اۆتونوميالى رايوندىق حالىق ۇكىمەتى پارتيا باسشىلىق گرۋپپاسى نەگىزگى تاقىرىپتىق تاربيە بويىنشا تەكسەرۋ - زەرتتەۋ جەتىستىكتەرى جونىندە اۋىس - كۇيىس جاساۋ ءماجىلىسىن اشتى
جوعارى ساپالى تەكسەرۋ - زەرتتەۋ ارقىلى جوعارى ساپالى دامۋدى جەبەۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 8 - ايدىڭ 3 - كۇنى ۇرىمجىدەن حابارلايدى. نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسى مەن اۆتونوميالى رايوندىق پارتكومنىڭ قىزمەت ورنالاستىرۋى بويىنشا، 8 - ايدىڭ 3 - كۇنى اۆتونوميالى رايوندىق حالىق ۇكىمەتى پارتيا باسشىلىق گرۋپپاسى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى بويىنشا تەكسەرۋ - زەرتتەۋ جەتىستىكتەرى جونىندە اۋىس - كۇيىس جاساۋ ءماجىلىسىن اشتى. ءماجىلىس باس شۋجي شي جينپيڭنىڭ تەكسەرۋ - زەرتتەۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، تەكسەرۋ - زەرتتەۋ احۋالى جونىندە پىكىرلەسىپ، تيپتىك دەلولارعا تالداۋ جاساپ، جوعارى ساپالى تەكسەرۋ - زەرتتەۋ ارقىلى جوعارى ساپالى دامۋدى جەبەپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن، ناقتى ونىمدىلىك كورسەتۋىن ىلگەرىلەتتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى ءارى ءسوز سويلەدى، نەگىزگى تاقىرىپتىق تاربيە ورتالىق 15 - رەتكى جەتەكشىلىك ەتۋ گرۋپپاسىنىڭ باستىعى ۋاڭ گوشىڭ ماجىلىسكە بارىپ جەتەكشىلىك ەتتى.
ماجىلىستە اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ مۇشەلەرى اۆتونوميالى رايوننىڭ ءتۇيىندى قىزمەتتەرىنىڭ جانە وزدەرى جاۋاپتى بولعان سالالاردىڭ جاعدايىمەن ۇشتاستىرىپ، ەكونوميكانىڭ جوعارى ساپالى دامۋىن ىلگەرىلەتۋ، تومەن ساپاداعى كومىر جانە ليتي كاسىپ سالاسىن دامىتۋ، جوعارى دەڭگەيدە سىرتقا ەسىك اشۋ، ءتۇيىندى وڭىرلەردىڭ اتموسفەراسىنىڭ لاستانۋىنان ساقتانۋ جانە ونى وڭاۋ سياقتى نەگىزگى تاقىرىپتاردى ارقاۋ ەتىپ، ءبىر - بىرلەپ پىكىر اۋىستىرىپ، لەبىز ءبىلدىردى. كوپشىلىك مىنالاردى ءبىلدىردى: نەگىزگى تاقىرىپتىق تاربيەنى، اسىرەسە، تەكسەرۋ - زەرتتەۋدى ىشكەرىلەي ورىستەتۋ ارقىلى شينجياڭ قىزمەتىن ويداعىداي ىستەۋدە، ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولۋ، جاڭا داۋىردەگى پارتيانىڭ شينجياڭدى باسقارۋ جالپى جوباسىن، ءسوز جوق، تولىق، دالمە - ءدال دايەكتىلەندىرۋ، ۇيرەنۋ ارقىلى رۋحتى سومداۋدى، ۇيرەنۋ ارقىلى اقىل - پاراساتتى ارتتىرۋدى، ۇيرەنۋ ارقىلى ستيلدى دۇرىستاۋدى، ۇيرەنۋ ارقىلى ىستەۋدى جەبەۋدى قۇلشىنا ورىنداپ، قىزمەت ناتيجەسى ارقىلى نەگىزگى تاقىرىپتىق تاربيەنىڭ جەتىستىكتەرىن سىننان وتكىزۋ كەرەك ەكەندىگىن اناعۇرلىم تەرەڭ سەزىندى.
