6 - كەزەكتى جۇڭگو شينجياڭ حالىقارالىق ۇلتتار ءبي فەستيۆالى اياقتادى
ناق مايداندا كورگەندەر 100 مىڭعا (رەت) تايادى، جەلىدە قاتىناسۋشىلار ءبىر ميلليارد 260 ميلليوننان (رەت) استى
انار بۇلت \ شينجياڭ گازەتىنىڭ ءتىلشىسى ليۋ مىڭمىڭ 8 - ايدىڭ 5 - كۇنى ۇرىمجىدەن حابارلايدى. ءان - كۇيىنە بار ۇلتتىڭ يۇيتيان سازى قوسقان ءۇن، ونەرپازدار ءبي بيلەيدى ءبىر جەردە قوسىپ باستارىن. 8 - ايدىڭ 5 - كۇنى مادەنيەت جانە ساياحات مينيسترلىگى، مەملەكەتتىك كەڭەستىڭ اقپارات كەڭسەسى جانە اۆتونوميالى رايوندىق حالىق ۇكىمەتى بىرلەسىپ ۇيىمداستىرعان 6 - كەزەكتى جۇڭگو شينجياڭ حالىقارالىق ۇلتتار ءبي فەستيۆالى شينجياڭ حالىق سارايىندا اياقتادى.
وسى كەرەكتى ءبي فەستيۆالى ”بيمەن تەربەلگەن ارمان، بەرەكەلى جىبەك جولىن“ نەگىزگى تاقىرىپ ەتىپ، 17 كۇنگە جالعاسىپ، ەل ءىشى - سىرتىنداعى 28 تاڭداۋلى تەاتر (قويىلىم) قاتىناسۋعا ۇسىنىس ەتىلدى، بۇعان شەتەلدە قويىلعان 11 تەاتر (قويىلىم)، ەل ىشىندەگى (شياڭگاڭ، اۋمىن ءوڭىرىن قامتيدى) 17 تەاتر (قويىلىم) قامتىلدى، مۇنىڭ ىشىندە شينجياڭنىڭ جەرگىلىكتى تەاترى (قويىلىم) تورتەۋ بولىپ، سايكەستى تۇردە ”شۇعىلا شاشقان جىبەك جولى. جاراسىمدىلىقپەن قاتار ءومىر ءسۇرۋ“ زاماندىق كيىم - كەشەك شوۋى، شينجياڭ ”جىبەك جولى“ كوشە ءبيى قويىلىمى، شينجياڭ ءبي جاسامپازدىعى، اۋىس - كۇيىس ءماجىلىسى، ”شينجياڭ ءبيىن بىرگە بيلەۋ“ اتتى الاڭ ءبيى قويىلىمى سياقتى جەلىلەس قيمىلدار وتكىزىلدى.
ءبي فەستيۆالى كەزىندە 100 مىڭعا جۋىق ادام (رەت) تەاترحاناعا كىرىپ، 80 ميلليوننان استام ادام (رەت) بۇلتتىق كيلەنتتە كوركەمونەر سالتاناتىنان بىرگە يگىلىكتەندى، قاتىستى اڭگىمە تاقىرىپتارى جونىندەگى تۇتاس ينتەرنەتتەگى كورىلىم مولشەرى ءبىر ميلليارد 180 ميلليون رەتكە جەتتى.
جابىلۋ سالتىندا 2000نان استام ءار ۇلت كورەرمەندەرى بىرگە ورتالىق بالەت ۇيىرمەسىنىڭ بەتكە باسار تاڭداۋلى بالەت ءبي تەاترى ”قىزىل ايەل جاۋىنگەرلەردى“ تاماشالادى. ايبىندى مۋزيكا، سالتاناتتى دا كوز تارتارلىق ساحنا، جىگەرى تاسقىنداعان ايەل جاۋىنگەرلەر، قان كەشىپ شايقاس جاساعان ساربازدار... 2 ساعاتتىق كونسەرت تۇتاس الاڭداعى كورەرمەندەردىڭ 60 جىلعا جۋىق جالعاسقان وسى كلاسسيكالىق تەاترعا دەگەن قۇشتارلىعىن ءبىلدىردى.
