قۇمىل − چۇڭچيڭ 800± كيلوۆولتتىق اسقىن جوعارى كەرنەۋلى تۇراقتى توك جەتكىزۋ ينجەنەرياسى جانە ليزىۋان سۋ شىعارىپ، ەنەرگيا ساقتاۋ ەلەكتر ستانسياسى قۇرىلىسىندا جۇمىس باستالدى
”شينجياڭنىڭ ەلەكترىن سىرتقا جەتكىزۋ“ 3 - ارنا قۇرىلىسى رەسمي باستالدى
ما شيڭرۇي، يۋان جياجۇن، شين باۋ - ان، يۇي بيڭ جۇمىس باستاۋعا جۇمىلدىرۋ جينالىسىنا قاتىناستى ءارى ءسوز سويلەدى، ەركىن تۇنياز، حۋ حىڭحۋا، جاڭ چۇنلين، حى جۇڭيوۋ ماجىلىسكە قاتىناستى
8 - ايدىڭ 8 - كۇنى مەملەكەت ەلەكتر تورى شەكتى سەرىكتەستىگى شينجياڭ مەن چۇڭچيڭدە قۇمىل − چۇڭچيڭ 800± كيلوۆولتتىق اسقىن جوعارى كەرنەۋلى تۇراقتى توك جەتكىزۋ ينجەنەرياسى جانە ليزىۋان سۋ شىعارىپ، ەنەرگيا ساقتاۋ ەلەكتر ستانسياسى جۇمىس باستاۋعا جۇمىلدىرۋ جينالىسىن ءبىر ۋاقىتتا وتكىزدى. سۋرەتتە: اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، مەملەكەت ەلەكتر تورى شەكتى سەرىكتەستىگىنىڭ القا باستىعى شين باۋ - ان ۇرىمجىدە نىساننىڭ جۇمىس باستاۋ شارىن بىرگە باستى.
انار بۇلت \ شينجياڭ گازەتىنىڭ ءتىلشىسى جوۋ پىڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 8 - كۇنى ۇرىمجىدەن حابارلايدى. 8 - ايدىڭ 8 - كۇنى تۇستەن بۇرىن مەملەكەت ەلەكتر تورى شەكتى سەرىكتەستىگى شينجياڭ مەن چۇڭچيڭدە قۇمىل − چۇڭچيڭ 800± كيلوۆولتتىق اسقىن جوعارى كەرنەۋلى تۇراقتى توك جەتكىزۋ ينجەنەرياسى جانە ليزىۋان سۋ شىعارىپ، ەنەرگيا ساقتاۋ ەلەكتر ستانسياسى جۇمىس باستاۋعا جۇمىلدىرۋ جينالىسىن ءبىر ۋاقىتتا وتكىزدى، بۇل ”شينجياڭنىڭ ەلەكترىن سىرتقا جەتكىزۋ“ 3 - ارنا قۇرىلىسىنىڭ رەسمي باستالعاندىعىنىڭ بەلگىسى. اۆتونوميالى رايوندىق پارتكومنىڭ شۋجيى ما شيڭرۇي، چۇڭچيڭ قالالىق پارتكومنىڭ شۋجيى يۋان جياجۇن جانە مەملەكەت ەلەكتر تورى شەكتى سەرىكتەستىگىنىڭ القا باستىعى شين باۋ - ان، مەملەكەت ەنەرگيا مەكەمەسىنىڭ ورىنباسار باستىعى يۇي بيڭ ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، چۇڭچيڭ قالالىق پارتكومنىڭ ورىنباسار شۋجيى، قالا باستىعى حۋ حىڭحۋا، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ ماجىلىسكە قاتىناستى.
