ما شيڭرۇي، شين چاڭشيڭ، شۇي كۇنلين، ەركىن تۇنياز، لي يفي، حى جۇڭيوۋ قيمىلعا قاتىناستى
8 - ايدىڭ 4 - كۇنىنەن 7 - كۇنىنە دەيىن، جياڭسۋ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى. سۋرەتتە: 8 - ايدىڭ 6 - كۇنى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومنىڭ ءبىرىنشى شۋجيى، ءبىرىنشى جىڭۋيى ما شيڭرۇي، جياڭسۋ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى شين چاڭشيڭ، جياڭسۋ ولكەلىك پارتكومنىڭ ورىنباسار شۋجيى، ولكە باستىعى شۇي كۇنلين، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتارلىلار ءۇرىمجى حالىقارالىق قۇرلىقتىق پورت رايونىندا قۇرىلىس، جۇمىس جۇرگىزۋ احۋالىن ۇعىسۋدا.
سۋرەتتى انار بۇلت \ شينجياڭ گازەتىنىڭ ءتىلشىسى لۋ مين - ي تۇسىرگەن
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، جاڭ يۇنمەي 8 - ايدىڭ 7 - كۇنى ۇرىمجىدەن حابارلايدى. 8 - ايدىڭ 4 - كۇنىنەن 7 - كۇنىنە دەيىن جياڭسۋ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى شيڭ چاڭشيڭ جياڭسۋ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى، ەكى ولكە، رايون اڭگىمە ءماجىلىسىن اشىپ، باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىردى، تياناقتاندىردى، ستراتەگيالىق ءتۇيىلىستىرۋدى جانە جان - جاقتىلى سەلبەستىكتى تەرەڭدەتىپ، جاڭا داۋىردەگى شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن ىلگەرىلەتتى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومنىڭ ءبىرىنشى شۋجيى، ءبىرىنشى جىڭۋيى ما شيڭرۇي، جياڭسۋ ولكەلىك پارتكومنىڭ ورىنباسار شۋجيى، ولكە باستىعى شۇي كۇنلين، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ قاتىستى قيمىلدارعا قاتىناستى.
8 - ايدىڭ 7 - كۇنى تۇستەن بۇرىن جياڭسۋ ولكەسى. شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى ءۇرىمجى قالاسىندا اشىلدى. ما شيڭرۇي اۆتونوميالى رايوندىق پارتكوم، ۇكىمەت، بيڭتۋان جانە بۇكىل رايونداعى ءار ۇلت كادرلارى مەن بۇقاراسى اتىنان جياڭسۋ ولكەسىنىڭ شينجياڭعا بار كۇشپەن قولداۋ كورسەتكەندىگىنە جانە قالتقىسىز كومەكتەسكەندىگىنە شىن جۇرەكتەن العىس ايتتى. ول بىلاي دەپ اتاپ كورسەتتى: جياڭسۋ ولكەسى باس شۋجي شي جينپيڭنىڭ، پارتيا ورتالىق كوميتەتىنىڭ جۇكتەگەن بورىشىن، مىندەتىن تىعىز ارقاۋ ەتىپ، ”جۇڭگو ۇلگىسىندەگى وسىزامانداندىرۋدى ىلگەرىلەتۋدە الدىدا ءجۇرۋدى، ۇلگى كورسەتۋدى“ قىزمەتتى جوسپارلاپ ىلگەرىلەتۋدىڭ نەگىزگى تاقىرىبى، نەگىزگى