شينجياڭنىڭ جەر - جەرى ”1 - تامىز“ ارميا قۇرىلۋ مەرەكەسىن ءتۇرلى فورمالارمەن قۇتتىقتادى
الدىڭعى جارتى جىلدا شينجياڭنىڭ اۋىل شارۋاشىلىق وندىرىسىندە جارقىن تۇيىندەر ءجيى - جيى جارىققا شىقتى
□ انار بۇلت \ شينجياڭ گازەتىنىڭ تىلشىلەرى
جۇڭگو ازاتتىق ارمياسى قۇرىلعاندىعىنىڭ 96 جىلدىعى قارساڭىندا، شينجياڭنىڭ جەر - جەرى جابال حال سۇراۋ، ادەبيەت - كوركەمونەر كونسەرتىن قويۋ سياقتى ءتۇرلى قيمىلداردى ورىستەتىپ، شينجياڭدا تۇراتىن ازاتتىق ارميامەن بىرگە ”1 - تامىز“ ارميا قۇرىلۋ مەرەكەسىن تويلادى.
ويناقى ريتىم، مىڭ بۇرالعان اسەم ءبي... 7 - ايدىڭ 31 - كۇنى ىلە بولىمشە اسكەري رايونى بەلگىلى اسكەري ءبولىمىنىڭ دالا جاتتىعۋ تۇيىنىندە ىلە قازاق اۆتونوميالى وبلىستىق ادەبيەت - كوركەمونەرشىلەر بىرلەستىگى سول جەردەگى الەۋمەتتىك اۋماقپەن بىرگە ”مادەنيەتتى اسكەري كازارماعا جەتكىزۋ، 1 - تامىزدى شات - شادىمان تويلاۋ“ اتىنداعى حال سۇراۋ قيمىلىن وتكىزىپ، وسى اسكەري بولىمدەگى 300دەن استام وفيتسەر - اسكەرگە تارتىمدى ادەبيەت - كوركەمونەر كونسەرتىن قويىپ جانە مەرەكەلىك سالەم جەتكىزدى، وفيتسەر - اسكەرلەر دە كوپشىلىككە «اسكەري كازارماداعى جىلدار» دەگەن شياڭشىڭ ءنومىرىن ورىنداپ، جاڭا داۋىردەگى حالىق پەرزەنت اسكەرلەرىنىڭ جاڭا ءداۋىر بەينەسىن ايگىلەدى.
”ءسىز كىمسىز، كىم ءۇشىن قىزمەت وتەيسىز...“ 7 - ايدىڭ 31 - كۇنى ساعات 18 مولشەرى، شينجياڭ اسكەري رايونىنىڭ بەلگىلى تۋانىنىڭ جاتتىعۋ الاڭىندا ءۇرىمجى قالالىق ادەبيەت - كوركەمونەرشىلەر بىرلەستىگى باس بولىپ ۇيىمداستىرعان ”1 - تامىز“ ارميا قۇرىلۋ مەرەكەسى بايلانىسىمەن ارميانى قولداۋ حال سۇراۋ كونسەرت قيمىلى وتكىزىلىپ جاتتى، تارتىمدى كونسەرت جۇرتتىڭ ءالسىن - ءالى الاقايلاپ ماقتاۋىنا بولەندى. قيمىلعا قاتىناسقان ءۇرىمجى قالالىق ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ءتوراعا ليۋ چيڭ مىنالاردى ءبىلدىردى: الدا مۇنان دا كوپ ادەبيەت - كوركەمونەر ەرىكتى قيمىلدارىن، مادەنيەت ارقىلى ارميانى قولداۋ قيمىلدارىن وتكىزىپ، اسكەري بولىمدەگى وفيتسەر - اسكەرلەردىڭ ومىرشەڭدىك كۇشىن قاۋلاتىپ، ارميانى قۇدىرەتتەندىرۋ نىساناسىن جۇزەگە اسىرۋىنا رۋحاني قوزعاۋشى كۇش جانە مادەنيەت تىرەگىن ازىرلەيمىز.
