انار بۇلت \ شينجياڭ گازەتىنىڭ ءتىلشىسى جاۋ چۇنحۋا 8 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان ”جۇمىستاندىرۋدى الدىمەن ويلاستىرۋ ستراتەگياسىنا تاباندى بولىپ، بۇكىل رايوننىڭ تولىق جۇمىستاندىرۋىن جەبەۋ“ جونىندەگى اقپار جاريالاۋ ماجىلىسىنەن ۇعىسۋىمىزشا، بيىل الدىڭعى جارتى جىلدا بۇكىل رايوندا قالا - قالاشىقتاردا تىڭنان 300 مىڭ 800 ادام جۇمىستانىپ، تۇتاس جىلداعى 460 مىڭ ادامدىق نىسانا - مىندەتتىڭ ％39. 65ى ورىندالعان.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى پارحات جالەل بىلاي دەپ تانىستىردى: بيىل الدىڭعى جارتى جىلدا شينجياڭ جۇمىستاندىرۋدى الدىمەن ويلاستىرۋ بەتالىسىن ۇزدىكسىز كۇشەيتىپ، جۇمىستاندىرۋ قىزمەتىن جوعارى دەڭگەيدە ىلگەرىلەتىپ، ءتۇرلى جۇمىستاندىرۋ قىزمەتىنىڭ تياناقتانىپ تامىر تارتۋىنا شىنايى كەپىلدىك ەتتى، ءتۇرلى جۇمىستاندىرۋ نەگىزگى كورسەتكىشتەرىندە ۋاقىتتىڭ تەڭ جارتىسى وتكەندە مىندەتتىڭ تەڭ جارتىسىن ورىنداۋ جۇزەگە اسىپ، تۇگەلدەي جىلدىق نىسانا - مىندەتتەردىڭ ％50ىنەن استى. مۇنىڭ ىشىندە قالا - قالاشىقتاردا 123 مىڭ 800 جۇمىسسىز ادام جۇمىسقا ورنالاسىپ، تۇتاس جىلداعى 160 مىڭ ادامدىق نىسانا - مىندەتتىڭ ％38. 77ى ورىندالىپ، سايكەس مەزگىلدەگىدەن ％72. 3 ارتتى؛ اۋىل - قىستاق ەڭبەككۇشتەرىنەن 2 ميلليون 431 مىڭ 500 ادام - رەت سىرتقا شىعىپ جۇمىس ىستەپ، تۇتاس جىلداعى 2 ميلليون 750 مىڭ ادام - رەتتىك نىسانا - مىندەتتىڭ ％42. 88ىن ورىندادى؛ جۇمىستانۋى قيىنعا سوققانداردان 18 مىڭ 400 ادام جۇمىستانىپ، تۇتاس جىلداعى 29 مىڭ ادامدىق نىسانا - مىندەتتىڭ ％45. 63ى ورىندالىپ، سايكەس مەزگىلدەگىدەن ％66. 10 ارتىپ، قالا - قالاشىقتاردا بىردە - ءبىر ادامى جۇمىستانباعان وتباسى بولماۋ كۇيىن ساقتادى.
كاسىپورىندارعا تيىمدىلىك جاساۋ، حالىققا تيىمدىلىك جاساۋ جاعىندا، شينجياڭ اۋىرتپالىقتى جەڭىلدەتۋ، جۇمىس ورنىن ورنىقتىرۋ تەبىنىن ارتتىرىپ، اۋىرتپالىقتى جەڭىلدەتۋ، جۇمىس ورنىن ورنىقتىرۋ، جۇمىستاندىرۋدى كەڭەيتۋ ساياساتىن ۇزدىكسىز اتقارىپ، كاسىپورىنداردىڭ اۋىرتپالىعىن شىن مانىندە جەڭىلدەتتى. 6 - ايدىڭ سوڭىنا دەيىن 872 مىڭ 900 ادام - رەت ءتۇرلى جۇمىستانۋ قوسىمشا قاراجاتىنان ءبىر ميلليارد 750 مىڭ يۋاندى تياناقتاندىردى. جۇمىسسىزدىق قامسىزداندىرۋ قاراجاتى مولشەرىن تومەندەتۋ، جۇمىسسىزدىق، جۇمىس ۇستىندە جارالانۋ قامسىزداندىرۋ قاراجاتىن كەشەۋىلدەتىپ تاپسىرۋ، جۇمىس ورنىن ورنىقتىرۋ بويىنشا قايتارىپ بەرىلەتىن جۇمىسسىزدىق قامسىزداندىرۋ قاراجاتىن، ءبىر رەتتىك جۇمىس ورنىن ساقتاپ قالۋ بويىنشا باۋلۋ كومەك قاراجاتىن، ءبىر رەتتىك جۇمىس ورنىن كوبەيتۋ بويىنشا كومەك قاراجاتىن تاراتۋ سياقتىلار ارقىلى كاسىپورىندار مەن جەكەلەردىڭ 2 ميلليارد 193 ميلليون يۋاننان استام اۋىرتپالىعىن جەڭىلدەتىپ، كاسىپورىنداردىڭ اۋىرتپالىعىن پارمەندى جەڭىلدەتىپ، قازىر بار جۇمىس ورنىن ورنىقتىردى.