جەلىسى جانە نىساناسى، كورسەتكىشى ەتۋگە تاباندى بولىپ، ”ەكونوميكاسى قۋاتتى، حالقى باي، ورتاسى كورىكتى، قوعامدىق وركەنيەت دەڭگەيى جوعارى“ جاڭا جياڭسۋدىڭ وسىزامانداندىرۋ قۇرىلىسىن ىلگەرىلەتۋدە مىعىم قادام تاستادى. ۇزاق ۋاقىتتان بەرى جياڭسۋ ولكەسى شينجياڭعا باعىتتامالى كومەكتەسۋ قىزمەتىن ماڭىزدى ورىنعا قويىپ، دارىندى، قارجى، نىسان سياقتى جاقتاردا شينجياڭعا بار كۇشپەن قولداۋ كورسەتىپ، شينجياڭنىڭ رەفورما، دامۋ، ورنىقتىلىق ىستەرىن جەبەۋگە ماڭىزدى ۇلەس قوستى. كەزەكتە شينجياڭ باس شۋجي شي جينپيڭنىڭ شينجياڭدى كوزدەن كەشىرگەندىگىنىڭ ءبىر جىلدىعىن جاڭا كۇرەس باستاماسى ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ ستراتەگيالىق ورنىن كوزدەپ، جاڭا داۋىردەگى جاڭا جورىقتا كورىكتى شينجياڭدى كۇش سالا قۇرۋدا. ءبىز جياڭسۋ ولكەسىمەن بىرگە باس شۋجيدىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، ستراتەگيالىق ءتۇيىلىسۋدى، دامۋدا بىرلەسىپ ارەكەتتەنۋدى كۇشەيتىپ، جۇڭگو ۇلگىسىندەگى وسىزامانداندىرۋ امالياتىن قول ۇستاسا ىلگەرىلەتەمىز. ەكى جاقتىڭ باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتە ۇزدىكسىز كۇش سالىپ، شينجياڭعا كومەكتەسۋ بايلىعىن ونان ارى بىرىكتىرىپ، نازاردى وقۋ - اعارتۋ، ەمدەۋ، جۇمىستاندىرۋ سياقتى ماڭىزدى حالىق تۇرمىسى سالاسىنا شوعىرلاندىرىپ، كۇش - قۋاتتى شوعىرلاندىرىپ، نەگىز قالايتىن، ۇزاق بولاشاققا ءتيىمدى ءبىرسىپىرا ىستەردى ءبىتىرۋىن ءۇمىت ەتەمىن. جۇڭحۋا ۇلتى ورتاق تۇلعا تانىمىن بەرىك ورناتۋدىڭ ناقتى، اسەرلى، ءونىمدى بولۋىنا ۇزدىكسىز كۇش سالىپ، تاريحي گۋمانيتارلىق بايلىق باسىمدىعىن ساۋلەلەندىرىپ، شينجياڭدى مادەنيەتپەن نارلەندىرۋدى ىشكەرىلەي اتقارىپ، ءار ۇلت كادر، بۇقاراسىنىڭ ارالاسۋىن، ىشتەسۋىن، توعىسۋىن جەبەۋ كەرەك. جاڭا دامۋ ارناسىنا بەلسەنە قىزمەت وتەۋگە جانە توعىسۋعا ۇزدىكسىز كۇش سالىپ، وزىندىك دامۋ ستراتەگياسىن تياناق ەتىپ، تازا ەنەرگيا، توقىماشىلىق، كيىم - كەشەك، جابدىق جاساۋ سياقتى كاسىپ سالاسى مەن عىلىم - تەحنيكادا جاڭالىق اشۋ، بازاردى كەڭەيتۋ سياقتى سالالارداعى سەلبەستىكتى ۇزدىكسىز تەرەڭدەتىپ، جوعارى ساپالى دامۋدى سايكەستى ىلگەرىلەتۋ كەرەك. شينجياڭ نەگىزگى تۇلعالىق رولىن شىن مانىندە ساۋلەلەندىرىپ، ىرىقتىلىقپەن پىكىر اۋىستىرۋدى كۇشەيتىپ، قىزمەت وتەۋدى، قامتاماسىز ەتۋدى ويداعىداي ىستەپ، شينجياڭعا كومەكتەسۋ قىزمەتىنىڭ تەرەڭدەۋىن، ناقتىلانۋىن ىلگەرىلەتەدى.
