− جۇڭگودا تۇراتىن ءبىر ءبولىم ەلشىلەردىڭ شينجياڭدا ەكسكۋرسيادا، ساپاردا بولۋىنان ەستەلىك
□ انار بۇلت \ شينجياڭ گازەتىنىڭ ءتىلشىسى جىڭ جو، اقسۋ ايماقتىق توعىسپالى اقپارات مەديا ورتالىعىنىڭ ءتىلشىسى ۋ جىپيڭ
7 - ايدىڭ 31 - كۇنىنەن 8 - ايدىڭ 4 - كۇنىنە دەيىن دومينيكا، ساموا، يران، مەكسيكا، نيكاراگۋا سياقتى مەملەكەتتەردىڭ جۇڭگودا تۇراتىن ءبىر ءبولىم ەلشىلەرىنەن جيىنى 40تان استام ادام شينجياڭدا ەكسكۋرسيادا، ساپاردا بولدى. وسى مەزگىلدە ەلشىلەر قاشقار ايماعى، اقسۋ ايماعى، ءۇرىمجى قالاسى سياقتى جەرلەردە ساپاردا بولىپ، شينجياڭنىڭ ەكونوميكالىق، قوعامدىق دامۋىنىڭ جانە بۇقارا تۇرمىسىنىڭ شىنايى جاعدايىن سول جەردىڭ وزىندە ۇعىستى.
قاشقار بايىرعى قالاسى، اقسۋ ايماعىنداعى ماقتا اتىزدارى، ءۇرىمجى حالىقارالىق قۇرلىقتىق پورت اۋماعى، شينجياڭ ءىسلام ءدىنى شۋەيۋانى سياقتى جەرلەردى ارالاعان سوڭ، ەلشىلەر ءبىر اۋىزدان مىنانى ءبىلدىردى: قازىرگى تاڭداعى شينجياڭ جاعدايى باتىس مەديالارىنىڭ حابارلارىنىڭ مازمۇنىمەن بۇكىلدەي ۇقسامايدى ەكەن. بۇل ارادا قوعام جاراسىمدى دا ورنىقتى، ەكونوميكا ۇشقان قۇستاي دامىعان، مادەنيەت الۋان ءتۇرلى، كوركەيگەن، حالىق تىنىش ءومىر، شات - شادىمان تىرشىلىك كەشىپ جاتىپتى، شينجياڭمەن ءتىپتى دە ىشكەرىلەي اۋىس - كۇيىس جانە سەلبەستىك ورىستەتۋدى ءۇمىت ەتەمىز.
شينجياڭداعى كەزدەرىندە دۋماندى قالاشىق بازارلارىنان، كوپ نەگىزدى ۇلتتىق مادەنيەتتەن، ىقىلاستى ءار ۇلت بۇقاراسىنان تىس، ەلشىلەرگە ەڭ تەرەڭ اسەر قالدىرعانى شينجياڭنىڭ وسىزاماندانعان اۋىل شارۋاشىلىعى قۇرىلعىلارى بولدى.
اقسۋ ايماعىنىڭ شايار اۋدانىندا ەلشىلەر شينجياڭ بوشىران زەردەلى اۋىل شارۋاشىلىعى ماشينالارى جارنا شەكتى سەرىكتەستىگىنە، شايار اۋدانىنىڭ اۋىل شارۋاشىلىعى جوعارى ءونىمدى سۋ ۇنەمدەۋ، تامشىلاتىپ سۋارۋ ناقتى ماشىق بازاسىنا بارىپ، قىزمەتكەرلەردەن، كاسىپورىن جاۋاپتىلارىنان جانە شارۋالاردان كاسىپورىننىڭ ءوندىرىس جاعدايىن، اۋىل شارۋاشىلىعى ماشينالارىنىڭ قولدانىلۋ جاعدايىن، سونداي - اق شارۋالاردىڭ ءوندىرىس، تۇرمىس جاعدايىن ەگجەي - تەگجەيلى ۇعىستى.
ۇشقىش اپپاراتتى جۇرگىزۋشى قول تەلەفونىنداعى مەڭگەرۋ جۇيەسىن اقىرىن ءتۇرتىپ قالىپ ەدى، ماقتا اتىزىنا ”تۇقىم جاڭبىرى“ قۇيىپ كەتتى. بۇنى كورگەندە پاكيستاننىڭ جۇڭگوداعى ەلشىلىگىنىڭ كىشى ەلشىسى يجاز احمەد قاتتى تەبىرەندى.
