اۆتونوميالى رايون قارت كادرلاردى بايىنعولين وبلىسىنا بارىپ ەكسكۋرسيادا، ۇيرەنۋدە بولۋعا ۇيىمداستىردى −
دامۋدى، وزگەرىستى سەزىنىپ، باقىتتى تۇرمىستى القادى
انار بۇلت \ شينجياڭ گازەتىنىڭ ءتىلشىسى يان شياۋتيان
”ساپار بارىسىندا كورگەندەرىمىزدەن ءبىز شينجياڭنىڭ ەكونوميكاسىنىڭ جىلدام دامىعاندىعىنا، قوعامىنىڭ جاراسىمدى، ورنىقتى ەكەندىگىنە كۋا بولدىق“. 7 - ايدىڭ 24 - كۇنىنەن 30 - كۇنىنە دەيىن اۆتونوميالى رايوندىق پارتكوم قارت كادرلار مەكەمەسى قارت كادرلاردى بايىنعولين موڭعۇل اۆتونوميالى وبلىسىنا بارۋعا ۇيىمداستىرىپ، ”ءداستۇردى تىلگە تيەك ەتۋ، گۇلدەنۋدى اڭگىمەلەۋ، كۇش - قۋاتتى ۇيىستىرۋدى“ نەگىزگى تاقىرىپ ەتكەن ەكسكۋرسيا، ۇيرەنۋ قيمىلىن ورىستەتتى. قارت كادرلار بايىنعولين وبلىسىنداعى 6 اۋدان، قالانى، 23 بايقاۋ ءتۇيىنىن ارالاپ احۋال ۇعىسىپ، ەكونوميكانىڭ، قوعامنىڭ قارىشتاپ دامۋىن تىكە سەزىنىپ، بۇقارانىڭ باقىتتى تۇرمىسىن توتە باستان كەشىرىپ، جاڭا دامۋلاردى، جاڭا وزگەرىستەردى القادى.
كاسىپ سالاسىن كۇشەيتىپ، دامۋدى كوزدەپ، پايدادان بىرگە يگىلىكتەندى
كورلا شاڭكۋ جوعارى، جاڭا تەحنيكالىق كاسىپ سالاسىن اشۋ رايونىندا نىسان قۇرىلىستارى دابىرالى ءجۇرىلىپ جاتتى. قارت كادرلار شينجياڭ كورلا جۇڭتاي مۇناي حيميا شەكتى جاۋاپكەرشىلىك سەرىكتەستىگىنىڭ مەڭگەرۋ ورتالىعىنا بارعاندا، ۇلكەن ەكراننان ناقتى ۋاقىتتىق ساندى مالىمەتتەر كورىنىپ تۇردى، شيكىزات تاسۋ، ايىرۋ، تيەۋ - ءتۇسىرۋ سياقتى بۋىنداردا جۇمىس تارتىپپەن جۇرىلىپ جاتتى. ”كاسىپ سالاسى تىزبەگىنىڭ ءۇرتىس ساپالىلانۋىنا ىلەسە، كەلەلى نىسانداردىڭ جەتەكتەۋ رولى كورنەكتى كۇشەيگەن ەكەن“، - دەدى اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى ءمۇتالىپ وبۇل سۇيىنە.
شينجياڭ تيانشان بولات - تەمىر بايىنعولين وبلىسى شەكتى سەرىكتەستىگىندە ەكسكۋرسيادا بولعان كەزدە قارت كادرلار كاسىپورىننىڭ ءوندىرۋ - ساتۋ مولشەرى، ءونىم قۇنى، سالىق تاپسىرۋ، جۇمىستاندىرۋ سياقتى جاقتاردا قول جەتكىزگەن ناتيجەلەرىن تولىق تۇراقتاندىردى. ولار دامۋدىڭ، ءسوزسىز، جەرگىلىكتى ورىنعا تيىمدىلىك جەتكىزىپ، ءار ۇلت بۇقاراسىن ەكونوميكالىق، قوعامدىق دامۋدان كەلگەن پايدادان بىرگە يگىلىكتەندىرۋ كەرەكتىگىن ءبىلدىردى.
