تيانشاندا بيگە باستى، جىبەك جولى شۇعىلا شاشتى
− 6 - كەزەكتى جۇڭگو شينجياڭ حالىقارالىق ۇلتتار ءبي فەستيۆالىنىڭ اياقتاۋى جونىندە ەستەلىك
انار بۇلت \ شينجياڭ گازەتىنىڭ ءتىلشىسى جيا چۇنشيا
8 - ايدىڭ 5 - كۇنى كەشتە شينجياڭ حالىق سارايىندا كلاسسيك بالەت ءبي تەاترى «قىزىل ايەل جاۋىنگەرلەر» قويىلىپ، 6 - كەزەكتى جۇڭگو شينجياڭ حالىقارالىق ۇلتتار ءبي فەستيۆالى تولىق تابىسپەن اياقتالدى.
□ سۋرەتتى انار بۇلت \ شينجياڭ گازەتىنىڭ ءتىلشىسى جوۋ پىڭ تۇسىرگەن
8 - ايدىڭ 5 - كۇنى كەشتە شينجياڭ حالىق سارايى قىزۋ مەرەيگە شومىپ، 6 - كەزەكتى جۇڭگو شينجياڭ حالىقارالىق ۇلتتار ءبي فەستيۆالىنىڭ جابىلۋ سالتى تەاترى «قىزىل ايەل جاۋىنگەرلەر» وسى ارادا اسقاق سەزىممەن قويىلدى. ورتالىق بالەت ۇيىرمەسىنەن كەلگەن نەشە ونداعان بالەت ءبيى ارتيسى شىتىرمان دا اسەرلى حيكايا جەلىسىن ارەكەتكە ءسىڭىرىپ بەينەلەپ، بىردە تەز، بىردە ويناقى، بىردە مامىرلاي كەلگەن مۋزيكا اۋەنىنە ىلەسە، كورەرمەندەرگە جارتى عاسىردان استام ۋاقىتتى باسىپ وزعان كلاسسيكالىق حيكايانى بەينەلەدى. ارتيستەردىڭ ورەلى ورىنداۋ شەبەرلىگى جانە كورەرمەندەردىڭ شاتىرلاعان دۋ قول شاپالاق ءۇنى ىشىندە وسى كەزەكتى ءبي فەستيۆالى تولىق تابىسپەن اياقتالدى.
جىبەك جولىندا ءان اۋەلەپ، تيانشاندا بيگە باستى. وسى كەزەكتى ءبي فەستيۆالى نازاردى جىبەك جولى نەگىزگى تاقىرىبىنا شوعىرلاندىردى، 7 - ايدىڭ 20 - كۇنىنەن 8 - ايدىڭ 5 - كۇنىنە دەيىنگى 17 كۇن ىشىندە ازيا، افريكا، ەۆروپا سىندى 3 ۇلكەن قۇرلىقتان كەلگەن 1000نان استام ءبيشى ”ءان - ءبي مەكەنى“ جۇڭگو شينجياڭىنا جينالىپ، ”ءبيدى“ دانەكەر ەتىپ، كوركەمونەر ارقىلى جىبەك جولىنىڭ كوركەم كورىنىسىن كەستەلەپ، ”ءبىر بەلدەۋ، ءبىر جول“ مادەنيەت اۋىس - كۇيىس، سەلبەستىك كوپىرىن سالىپ، شينجياڭداعى ءار ۇلت بۇقاراسىنا دۇنيە جۇزىلىك مادەنيەت سالتاناتىن سيلادى.