قۇمىل − چۇڭچيڭ 800± كيلوۆولتتىق اسقىن جوعارى كەرنەۋلى تۇراقتى توك جەتكىزۋ ينجەنەرياسى − مەملەكەتتىڭ ”14 - بەسجىلدىق“ دامۋ جوباسىندا بەلگىلەنگەن 102 كەلەلى ينجەنەريانىڭ ءبىرى، شينجياڭنىڭ قۇمىل قالاسى باركول قازاق اۆتونوميالى اۋدانىنان باستالىپ، چۇڭچيڭ قالاسىنىڭ يۇيبەي رايونىندا اياقتالادى، جەلىنىڭ جالپى ۇزىندىعى 2290 كيلومەتر، شينجياڭ، گانسۋ، شانشي، سىچۋان، چۇڭچيڭ سىندى 5 ولكە، اۆتونوميالى رايون، توتە قاراستى قالادان وتەدى، جوباداعى ەلەكتر جەتكىزۋ قۋاتى 8 ميلليون كيلوۆولت. جوسپار بويىنشا نىسان ”14 - بەسجىلدىقتىڭ“ سوڭىندا سالىنىپ ءبىتىپ ىسكە قوسىلادى، سول كەزدە شينجياڭنىڭ ەلەكترىن سىرتقا جەتكىزۋ كولەمى 33 ميلليون كيلوۆولتتان اسىپ، ەلىمىزدىڭ ورتا شىعىس بولىك ءوڭىرىنىڭ دامۋىنا جانە چىڭدۋ − چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىنا پارمەندى تىرەك ازىرلەيدى.
ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان نىساننىڭ جۇمىس باستاپ، قۇرىلىس جۇرگىزگەندىگىن قىزۋ قۇتتىقتايتىندىعىن ءبىلدىردى، مەملەكەتتىك دامۋ جانە رەفورما كوميتەتى، مەملەكەت ەنەرگيا مەكەمەسى جانە مەملەكەت ەلەكتر تورى سەرىكتەستىگى سياقتى ورتالىق كاسىپورىندارىنىڭ ۇزاق ۋاقىتتان بەرى شينجياڭنىڭ ەكونوميكاسىنىڭ، قوعامىنىڭ دامۋىنا زور كۇشپەن قولداۋ كورسەتىپ كەلگەندىگىنە شىنايى العىس ايتتى، چۇڭچيڭ قالاسىنىڭ ينجەنەريانىڭ الدىڭعى مەرزىمدىك قىزمەتىندە شينجياڭعا بار كۇشپەن كومەك كورسەتكەندىگىنە ىقىلاستى العىس ايتتى، نىساندى ىلگەرىلەتۋگە قاجىرلىلىقپەن قۇلشىنىس جاساعان جولداستارعا وسكەلەڭ قۇرمەت ءبىلدىردى. ول بىلاي دەپ اتاپ كورسەتتى: قۇمىل − چۇڭچيڭ 800± كيلوۆولتتىق اسقىن جوعارى كەرنەۋلى تۇراقتى توك جەتكىزۋ ينجەنەرياسىنا قوسىلعان جالپى قارجىنىڭ كولەمى زور، سايكەستى جاڭا ەنەرگيالاردىڭ يەلەگەن سالىستىرماسى جوعارى بولىپ، شينجياڭنىڭ ەنەرگيا بايلىعى باسىمدىعىن كادەگە جاراتۋدى ىلگەرىلەتۋ، بۇكىل ەلدى ەنەرگيامەن قامداۋعا كەپىلدىك ەتۋ كەلەلى جاعدايىنا قىزمەت وتەۋ، جاڭاشا ەلەكتر قۋاتى جۇيەسى قۇرىلىسىنا دەم بەرۋ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى ىلگەرىلەتۋ جونىنەن ماڭىزدى ستراتەگيالىق مانگە يە. ينجەنەريا سالىنىپ بولعاننان