جارتى ايدان استام ۋاقىتتان بەرى ەل ءىشى - سىرتىنان كەلگەن 800نەشە اقپارات مەدياسى 10 مىڭنان استام حابار تاراتىپ، ءبي فەستيۆالىنىڭ تارتىمدىلىعىن بۇكىل دۇنيە جۇزىنە جەتكىزىپ، ”وسى جازدا ءبي بيلەيتىن ەڭ شەبەر ادام شينجياڭدا“، ”شەتەل بيشىلەرى شينجياڭدى تىلگە تيەك ەتتى“، ”بۇقارالىق ءان - ءبي فەستيۆالى“ سياقتى قولامتالى تاقىرىپتاردى قالىپتاستىرىپ، بايدۋ، ميكروبلوگ، دوۋيىن، شياۋحۇڭشۋ سياقتى قوعامدىق قارىم - قاتىناس مەديا تۇعىرلارىندا ءساتتى تۇردە جۇرت نازارىن اۋداردى.
وسى كەزەكتى ءبي فەستيۆالىندا كوپتەگەن تارتىمدى ساتتەر مەن اسەرلى اڭگىمەلەر بولدى: ۇشاقتان تۇسە سالىسىمەن وڭتۇستىك افريكادان كەلگەن بيشىلەر شينجياڭ ءبيىن بيلەۋدى ۇيرەندى؛ شينجياڭ كوركەمونەر تەاترىنىڭ شاعىن جەمىس باعىندا جۇڭگو − تايلاند كوركەمونەرشىلەرى بىرگە ءماشىراپقا باستى؛ سانجى قالاسىندا وزبەكستاننان كەلگەن كوركەمونەرشىلەر العاشقى رەت جۇڭگو مەرەكە ساۋىعى ويىنىن بيلەدى... جۇڭگو شينجياڭ حالىقارالىق ۇلتتار ءبي فەستيۆالى شينجياڭنىڭ ”قۇبىلىس“ دەڭگەيلى مادەنيەت ىسىنە، ماڭىزدى مادەنيەت بەلگىسىنە جانە جۇڭگو حيكاياسىن جاقسى بايانداۋدىڭ كوركەم تانىسقىسىنا، ”ءبىر بەلدەۋ، ءبىر جول“ بويىنداعى ەلدەر مەن وڭىرلەردىڭ وركەنيەتتىك اۋىس - كۇيىسىن، ءوزارا ۇلگى الۋىن جەبەۋدەگى ماڭىزدى دانەكەرىنە اينالدى.
”ءبي فەستيۆالى كاسىپتىك، حالىقارالىق ساحنا ازىرلەپ بەردى، تۇرلىشە ناسىلدەگى، تۇرلىشە تىلدەگى، تۇرلىشە وڭىردەگى بيشىلەر وسى ارادا اۋىس - كۇيىس جاساپ، ءوزارا ىقپالداسىپ، بىزگە كوركەمونەر سالتاناتىن سيلادى“، - دەدى شينجياڭدىق ادەبيەت - كوركەمونەر قىزمەتكەرى راحمەت نيازقۇدىق.
”6 - كەزەكتى جۇڭگو شينجياڭ حالىقارالىق ۇلتتار ءبي فەستيۆالى اتى زاتىنا ساي جۇڭگو - شەتەل مادەنيەت - كوركەمونەر اۋىس - كۇيىسىنىڭ’كەزدەسۋ زالىنا‘ اينالىپ، باتىسقا ەسىك اشۋدى جانە گۋمانيتارلىق دوستىق قارىم - قاتىناستى جەبەيتىن ’تىلەكتەستىك كوپىرىنە‘ اينالىپ، جۇڭگو شينجياڭى حيكاياسىن بايانداۋدىڭ ’جاڭا تەرەزەسى بولدى‘“، - دەدى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى شۇي رۇيجۇن.