تەاترحانا ىشىندە 28 ەل ءىشى - سىرتىنداعى تاڭداۋلى تەاتر (قويىلىم) ۇلتتىق ءبي، كلاسسيكالىق ءبي، وسى زامان ءبيى، قازىرگى زامان ءبيى، بالەت ءبيى سياقتىلاردى قامتىعان ءبي تۇرلەرى شينجياڭدا تولىق ايگىلەندى. بارلىق جەردە ءبي بيلەنىپ، جۇڭگو − شەتەل قويىلىمدارىنىڭ ءبارى تارتىمدى بولىپ، دۇنيە ءجۇزى مادەنيەتىنىڭ باي دا الۋان ءتۇرلى ەكەندىگىن، جۇڭحۋا مادەنيەتىنىڭ ماڭگىلىك تارتىمدىلىعى مەن جالىندى تەبىنىن تولىق ايگىلەپ، وسى كەزەكتى ءبي فەستيۆالىنىڭ حالىقارالىق كوز اياسىن، جۇڭگو مانەرىن جانە جۇڭگو ەرەكشەلىگىن كورنەكتىلەندىردى.
ءبي - ولەڭ تەاترى «جاسىل القاپ» − ءبي سىزباسى «مىڭ شاقىرىمدىق جەر - سۋ سۋرەتى» جۇڭگونىڭ كلاسسيكالىق ءبيىن جاسامپازدىقپەن كادەگە جاراتىپ، جاڭالىق اشا دامۋداعى جەتىستىگىن كورسەتتى؛ ۇلتتىق ءبي تەاترى «قىزىل ساراي ءتۇسى» ”ءبىر اۋىز ءسوز سويلەمەي - اق، مىڭ ءتۇرلى ماعىنانى جەتكىزەتىن“ ءبي تىلىمەن كورەرمەندەردى قىزىل ساراي ءتۇسى ەلەسىنە جەتەلەدى؛ كورەيا بيشىلەرى اكەلگەن ۇلت ءبيى ارناۋلى قويىلىمى «Koreaنى ەمىن - ەركىن تاماشالاۋ» ادەمى ءبي ارەكەتى، ورەلى ورىنداۋشىلىق شەبەرلىكتەرى ارقىلى كورەرمەندەرگە كورەيا بيلەرىندەگى كلاسسيكا مەن وسى زامانعى توعىسقان تارتىمدىلىقتى سەزىندىردى... ەجەلگى مەن بۇگىنگى قامتىلعان، شىعىس پەن باتىستى ساباقتاستىرعان وسى ءبي ساحناسىندا ءار ەل كوركەمونەرشىلەرى ءبي ءتىلى ارقىلى اشىق تا سيىسىمدى، اۋىس - كۇيىس جاساپ، ءوزارا ۇلگى الاتىن، ءوز كوركەمدىكتەرىن ايگىلەيتىن، كوركەمدىكتەن ورتاق يگىلىكتەنەتىن تاماشا داستان جازدى.
رەسەي ساراتوۆ وبلىستىق شۇعىلا ءان - ءبي ۇيىرمەسىنىڭ ءان - ءبي ارناۋلى قويىلىمى «شۇعىلادا» ورىس قىز - جىگىتتەرى تارتىمدى ءان - بيلەرىن كورسەتىپ، كورەرمەندەرگە كوزبە - كوز ورىس لەبىن سەزىندىردى. ”تۇڭعىش رەت جۇڭگو شينجياڭىنا كەلىپ كونسەرتكە قاتىناسىپ جاتىرمىن، بۇل ارانىڭ مادەنيەت رايى قويۋ، ادامدارى ەرەكشە باۋىرمال ەكەن، باسقا ەلدەردىڭ تاڭداۋلى ارتيستەرىمەن پىكىر اۋىستىرىپ، كوپ نارسەگە يە بولدىم، شينجياڭ جاقسى جەر، شينجياڭعا تاعى دا كەلگىم كەلەدى“، - دەدى وسى ءان - ءبي ۇيىرمەسىنىڭ ءبي ارتيسى ەۆرەمەنكو سوفيا ماكسيموۆنا.