كەيىن، شينجياڭنىڭ تازا ەنەرگيانى كەڭ كولەمدى اشۋىن، پايدالانۋىن جانە كەڭ كولەمدى ورنالاستىرۋىن، قابىلداۋىن زور كۇشپەن جەبەپ، شينجياڭنىڭ مەملەكەت بويىنشا كولەمى ەڭ ۇلكەن جاڭا ەنەرگيانى سىرتقا جەتكىزۋ بازاسىن قۇرىپ، شينجياڭ − چۇڭچيڭ ەكى جەردىڭ ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم ويداعىداي قىزمەت وتەۋىن ىلگەرىلەتەدى. شينجياڭ نەگىزگى تاقىرىپتىق تاربيەنى ورىستەتۋمەن بىرلەستىرىپ، باس شۋجي شي جينپيڭنىڭ ەنەرگيا قىزمەتى جونىندەگى ماڭىزدى بايىمداۋىن تەرەڭ ۇيرەنىپ، دايەكتىلەندىرىپ، دامۋداعى ستراتەگيالىق ورنىن كوزدەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ”ءتورت توڭكەرىس، ءبىر سەلبەستىك“ ەنەرگيا حاۋىپسىزدىگى جاڭا ستراتەگياسىن جاپپاي تياناقتاندىرىپ ، ”3 بازا، ءبىر ارنا“ قۇرىلىسىن جاپپاي ىلگەرىلەتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋ قۋاتىن جەدەل جوعارىلاتىپ، مەملەكەت ەلەكتر تورى سەرىكتەستىگىمەن جانە چۇڭچيڭ قالاسىمەن ستراتەگيالىق سەلبەستىكتى ۇزدىكسىز تەرەڭدەتىپ، نىسان قۇرىلىسىنا قىزمەت وتەۋدى، قامتاماسىز ەتۋدى بار كۇشپەن ويداعىداي ىستەپ، تازا، تومەن كومىر قىشقىل گازدى، حاۋىپسىز، جوعارى ءونىمدى ەنەرگيا جۇيەسىن كۇش سالا قۇرىپ، مەملەكەتتىڭ ەنەرگيا بايلىعىن ستراتەگيالىق قامتاماسىز ەتۋ بازاسىن قۇلشىنا تۇلعالاپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ءتىپتى دە زور ۇلەس قوسادى.
يۋان جياجۇن چۇڭچيڭ قالالىق پارتكوم، قالالىق ۇكىمەت اتىنان مەملەكەتتىك دامۋ جانە رەفورما كوميتەتى، مەملەكەتتىك ەنەرگيا مەكەمەسى سياقتى مينيسترلىكتەردىڭ، كوميتەتتەردىڭ ءبىر تۇتاس جوسپارلاپ قولداۋ كورسەتكەندىگىنە، شينجياڭ ۇيعۇر اۆتونوميالى رايوندىق پارتكومنىڭ، ۇكىمەتتىڭ جوعارى دەڭگەيدە ىلگەرىلەتكەندىگىنە، مەملەكەت ەلەكتر تورى سەرىكتەستىگى سياقتى ورتالىق كاسىپورىندارىنىڭ بەلسەنە قارجى قوسىپ قۇرىلىس جۇرگىزگەندىگىنە، گانسۋ، شانشي، سىچۋان سياقتى باۋىرلاس ولكەلەردىڭ زور كۇشپەن سايكەسكەندىگىنە، قولداۋ كورسەتكەندىگىنە شىنايى العىس ايتتى، ءبىرىنشى شەپتە ەرلىكپەن شايقاسىپ جاتقان ينجەنەريا قۇرىلىسشىلارىنا وسكەلەڭ قۇرمەت ءبىلدىردى. يۋان جياجۇن بىلاي دەدى: باس شۋجي شي جينپيڭ ەنەرگيا جانە ەلەكتر قۋاتى