جوعارى قارقىندى تاس جول تۇتاسسا، بارلىق سالا گۇلدەنەدى. ەكسكۋرسيا ساپارى جولىندا ساياحات ۇلكەن اۆتوبۋزى، جۇكتى تولتىرا تيەگەن ۇلكەن جۇك كولىكتەرى سياقتىلار جاندارىنان قۇيعىتىپ ءوتىپ جاتتى، قولايلى جوعارى قارقىندى تاس جولداردى قارت كادرلار اۋىز جاپپاي القادى. اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى ءمۇتالىپ قاسىم: كۇن سايىن كەمەلدەنگەن جوعارى قارقىندى تاس جول تورى ءبىلىم اعىنىن، ينفورماتسيا اعىنىن، قارجى اعىنىن جەبەپ، بايىنعولين وبلىسىنىڭ ەكونوميكالىق، قوعامدىق دامۋىنا سارقىلماس قوزعالىس ەنەرگياسىن ۇستەدى، - دەدى.
ەكولوگيا كورىكتەنىپ، بۇقارا بايىپ، شاتتىققا شومدى
”كوپشىلىك، قاراڭىزدار، بۇل ءبىزدىڭ جەرگىلىكتى ورىندا وندىرىلگەن لوپنۇر كەندىر بالى، تابيعي جاسىل ءونىم...“ لوپنۇر اۋدانى داشي ەلەكتروندى ساۋدا كاسىپ سالاسى باقشاسىندا جۇرگىزۋشى ليۋ يۋانجيە توراپتاستارعا لوپنۇر كەندىر بالى، لوپنۇر كەندىر شايى سياقتى ونىمدەردى تانىستىرۋدا. 2022 - جىلى بۇل كاسىپ سالاسى باقشاسى ينتەرنەت جەلىسىنەن تىس ناقتى تۇلعاعا، ينتەرنەتتە تىكە تاراتۋعا سۇيەنىپ، ەرەكشە اۋىل شارۋاشىلىعى ونىمدەرىن ساتىپ، ساتىلىم سوماسى 170 ميلليون يۋانعا جەتكەن.
وسى كورىنىستى كورگەندە، اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى ما شيۇڭچىڭ سۇيىنە بىلاي دەدى: جاسىل دامۋدى اۋىل - قىستاقتى گۇلدەندىرۋدىڭ نەگىزى ەتىپ، ورايدى يگەرىپ، ەرەكشەلىككە، باسىمدىققا يە كاسىپ سالالارىن زورايتىپ، لوپنۇر كەندىرىنىڭ ەكولوگيالىق ونىمدىلىگىن، ەكونوميكالىق ونىمدىلىگىن جانە قوعامدىق ونىمدىلىگىن تەرەڭدەي اشىپ، اناعۇرلىم كوپ جەرگىلىكتى بۇقارانى يگىلىككە كەنەلتۋ كەرەك.
يانچي حۇيزۋ اۆتونوميالى اۋدانىنىڭ بەيداچۇي اۋىلى مەن بيڭتۋان 2 - شى 22 - تۋانىنىڭ 2 - ليانى ىرگەلەس، ەكى جەر نازاردى ”ۇيىم ارقىلى قىستاقتى قۇدىرەتتەندىرۋگە، كاسىپ سالاسى ارقىلى حالىقتى بايىتۋعا، عىلىم - تەحنيكا ارقىلى قىستاقتى گۇلدەندىرۋگە، وقۋ - اعارتۋ ارقىلى حالىققا تيىمدىلىك جەتكىزۋگە“ شوعىرلاندىرىپ، بيڭتۋان مەن جەرگىلىكتى ورىننىڭ توعىسۋىن ىشكەرىلەي ىلگەرىلەتىپ، ”2 < 1 + 1“ ونىمدىلىگىن جۇزەگە اسىردى. 7 - ايدىڭ 28 - كۇنى قارت كادرلار وسى اراعا كەلىپ ەكسكۋرسيالادى، قىزاناق اتىزىنداعى قىپ - قىزىل جەمىس كۇن نۇرى استىندا ادامدى بارىنشا قىزىقتىرادى. اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى مەڭگەرۋشىسى نايىم ياسىن كۇلە سويلەپ: ”بيڭتۋان مەن جەرگىلىكتى ورىن ءبىر تۇتاس جۇيە، بيڭتۋان مەن جەرگىلىكتى ورىن بەرەكەلى وتباسى. 2 - شى مەن بايىنعولين وبلىسى جۇدىرىقتاي جۇمىلىپ، بىرىككەن كۇش قالىپتاستىردى، بۇقارانىڭ تۇرمىسى دا وسىناۋ قىپ - قىزىل قىزاناقتاي بارعان سايىن جاقسارىپ كەلەدى“، - دەدى.
