپ، ساپالىلاندىرىپ، ءتۇرلى قىزمەتتەردىڭ جاڭا ونىمدىلىكتەرگە قول جەتكىزۋىن تىڭعىلىقتى ىلگەرىلەتۋ كەرەك. شي جينپيڭنىڭ ەكونوميكا يدەياسىن، جاڭا داۋىردەگى پارتيانىڭ شينجياڭدى باسقارۋ جالپى جوباسىن رايونىمىزدىڭ ءىس جۇزىندىك جاعدايىمەن تىعىز ۇشتاستىرىپ، ۇزدىكسىز يدەيانى ازات ەتىپ، كوزقاراستا بۇرىلىس جاساپ، قيىندىقتاردى ءبىلىپ، قيىندىقتاردى شەشىپ، سوڭىنا دەيىن مىقتى يگەرىپ، جوعارى ساپالى دامۋدى ىلگەرىلەتۋدىڭ جاڭا جولىمەن ءجۇرۋ كەرەك. ورنىقتىلىق بارىسىندا ىلگەرىلەۋ سىندى قىزمەت جالپى ارناسىنا تاباندى بولىپ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ قاتىناسىن ءبىر تۇتاس جوسپارلاپ، شينجياڭ ەكونوميكاسىنىڭ ساپا جاعىنان ءونىمدى جوعارىلاۋدى جانە مولشەر جاعىنان ۇيلەسىمدى ارتۋدى جۇزەگە اسىرۋىن ىلگەرىلەتۋ كەرەك. ماسەلەنى باعدار ەتۋگە تاباندى بولىپ، نەگىزگى تاقىرىپتىق تاربيەنىڭ تالابى بويىنشا، سۋبيەكتيۆتىك تۇرعىدان ءادىس - امال قاراستىرۋعا، ناقتى شارا تابۋعا، قيىن ماسەلەلەردى شەشۋگە ايرىقشا ءمان بەرىپ، ماسەلەنى بايقاۋ، ماسەلەنى شەشۋ قابىلەتىن ۇزدىكسىز جوعارىلاتىپ، تەكسەرۋ - زەرتتەۋدىڭ ”كەيىنگى كەزەڭدەگى جۇمىستارىن“ ويداعىداي ىستەۋ كەرەك. حالىق ءۇشىن ىستەۋ سۇيىسپەنشىلىگىنە تاباندى بولىپ، اۆتونوميالى رايوننىڭ حالىق تۇرمىسىنا قاتىستى 10 ناقتى ءىسىن شىن مانىندە ويداعىداي ىستەپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، شىن مانىندە پارمەندى شارا قولدانىپ، تاراپتاردىڭ سەنىمىن ۇزدىكسىز سەرپىلتۋ كەرەك. حاۋىپ - قاتەر تانىمىن كۇشەيتىپ، ۇدايىلاندىرا تۇجىرىمداۋدى نىعايتىپ، ءارقايسى ءتۇيىندى سالالارداعى حاۋىپ - قاتەرلەردى، كومەسكى كىناراتتاردى دالمە - ءدال تاۋىپ، شارالاردى دالمە - ءدال تۇراقتاندىرىپ، جاۋاپكەرشىلىكتى تياناقتاندىرىپ، ەكونوميكالىق، قوعامدىق جوعارى ساپالى دامۋدىڭ حاۋىپسىزدىك تومەنگى شەگىن مىقتاپ يگەرۋ كەرەك.
ەركىن تۇنياز مىنالاردى تالاپ ەتتى: ۇكىمەتتىڭ ءوز قۇرىلىسىن اناعۇرلىم كۇشەيتىپ، زاڭ بويىنشا اكىمشىلىك جۇرگىزۋدى تىڭعىلىقتى ىلگەرىلەتىپ، دۇرىس ناتيجە كوزقاراسىن شىنايى بەرىك ورناتىپ جانە امالياتتا ايگىلەپ، شىرىكتەسۋدەن اۋلاق بولۋ، ازعىنداۋدان ساقتانۋ تومەنگى شەگىن ساقتاپ، قىزمەتتى تياناقتاندىرۋدى يگەرۋدىڭ ”رۋحاني بەينەسىن“ جاپپاي جوعارىلاتۋ كەرەك. باستاماشىلدىقپەن زاڭ ۇيرەنىپ، زاڭعا قۇرمەت ەتىپ، زاڭعا بويسۇنىپ، زاڭدى قولدانىپ، اكىمشىلىك شەشىم جاساۋ ءتارتىبىن ىشكەرىلەي ولشەمدەستىرىپ، زاڭ بويىنشا شەشىم جاساۋدى، عىلمي شەشىم جاساۋدى ورىنداۋ كەرەك. شىرىكتەسۋدەن اۋلاق بولۋ، ازعىنداۋدان ساقتانۋ قورعانىس شەبىن ساقتاپ، تارتىپكە قاتاڭ بويسۇنىپ، ورتالىقتىڭ 8 ءتۇرلى بەلگىلەمەسىن، سونداي - اق ونى اتقارۋ ەرەجەسىن جانە اۆتونوميالى رايوندىق پارتكومنىڭ اتقارۋ ءادىسىن باستاماشىلدىقپەن قاتاڭ اتقارىپ، ۇقىقتى ادىلدىكپەن ىستەتىپ، ۇقىقتى زاڭ بويىنشا ىستەتىپ، ۇقىقتى پاكتىكپەن ىستەتىپ، ۇكىمەت جۇيەسى ستيلىنىڭ ۇزدىكسىز جاقسارۋىن ىلگەرىلەتۋ كەرەك. شىندىقتى ءىس جۇزىندىكتەن ىزدەۋگە، شىنايى يگەرىپ ناقتى ىستەۋگە تاباندى بولىپ، تەكسەرۋ - زەرتتەۋدى بارىنشا ورىستەتىپ، كەزەك كۇتتىرمەيتىن جۇمىستاردى ايتىلعان زامان ىستەۋ، مىقتاپ يگەرىپ، جەدەل ىستەۋ، ۇزاق مەزگىلدىك مىندەتتەردى سابىرلىلىقپەن جانە تاباندىلىقپەن ىستەۋ، ءبىر جوبانى سوڭىنا دەيىن اتقارۋعا تاباندى بولىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ شينجياڭ تاراۋىن قۇلشىنا ويداعىداي جازۋ كەرەك.
