جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا حالىق قۇرىلتايىنىڭ ۇلەسىن قوسۋ كەرەك

ءزۇمىرات وبۇل تۇرپان قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

　　جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا حالىق قۇرىلتايىنىڭ ۇلەسىن قوسۋ كەرەك

　　انار بۇلت \شينجياڭ گازەتىنىڭ ءتىلشىسى جاڭ لەي 8 - ايدىڭ 5 - كۇنى تۇرپاننان حابارلايدى. 8 - ايدىڭ 4 - كۇنى اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل تۇرپان قالاسىندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، نەگىزگى تاقىرىپتىق تاربيەنى تىڭعىلىقتى ورىستەتىپ، پارتيا 20 - قۇرىلتايىنىڭ، ورتالىقتىڭ حالىق قۇرىلتايى قىزمەتى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى حالىق قۇرىلتايى قىزمەتىن كۇشەيتىپ جانە جاقسارتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا حالىق قۇرىلتايىنىڭ ۇلەسىن قوسۋ كەرەك.

　　تۇرپان قالاسى گاۋچاڭ رايونى يار قالاشىعى جاڭا ءشار باتىس قاقپا قىستاعىندا، جۇزىمشىلىك قالاشىعى باعرى الەۋمەتتىك اۋماعىندا ءزۇمىرات وبۇل ۋاكىلدەر بايلانىس پۋنكتىنە، نەگىزگى ساتى زاڭ شىعارۋ بايلانىس تۇيىنىنە بارىپ، پۋنكتتىڭ، ءتۇيىننىڭ قۇرىلىس، جۇمىس جۇرگىزۋ جاعدايى جونىندەگى تانىستىرۋلاردى تىڭداپ، ءار بارعان جەرىندە تۇگەلدەي حالىق قۇرىلتايى ۋاكىلدەرىمەن ىشكەرىلەي اڭگىمەلەسىپ، ولاردىڭ ءوندىرىس، تۇرمىس جانە مىندەتىن زاڭ بويىنشا وتەۋ جاعدايىن ۇعىستى. ول بىلاي دەپ اتاپ كورسەتتى: ءار دارەجەلى حالىق قۇرىلتايلارى باس شۋجي شي جينپيڭنىڭ شينجياڭدى كوزدەن كەشىرگەندىگىنىڭ ءبىر جىلدىعىن جاڭا كۇرەس جۇرگىزۋ باستاماسى ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، زاڭ بويىنشا مىندەت وتەپ، جاۋاپكەرشىلىكتى ادا ەتىپ، ىرىقتى تۇردە جاۋاپكەرشىلىك ارقالاپ، ىسكەرلىك كورسەتىپ، جاڭا داۋىردەگى حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋ كەرەك. جالپى بارىستىق حالىق دەموكراتياسىن امالياتتا ايگىلەپ، نەگىزگى ساتى زاڭ شىعارۋ بايلانىس ءتۇيىنى، ۋاكىلدەر ”وتاۋى، كەڭسەسى، پۋنكتى“ سياقتى دەموكراتيانى، حالىق رايىن بەينەلەۋ تۇعىرى مەن دانەكەرىن كەمەلدەندىرىپ، حالىق رايىن قابىلدايتىن، حالىقتىڭ اقىل - پاراساتىن توپتايتىن قىزمەت مەحانيزمىن كەمەلدەندىرىپ، حالىق قۇرىلتايى قىزمەتىنىڭ ءار بۋىنىندا حالىقتىڭ ءۇنىن ەستي الۋىنا شىنايى كەپىلدىك ەتۋ كەرەك. ۋاكىلدەر قىزمەتى قابىلەتى قۇرىلىسىن كۇشەيتىپ، ۋاكىلدەرگە قىزمەت وتەۋ تانىمىن بەرىك ورناتىپ، ”ەكىمەن بايلانىس جاساۋ“ ءتۇزىمىن تياناقتاندىرىپ، ”10 مىڭ ۋاكىل 10 مىڭ وتباسىن ارالاۋ“ نەگىزگى تاقىرىپتىق امالياتتىق قيمىلىن ىشكەرىلەي ورىستەتىپ، ۋاكىلدەردىڭ زاڭ بويىنشا مىندەت وتەۋىن اناعۇرلىم ويداعىداي قامتاماسىز ەتۋ جانە وعان قولداۋ كورسەتۋ كەرەك. ءار دارەجەلى حالىق قۇرىلتايلارى ۋاكىلدەرى حالىقتىڭ مۇددەسىنە ادالدىقپەن ۋاكىلدىك ەتىپ، ۋاكىلدىك مىندەتىن زاڭ بويىنشا اتقارىپ، شينجياڭدى زاڭمەن باسقارۋدى ىلگەرىلەتۋ، ۇلتتار ىنتىماعىن كۇشەيتۋ، جوعارى ساپالى دامۋدى ىلگەرىلەتۋ سياقتى جاقتاردا ۋاكىلدىك رولىن تولىق ساۋلەلەندىرۋى كەرەك. جاڭا داۋىردەگى پارتيانىڭ شينجياڭدى باسقارۋ جالپى جوباسىن ۇيرەنۋدى، دايەكتىلەندىرۋدى نەگىزگى تاقىرىپ ەتىپ، العىس ايتۋ تاربيەسىن تەرەڭدەتۋدى نەگىزگى جەلى، زاڭ جالپىلاستىرۋدى، ۇگىتتەۋدى ءتۇيىن ەتىپ، بۇقارامەن ىشكەرىلەي ارالاسىپ، كەڭ كولەمدە ۇگىت لەكسيا جاساپ، ءار ۇلت بۇقاراسىن ”بەستى شىنايى مويىنداۋدى“ كۇشەيتۋگە، جۇڭحۋا ۇلتى ورتاق تۇلعا تانىمىن بەرىك ورناتۋعا جەتەكتەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جۇرت جۇرەگىنە تەرەڭ ۇيالاۋىن اناعۇرلىم ويداعىداي ىلگەرىلەتۋ كەرەك.

　　ءزۇمىرات وبۇل اۋىل - قىستاقتى گۇلدەندىرۋ، مادەنيەت - ساياحات كاسىبىنىڭ دامۋى، مادەني ەسكەرتكىشتەردى قورعاۋ، بەيزاتتىق مادەنيەت مۇرالارىن جالعاستىرۋ سياقتى جاقتارداعى قىزمەت جاعدايىنا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: حالىق قۇرىلتايىنىڭ قىزمەت جاۋاپكەرشىلىگىن زاڭ بويىنشا اتقارىپ، ماسەلەنى باعدار ەتۋگە تاباندى بولىپ، ”شاعىن كىرىسۋ ءتۇيىنى“، ”شاعىن، تەز، يكەمدى“ زاڭ ەرەجە شىعارۋ، كوپ ءتۇرلى باقىلاۋ تاسىلىنەن جالپىلىق پايدالانىپ، مادەني ەسكەرتكىشتەر مەن مادەنيەت مۇرالارىن قورعاۋ سەرپىنىن ارتتىرىپ، ەرەكشەلىككە يە كاسىپ سالالارىنىڭ دامۋىن ىلگەرىلەتىپ، اۋىل - قىستاقتى گۇلدەندىرۋگە دەم بەرىپ، شينجياڭنىڭ جوعارى ساپالى دامۋىنا حالىق قۇرىلتايىنىڭ ۇلەسىن قوسۋ كەرەك.