قىزمەتىنە باسا ءمان بەرىپ، پارتيانىڭ 20 - قۇرىلتايى جاڭاشا ەنەرگيا جۇيەسىن جانە ەنەرگيا ءوندىرۋ، قامداۋ، تۇتىنۋ جۇيەسىن جەدەل قۇرۋ جونىندە كەلەلى ورنالاستىرۋ جاسادى. ”شينجياڭ ەلەكترىن چۇڭچيڭگە كىرگىزۋ“ ينجەنەرياسى سياقتى نىسانداردىڭ جۇمىس باستاۋى − باس شۋجي شي جينپيڭنىڭ ماڭىزدى نۇسقاۋلارىن، تالاپتارىن جانە پارتيا 20 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ ناقتى ارەكەتى، وسىزاماندانعان جاڭا چۇڭچيڭ قۇرىلىسىن ىلگەرىلەتۋدىڭ شەشۋشى شاراسى. ەلەكتر تورى مەن ەلەكتر قۋاتى جۇيەسىن وسىزامانداندىرۋ قۇرىلىسىن كۇشەيتىپ، ەنەرگيا حاۋىپسىزدىگى بويىنشا قامداۋدى قامتاماسىز ەتۋ قابىلەتىن جوعارىلاتۋ − چىڭدۋ − چۇڭچيڭ ءوڭىرى قوس قالا ەكونوميكالىق شەڭبەرى ، باتىس بولىك قۇرلىق - تەڭىز جاڭا ارناسى سياقتى مەملەكەتتىڭ كەلەلى ستراتەگياسىن اتقارۋدى ىلگەرىلەتىپ، چۇڭچيڭنىڭ كاسىپ سالاسىنىڭ تيبىن جاڭالاپ، دارەجەسىن جوعارىلاتۋىن جانە كومىر قىشىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋدى ىلگەرىلەتىپ، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن اناعۇرلىم ويداعىداي قاناعاتتاندىرۋعا پايدالى. ”شينجياڭ ەلەكترىن چۇڭچيڭگە كىرگىزۋ“ ينجەنەرياسى سياقتىلاردىڭ جۇمىس باستاپ، قۇرىلىس جۇرگىزۋى − جاڭا ءداۋىردىڭ جاڭا جورىعىنداعى شينجياڭ − چۇڭچيڭ سەلبەستىگىنىڭ بەلگى سيپاتتى تابىسى، چۇڭچيڭنىڭ ەلەكترمەن قامداۋدى قامتاماسىز ەتۋ قۋاتىن كۇشەيتىپ، ەنەرگيا قۇرىلىمىن رەتتەۋدى ىلگەرىلەتىپ، كاسىپورىنداردىڭ ەلەكتردەن پايدالانۋ نارقىن كورنەكتى تومەندەتۋگە سەپتىگىن تيگىزىپ، وسىزاماندانعان جاڭا چۇڭچيڭ قۇرىلىسىنا دەم بەرەدى. ءبىز پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، جاڭا دامۋ ارناسىنا بەلسەندى توعىسىپ جانە قىزمەت وتەپ، مەملەكەتتىڭ ەنەرگيا حاۋىپسىزدىگى جاڭا ستراتەگياسىن مۇقيات تياناقتاندىرىپ، ”شينجياڭ ەلەكترىن چۇڭچيڭگە كىرگىزۋ“ ينجەنەرياسى قۇرىلىسىن بار كۇشپەن قامتاماسىز ەتىپ، ەنەرگيا سالاسىندا ەسىك اشۋدى، سەلبەستىك جاساۋدى جاپپاي تەرەڭدەتىپ، بۇكىل ەلدى ەنەرگيامەن قامداۋعا كەپىلدىك ەتۋ كەلەلى جاعدايىنا اناعۇرلىم ويداعىداي قىزمەت وتەپ، جۇڭگو ۇلگىسىندەگى وسىزامانداندىرۋ قۇرىلىسىنا چۇڭچيڭنىڭ كۇش - قۋاتىن قوسامىز.
