اۆتونوميالى رايوندىق ساياسي كەڭەس 13 - كەزەكتى كوميتەتى تۇراقتى كوميتەتىنىڭ 3 - ءماجىلىسى اشىلدى

زەيىن - زەردەنى، كۇش - قۋاتتى ۇيىستىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋ كەرەك

　　انار بۇلت \ شينجياڭ گازەتىنىڭ ءتىلشىسى گۋان مىڭيىڭ 8 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق ساياسي كەڭەس 13 - كەزەكتى كوميتەتى تۇراقتى كوميتەتىنىڭ 3 - ءماجىلىسى 8 - ايدىڭ 8 - كۇنى ۇرىمجىدە اشىلدى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ماجىلىسكە قاتىناستى ءارى ءسوز سويلەدى.

　　نۇرلان ءابىلماجىن بىلاي دەپ اتاپ كورسەتتى: بۇكىل رايونداعى ءار دارەجەلى ساياسي كەڭەس، ساياسي كەڭەسكە قاتىناسۋشى ورىندار، ءار ۇلت، ءار سالا مۇشەلەرى مەن ساياسي كەڭەس ورگانىنداعى كادرلار نەگىزگى تاقىرىپتىق تاربيەنىڭ كەلەلى ءمانىن جەتە تانىپ، نەگىزگى تاقىرىپتىق تاربيەنىڭ باس تالابىن مىقتاپ يگەرىپ، تاباندىلىقپەن شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى، رۋحتى ۇيىستىرىپ، نەگىزدى كۇشەيتىپ، تاعاندى بەكەمدەپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيانىڭ ساياسي كەڭەس قىزمەتىنە جاپپاي باسشىلىعىنا ەش بۇلجىماستان تاباندى بولىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ساياسي كەڭەس قىزمەتىنىڭ تۇتاس بارىسىنا، بارلىق جاعىنا شىنايى ءسىڭىرۋ كەرەك.

　　نۇرلان ءابىلماجىن بىلاي دەپ باسا دارىپتەدى: باستان - اياق وزەكتى قىزمەتكە، كەلەلى جاعدايعا قىزمەت ەتىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىنا شوعىرلاندىرا مىندەت اتقارىپ، جاۋاپكەرشىلىكتى ادا ەتىپ، ۇلى ىنتىماققا، ۇلى بىرلىككە تاباندى بولىپ، مۇشەلەردىڭ ءار سالاداعى بۇقارامەن بايلانىس جاساۋ مەحانيزمىن اقاۋسىزداندىرىپ، پارتيا باسشىلىق گرۋپپاسىنىڭ قىزمەت تۇيىندەرى مەن جىلدىق ساياسي كەڭەس جوسپارىنداعى ءتۇرلى مىندەتتەردىڭ تياناقتانۋىن ويداعىداي يگەرىپ، كەڭەسۋ ساپاسىن جوعارىلاتۋعا، ىنتىماقتىڭ، دوستىقتىڭ ءورىسىن كەڭەيتۋگە، ءتۇزىم مەحانيزمىن كەمەلدەندىرۋگە كۇش سالىپ، ناتيجە شىعارۋ كەرەك. تۋراشىلدىقتان اينىماي جاڭالىق اشۋعا تاباندى بولىپ، ۇنەمىلىك قىزمەت ساپاسىن جوعارىلاتۋدى ىلگەرىلەتىپ، ۇسىنىس جوبا قىزمەتىن كۇشەيتىپ جانە جاقسارتىپ، ءبىرىنشى شەپكە ۇزدىكسىز ىشكەرىلەي بارىپ تەكسەرۋ - زەرتتەۋ جۇرگىزىپ، قوعام جاعدايى مەن حالىق رايى ينفورماتسياسىن ”تىكە جەتكىزۋ رولىن“ شىن مانىندە ساۋلەلەندىرىپ، قارىم - قاتىناستى سايكەستىرۋ، كۇش - قۋاتتى ۇيىستىرۋ، كەلەلى جاعدايعا قىزمەت ەتۋ رولىن ءونىمدى ساۋلەلەندىرۋ كەرەك. جاۋاپكەرشىلىك ارقالاۋدى كۇشەيتىپ، ساياسي كەڭەس ”ەكى قوسىن“ قۇرىلىسىن ۇزدىكسىز كۇشەيتۋدى ىلگەرىلەتىپ، شينجياڭ ساياسي كەڭەس ىستەرى دامۋىنىڭ جاڭا جاعدايىن ۇزدىكسىز اشىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا تىڭ دا اناعۇرلىم زور ۇلەس قوسۋ كەرەك.

　　ءماجىلىس «شي جينپيڭ شىعارمالارىنان تاڭدامالىلاردىڭ» 2 - تومىنىڭ ءىشىنارا تاراۋلارىن جانە باس شۋجي شي جينپيڭنىڭ نەگىزگى تاقىرىپتىق تاربيە جونىندەگى ماڭىزدى بايىمداۋلارىن ىشكەرىلەي ۇيرەندى؛ «جەر - جەردەگى ساياسي كەڭەستەردىڭ اۆتونوميالى رايوننىڭ قالا، اۋدان ساياسي كەڭەس قىزمەتىن جۇمىس باسىندا ىلگەرىلەتۋ ءماجىلىسىنىڭ رۋحىن ۇيرەنۋ، دايەكتىلەندىرۋ، تياناقتاندىرۋ جاعدايىن» حابارلاندىردى؛ «جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 13 - كەزەكتى كوميتەتى تۇراقتى كوميتەتىنىڭ ءتوراعالار ماجىلىسىنە اۆتونوميالى رايوندىق ساياسي كەڭەس قىزمەت قۇرىلىمى قۇرامىنداعىلاردىڭ اراسىنداعى تارتىپكە، زاڭعا قايشىلىق جاساعانداردى دەر كەزىندە ءبىر جاقتى ەتۋ جونىنەن وكىلەتتىك بەرۋ جونىندەگى قاۋلىسىن» قاراپ ماقۇلدادى؛ كادرلارعا قاتىستى ىستەردى داۋىسقا سالىپ ماقۇلدادى.

　　 ءماجىلىس بەينە ەكران ءماجىلىسى فورماسىندا اشىلدى.

　　كۇڭ شيڭلۇڭ ءماجىلىستى باسقاردى، جاروللا يسامدين، دوۋ ۋانگۇي، ابدۇرىقىپ ءتومۇرنياز، نۇرىم سىمايىلقان، ازەز مۇسا، ليۋ حۇيجۇن، پۋ شۋەمەي، شۇي شيان - ي، اسەنجان احمەت، جين جىجىن، گاۋ جياڭحۋاي ماجىلىسكە قاتىناستى.