ورتالىق راديو - تەلەۆيزيا باس ستانسياسىنىڭ شينجياڭ باس پۋنكتى ماڭدايشالىق اشىپ، جۇمىسقا كىرىستى
ما شيڭرۇي قيمىلعا قاتىناستى ءارى ماڭدايشالىق اشتى، شىن حايشيۇڭ، ەركىن تۇنياز ارناۋ ءسوز سويلەدى، لي يفي، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 3 - كۇنى ۇرىمجىدەن حابارلايدى. ورتالىق راديو - تەلەۆيزيا باس ستانسياسى شينجياڭ باس پۋنكتىنىڭ ماڭدايشالىق اشىپ، جۇمىس باستاۋ جانە ورتالىق راديو - تەلەۆيزيا باس ستانسياسىنىڭ شينجياڭعا كومەككە بەرگەن جابدىقتارىن تاپسىرىپ بەرۋ - تاپسىرىپ الۋ سالتى، كولەمدى مادەنيەت باعدارلاماسى «بەيزاتتىق مادەنيەت مۇرالارىنداعى جۇڭگو. شينجياڭ تاراۋىنىڭ» باستالۋ سالتى 8 - ايدىڭ 3 - كۇنى ۇرىمجىدە وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي قيمىلعا قاتىناستى، ورتالىق كوميتەت ۇگىت ءبولىمىنىڭ ورىنباسار باستىعى، ورتالىق راديو - تەلەۆيزيا باس ستانسياسىنىڭ باستىعى قوسىمشا باس رەداكتورى شىن حايشيۇڭ قيمىلعا قاتىناستى ءارى ارناۋ ءسوز سويلەدى، ەكى جاق بىرگە باس پۋنكتتىڭ ماڭدايشالىعىن اشتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قيمىلعا قاتىناستى ءارى ارناۋ ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ قيمىلعا قاتىناستى.
شىن حايشيۇڭ ارناۋ سوزىندە مىنالاردى ءبىلدىردى: باس شۋجي شي جينپيڭ ستراتەگيالىق جانە جالپى جاعداي تۇرعىسىنان شينجياڭ جونىنەن جاعداي باعامداپ، باعدار بەلگىلەپ، رول ۇستاپ، جول باستاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تۇراقتاندىرىپ، شينجياڭنىڭ ەكونوميكانى، قوعامدى دامىتۋدا جانە حالىق تۇرمىسىن جاقسارتۋدا بۇرىن بولماعان تابىسقا قول جەتكىزۋىنە جەتەكشىلىك ەتتى. بۇل رەتكى قيمىل ورتالىق راديو - تەلەۆيزيا باس ستانسياسىنىڭ شينجياڭمەن ونان ارى ىشكەرىلەي سەلبەستىك جاساسۋدىڭ شىت جاڭا تاراۋىن باستاعاندىعىن اڭعارتادى. باس ستانسيا پارتيانىڭ ۇگىت، حابارلاۋ نەگىزگى كۇشىندىك، ”ورنىقتىرعىشتىق“ ماڭىزدى رولىن ونان ارى ساۋلەلەندىرىپ، باس شۋجي شي جينپيڭنىڭ شينجياڭنىڭ قۇرىلىسىنا، دامۋىنا كوڭىل بولگەن حيكايالارىن جاندى، ويداعىداي بايانداپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ اسا تاماشا جاعدايىن جاندى بەينەلەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى قوعامدىق پىكىر قولداۋىن ازىرلەيدى. توعىسپالى تاراتۋدىڭ باسىمدىعىن ونان ارى ساۋلەلەندىرىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، شينجياڭنىڭ كوپ ۇلت مادەنيەتى مەن بيڭتۋاننىڭ قىزىل مادەنيەت بايلىعىن ىشكەرىلەي اشۋدى كۇشەيتىپ، اناعۇرلىم كوپ سارا تۋىندىلاردى سومداپ، ءار ۇلت بۇقاراسىن ”بەستى شىنايى مويىنداۋدى“ كۇشەيتىپ، اناردىڭ دانىندەي تىعىز ۇيىسۋعا