تەكسەرۋ - زەرتتەۋ جەتىستىكتەرىن قىزمەتتىڭ ناقتى ونىمدىلىگىنە شىن مانىندە اينالدىرۋ كەرەك

　بيڭتۋان پارتكومى تۇراقتى كوميتەتى نەگىزگى تاقىرىپتىق تاربيە بويىنشا تەكسەرۋ - زەرتتەۋ جەتىستىكتەرى جونىندە اۋىس - كۇيىس جاساۋ ءماجىلىسىن اشتى

　　تەكسەرۋ - زەرتتەۋ جەتىستىكتەرىن قىزمەتتىڭ ناقتى ونىمدىلىگىنە شىن مانىندە اينالدىرۋ كەرەك

　　انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 8 - ايدىڭ 5 - كۇنى ۇرىمجىدەن حابارلايدى. 8 - ايدىڭ 4 - كۇنى بيڭتۋان پارتكومى تۇراقتى كوميتەتى نەگىزگى تاقىرىپتىق تاربيە بويىنشا تەكسەرۋ - زەرتتەۋ جەتىستىكتەرى جونىندە اۋىس - كۇيىس جاساۋ ءماجىلىسىن اشىپ، باس شۋجي شي جينپيڭنىڭ تەكسەرۋ - زەرتتەۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تەكسەرۋ - زەرتتەۋ جاعدايى جونىندە ىشكەرىلەي اۋىس - كۇيىس جاساپ، تەكسەرۋ - زەرتتەۋ جەتىستىكتەرىن ماسەلەلەردى شەشۋدىڭ، قىزمەتتەردى جاقسارتۋدىڭ، دامۋدى جەبەۋدىڭ ءىس جۇزىندىك ارەكەتىنە اناعۇرلىم ويداعىداي اينالدىرۋىن ىلگەرىلەتىپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن، ارەكەتتە ايگىلەنۋىن، ونىمدىلىك كورسەتۋىن ىلگەرىلەتتى. نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنىڭ باستىعى ۋاڭ گوشىڭ ماجىلىسكە كەلىپ جەتەكشىلىك ىستەدى، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي ءماجىلىستى باسقاردى ءارى ءسوز سويلەدى.

　　نەگىزگى تاقىرىپتىق تاربيە ورىستەتىلگەننەن بەرى بيڭتۋان پارتكومى تۇراقتى كوميتەتى باسشىلىق القاسىنىڭ مۇشەلەرى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جاڭا داۋىردەگى بيڭتۋاننىڭ قىزمەت جاۋاپكەرشىلىگىن، بورىشىن ادالدىقپەن وتەۋ، وسىزامانداندىرۋ قۇرىلىسىن جوعارى ساپالى ىلگەرىلەتۋدى جۇزەگە اسىرۋدىڭ جولى سياقتى تاقىرىپتاردى ارقاۋ ەتە وتىرىپ، تەكسەرۋ - زەرتتەۋ ورىستەتىپ، كەزەڭدىك تابىستارعا قول جەتكىزدى.

　　اۋىس - كۇيىس ماجىلىسىندە بيڭتۋان پارتكومى تۇراقتى كوميتەتى القاسىنىڭ مۇشەلەرى ءبىر - بىرلەپ ءسوز سويلەپ، تەكسەرۋ - زەرتتەۋ ورىستەتۋ، ماسەلەلەردى بايقاۋ، شەشۋ، ءتۇيىندى قىزمەتتەردى ىلگەرىلەتۋگە قاتىستى جاعدايلار جونىندە ىشكەرىلەي اۋىس - كۇيىس جاسادى. كوپشىلىك ءبىر اۋىزدان بىلاي دەپ قارادى: تەكسەرۋ - زەرتتەۋ جەتىستىكتەرى جونىندە اۋىس - كۇيىس جاساۋ جانە تيپتىك دەلو مىسالدارىنا تالداۋ جاساۋ ارقىلى شي جينپيڭ جاڭا ءداۋىر جۇڭگوشا سوتسياليزم يدەياسى − دۇنيەنى تانۋ مەن دۇنيەنى وزگەرتۋدىڭ قۇدىرەتتى يدەيالىق قارۋى ەكەندىگىن اناعۇرلىم تەرەڭ تانىپ جەتتىك، ۇيرەنۋ ارقىلى رۋحتى سومداۋعا، ۇيرەنۋ ارقىلى پاراساتتى ارتتىرۋعا، ۇيرەنۋ ارقىلى ستيلدى دۇرىستاۋعا، ۇيرەنۋ ارقىلى ىستەۋدى جەبەۋگە تاباندى بولىپ، نەگىزگى تاقىرىپتىق تاربيە جەتىستىكتەرىن ماسەلەلەردى شەشۋدەگى تابىس ارقىلى سىننان وتكىزۋ كەرەك.