ءتۇيىندى قاۋىمنىڭ جۇمىستانۋىن قامتاماسىز ەتۋ جاعىندا، شينجياڭ نازاردى اۋىل - قىستاقتاعى ەڭبەككۇشتەر، جوعارى مەكتەپتەن وقۋ تاۋىسقان وقۋشىلار، جۇمىستانۋى قيىنعا سوققاندار سياقتى ءتۇيىندى قاۋىمعا شوعىرلاندىرىپ، جۇمىستانۋعا كومەكتەسۋ - سۇيەمەلدەۋدى كۇشەيتىپ، ءتۇيىندى قاۋىمنىڭ جۇمىستانۋىن جەبەدى. بازارلاندىرۋ، زاڭمەن باسقارۋ پرينسيبىنە تاباندى بولىپ، كوپ ءتۇرلى شارانى قاتار قولدانىپ، اۋىل - قىستاق ەڭبەككۇشتەرىنىڭ سىرتقا شىعىپ جۇمىس ىستەۋىن جەبەپ، سىرتقا شىعىپ جۇمىس ىستەۋ كولەمىن ۇزدىكسىز كەڭەيتىپ، جۇمىستانىپ كىرىستى ارتتىرۋدى ۇزدىكسىز ورنىقتىرۋدى جۇزەگە اسىردى. جوعارى مەكتەپ تاۋىسقان وقۋشىلاردىڭ مەكتەپتەن قول ءۇزۋ الدىنداعى جۇمىستانۋدىڭ التىن مەزگىلى مەن قاۋىرت مەزگىلىنەن تولىق پايدالانىپ، جۇمىستانۋعا قىزمەت وتەۋ قيمىلىن شوعىرلى ورىستەتىپ، ماماندانعان، الۋان ءتۇرلى، شاعىن تيپتى قىزمەتكەر قابىلداۋ قيمىلىن اناعۇرلىم كوپ ۇيىمداستىرىپ، مەكتەپ تاۋىسقان اناعۇرلىم كوپ وقۋشىلاردىڭ ۇيلەسىمدى قىزمەت ورنىن تەز ارادا تابۋىنا كومەكتەستى؛ مەكتەپ بىتىرگەن وقۋشىلار مەكتەپتەن كەتكەننەن كەيىن مەكتەپ بىتىرگەن وقۋشىلاردىڭ شىن اتى - جونىمەن ينفورماتسيا ساندى مالىمەتتەرىن ويداعىداي قابىلداپ، ءتۇيىلىستىرىپ، شىن اتى - جونىمەن يكەمدى تۇردە ىزىنە ءتۇسىپ قىزمەت وتەۋدى ويداعىداي ىستەپ، جوعارى مەكتەپ بىتىرگەن وقۋشىلاردىڭ ەرتە جۇمىستانۋىن، ويداعىداي جۇمىستانۋىن جەبەدى. جۇمىستانۋى قيىنعا سوققاندار مەن بىردە - ءبىر ادامى جۇمىستانباعان وتباسى مۇشەلەرىنە ”بىرگە - ءبىر“ بايلانىسى بويىنشا جۇمىستانۋعا كومەكتەسىپ - سۇيەمەلدەپ، قالا - قالاشىقتارداعى بىردە - ءبىر ادامى جۇمىستانباعان وتباسىلارىن يكەمدى اداقتاۋعا شىنايى كەپىلدىك ەتىپ، ەڭبەككۇشى بار وتباسىلارىنان كەمىندە ءبىر ادامنىڭ جۇمىستانۋدى جۇزەگە اسىرۋىنا مۇمكىندىك جاسادى.