7 - ايدىڭ 24 - كۇنى كەشتە قارت كادرلار كورلا قالاسىنىڭ كونچى وزەنىنىڭ بويىندا سەيىلدەدى، كىشكەنتاي كوپىر مەن سىلدىراي اققان سۋ ءبىر - بىرىنە جاراسىم بەرىپ، ءبىر - ءبىرىن ارلەپ، ادام مەن تابيعات جاراسىمدى قاتار ءومىر سۇرگەن ەكولوگيالىق كارتينانى قالىپتاستىردى.
سوڭعى جىلدارى كورلا قالاسى تۇرمىستىق جاراقسىز سۋدى ءبىر جاقتى ەتىپ، قايتا پايدالانۋ ينجەنەرياسىن اتقارىپ، كونچى وزەنىن، دۋجۋان وزەنىن بويلاپ قالا سازدىعىن سالىپ، جاڭا جاسىل ەكولوگيالىق دامۋ ءدالىزىن قالىپتاستىرىپ، وزەن ارناسى توڭىرەگىندەگى ەكولوگيالىق ورتا مەن تۇرعىنداردىڭ قونىس ورتاسىن بارىنشا جاقسارتتى.
جاعالاۋدا اسىر سالعان بالالارعا، سالقىنداپ وتىرعان قارتتارعا، جۇگىرىپ جۇرگەن جاستارعا قاراپ، اۆتونوميالى رايوندىق جوعارى حالىق سوتى مەكەمەسىنىڭ بۇرىنعى پارتيا باسشىلىق گرۋپپاسىنىڭ شۋجيى يان فىنشين تەبىرەنە بىلاي دەدى: ”تاماشا ەكولوگيالىق ورتا − حالىق تۇرمىسىنا ەڭ ءتيىمدى قۇت - ىرىس، قازىر ەكولوگيالىق ورتا كورىكتەنىپ، بۇقارا بايىپ، تۇرمىس ساپاسى جوعارىلادى، كۇلكى ۇيىرىلگەن جۇزدەر دە بارعان سايىن مولايۋدا“.
وقۋ - اعارتۋعا ءمان بەرىپ، مادەنيەتتى گۇلدەندىرىپ، جۇرت جۇرەگىن نارلەندىردى
وقۋ - اعارتۋ − مەملەكەتتىڭ ۇلى جوسپارى، پارتيانىڭ ۇلى جوسپارى. قارت كادرلار بايىنعولين وبلىستىق 2 - ورتا مەكتەپكە بارىپ، قاتىستى وقىتۋشى - وقۋشىلاردى باسقارۋ قىزمەتىن ەگجەي - تەگجەيلى يەلەپ، مەكتەپتىڭ دارىندىلاردى تاربيەلەۋ جاعدايىن ۇعىستى. ”ەكونوميكالىق، قوعامدىق دامۋدا، ءسوز جوق، دارىندىلار، اقىل - پاراسات تىرەگى بولۋى كەرەك، ءبىز وقۋ - اعارتۋ ىستەرىنىڭ دامۋىنا، ءسوز جوق، وسكەلەڭ ءمان بەرۋىمىز كەرەك“، - دەدى اۆتونوميالى رايوندىق جوعارى حالىق سوتى مەكەمەسىنىڭ بۇرىنعى باستىعى باھارگۇل سامەت.