شين چاڭشيڭ ولكەلىك پارتكوم، ولكەلىك ۇكىمەت اتىنان شينجياڭ ۇيعۇر اۆتونوميالى رايونىنىڭ جانە شينجياڭ ءوندىرىس - قۇرىلىس بيڭتۋانىنىڭ ۇزاق ۋاقىتتان بەرى جياڭسۋدىڭ قىزمەتىنە بارىنشا قولداۋ كورسەتىپ كەلگەندىگىنە، جياڭسۋدىڭ كومەككە جىبەرگەن كادر، دارىندىلارىنا كوڭىل ءبولىپ، قامقورلىق جاساپ كەلگەندىگىنە العىس ايتىپ، شينجياڭنىڭ ەكونوميكالىق، قوعامدىق دامۋدا قول جەتكىزگەن جاڭا ناتيجەلەرىن قۇتتىقتادى. ول بىلاي دەدى: شينجياڭعا باعىتتامالى كومەكتەسۋ − جياڭسۋدىڭ، ءسوزسىز، باتىل ارقالاۋعا ءتيىستى ماڭىزدى جاۋاپكەرشىلىگى، تىڭعىلىقتى ويداعىداي ىستەۋگە ءتيىستى ءىسى. وسى جولعى ۇيرەنۋ، قىزمەت تەكسەرۋدە جول بويى تيانشان الابىن ەندەي وتتىك، بارعان جەردىڭ بارىندە دامۋ قارىشتاپ العا باسقان، ەكولوگيالىق ورتا ويداعىداي قورعالعان، بۇقارا الاڭسىز تىرشىلىك كەشكەن، ۇلتتار ءبىر وتباسىنىڭ ادامدارىنداي تاتۋ وتكەن تاماشا كورىنىستى كوزىمىزبەن كوردىك، بۇل بىزگە شينجياڭنىڭ بۇكىل ەلدەگى ورنىنىڭ ەرەكشەلىگىن، رولىنىڭ ەرەكشەلىگىن اناعۇرلىم تەرەڭ سەزىندىردى، جاڭا داۋىردەگى شينجياڭدا تۋىلعان وزگەرىستىڭ زور ەكەندىگىن، قول جەتكىزگەن تابىستاردىڭ كورنەكتى ەكەندىگىن اناعۇرلىم تەرەڭ اڭعارتتى، باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭنىڭ دامۋىنا جەتەكشىلىك ەتۋىنىڭ، جول باستاۋىنىڭ كورەگەن، دانا، دۇرىس ەكەندىگىن اناعۇرلىم تەرەڭ ۇعىندىردى. شينجياڭداعى قالىڭ كادرلاردىڭ جاپا تارتسا دا، جاپالى دەمەي، قيىندىعىن بىلە تۇرا تايساقتاماي، شەكاراعا تامىر تارتىپ، شەكاراعا ۇلەس قوسقان وسكەلەڭ دەڭگەيى مەن كۇشتى جاۋاپكەرشىلىگىنەن تەرەڭ تاربيە الىپ، قاتتى سۇيىندىك. كەزەكتە، جياڭسۋ باس شۋجي شي جينپيڭنىڭ ىقىلاستى تاپسىرماسىن ەستە بەرىپ ساقتاپ، العىس ايتىپ ەكپىندەي ىلگەرىلەپ، جۇڭگو ۇلگىسىندەگى وسىزامانداندىرۋدى كۇش سالا ىلگەرىلەتۋدە الدىدا ءجۇرىپ، ۇلگى كورسەتۋدە. جياڭسۋدىڭ ”الدىدا ءجۇرۋى، ۇلگى كورسەتۋى“ دە بۇكىل ەلدىڭ كەلەلى جاعدايىنا قىزمەت وتەۋدىڭ ”الدىدا ءجۇرۋى، ۇلگى كورسەتۋى“ بولىپ تابىلادى. ءبىز جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ قاجەتىن تياناق ەتىپ، جياڭسۋدىڭ ءوز قۋاتىن ساۋلەلەندىرىپ، اقىل - پاراسات ارقىلى شينجياڭعا كومەكتەسۋدى، كاسىپ سالاسى ارقىلى شينجياڭعا كومەكتەسۋدى، حالىق تۇرمىسى جاعىندا شينجياڭعا كومەكتەسۋدى، شينجياڭدى مادەنيەتپەن نارلەندىرۋدى تياناق ەتىپ، نەگىزدىك قۇرىلعىلار قۇرىلىسى، ەرەكشە كاسىپ سالاسىنىڭ دامۋى، حالىق تۇرمىسىن قامتاماسىز ەتۋ جانە جاقسارتۋ، نەگىزگى ساتىنى باسقارۋدى كەمەلدەندىرۋ سياقتى جاقتاردا كومەك بەرۋدى، قولداۋدى كۇشەيتىپ، ەنەرگيا اشۋدى كۇشەيتۋ، كاسىپ سالاسى سەلبەستىگىن ىلگەرىلەتۋ، ”ءبىر بەلدەۋ، ءبىر جولدى“ بىرگە قۇرۋ، ەكولوگيالىق ورتانى قورعاۋدى بىرگە يگەرۋ، مادەنيەت پەن ساياحاتتىڭ توعىسۋىن جەبەۋ، ۇلتتاردىڭ ارالاسۋىن تەرەڭدەتۋ سياقتى جاقتارداعى باسىمدىقتارمەن ءبىر - ءبىرىن تولىقتاپ، قوس باعىتتاعى ىستەستىكتى، جالپى وڭىرلىك ىستەستىكتى، ستراتەگيالىق ىستەستىكتى كەڭەيتىپ، جاڭا جورىقتا جۇڭگو ۇلگىسىندەگى وسىزامانداندىرۋدىڭ جاڭا تاراۋىن بىرگە جازامىز.