7 - ايدىڭ 31 - كۇنى اۆتونوميالى رايوندىق جوعارى حالىق سوتى مەكەمەسىنىڭ نەگىزگى باسشىلارى ءۇرىمجى قالالىق اسكەري ىستەر سوتى مەكەمەسىنە بارىپ، ارالاپ حال سۇراپ، اسكەري ىستەر سوتى مەكەمەسىندەگى وفيتسەر - اسكەرلەرگە مەرەكەلىك سالەم جولدادى ءارى نازاريا ۇيرەنۋ جانە سوت جۇرگىزۋگە قاتىستى كاسىپتىك كىتاپتاردى، ماتەريالداردى تارتۋ ەتىپ، اڭگىمە ءماجىلىسىن اشىپ، اۋىس - كۇيىس جاساستى. اۆتونوميالى رايوندىق جوعارى حالىق سوتى مەكەمەسى پارتيا باسشىلىق گرۋپپاسىنىڭ شۋجيى دوۋ حۇڭيان مىنالاردى ءبىلدىردى: اۆتونوميالى رايوندىق جوعارى حالىق سوتى مەكەمەسى مەن ءۇرىمجى قالالىق اسكەري ىستەر سوتى مەكەمەسى بىرگە ءادىليا شەبىندە كۇرەس جۇرگىزىپ، ۇزاق ۋاقىت تىعىز سەلبەسىپ تەرەڭ دوستىق ورناتتى. الدا جان - جاقتى بايلانىستى، سەلبەستىكتى ونان ارى كۇشەيتىپ، توعىسپالى دامۋدىڭ جاڭا جولىن قاراستىرىپ، ۇيرەنۋ ارقىلى ءوزارا ۇلگى الىپ، ءوزارا كوپ تيىمدىلىك جەتكىزۋدەي تاماشا ونىمدىلىككە قول جەتكىزمىز.
7 - ايدىڭ 30 - كۇنى شينجياڭ اسكەري رايونى بەلگىلى لۇيىنىڭ جاتتىعۋ ورنىندا سانجى وبلىستىق تيڭجوۋ اي - يۋە وركەسترى اسكەري بولىمگە بارىپ، وفيتسەر - اسكەرلەرگە تۇتىكتى - ىشەكتى اسپاپتار مۋزيكاسى، ىرحۋ جەكە كۇيى سياقتى نومىرلەردى قويدى.
7 - ايدىڭ 29 - كۇنى تارباعاتاي ايماعىنداعى 4 القا باسشىلارى شينجياڭ اسكەري رايونىنىڭ بەلگىلى اسكەري ءبولىمى، قۇرلىق ارميا 948 - شيپاحاناسى قاتارلى اسكەري كازارمالارعا، ورىندارعا بارىپ، اڭگىمە ءماجىلىسىن وتكىزىپ پىكىر اۋىستىرۋ، جۇمىس باسىندا ەكسكۋرسيالاۋ سياقتى تاسىلدەر ارقىلى اسكەري ءبولىمنىڭ نەگىزدىك قۇرىلعىلار قۇرىلىسى، وفيتسەر - اسكەرلەردىڭ جاتتىعۋى، تۇرمىسى سياقتى جاعدايلاردى ۇعىستى ءارى ولارعا مەرەكە بايلانىسىمەن ىزگى تىلەك ءبىلدىردى. وسى اسكەري ءبولىمنىڭ باسشىسى مىنالاردى ءبىلدىردى: وفيتسەر - اسكەرلەر ”حالىقتى جاقىن جان اشىرى، تۇرعان جەرىن ءوز مەكەنى ساناۋ“ سىندى تاڭداۋلى ءداستۇردى بۇرىنعىداي ساۋلەلەندىرىپ، كاسىپتىك قابىلەتكە توسەلىپ، حالىق بۇقاراسىنىڭ تىنىش ءومىر، شات - شادىمان تىرشىلىك كەشىرۋىن قامتاماسىز ەتۋگە، قوعامنىڭ جاراسىمدىلىعىن، ورنىقتىلىعىن قورعاۋعا جاڭا ۇلەس قوسادى.