شين باۋ - ان بىلاي دەدى: قۇمىل − چۇڭچيڭ 800± كيلوۆولتتىق اسقىن جوعارى كەرنەۋلى تۇراقتى توك جەتكىزۋ ينجەنەرياسى جانە ليزىۋان سۋ شىعارىپ، ەنەرگيا ساقتاۋ ەلەكتر ستانسياسىنىڭ جۇمىس باستاپ قۇرىلىس جۇرگىزۋى − باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، ەنەرگيا ءوندىرىسى مەن تۇتىنۋ توڭكەرىسىن اناعۇرلىم ويداعىداي ىلگەرىلەتىپ، وڭىرلەردىڭ سايكەستى دامۋىن جەبەۋدىڭ جاندى امالياتى. بۇل ەكى ينجەنەريا جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرەتىن، چىڭدۋ − چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىنا قىزمەت وتەيتىن كەلەلى ينجەنەريا، ەنەرگيانىڭ تازا، تومەن كومىر قىشقىل گازدى بولۋعا قاراي ويىسۋىن ىلگەرىلەتەتىن، جاڭاشا ەلەكتر قۋاتى جۇيەسىن قۇراتىن ينجەنەريا، ءونىمدى قارجى قوسۋدى كەڭەيتەتىن، ارتۋدى، جۇمىستانۋدى ورنىقتىرىپ، حالىق تۇرمىسىنا يگىلىك جاراتۋدى دەمەيتىن يگى ينجەنەريا، قۇرىلىس مىندەتى اۋىر، جاسامپازدىققا قويىلاتىن تالاپ جوعارى. مەملەكەتتىڭ قاتىستى مينيسترلىكتەرىنىڭ، كوميتەتتەرىنىڭ جانە ءار دارەجەلى پارتكوم، ۇكىمەتتىڭ بۇرىنعىسىنداي كوڭىل ءبولىپ جانە قولداۋ كورسەتىپ، ينجەنەريانىڭ سالىنۋى مەن ىسكە قوسىلۋىنا ءتيىمدى شارت - جاعداي ازىرلەۋىن ءۇمىت ەتەمىن، بارلىق ينجەنەريا قۇرىلىسشىلارىنىڭ ءبىر نيەتپەن قۇلشىنىپ، قيىنشىلىقتى جەڭىپ، بىرەگەي ينجەنەريانى، سارا ينجەنەريانى قۇلشىنا تۇلعالاۋلارىن ءۇمىت ەتەمىن. مەملەكەت ەلەكتر تورى سەرىكتەستىگى بورىش ارقالاپ، جاۋاپكەرشىلىك ارقالاپ، تەرەڭ سۇيىسپەنشىلىكپەن كورىكتى شينجياڭ قۇرىلىسى مەن وسىزاماندانعان جاڭا چۇڭچيڭ قۇرىلىسىنا تىڭ دا اناعۇرلىم زور ۇلەس قوسادى.
يۇي بيڭ بىلاي دەدى: ولكە، اۆتونوميالى رايون اتتاعان ەلەكتر جەتكىزۋ ارناسى ينجەنەرياسى پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن تياناقتاندىرىپ، ەنەرگيانىڭ جاسىل، تومەن كومىر قىشقىل گازدى بولۋعا قاراي ويىسۋىن ىلگەرىلەتىپ، جاڭاشا ەنەرگيا جۇيەسىن قۇرۋدىڭ كەلەلى شاراسى. قۇمىل − چۇڭچيڭ 800± كيلوۆولتتىق اسقىن جوعارى كەرنەۋلى تۇراقتى توك جەتكىزۋ ينجەنەرياسى وندىرىسكە قوسىلعاننان كەيىن، قۇمىلدىڭ ءىرى تۇرپاتتى ۋنيۆەرسال ەنەرگيا بازاسىنىڭ ەلەكتر قۋاتىن شىعارۋ قاجەتىن قاناعاتتاندىرىپ، ەلىمىزدىڭ باتىس وڭتۇستىك ءوڭىرىنىڭ ەنەرگيامەن قامداۋ جاڭا ارناسىن قۇرۋىنا دەم بەرىپ، مەملەكەتتىڭ ەنەرگيا حاۋىپسىزدىگى جاڭا ستراتەگياسىن تياناقتاندىرىپ، ەكونوميكانى ورنىقتىرۋ، ارتۋدى ورنىقتىرۋ كەلەلى جاعدايىنا قىزمەت وتەپ، شينجياڭ مەن چۇڭچيڭنىڭ ەكونوميكاسىنىڭ، قوعامىنىڭ جوعارى ساپالى دامۋىن جەبەۋ جونىنەن ءمانى زور. مەملەكەت ەنەرگيا مەكەمەسى قۇمدى ءشولدى، قاعىر دالانى، شولەيتتەنگەن ءوڭىردى ءتۇيىن ەتكەن ءىرى تۇرپاتتى جەل ەلەكترى، فوتوۆولت بازاسىن اشۋدى، قۇرۋدى تىڭعىلىقتى ىلگەرىلەتىپ، شينجياڭ − چۇڭچيڭ ەكى جەردىڭ ەلەكتر تورى قۇرىلىسى، ەلەكترمەن قامداۋدى قامتاماسىز ەتۋ، تازا ەنەرگيانى دامىتۋ سياقتىلارىن ۇزدىكسىز ساياساتتىق قولداۋمەن قامداپ، مەملەكەتتىڭ كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ ستراتەگياسىن تياناقتاندىرىپ، ەنەرگيانىڭ جوعارى ساپالى دامۋىن ىلگەرىلەتۋگە ۇزدىكسىز قۇلشىنادى.