اڭگىمە ماجىلىسندە ەركىن تۇنياز، لي يفي جەكە - جەكە اۆتونوميالى رايوننىڭ جانە بيڭتۋاننىڭ رەفورما، دامۋ، ورنىقتىلىق جانە باعىتتامالى كومەكتەسۋ قىزمەتى جاعدايىن تانىستىردى، شۇي كۇنلين جياڭسۋ ولكەسىنىڭ ەكونوميكالىق، قوعامدىق دامۋى مەن باعىتتامالى كومەكتەسۋ قىزمەتى جاعدايىن تانىستىردى.
شينجياڭداعى كەزىندە، جياڭسۋ ولكەلىك پارتيا، ۇكىمەت ۋاكىلدەر ۇيىرمەسى ىلگەرىندى - كەيىندى قىزىلسۋ قىرعىز اۆتونوميالى وبلىسىنداعى جياڭسۋ كاسىپ سالاسى باقشاسىنا، كاسىپتىك تەحنيكا شۋەيۋانىنا، حالىق شيپاحاناسىنا، شياڭتاي مال شارۋاشىلىعى شەكتى سەرىكتەستىگىنە، اتۇش قالاسى سۇنتاع قالاشىعى ازعان قىستاعىنا، ىلە قازاق اۆتونوميالى وبلىسى قورعاس اۋدانى كۇرە بايىرعى قالاسى ىلە جياڭجۇن مەكەمەسىنە جانە كۇرە قالاشىعى يانبۇلاق قىستاعىنا، ىلە وزەنى ەكولوگيالىق سازدىعىنا، قۇلجا قالاسى التىشۋار كوشەسىنە، قورعاس مەملەكەت قاقپاسىنا، جۇڭگو − قازاقستان قورعاس حالىقارالىق شەكارا سەلبەستىگى ورتالىعىنا، قورعاس وسىزاماندانعان اۋىل شارۋاشىلىق كاسىپ سالاسى باقشاسىنا، بيڭتۋان 4 - شى كوكدالا قالاسى جىنجياڭ تولىق ورتا مەكتەبىنە، ءۇرىمجى حالىقارالىق قۇرلىق پورت اۋماعىنا بارىپ، شينجياڭعا كومەكتەسۋ قىزمەتىنىڭ اياق الىسىن ىشكەرىلەي تەكسەرىپ، نەگىزگى ساتىداعى بۇقارانى ارالادى، شينجياڭعا كومەكتەسۋگە كەلگەن كادرلارعا، دارىندىلارعا امانداستى، ولاردان حال سۇرادى.
جياڭسۋ ولكەسىنىڭ باسشىلارى حان ليميڭ، ساۋ لۋباۋ، چۋ يۇڭحۇڭ، ما شين قيمىلعا قاتىناستى. چىن ۋيجۇن، قادەن كابەن، شۋە بين، جاڭ ۋىنشىڭ، حا زىڭيوۋ، ياڭ شيۋلي قاتارلىلار قاتىستى قيمىلدارعا قاتىناستى.