باستايدى. قۋاتتى مەديا بايلىق باسىمدىعىن ونان ارى ساۋلەلەندىرىپ، شينجياڭمەن مەديا قيمىلى، مادەنيەت - ساياحات نىساندارى، اۋىل - قىستاقتى گۇلدەندىرۋ، كاسىپ سالاسىن كەڭەيتۋ، الەۋمەتتىك - يگىلىك جارنامالارىمەن سۇيەمەلدەۋ، قولداۋ سياقتى جاقتاردا جان - جاقتى، كوپ ارنالى، كوپ ساتىلى ستراتەگيالىق سەلبەستىك ورىستەتىپ، شينجياڭنىڭ باتىسقا ەسىك اشۋدىڭ الدىڭعى شەبىن تۇلعالاۋىنا، جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋىنە، ”كورىكتى شينجياڭ“ الەمدىك تاماشا اتاق دارەجەسىن جوعارىلاتۋىنا دەم بەرىپ، شينجياڭنىڭ جوعارى ساپالى دامۋىنا پارمەندى قوزعاۋشى قۋات ۇستەيدى.
ەركىن تۇنياز ارناۋ سوزىندە اۆتونوميالى رايوندىق پارتكوم مەن ۇكىمەت اتىنان ورتالىق راديو - تەلەۆيزيا باس ستانسياسىنىڭ ۇزاق ۋاقىتتان بەرى شينجياڭ قىزمەتىن زور كۇشپەن قولداعانىنا جانە قالتقىسىز كومەك كورسەتكەنىنە العىس ايتتى. ول بىلاي دەدى: باس شۋجي شي جينپيڭنىڭ، پارتيا ورتالىق كوميتەتىنىڭ پارمەندى باسشىلىعىندا شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىردى، قوعامدىق كەلەلى جاعداي ءۇرتىس ورنىقتى بولىپ، ەكونوميكا، قوعام جوعارى ساپالى دامىپ، ءار ۇلت بۇقاراسى تىنىش ءومىر، شات - شادىمان تىرشىلىك كەشىرىپ، تيانشان الابىندا گۇلدەنىپ - كوركەيگەن بەينە جارىققا شىقتى. ورتالىق راديو - تەلەۆيزيا باس ستانسياسى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، شينجياڭعا كومەكتەسۋ ساياسي جاۋاپكەرشىلىگىن ىرىقتىلىقپەن ارقالاپ، باعدار رولىن، تۋ رولىن، جەتەكشىلىك رولىن تولىق ساۋلەلەندىرىپ، جاڭا داۋىردەگى شينجياڭ دامۋىنىڭ كورنەكتى تابىستارىن كوپ تۇرعىدان بەينەلەپ، شينجياڭ قىزمەتىنە تاماشا قوعامدىق پىكىر رايىن جاراتتى. كەزەكتە ءبىز باس شۋجيدىڭ شينجياڭدى كوزدەن كەشىرگەندىگىنىڭ ءبىر جىلدىعىن جاڭا كۇرەس باستاماسى ەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋدامىز. جاڭا جورىقتا شينجياڭنىڭ باس ستانسيامەن سەلبەستىك جاساسۋ بولاشاعى نۇرلى، ءۇمىت زور. باس ستانسيانىڭ شينجياڭ قىزمەتىنە بۇرىنعىداي كوڭىل ءبولىپ، قولداۋ كورسەتىپ جانە كومەك كورسەتىپ، شينجياڭدى مادەنيەتپەن نارلەندىرۋ تەبىنىن كۇشەيتىپ، ورتالىق اقپارات مەدياسى باسىمدىعىن اناعۇرلىم ويداعىداي ساۋلەلەندىرىپ، ەل ءىشى - سىرتىنا شينجياڭ حيكايالارىن كوپ ساتىلى، جان - جاقتىلى، ستەرەولدى تۇردە ويداعىداي بايانداپ، كورىكتى شينجياڭ قۇرۋعا قۋاتتى قۇن جەتەكشى كۇشىن، مادەنيەتتىك ۇيىستىرۋ كۇشىن، رۋحاني دەم بەرۋ كۇشىن ازىرلەۋىن ءۇمىت ەتەمىز. شينجياڭ قىزمەت وتەۋ قامتاماسىزدىعىن بەلسەندىلىكپەن ويداعىداي ىستەپ، باس ستانسيانىڭ شينجياڭ باس پۋنكتىنىڭ قىزمەت ورىستەتۋىنە تاماشا ورتا جاراتادى.