8 - ايدىڭ 7 - كۇنى تۇستەن كەيىن، ما شيڭرۇي، ەركىن تۇنياز، لي يفي قاتارلى اۆتونوميالى رايون مەن بيڭتۋان باسشىلارى شين باۋ - انمەن جانە ونىڭ ساپارلاستارىمەن بىرگە قىزمەت اڭگىمە ءماجىلىسىن وتكىزىپ، مەملەكەتتىڭ ەنەرگيا حاۋىپسىزدىگىن ءونىمدى قامتاماسىز ەتىپ، شينجياڭنىڭ بۇكىل مەملەكەتتىڭ ەنەرگيا بايلىعى ستراتەگياسىن قامتاماسىز ەتۋ بازاسىن قۇرۋىنا دەم بەرۋدى ارقاۋ ەتىپ، ”شينجياڭ ەلەكترىن سىرتقا جەتكىزۋ“ ارناسىن جوبالاۋدى، قۇرۋدى جەدەلدەتۋ، شينجياڭنىڭ جاڭا ەنەرگيا كاسىپ سالاسىنىڭ دامۋىن جەبەۋ، ەلەكتر قۋاتى نەگىزدىك قۇرىلعى قۇرىلىسىن كۇشەيتۋ سياقتى قىزمەتتەر جونىندە ىشكەرىلەي اڭگىمەلەستى.
چىن ۋيجۇن، ءيۇسۇپجان مامەت، قادەن كابەن، شۋە بين، ۋاڭ گاڭ، حا زىڭيوۋ، ياڭ شيۋلي ماجىلىسكە نەمەسە اڭگىمە ماجىلىسىنە قاتىناستى. چۇڭچيڭ قالاسىنىڭ باسشىلارىنان چىن شين - ۋ، جياڭ دۇنتاۋ، حۋارۇن توبىنىڭ القا باستىعى ۋاڭ شياڭميڭ، جۇڭگو حۋاديان توبىنىڭ باس ديرەكتورى يە شياڭدۇڭ جانە قاتىستى ورتالىق كاسىپورىندارىنىڭ جاۋاپتى جولداستارى ماجىلىسكە قاتىناستى. مەملەكەت ەلەكتر تورى سەرىكتەستىگىنىڭ ورىنباسار باس ديرەكتورى پان جيڭدۇڭ ءماجىلىستى باسقاردى.
اۆتونوميالى رايوننىڭ قاتىستى ايماق، وبلىس، قالالارىنىڭ جانە چۇڭچيڭ قالاسىنىڭ قاتىستى رايون، اۋداندارىنىڭ جاۋاپتى جولداستارى، شينجياڭ − چۇڭچيڭ ەكى جەردىڭ قاتىستى تاراۋلارىنىڭ جانە كاسىپورىندارىنىڭ جاۋاپتى جولداستارى، ءبىر ءبولىم ورتالىق كاسىپورىنداردىڭ قاتىستى تاراۋلارىنىڭ جانە شينجياڭدا تۇراتىن كاسىپورىندارىنىڭ جاۋاپتى جولداستارى قاتارلىلار ماجىلىسكە قاتىناستى. ءماجىلىس ءۇرىمجى، چۇڭچيڭ، شينجياڭ باركول توك اۋىستىرۋ پۋنكتى، چۇڭچيڭ يۇيبەي توك اۋىستىرۋ پۋنكتى، ليزىۋان سۋ شىعارىپ، ەنەرگيا ساقتاۋ ەلەكتر ستانسياسى سىندى 5 ءماجىلىس الاڭىن ورنالاستىردى.
