انار بۇلت \ شينجياڭ گازەتىنىڭ ءتىلشىسى لي جيا - ني 7 - ايدىڭ 29 - كۇنى شاڭحايدان حابارلايدى. 7 - ايدىڭ 22 - كۇنىنەن 24 - كۇنىنە دەيىن ”شينجياڭ جاڭا ءداۋىر جاقسى ورەندەرىنىڭ وتان ساپارىنا“ قاتىناسقان 14 ساباقتاس شاڭحايعا بارىپ، جۇڭگو كوممۋنيستىك پارتياسىنىڭ مەملەكەتتىك 1 - قۇرىلتايى ەسكەرتكىش سارايى، چىن يۇن ەسكەرتكىش سارايى، شاڭحاي سىحاڭ قويماسى جاپون شاپقىنشىلارىنا قارسى سوعىس ەسكەرتكىش سارايى سياقتى جەرلەرگە بارىپ ەكسكۋرسيادا، ۇيرەنۋدە بولدى ءارى شاڭحاي قالاسىنداعى ”جاڭا ءداۋىر جاقسى ورەندەرىمەن“ اۋىس - كۇيىس جاساستى.
جۇڭگو كوممۋنيستىك پارتياسىنىڭ مەملەكەتتىك 1 - قۇرىلتايى ەسكەرتكىش سارايىندا ءبىر - بىرلەگەن سۋرەتتەر، ءبىر - بىرلەگەن كورمە بۇيىمدارى، ءبىر - ءبىر ءبولىم كەسكىندەر جۇڭگو كوممۋنيستىك پارتياسىنىڭ دۇنيەگە كەلۋ تاريحي بارىسىن جاندى تۇردە قايتا كوز الدىعا اكەلدى. ساباقتاستار پارتيانىڭ قۇرىلۋ حيكاياسى باياندالاتىن قىزىل ساراي −جۇڭگو كوممۋنيستىك پارتياسى 1 - قۇرىلتايىنىڭ جۇرتىن دا ەكسكۋرسيالادى.
”بۇل ءبىر رەتكى رۋحاني شىڭدالۋ، بىزگە جۇڭگو كوممۋنيستىك پارتياسىنىڭ قۇلاشىن كەڭ جايعان تاريحىن ەگجەي - تەگجەيلى ۇعىندىردى. توڭكەرىستىك ارداگەر قۇربانداردىڭ وسكەلەڭ رۋحى ماڭگى ءبىزدىڭ ەستە بەرىك ساقتاۋىمىزعا، مۇراگەرلىك ەتۋىمىزگە جانە ساۋلەلەندىرۋىمىزگە تاتيدى“، - دەدى سانجى حۇيزۋ اۆتونوميالى وبلىستىق تاجىريبە باستاۋىش مەكتەبىنىڭ وقۋشىسى جاڭ زىچىڭ.
”مەن وسى ارادا ايبىندى سەرت بەرىپ، جۇڭگو كوممۋنيستىك جاستار وداعىنا مۇشە بولعانمىن“، - دەدى چىن يۇن ەسكەرتكىش سارايىندا قۇمىل قالالىق 1 - ورتا مەكتەپتىڭ وقۋشىسى حالمۇرات ۇسەيىن كورمە تاقتاسىنداعى قىزىل ارميا باتىس باعىت ارمياسىنىڭ شينجياڭعا كىرۋى ەسكەرتكىشىن ماقتانا كورسەتىپ. ول ءتۇسىندىرۋشى دە بولىپ، ساباقتاستارعا چىن يۇن قاتارلى جولداستاردىڭ سول جىلداردا قىزىل ارميانىڭ باتىس باعىت ارمياسىنىڭ شينجياڭعا كىرۋىنە سايكەسكەندىگى جونىندەگى حيكايانى تانىستىردى.
7 - ايدىڭ 24 - كۇنى شاڭحاي قوعامدىق عىلىمدار سارايىندا شينجياڭ ”جاڭا ءداۋىر جاقسى ورەندەرى“ تۇسىندىرۋشىگە ىلەسىپ ماركستىڭ ءومىر بايانى جانە شىعارمالارى كورمەسىن، 100 جىلدىق پارتيا جۋرنالى قۇندى كىتاپتارى كورمەسىن ەكسكۋرسيالادى، ىلە - شالا شاڭحاي قالاسىنداعى 30 ”جاڭا ءداۋىر جاقسى ورەنىمەن“ بىرگە ”ۇستازدارمەن جۇزدەسۋ −شاڭحاي جاڭا ءداۋىر جاقسى ورەندەرى قوعامدىق عىلىمدار جازعى لاگەرىنىڭ جانە شاڭحاي - شينجياڭ جاڭا ءداۋىر جاقسى ورەندەرى قوعامدىق عىلىمدار دوستىق ىقپالداستىق لاگەرىنىڭ“ باستالۋ سالتىنا قاتىناستى. ەكى جەردىڭ ”جاڭا ءداۋىر جاقسى ورەندەرى“ ”قوعامدىق عىلىمدار سارايىندا ساقتالعان زاتتار. باعىتتامالى تۇردە ارالاۋ“ قيمىلىنا قاتىناستى. وقۋشىلار ارالاۋ جولىن سەلبەسە جوبالاپ، قامال الۋ مىندەتىن بەلگىلەنگەن ۋاقىتتا ورىنداپ، قىزىقتى قوعامدىق عىلىمدار قيمىلدارىن باستان كەشىردى.
”ءبىرىنشى رەت شينجياڭدىق ساباقتاستارمەن بىرگە جازعى دەمالىستاعى جازعى لاگەرگە قاتىناستىم، مەن جونىنەن بۇل ءبىر رەتكى ەرەكشە ەستەمە“، - دەدى شاڭحاي ينجەنەريالىق تەحنيكا داشۋەسىنە قاراستى سۇڭجياڭ سىجيڭ تاجىريبە مەكتەبىنىڭ وقۋشىسى چىن يميڭ.
”شاڭحاي قالاسىنىڭ ’جاڭا ءداۋىر جاقسى ورەندەرىمەن‘ بىرگە ۇمىتىلماس ساتتەردى وتكىزگەنىمە ەرەكشە قۋانىشتىمىن“، - دەدى كوكتوعاي اۋداندىق 1 - ورتا مەكتەپتىڭ وقۋشىسى ايالا داۋىل، - كوپشىلىك قوعامدىق عىلىم زەيىن سىناۋ جارىسى بارىسىندا ءوزارا ەتەنە بولىپ، تەرەڭ دوستىق ورناتتى.