تەاتر سارايىنىڭ سىرتىندا كوركەمونەرشىلەر ءبي ارقىلى دوستاسىپ، تۇرلىشە وركەنيەتتەردىڭ اۋىس - كۇيىس جاساپ، توعىسۋىن سەزىندى. تاجىكستان «لورا» مەملەكەتتىك ەڭبەك سىڭىرگەن ءان - ءبي ۇيىرمەسىنىڭ ارتيست قىزمەتكەرلەرى شينجياڭ مۇراجايىنا كەلىپ، مادەني ەسكەرتكىشتەردە قامتىلعان شۇعىلالى جۇڭحۋا مادەنيەتىن سەزىندى؛ سانجى حۇيزۋ اۆتونوميالى وبلىسىنداعى كاسىپتەستەرىمەن بىرگە جۇرگەن اۋىس - كۇيىس قيمىلىندا وزبەكستان مەملەكەتتىك تەاترى Tumor ءان - ءبي ۇيىرمەسىنىڭ ارتيسى جۇڭگونىڭ مەرەكە ساۋىعىندا بيلەدى... توڭىرەكتىڭ ءتورت بۇرىشىنان كەلگەن ادامدار اشىق تا سيىسىمدى بولۋ، اۋىس - كۇيىس جاساپ، ءوزارا ۇلگى الۋ سىندى جىبەك جولى رۋحىن جالعاستىرا جازدى.
ءبي فەستيۆالى كوركەمونەردىڭ سالتاناتى، سونداي - اق حالىقتىڭ مەرەكەسى. ”شۇعىلا شاشقان جىبەك جولى. جاراسىمدىلىقپەن قاتار ءومىر ءسۇرۋ“ زاماندىق كيىم - كەشەك شوۋى، شينجياڭ ”جىبەك جولى“ كوشە ءبيى قويىلىمى، شينجياڭ ءبي جاسامپازدىعى، اۋىس - كۇيىس ءماجىلىسى، ”شينجياڭ ءبيىن بىرگە بيلەۋ“ اتتى الاڭ ءبيى قويىلىمى سياقتى 4 سايكەستى قيمىلدا جۇرتشىلىقتىڭ ارالاسىپ، ىقپالداسۋىنا ءمان بەرىلدى. حالىققا ءتيىمدى بەلەت باعاسى ءار ۇلت بۇقاراسىنىڭ ەسىكتەرىنىڭ الدىندا ەل ءىشى - سىرتىنداعى جوعارى دەڭگەيدەگى قويىلىمدى تاماشالاپ، شينجياڭدى مادەنيەتپەن نارلەندىرۋدىڭ مول جەتىستىگىنەن بىرگە يگىلىكتەنۋىنە مۇمكىندىك بەردى.
”بارلىعى كلاسسيكا، بارلىعى تارتىمدى ەكەن، كوز الماي تاماشالاپ وتىردىق، ونىڭ ۇستىنە باعاسى دا لايىقتى، ءبىز، شىنىمەن دە ’ءنار قابىلدادىق‘“. كورەرمەندەردىڭ باعاسى ءبي فەستيۆالىنىڭ ارقاسىندا تاماشا ءبىر جازعى كەشتەردى وتكىزگەندىگىن اڭعارتادى.
وسى كەزەكتى ءبي فەستيۆالى شىمىلدىعىن جاپقانىمەن، كۇن شۋاعىنداعى ءبي قادامى توقتامايدى. وسىناۋ حالىقارالىق دەڭگەيى، جۇڭگو ايبىنى، شينجياڭ ەرەكشەلىگى بار كوركەمونەر سالتاناتى ءار ۇلت بۇقاراسىنىڭ كوكەيىنەن كەتپەيدى، سونداي - اق ”ءان - ءبي مەكەنى“دەگەن تاماشا اتى بار شينجياڭنىڭ سەنىمىن اناعۇرلىم نىعايتىپ، اتاعىن اناعۇرلىم شارىقتاتاتىن بولادى.