　　ۋاڭ گوشىڭ كوپشىلىكتىڭ نەگىزگى تاقىرىپتىق تاربيەنى تىڭعىلىقتى ورىستەتۋدە، اسىرەسە، ىشكەرىلەي تەكسەرۋ - زەرتتەۋ جۇرگىزۋدە قول جەتكىزگەن جەتىستىكتەرىن تولىق تۇراقتاندىردى. ول بىلاي دەپ اتاپ كورسەتتى: بيڭتۋان پارتكومى تۇراقتى كوميتەتى القاسىنىڭ مۇشەلەرى ءوز باسىنان ۇلگى كورسەتىپ، جوعارى ارقىلى تومەندى جەتەكتەپ، ءار دارەجەلى باسشى كادرلاردى نەگىزگى ساتىنى ىشكەرىلەي ارالاۋعا، ماسەلەلەردى بايقاۋعا، ماسەلەلەردى شەشۋگە جەتەكتەپ، ءتۇرلى قىزمەتتەردە ۇزدىكسىز تىڭ ناتيجەلەرگە قول جەتكىزۋدى ىلگەرىلەتتى. نازاريامەن قارۋلانۋدى كۇشەيتىپ، پارتيانىڭ جاسامپاز نازارياسىن جەتە ۇيرەنۋگە، جەتە تۇسىنۋگە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، يدەيالىق نەگىزدى اناعۇرلىم بەكەمدەۋ، نازاريالىق ساپانى جوعارىلاتۋ، قابىلەت - ونەردى كۇشەيتۋ كەرەك. تەكسەرۋ - زەرتتەۋدى تەرەڭدەتىپ، بۇقارانىڭ اراسىنا بارۋعا، امالياتقا ارالاسۋعا تاباندى بولىپ، شىن ءسوزدى تىڭداپ، ناقتى جاعدايدى تەكسەرىپ، ناقتى ءىس ءبىتىرىپ، تەكسەرۋ - زەرتتەۋدىڭ ءىس جۇزىندىك تابىسى ارقىلى دامۋداعى ءتۇرلى قيىن ماسەلەلەردى شەشۋ كەرەك.

　　لي يفي سوزىندە بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى زەيىن - زەردەنى ۇيىستىرىپ، رۋحتى سومداۋعا، نەگىزدى بەكەمدەۋگە تاباندى بولىپ، ىشكەرىلەي ۇيرەنۋ، ابدەن ۇعىنۋ، جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىنا كۇش سالۋ كەرەك. تەكسەرۋ - زەرتتەۋدى تىڭعىلىقتى ورىستەتىپ، تەكسەرۋ - زەرتتەۋ جەتىستىكتەرىن دەر كەزىندە شەشىم جاساۋ، ورنالاستىرۋ دەڭگەيىنە كوتەرۋ، ناقتى شاراعا اينالدىرۋ، ءىس جۇزىندىك قىزمەتتە تياناقتاندىرۋ كەرەك. نازاريانى ۇيرەنۋگە، تەكسەرۋ - زەرتتەۋگە، دامۋدى ىلگەرىلەتۋگە قاداعالاۋ مەن رەتتەۋ - تۇزەتۋدى ساباقتاستىرۋعا تاباندى بولىپ، ورگانيكالى توعىستىرىپ، ءبىر تۇلعالاندىرىپ ىلگەرىلەتىپ، نەگىزگى تاقىرىپتىق تاربيەنىڭ تەرەڭدەي دامۋىن ىلگەرىلەتۋ كەرەك. بيڭتۋاننىڭ ەكونوميكاسىنىڭ، قوعامىنىڭ جوعارى ساپالى دامۋىن ءۇرتىس ىلگەرىلەتىپ، كورىكتى شينجياڭ قۇرۋ، شينجياڭ قىزمەتى باس نىساناسىن جۇزەگە اسىرۋ جولىندا اناعۇرلىم زور ۇلەس قوسۋ كەرەك.