نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسى اڭگىمە ءماجىلىسىن اشتى
نەگىزگى ساتى ۋاكىلدەرىنىڭ نەگىزگى تاقىرىپتىق تاربيەنىڭ ونىمدىلىگى جونىندەگى باعالاۋىن بەتپە - بەت تىڭدادى
انار بۇلت \ شينجياڭ گازەتىنىڭ ءتىلشىسى فان چيۇڭيان 8 - ايدىڭ 6 - كۇنى ۇرىمجىدەن حابارلايدى. 8 - ايدىڭ 4 - كۇنىنەن 5 - كۇنىنە دەيىن نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسى ءۇرىمجى قالاسىندا ىركەس - تىركەس اڭگىمە ءماجىلىسىن اشىپ، نەگىزگى ساتى پارتيا مۇشەلەرىنىڭ، بۇقارانىڭ، پارتيا ۋاكىلدەرىنىڭ، حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ 1 - توپتاعى نەگىزگى تاقىرىپتىق تاربيەنىڭ ورىستەتىلۋ جاعدايى جونىندەگى ءىس جۇزىندىك اسەرلەرى مەن ۇسىنىس - پىكىرلەرىن تىڭدادى. ورتالىق 15 - جەتەكشىلىك ەتۋ گرۋپپاسىنىڭ باستىعى ۋاڭ گوشىڭ ماجىلىسكە قاتىناستى ءارى ءسوز سويلەدى.
ماجىلىستە كاسىپورىنداردان، جوعارى مەكتەپتەردەن، الەۋمەتتىك اۋماقتاردان كەلگەن 6 نەگىزگى ساتى پارتيا مۇشەسى، بۇقارا جانە 6 ”ەكى ۋاكىل، ءبىر مۇشە“ جەكە - جەكە لەبىز ءبىلدىردى. كوپشىلىك تۇس - تۇستان مىنالاردى ءبىلدىردى: نەگىزگى تاقىرىپتىق تاربيە الا كەلگەن جاڭا بەينەنى، جاڭا وزگەرىستى شىنايى سەزىندىك، باسشى كادرلاردىڭ نەگىزگى ساتىنى ىشكەرىلەي ارالاۋى اناعۇرلىم كوبەيدى، تىڭداعان ۇسىنىس - پىكىرلەرى اناعۇرلىم كەڭ كولەمدە بولدى، ستيلى اناعۇرلىم ناقتى بولدى، دامۋداعى قيىن ماسەلەلەردى شەشۋ جانە حالىق تۇرمىسىنا قاتىستى ناقتى ىستەردى ىستەۋ تەبىنى اناعۇرلىم ارتتى، سونداي - اق شىن مانىندە ونىمدىلىككە قول جەتكىزىپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى. سونىمەن بىرگە كوپشىلىك حالىق تۇرمىسىنا جاناسىمدى ءتىپتى دە كوپ تاسىلدەردى قولدانىپ، پارتيانىڭ جاڭالىق اشۋ نازارياسىن ىشكەرىلەي ۇگىتتەپ، نەگىزگى تاقىرىپتىق تاربيەدە قول جەتكەن كەزەڭدىك جەتىستىكتەردى ۇزدىكسىز كەڭەيتىپ، حالىق بۇقاراسىنا نەگىزگى تاقىرىپتىق تاربيە الا كەلگەن جاڭا وزگەرىستەردى، جاڭا ونىمدىلىكتەردى شىنايى سەزىندىرۋدى ۇسىنىس ەتتى، سونداي - اق 2 - توپتاعى نەگىزگى تاقىرىپتىق تاربيەنى ورىستەتۋ جونىندەگى جاڭا ءۇمىتىن ورتاعا قويدى.
ۋاڭ گوشىڭ بىلاي دەپ اتاپ كورسەتتى: باس شۋجي شي جينپيڭ نەگىزگى تاقىرىپتىق تاربيە جونىندە كوپ رەت ماڭىزدى ءسوز سويلەپ، ماڭىزدى نۇسقاۋ بەرىپ، بەكىتۋ جاساپ، ءبىزدىڭ نەگىزگى تاقىرىپتىق تاربيەنى ىشكەرىلەي ورىستەتۋىمىزگە عىلمي جەتەكشىلىك جانە ءتۇبىرلى بويسۇنۋ ولشەمىن ازىرلەدى. نەگىزگى تاقىرىپتىق تاربيەنىڭ باس تالابى − ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“، بۇل باس تالاپ − نەگىزگى تاقىرىپتىق تاربيەنىڭ تۇتاس بارىسىنا سىڭىرىلگەن نەگىزگى جەلى. وسى رەتكى اڭگىمە ءماجىلىسىن اشۋداعى ماقسات، باستىسى، كوپشىلىكتىڭ نەگىزگى تاقىرىپتىق تاربيە جونىندەگى ءتول اسەرىن تىڭداپ، نەگىزگى تاقىرىپتىق تاربيەنىڭ ءىس جۇزىندىك ونىمدىلىگىن باعالاۋ. كوپشىلىكتىڭ لەبىزىنەن نەگىزگى تاقىرىپتىق تاربيە ورىستەتۋ ارقىلى شينجياڭداعى پارتيا مۇشەلەرىنىڭ، كادرلاردىڭ يدەيالىق تانىمى جوعارىلاپ، ساياسي سانالىلىعى كۇشەيىپ، قوعامنىڭ ءار سالاسىنىڭ سەنىمى بەكەمدەلىپ، تابىس سەزىمى، ريزا بولۋ دارەجەسى ۇزدىكسىز جوعارىلاعانىن سەزىندىم. كوپشىلىك شىنايى اڭگىمەلەسىپ، ورىندى سوزدەر ايتىپ، كوپتەگەن تاماشا ۇسىنىس - پىكىرلەردى العا قويىپ، نەگىزگى ساتىداعى قالىڭ پارتيا مۇشەلەرىنىڭ، كادرلاردىڭ، بۇقارانىڭ جۇرەك ءۇنىن تولىق بەينەلەدى، ورتالىق جەتەكشىلىك ەتۋ گرۋپپاسى مۇقيات سارالاپ زەرتتەيدى.
ۋاڭ گوشىڭ بىلاي دەپ باسا دارىپتەدى: كوپشىلىكتىڭ نەگىزگى تاقىرىپتىق تاربيەنى وراي ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ويداعىداي ۇگىتتەپ، ويداعىداي ءتۇسىنىپ، ويداعىداي دايەكتىلەندىرىپ، پارتيا ورتالىق كوميتەتىنىڭ ابزال ساياساتتارىن تياناقتاندىرىپ، پارتيا مۇشەلەرىنىڭ، كادرلاردىڭ تاماشا وبرازىن سومداپ، جاڭا جورىقتا ەكپىندەي ىلگەرىلەۋگە زەيىن - زەردەنى، كۇش - قۋاتتى ۇيىستىرىپ، ءوز قىزمەت ورىندارىندا اناعۇرلىم ويداعىداي رول اتقارىپ، كورىكتى شينجياڭ قۇرۋعا كۇش قوسۋىن ءۇمىت ەتەمىن.
