اۆتونوميالى رايوندىق ءوندىرىس حاۋىپسىزدىگى كوميتەتى جالپى ءماجىلىس اشتى
ەڭ قاتاڭ پوزيتسيامەن حاۋىپسىزدىك قىزىل سىزىعىن باتىل ساقتاۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 8 - ايدىڭ 2 - كۇنى ۇرىمجىدەن حابارلايدى. 8 - ايدىڭ 2 - كۇنى اۆتونوميالى رايوندىق ءوندىرىس حاۋىپسىزدىگى كوميتەتى جالپى ءماجىلىس اشىپ، باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مەملەكەتتىك ءوندىرىس حاۋىپسىزدىگى جونىندەگى تەلەۆيزور - تەلەفون ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكوم مەن ۇكىمەتتىڭ قىزمەت ورنالاستىرۋلارىنا ساي، نەگىزگى تاقىرىپتىق تاربيەنى ىشكەرىلەي ورىستەتۋمەن ۇشتاستىرىپ، الدىڭعى جارتى جىلداعى بۇكىل رايوننىڭ ءوندىرىس حاۋىپسىزدىگى قىزمەتىن قورىتىندىلاپ، رايونىمىزدىڭ ءوندىرىس حاۋىپسىزدىگى جاعدايىنا تالداۋ جاساپ جانە ونى تۇجىرىمداپ، سوڭعى جارتى جىلداعى ءتۇيىندى قىزمەت مىندەتتەرىن اقىلداسىپ، ورنالاستىرىپ، حاۋىپسىزدىك حاۋىپ - قاتەرلەرىنەن، كومەسكى كىناراتتاردان ءونىمدى ساقتانىپ، ءتۇرلى اۋىر، ەرەكشە اۋىر شىرعالاڭداردىڭ تۋىلۋىن باتىل تەجەپ، حالىق بۇقاراسىنىڭ ءومىرى مەن مال - مۇلكى حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن شىنايى قامتاماسىز ەتۋدى تالاپ ەتتى.
اۆتونوميالى رايوننىڭ ءتوراعاسى، اۆتونوميالى رايوندىق ءوندىرىس حاۋىپسىزدىگى كوميتەتىنىڭ مەڭگەرۋشىسى ەركىن تۇنياز ماجىلىسكە قاتىناستى ءارى ءسوز سويلەدى.
ەركىن تۇنياز بىلاي دەپ اتاپ كورسەتتى: بيىل جىل باسىنان بەرى تۇتاس رايوندا جوعارىدان تومەنگە دەيىن پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ءوندىرىس حاۋىپسىزدىگىن جاپپاي ءبىر - بىرلەپ تەكسەرۋ، جاپپاي رەتتەۋ - وڭاۋ، ەلەۋلى شىرعالاڭداردىڭ كومەسكى قاتەرىن ءبىر - بىرلەپ تەكسەرۋ، رەتتەۋ - وڭاۋ ارناۋلى ارەكەتىن ىشكەرىلەي ىلگەرىلەتتى، تۇتاس رايوننىڭ ءوندىرىس حاۋىپسىزدىگى جاعدايى جالپى جاقتان ورنىقتى بولدى. قازىر كاسىپورىندار ءوندىرىسىنىڭ تەبىندەگەن مەزگىلى، نىسان قۇرىلىستارىنىڭ شوعىرلى مەزگىلى، قاتىناس - تاسىمالدىڭ قاربالاس مەزگىلى، ساياحات قيمىلدارىنىڭ قاۋىرت مەزگىلى، وعان تاسقىننان ساقتانۋدىڭ، قۋاڭشىلىققا قارسى اتتانۋدىڭ شەشۋشى مەزگىلى قوسىلىپ وتىر، جەر - جەر، تاراۋلار، ورىندار ءوندىرىس حاۋىپسىزدىگىن شىن مانىندە ويداعىداي يگەرۋدى ”ەكىنى تۇراقتاندىرۋدى“ باتىل قولداۋدىڭ، ”ەكىنى قورعاۋدى“ باتىل ورىنداۋدىڭ ناقتى امالياتى ەتىپ، دامۋ مەن حاۋىپسىزدىكتى ءبىر تۇتاس جوسپارلاپ، ماسەلەنى باعدار ەتۋگە تاباندى بولىپ، ءوندىرىس حاۋىپسىزدىگى سالاسىنداعى كورنەكتى ماسەلەلەردى، ءالسىز بۋىنداردى ىشكەرىلەي تەكسەرىپ تاۋىپ، ەڭ باتىل پوزيتسيا ارقىلى حاۋىپسىزدىك قىزىل سىزىعىن باتىل ساقتاپ، ەڭ قاتاڭ تالاپ ارقىلى حاۋىپسىزدىك جاۋاپكەرشىلىگىن وتەپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا بەرىك حاۋىپسىزدىك قامتاماسىزدىعىن ازىرلەۋ كەرەك.