ءبىر مۇراجاي − ءبىر ۇلكەن مەكتەپ. بايىنعولين وبلىستىق مۇراجايدىڭ كروران تاريحي مادەني ەسكەرتكىش كورمە اۋماعىندا قاعاز جازبالار مەن ۇزىن اعاش تاقتايشالاردان قۇرالعان ىقپالداستىق داۋالى كوپتەگەن ەكسكۋسيالاۋشىلاردى باۋرادى. قالاعان ءبىر اعاش تاقتايشانى نەمەسە جازبا دەرەكتى ءتۇرتىپ قالساڭىز، وسى مادەني ەسكەرتكىشتەردىڭ قازىپ الىنۋ احۋالى مەن جازبا دەرەكتەرى كوز الدىڭىزعا اپ - انىق كورىنەدى. قارت كادرلار جوعارىداعى جازۋلاردى زەر سالا وقىدى، اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى رىزۋان ابەي سيفرلانعان زەردەلى مۇراجاي قۇرىلىسىن تۇراقتاندىراتىندىعىن ءبىلدىردى، ”ءداۋىردىڭ قاجەتىنە سايكەسىپ، وزىق تەحنيكادان پايدالانىپ مادەني ەسكەرتكىشتەردى ’جانداندىرىپ‘، كورەرمەندەردىڭ ناقتى سەزىنۋىن كۇشەيتىپ، شينجياڭ حيكاياسىن ويداعىداي بايانداپتى، بۇل ءادىستى جالپىلاستىرۋعا تاتيدى ەكەن“، - دەدى ول.
قاجىرلىلىقپەن كۇرەس جۇرگىزىپ، جەر - كوكتى ءدۇر سىلكىندىرگەن ىستەردى ىستەپ، ءۇن - ءتۇنسىز قالتقىسىز ۇلەس قوساتىن ادام بولۋ كەرەك. حوشۇت اۋدانى مالان حۇڭشان اسكەري مۇراجايىندا قارت كادرلار ”مالان رۋحىنان ۇيرەنىپ، قىزىل قان تامىردى جالعاستىرايىق“ نەگىزگى تاقىرىبىندا پارتيا كۇنى قيمىلىن ورىستەتىپ، پارتياعا كىرۋ سەرتىن قايتا ەسكە الىپ، اۋە شابۋىلىنان قورعانۋ ۇڭگىرلەرىن ەكسكۋرسيالاپ، اسقاق سەزىم الاۋلاعان سول ءبىر ساتتەردى سەزىندى. اۆتونوميالى رايوندىق پارتكومنىڭ بۇرىنعى تۇراقتى مۇشەسى، ءتارتىپ تەكسەرۋ كوميتەتىنىڭ بۇرىنعى شۋجيى فۋ چياڭ بىلاي دەدى: ”اعا بۋىنداردىڭ جاپا - ماشاقاتتان تايسالمايتىن، قايراتتانا كۇرەس جۇرگىزەتىن توڭكەرىستىك رۋحى ماڭگى ءبىزدىڭ ۇيرەنۋىمىزگە تاتيدى“.
ءومىر بويى اۋەلگى ماقساتتان اينىمادى، جاسىل جەلەك جامىلعان بار الاپ شىت جاڭا بەينەگە ەندى. بايىنعولين وبلىسىنىڭ ەكونوميكالىق، قوعامدىق دامۋىندا جارىققا شىققان جارقىن تۇيىندەر قارت كادرلاردى ايرىقشا ءسۇيىندىردى. كوپشىلىك ءبىر اۋىزدان مىنالاردى ءبىلدىردى: اۋەلگى ماقساتتى، بورىشتى ۇمىتپاي، ساياسي قاسيەتتى ماڭگى ساقتاپ، ءوز ارتىقشىلىعىمىزدى ساۋلەلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراساتىمىز بەن كۇش - قۋاتىمىزدى قۇلشىنا ارنايمىز.