”بۇل جولعى ساپارىم وتە كەرەمەت بولدى“. يجاز احمەد بىلاي دەدى: وسىزاماندانعان اۋىل شارۋاشىلىعى ماشينا قۇرىلعىلارىنىڭ شينجياڭنىڭ اۋىل شارۋاشىلىعى، قۇرىلىس، اۋىز سۋ سياقتى سالالارىندا كەڭىنەن قولدانىلىپ جاتقاندىعىن ءوز كوزىممەن كورىپ، جۇڭگو شينجياڭىنىڭ جەرگىلىكتى تۇرعىندارىنىڭ تۇرمىس ساپاسىن جاقسارتۋ، حالىقتىڭ باقىت سەزىمىن كۇشەيتۋ جاعىندا جاساعان قۇلشىنىستارى مەن قول جەتكىزگەن ناتيجەلەرىن سەزىندىم.
وسىزاماندانعان اۋىل شارۋاشىلىعى ماشينالارىمەن ءونىم جيناۋ جانە سۋ ۇنەمدەپ سۋارۋ تەحنيكاسىنىڭ جالپىلاستىرىلۋى باتىستىڭ زورلىقپەن ەڭبەككە سالدى دەگەن وتىرىگىن تاس - تالقان ەتتى. مەكسيكانىڭ جۇڭگوداعى ەلشىلىگىنىڭ اقىلشىسى حەكتور دوربەكەر مىنانى ءبىلدىردى: مەكسيكا مەن جۇڭگو اۋىل شارۋاشىلىعى جاعىندا تىعىز سەلبەستىك ورىستەتتى، وسى جولعى ساپار ارقىلى ءتىپتى دە كوپ اۋىل شارۋاشىلىعى وزىق تەحنيكالارىمەن تانىستىم، مۇنىڭ ءبارى مەكسيكاعا ۇلگى الۋعا تاتىرلىق تاجىريبەلەر بەرەدى.
”شينجياڭ كوز ايامدى كەڭەيتتى، بۇل ارادا بارلىعى ادامدى قۋانىشقا بولەيدى ەكەن“. ساموانىڭ جۇڭگودا تۇراتىن باس ەلشىسى لۋامانۋۆاە مارينەر: شينجياڭداعى ءار ۇلت بۇقاراسىنىڭ ءدىني سەنىم ەركىندىگىنىڭ تولىق قامتاماسىز ەتىلگەندىگىن، ءار ۇلتتىڭ مادەنيەتى وتە جاقسى قورعالىپ، جالعاستىرىلعاندىعىن ءوز كوزىممەن كوردىم، ءساتى تۇسسە، شينجياڭعا تاعى دا ساپارلاي كەلۋدى، ءتىپتى دە كوپ ادامنىڭ شينجياڭعا كەلىپ ارالاۋىن، كورۋىن ءۇمىت ەتەمىن، - دەدى.
نيكاراگۋانىڭ جۇڭگودا تۇراتىن باس ەلشىسى مايكل رەنە كامپەل ورك شينجياڭداعى كورگەن - بىلگەندەرىن ”جۇڭگو ۇكىمەتى شينجياڭداعى ءار ۇلت حالقىنىڭ قۇت - ىرىسىن ارتتىرۋعا بارىن سالۋدا“ دەگەن ءبىر اۋىز سوزگە جيناقتاۋعا بولادى دەپ قارادى. ول: كەيبىر باتىس ەلدەرى مەن باتىس مەديالارى جۇڭگو شينجياڭىنىڭ ءتۇرلى جاقتاردا جاساعان قۇلشىنىستارىن بۇلدىرۋگە، بۇرمالاپ تۇسىندىرۋگە ۇرىندى، شينجياڭعا باعىتتالعان وسى وسەك - اياڭدار، ءسوز جوق، سوگىسكە ۇشىرايدى، - دەدى.
”ادامدار كوزىڭ بولعان سوڭ، ءبارىن ءوز كوزىڭمەن كورۋگە ءتيىسسىڭ دەسەدى“. دومينيكانىڭ جۇڭگودا تۇراتىن باس ەلشىسى مارتين چارليز كوپشىلىكتىڭ شينجياڭداعى جەرگىلىكتى حالىقتىڭ باقىتتى تۇرمىس كەشىرىپ جاتقانىن، ءتۇرلى ۇقىق - مۇددەلەرىنىڭ قامتاماسىز ەتىلگەندىگىن ءوز كوزىمەن كورگەنىن، مۇنىڭ باتىس مەديالارى سۋرەتتەگەن شينجياڭعا مۇلدە ۇقسامايتىندىعىن ايتتى. ”ءبىز بۇل ارادان كەتكەن سوڭ، حالىقارالىق قوعامعا ناعىز جۇڭگو شينجياڭىن بايانداپ بەرەمىز“، - دەدى ول.