ەركىن تۇنياز بىلاي دەپ اتاپ كورسەتتى: بيىل جىل باسىنان بەرگى بۇكىل ەلدەگى جانە بۇكىل رايونداعى ءتۇرلى شىرعالاڭداردان مۇقيات ساباق الىپ، ۇلكەن حاۋىپ - قاتەرلەردى يگەرۋدى، ۇلكەن كومەسكى كىناراتتاردى جونگە سالۋدى، ۇلكەن شىرعالاڭداردان ساقتانۋدى نىسانا ەتىپ، باتىل تۇردە ورىن تەۋىپ وتىرعان ماسەلەلەردى، كومەسكى كىناراتتاردى تۇبەگەيلى جويىپ، ارتىپ بارا جاتقان ماسەلەلەردى، كومەسكى كىناراتتاردى تىزگىندەپ، شەشىپ، وزگەرىستەگى ماسەلەلەردەن، كومەسكى كىناراتتاردان ءونىمدى ساقتانۋ كەرەك. قالا - قالاشىقتاردىڭ جانار گاز سالاسىن ءبىر - بىرلەپ تەكسەرۋدى، رەتتەۋ - وڭاۋدى كورنەكتى تۇردە ويداعىداي يگەرىپ، اقاۋلى گاز، اقاۋلى كۇبى، اقاۋلى كلاپان، اقاۋلى جۇمساق تۇتىك، اقاۋلى قۇبىر تورى، اقاۋلى ورتا سياقتىلارعا مەڭزەس جاۋاپكەرشىلىكتى ايقىنداپ، باياندى مەحانيزم قالىپتاستىرىپ، ماسەلەلەردى تۇبىرىنەن شەشۋ، كومەسكى كىناراتتاردى تۇبىرىنەن جويۋ كەرەك. جول - قاتىناس، كەن، قۇرىلىس سالۋ، ساياحات، قاتەرلى حيميالىق بۇيىم، ءورت ءسوندىرۋ، ورتتەن ساقتانۋ سياقتى ءتۇيىندى سالالاردىڭ، سونداي - اق وقۋ - اعارتۋ، اۋىل شارۋاشىلىعى، سۋ يگىلىگى، تەمىر جول، حالىقتىق اۆياتسيا، ەرەكشە جابدىقتار سياقتى ءتۇيىندى كاسىپتەردىڭ شىرعالاڭ كومەسكى كىناراتتارىن ءبىر - بىرلەپ تەكسەرىپ، رەتتەپ - وڭاۋدى كورنەكتى تۇردە ويداعىداي يگەرىپ، زاڭسىز ارەكەتتەرگە سوققى بەرەتىن، زاڭعا قايشى ارەكەتتەردى جونگە سالاتىن تەگەۋرىندى كۇيدى ساقتاۋ كەرەك. مەملەكەتتىڭ كەن حاۋىپسىزدىگى بويىنشا كومەكتەسۋ - سۇيەمەلدەۋ، جەتەكشىلىك ەتۋىندەگى ”سوڭعى جۇمىسىن“ ويداعىداي ىستەپ، اڭىس ەتىلگەن ماسەلەلەردى جانە ەلەۋلى كومەسكى كىناراتتاردى رەتتەۋ - تۇزەتۋدى مىقتى يگەرۋ كەرەك. قىسقا ۋاقىتتىق، توسىن تۋىلعان نوسەرلى جاڭبىردان پايدا بولعان تاسقىن جانە سەل، جەر كوشكىنى، لاي - شاعىل كوشكىنى سياقتى گەولوگيالىق اپات حاۋىپ - قاتەرلەرىن باقىلاۋ - ولشەۋدى جانە ودان ساقتاندىرۋدى كۇشەيتىپ، تاسقىننان حاۋىپسىز وتۋگە شىنايى كەپىلدىك ەتۋ كەرەك. مەملەكەتتىك كەڭەس ءوندىرىس حاۋىپسىزدىگى كوميتەتىنىڭ ەلەۋلى شىرعالاڭ كومەسكى كىناراتتارىن ارناۋلى ءبىر - بىرلەپ تەكسەرۋ، رەتتەۋ - وڭاۋ بويىنشا قۋزاۋ - جەتەكشىلىك ەتۋدە، تەكسەرۋدە اڭىس ەتكەن ماسەلەلەرىن رەتتەۋ - تۇزەتۋ تەبىنىن ارتتىرىپ، تۇگەلدەي ەسەپكە كىرگىزۋگە، ءبىر - بىرلەپ جويۋعا، جابىق اينالىمدى باسقارۋعا شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: جەر - جەر، تاراۋلار ءوندىرىس حاۋىپسىزدىگىندە ”پارتيا مەن ۇكىمەت تەڭ جاۋاپكەرشىلىك ارقالاۋ، ءبىر قىزمەت ورنىندا قوس جاۋاپكەرشىلىك ارقالاۋ، جۇمىلا يگەرىپ، بىرگە باسقارۋ“ تالابىن جاپپاي تياناقتاندىرىپ، جاۋاپكەرشىلىكتى توركىنىنە دەيىن تەكسەرۋ مەحانيزمىن ورناتىپ ءارى قاتاڭ اتقارىپ، كاسىپتىك باقىلاۋ - باسقارۋ قابىلەتىن جوعارىلاتىپ، عىلىم - تەحنيكا تىرەگىن كۇشەيتىپ، شۇعىل جاعدايعا توتەپ بەرۋ دايىندىعىن جەتكىلىكتى ىستەپ، ءوندىرىس حاۋىپسىزدىگىن باسقارۋ جۇيەسى مەن باسقارۋ قابىلەتىن وسىزامانداندىرۋ قۇرىلىسىن تىڭعىلىقتى ىلگەرىلەتۋ كەرەك.
چىن ۋيجۇن باسقاردى، ءيۇسۇپجان مامەت، چىن ميڭگو، سۇن حۇڭمەي، ليۋ سۋشى، ءماردان مۇحيت قاتارلىلار ماجىلىسكە قاتىناستى.
