انار بۇلت \ شينجياڭ گازەتىنىڭ ءتىلشىسى لۋ فىڭباۋ 7 - ايدىڭ 14 - كۇنى ياركەننەن حابارلايدى. 7 - ايدىڭ 13 - كۇنى شينجياڭداعى جەكە سيىمدىلىعى ەڭ ۇلكەن جارىق ساقتاۋدى ءبىر تۇلعالاندىرۋ نىسانى − ياركەن 800 مىڭ كيلوۆاتتىق فوتوۆولت + 200 مىڭ كيلوۆات \ 800 مىڭ كيلوۆات ساعات ەنەرگيا ساقتاۋدى ءبىر تۇلعالاندىرۋ نىسانى تولىق سيىمدىلىقپەن جەلىگە قوسىلىپ ەلەكتر تاراتتى. بۇل نىساننىڭ سايكەستى ەنەرگيا ساقتاۋ كولەمى 200 مىڭ كيلوۆات \ 800 مىڭ كيلوۆات ساعات بولىپ، قازىر ەل ىشىندەگى ەڭ ۇلكەن ەلەكتروحيميا ارقىلى ەنەرگيا ساقتايتىن ەلەكتر ستانسياسىنا اينالدى.
شينحۋا سۋ كۇشىمەن ەلەكتر تاراتۋ شەكتى سەرىكتەستىگى پارتكومىنىڭ ورىنباسار شۋجيى، باس ديرەكتور لي يانپو بىلاي دەدى: بۇل نىسان − شينجياڭنىڭ ”14 - بەسجىلدىقتاعى“ ءتۇيىندى ەنەرگيا قۇرىلىسى نىسانى، جالپى 5 ميلليارد يۋانعا جۋىق قارجى قوسىلعان، جالپى گەنەراتور اگراگاتتارىنىڭ كولەمى ءبىر ميلليون كيلوۆات. نىسان جەلىگە قوسىلىپ، ەلەكتر تاراتقاننان كەيىن، جىلىنا شامامەن ءبىر ميلليارد 613 ميلليون كيلوۆات ساعات تازا ەلەكتر ەنەرگياسىمەن قامدايدى، بۇل ءار جىلى شامامەن 492 مىڭ توننا ولشەمدى كومىردى ۇنەمدەپ، كومىر قىشقىل گازىنىڭ شىعارىلۋىن شامامەن ءبىر ميلليون 460 مىڭ توننا ازايتقانمەن بارابار، بۇل قاشقاردىڭ، اۋەلى، وڭتۇستىك شينجياڭ ءوڭىرىنىڭ ەنەرگيامەن قامتاماسىز ەتۋ، قامداۋ قۋاتىن كۇشەيتۋ، ەنەرگيانىڭ جاسىل تيپكە بۇرىلىس جاساۋىن ىلگەرىلەتۋ سياقتى جاقتاردا ماڭىزدى مانگە يە.
اتالعان نىسان جەلىگە قوسىلعاننان كەيىن، قىزمەتكەرلەر جابدىقتاردىڭ اينالىمى مەن ءوندىرىس حاۋىپسىزدىگىن بار كۇشپەن قورعاپ، اناعۇرلىم زور ەكونوميكالىق ونىمدىلىك پەن قوعامدىق قۇن جاراتۋدى ۇزدىكسىز ىلگەرىلەتەدى.
