12 نىسان بويىنشا 43 ميلليارد 800 ميلليون يۋاندىق كەلىسىمگە قول قويىلدى
انار بۇلت \ شينجياڭ گازەتىنىڭ ءتىلشىسى شى شين 8 - ايدىڭ 7 - كۇنى ۇرىمجىدەن حابارلايدى. 8 - ايدىڭ 7 - كۇنى ”500 ەگەي كاسىپورىننىڭ شينجياڭ ساپارى“ كاسىپ سالالارىن ءتۇيىلىستىرۋ ءماجىلىسى ۇرىمجىدە وتكىزىلىپ، ءماجىلىس الاڭىندا 12 نىسان كەلىسىمىنە قويىلىپ، سوماسى 43 ميلليارد 800 ميلليون يۋان بولدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ءيۇسۇپجان مامەت ءتۇيىلىستىرۋ ماجىلىسىنە قاتىناستى ءارى ارناۋ ءسوز سويلەدى.
ءيۇسۇپجان مامەت اۆتونوميالى رايوندىق پارتكوم مەن ۇكىمەت اتىنان اكادەميكتەردىڭ، مامانداردىڭ جانە كاسىپورىنشىلاردىڭ كەلگەندىگىن قارسى الاتىندىعىن ءبىلدىردى. ول بىلاي دەدى: قازىرگى شينجياڭدا قوعامدىق كەلەلى جاعداي ورنىقتى بولىپ، حالىق تىنىش ءومىر، شات - شادىمان تىرشىلىك كەشىرىپ، ەكونوميكانىڭ، قوعامنىڭ جوعارى ساپالى دامۋ ومىرشەڭدىك كۇشى قاۋلاپ، قوزعاۋشى كۇشى تاسقىنداپ، كومەسكى كۇشى تۋىنداپ، ءتۇرلى تيجارات تۇلعالارىنىڭ قارجى قوسىپ، شارۋاشىلىعىن شالقىتۋىنا تاماشا ورتا جاراتىپ، ماڭىزدى وراي ازىرلەدى. كاسىپورىنشىلاردىڭ ونەرلەرىن كورسەتىپ، ىسكەرلىگىن ايگىلەپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا، كورىكتى شينجياڭ قۇرۋعا بەلسەندى رول ساۋلەلەندىرۋىن ءۇمىت ەتەمىن.
ماجىلىستە جۇڭگو عىلىم اكادەمياسىنىڭ اكادەميگى جياڭ لەي، جۇڭگو ينجەنەريا اكادەمياسىنىڭ اكادەميگى پىڭ سۋپيڭ قاتارلى ماماندار جانە دۇنيە جۇزىندەگى 500 ەگەي كاسىپورىن جيننىڭ جارنا تىزگىندەۋ توبىنىڭ، فرانسيا لافارج حولسيم توبىنىڭ، كورەيا شيجيە توبىنىڭ قاتىستى جاۋاپتىلارى نەگىزگى تاقىرىپتىق لەكسيا جاسادى؛ شينجياڭنىڭ 14 ايماق، وبلىس، قالاسى تانىستىرۋ جاسادى، قاتىستى ايماق، وبلىس، قالالار جانە اۆتونوميالى رايونعا قاراستى مەملەكەت مەنشىگىندەگى كاسىپورىندار ءىشىنارا دۇنيە جۇزىندەگى 500 ەگەي كاسىپورىنمەن، شەتەل قارجىلاندىرعان تاڭداۋلى كاسىپورىندارمەن، جۇڭگوداعى 500 ەگەي كاسىپورىنمەن 12 قارجى قوسۋ سەلبەستىك كەلىسىمىن جاساستى، بۇلار جاڭا ەنەرگيا، جاڭا ماتەريالدار، وزىق جابدىق جاساۋ، توقىما، كيىم - كەشەك سياقتى سالالاردى قامتيدى.
لي يۇڭحۇڭ ماجىلىسكە قاتىناستى.
ماجىلىستەن كەيىن تاعى ”500 ەگەي كاسىپورىننىڭ شينجياڭ ساپارى“ اتىنداعى بۇكپەسىز اڭگىمە ءماجىلىسى وتكىزىلدى. وسىدان سوڭ شينجياڭعا كەلگەن ماماندار مەن كاسىپورىندار شينجياڭنىڭ ”8 ءىرى كاسىپ سالاسى شوعىرى“ قۇرىلىسىن ارقاۋ ەتە وتىرىپ، جۇمىس باسىندا تەكسەرۋ جۇرگىزەدى ءارى ءىشىنارا ايماق، وبلىس، قالالارمەن اڭگىمە ءماجىلىس وتكىزەدى.