كاسىپتىك شەبەرلىككە باۋلۋدى كۇشەيتۋ جاعىندا، شينجياڭ كاسىپتىك شەبەرلىككە باۋلۋدى تىڭعىلىقتى ورىستەتىپ، اۆتونوميالى رايوننىڭ ءتۇيىندى كاسىپ سالالارىنىڭ، ەرەكشە باسىمدىققا يە كاسىپ سالالارىنىڭ قاجەتىنە جاناسىپ، ”شينجياڭ ۇستاسى“ نىسانىن اتقاردى، ”تەحنيكالىق شەبەرلىككە باي شينجياڭ“ ارەكەتىن تياناقتاندىردى، ”تاپسىرىس، جۇمىس ورنىن تۇراقتاندىرۋ بويىنشا، باعىتتامالى“ باۋلۋدى باعىتتامالى ورىستەتتى. اۋىل - قىستاق ەڭبەككۇشتەرى، ءتۇيىندى جۇمىستاندىرىلاتىن قاۋىم سياقتى شەبەرلىگى جوق قاۋىمعا باعىتتامالى تۇردە دارەجەگە، تۇرگە ءبولىپ شەبەرلىككە باۋلۋدى ورىستەتىپ، جۇڭگوشا ەرەكشەلىككە يە كاسىپورىنداردىڭ جاڭاشا شاكىرت ءتۇزىمى بويىنشا باۋلۋدى جولعا قويىپ، كاسىپورىنداردىڭ جۇمىسشى قابىلداۋ قيىن بولۋ، ەڭبەكشىلەردىڭ جۇمىستانۋى قيىن بولۋ ماسەلەسىن كۇش سالا شەشتى.
شارۋاشىلىق قۇرۋعا شابىتتاندىرىپ، جۇمىستانۋدى جەتەكتەۋ جاعىندا، شينجياڭ شارۋاشىلىق قۇرۋ كەپىلدىك قارىز اقشاسى جانە ءوسىمىن قازىنادان كوتەرۋ، دەربەس شارۋاشىلىق قۇرۋعا قوسىمشا قاراجات بەرۋ سياقتى شارۋاشىلىق قۇرۋدى سۇيەمەلدەۋ ساياساتتارىن تياناقتاندىرۋ تەبىنىن ۇزدىكسىز ارتتىرىپ، شارۋاشىلىق قۇرۋ بويىنشا جەتىلدىرۋ بازاسى قۇرىلىسىن ۇزدىكسىز كۇشەيتىپ، اۆتونوميالى رايون دارەجەلى شارۋاشىلىق قۇرۋ بويىنشا جەتىلدىرۋدەن ۇلگى كورسەتۋ بازاسىن تۇراقتاندىرۋ جانە باسقارۋ ءادىسىن اناعۇرلىم كەمەلدەندىرىپ، بازانىڭ قۇرىلىس دەڭگەيى مەن قىزمەت وتەۋ ساپاسىن جوعارىلاتىپ، اناعۇرلىم كوپ جاڭا بازار تۇلعالارىن جەتىلدىرىپ، اناعۇرلىم كوپ ەڭبەكشىلەردىڭ جۇمىستانۋىن، شارۋاشىلىق قۇرۋىن جەبەدى.
الەۋمەتتىك جۇمىستاندىرۋعا قىزمەت وتەۋدى ساپالىلاندىرۋ جاعىندا، شينجياڭ ”8 ءىرى كاسىپ سالاسى شوعىرى“ قۇرىلىسىن جانە ەرەكشەلىككە، باسىمدىققا يە كاسىپ سالاسىن دامىتۋدى تىعىز ارقاۋ ەتىپ، جۇمىسكەر ىستەتۋ قاجەتىن قانىق يەلەپ، قامداۋ - قاجەتسىنۋگە قىزمەت وتەۋ تۇعىرىن ورناتىپ، ”شينجياڭدا قىزمەت ىستەۋ“ تىكە تاراتۋدا جۇمىس ورنىن تانىستىرۋ سياقتى ينتەرنەت جەلىسىندە جانە ينتەرنەت جەلىسىنەن تىسقارىدا قىزمەتكەر قابىلداۋعا قىزمەت وتەۋ قيمىلدارىن ءۇرتىس وتكىزىپ، الەۋمەتتىك جۇمىستانۋعا ۇزدىكسىز قىزمەت وتەدى. الدىڭعى جارتى جىلدا ءتۇرلى ينتەرنەت جەلىسىندە، ينتەرنەت جەلىسنەن تىسقارىدا قىزمەتكەر قابىلداۋ قيمىلدارىنان 2828 الاڭ - رەت ۇيىمداستىرىپ ورىستەتىپ، قاتىناسقان ادام ىستەتۋشى ورىندار 57 مىڭنان اسىپ، 940 مىڭنان استام جۇمىس ورنىمەن قامدادى.