ورتالىق راديو - تەلەۆيزيا باس ستانسياسى شينجياڭ باس پۋنكتىنىڭ بيڭتۋان تىلشىلەر پۋنكتى بىرگە ماڭدايشالىق اشىپ قۇرىلدى.
ماڭدايشالىق اشۋ سالتىنان كەيىن، باس ستانسيا مەن اۆتونوميالى رايون شينجياڭعا كومەكتەسۋ جابدىقتارىن تاپسىرىپ بەرىپ، تاپسىرىپ الىپ، جۇمىس باستاۋ سالتىن وتكىزدى. سوڭىنان كولەمدى مادەنيەت باعدارلاماسى « بەيزاتتىق مادەنيەت مۇرالارىنداعى جۇڭگو. شينجياڭ تاراۋى» باستالدى.
«بەيزاتتىق مادەنيەت مۇرالارىنداعى جۇڭگو» نازاردى بەيزاتتىق مادەنيەت مۇرالارىن جاسامپازدىقپەن قولدانۋعا شوعىرلاندىرىپ، بەيزاتتىق مادەنيەت مۇرالارىن جالعاستىرۋ جاعىنداعى جاسامپازدىق ارقىلى جاڭا داۋىردەگى جۇڭگو كەلبەتىن ايگىلەپ، بەيزاتتىق مادەنيەت مۇرالارىنىڭ جاڭالىق اشۋ تاريحي گەنىنە، جاندى كۇيدە جالعاستىرىلۋىنا قۇرمەت ءبىلدىرىپ، بەيزاتتىق مادەنيەت مۇرالارى ۇستالارىنىڭ ونەر حيكاياسىن باياندايدى. ”شينجياڭ تاراۋى“ نازاردى شينجياڭنىڭ ءتۇرى مول، مازمۇنى باي بەيزاتتىق مادەنيەت مۇرالارى بايلىعىنا شوعىرلاندىرىپ، شينجياڭداعى ءار ۇلتتىڭ ارالاسۋىنىڭ، ىشتەسۋىنىڭ، توعىسۋىنىڭ تاريحي جۇلگەسىن، كوپ نەگىزدى، ءبىر تۇلعالى جۇڭحۋا مادەنيەتىنىڭ شينجياڭداعى ءبارىن تۇگەل قامتىعان، ءبىر - ءبىرىن نۇرعا بولەگەن جاراسىمدى جاعدايىن جاندى بەينەلەيدى.
مادەنيەت جانە ساياحات مينيسترلىگىنىڭ، ورتالىق راديو - تەلەۆيزيا باس ستانسياسىنىڭ قاتىستى تاراۋلارىنداعى جاۋاپتى جولداستار قيمىلعا قاتىناستى.
چىن ۋيجۇن، ۋاڭ جيانشين، قادەن كابەن، سۇن حۇڭمەي، شۋە بين، ليۋ جيانميڭ، ورتالىقتىڭ قاتىستى شينجياڭدا تۇراتىن قۇرىلىمدارىنداعى جاۋاپتى جولداستار، اۆتونوميالى رايوننىڭ جانە بيڭتۋاننىڭ قاتىستى تاراۋلارىنداعى جاۋاپتى جولداستار، ءۇرىمجى قالاسىنداعى قاتىستى جاۋاپتى جولداستار قيمىلعا قاتىناستى.