ەركىن تۇنياز قورىتىندى سوزىندە بىلاي دەپ اتاپ كورسەتتى: باس شۋجي شي جينپيڭ تەكسەرۋ - زەرتتەۋگە وسكەلەڭ ءمان بەرىپ، جوعارى ارقىلى تومەنگە جەتەكشىلىك ەتىپ، ءوز باسىنان ونەگە كورسەتىپ، بۇكىل پارتيانىڭ تەكسەرۋ - زەرتتەۋدى ورىستەتۋىنە شۇعىلالى ۇلگى ورناتتى. ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، جەتە ءتۇسىنىپ، پارتيانىڭ جاسامپاز نازارياسىمەن تەكسەرۋ - زەرتتەۋگە جەتەكشىلىك ەتۋگە تاباندى بولىپ، ءىس جۇزىندىك ارەكەتىمىزبەن ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداۋىمىز كەرەك. جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ ولشەمىنە، تالابىنا تۋرالانىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ارقاۋ ەتىپ، بىرەۋى ارقىلى ءبارىن تۇزەتەتىن جۇيەلى، جالپى جاعدايلىق ماسەلەلەردى مىقتى يگەرىپ، تەكسەرۋ - زەرتتەۋ جەتىستىكتەرىن ۇيرەنۋ ارقىلى ىستەۋدى جەبەۋدىڭ قۇدىرەتتى قوزعاۋشى كۇشىنە اينالدىرىپ، تەكسەرۋ - زەرتتەۋدىڭ ”كەيىنگى كەزەڭدەگى جۇمىستارىن“ تىڭعىلىقتى ىستەۋ كەرەك. سوڭعى جارتى جىلداعى رەفورما، دامۋ، ورنىقتىلىق ءتۇرلى مىندەت - نىسانالارىن كوزدەپ، ماسەلەنى باعدار ەتۋگە باستان - اياق تاباندى بولىپ، تەكسەرۋ - زەرتتەۋدى ىشكەرىلەي ورىستەتىپ، ءتۇرلى قيىن ماسەلەلەردى ۇزدىكسىز شەشىپ، قىزمەتتىڭ ساپاسىن، ونىمدىلىگىن شىنايى جوعارىلاتىپ، ەكونوميكانىڭ، قوعامنىڭ جوعارى ساپالى دامۋىن بار كۇشپەن جەبەۋ كەرەك. تەكسەرۋ - زەرتتەۋدىڭ ۇدايىلانعان، باياندى مەحانيزمىن كەمەلدەندىرىپ، ءتاسىلدى ساپالىلاندىرىپ، ستيلدى جاقسارتىپ، قابىلەتتى كۇشەيتىپ، تەكسەرۋ - زەرتتەۋ قىزمەتىنىڭ تۇزىمدەنۋ، جۇيەلىلەنۋ دەڭگەيىن اناعۇرلىم جوعارىلاتۋ كەرەك.
ۋاڭ گوشىڭ كوپشىلىكتىڭ نەگىزگى تاقىرىپتىق تاربيەنى، اسىرەسە، تەكسەرۋ - زەرتتەۋدى ىشكەرىلەي ورىستەتۋدە قول جەتكىزگەن جەتىستىكتەرىن تولىق تۇراقتاندىردى. ول بىلاي دەدى: اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ مۇشەلەرى تەكسەرۋ - زەرتتەۋ تاقىرىبىن ارقاۋ ەتىپ، ماسەلەلەردى دالمە - ءدال تاۋىپ، سەبەبىنە ىشكەرىلەي تالداۋ جاساپ، نىساناعا كۇش سالىپ، شارا قولدانىپ، ءتۇرلى قىزمەتتەردە تىڭ تابىستارعا قول جەتكىزدى. تەكسەرۋ - زەرتتەۋدى ۇنەمىلىك، نەگىزدىك قىزمەت ەتۋگە تاباندى بولىپ، ۇنەمى نەگىزگى ساتىعا بارىپ، بۇقارامەن ىشكەرىلەي ارالاسىپ، الدىڭعى شەپكە ىشكەرىلەي بارىپ، جاعدايدى جان - جاقتى يەلەپ، ءتۇرلى قىزمەتتەردە تۋراشىلدىقتان اينىماي جاڭالىق اشۋدى، سەرپىلىس جاساۋدى جەبەۋ كەرەك. تەكسەرۋ - زەرتتەۋ قابىلەتىن ۇزدىكسىز جوعارىلاتىپ، بۇقارا تۇرعىسىنان ويلاۋعا، ءىس جۇزىندىك جاعدايعا ىشكەرىلەي ارالاسۋعا، ماسەلەلەرگە قاداعالاي نازار اۋدارۋعا كوبىرەك كۇش سالىپ، جۇمىستار تىندىرىپ، شىنداپ كۇش جۇمساپ، ماسەلەلەردى شىن مانىندە شەشۋ كەرەك. تەكسەرۋ - زەرتتەۋ جەتىستىكتەرىن كادەگە جاراتۋدى، قولدانۋدى كۇشەيتىپ، تەكسەرۋ - زەرتتەۋ مەن قاداعالاۋ، رەتتەۋ - تۇزەتۋدى ءبىر تۇتاس جوسپارلاپ ۇشتاستىرۋدى ويداعىداي ىستەپ، نەگىزگى تاقىرىپتىق تاربيەنىڭ قادام سايىن تەرەڭدەۋىن، ساتىلار بويىنشا تەرەڭدەۋىن ىلگەرىلەتۋ كەرەك.
