انار بۇلت \ شينجياڭ گازەتىنىڭ حابارى (ءتىلشى ياۋ گاڭ حابارلايدى) ءتىلشىنىڭ 2023 شينجياڭ تارباعاتاي شيحۋ سىرا مەرەكەسىنىڭ ۇيىمداستىرۋ كوميتەتىنەن ۇعىسۋىنشا، وسى كەزەكتى سىرا مەرەكەسى 7 - ايدىڭ 14 - كۇنى باستالادى ەكەن، وعان سايكەستى ءدامدى تاعامدار مەرەكەسى، كوركەمونەرلىك سەيىل، ادەبيەت - كوركەمونەر كونسەرتى سياقتى قيمىلدار قوسا وتكىزىلەدى.
وسى كەزەكتى سىرا مەرەكەسىنىڭ ءدامدى تاعامدار مەرەكەسى ءدامدى - قۇجىرلار رايونى، قاس تاسى رايونى، ءتۇرلى بۇيىمدار رايونى سياقتىلاردان جالپى 7500 شارشى مەترلىك كورمە رايونىن ورنالاستىرادى. جياۋحاۋ بالىعى، سۋانساي تاۋىعى، شياۋيۇي قارماسى، گۇرت تۇتاستاي قاقتالعان قويى سياقتى ءدامدى - قۇجىرلار ءدام تاتۋىڭىزدى كۇتۋدە، ساياحاتشىلار تاعى دا شيحۋ سىراسىن اقىسىز ىشە الاتىن بولادى، قيمىل 7 - ايدىڭ 16 - كۇنىنە دەيىن جالعاسادى.
7 - ايدىڭ 14 - كۇنى ساعات 9دان 30 مينۋت وتكەندە ”كوركەمونەرلىك سەيىلدەۋ“ قيمىلى ساياحاتشىلارعا شيحۋ قالاسىنىڭ ىستىق ىقىلاسى مەن باۋرامدىلىعىن كورسەتتى. مەرەكە ويىنىن تويلاۋ، ۇلتتىق ەرەكشەلىك، دۋماندى سەيىل، دۋماندى تويلاۋ سىندى 4 بولىككە بولىنگەن، تۇتاس قالانىڭ ءارقايسى اۋىل، قالاشىقتارىنان (ءمالى) ءىشىنارا كاسىپورىندار مەن قوعامدىق توپتاردان جينالعان 1500دەن استام ادام، 26 ارالاپ سەيىلدەۋ شارشى توبى قاتىناسادى.
باستالۋ سالتى شيحۋ قالاسىنىڭ جيۋليانچۋان باقشاسىندا وتكىزىلەتىن بولىپ ورنالاستىرىلدى. 7 - ايدىڭ 14 - كۇنى كەشتە وسىندا تاقىرىپتىق ساۋىق كەش وتكىزىلەدى، شينجياڭ، لياۋنيڭنان كەلگەن ارتيستەر كوپشىلىككە تاماشا ويىن قوياتىن بولادى.
بۇدان تىس 7 - ايدىڭ 13 - كۇنى شيحۋ قالاسى جيۋليانچۋان باقشاسىندا ”سىرا قالاسى، باقىتتى شيحۋ“ 2023 شينجياڭ تارباعاتاي شيحۋ سىرا مەرەكەسى تاقىرىپتىق ساۋىق كەشى وتكىزىلەدى، تاعى كولەمدى لازەر نۇرى سالتاناتى نومىرلەرى قويىلادى.
2023 شينجياڭ تارباعاتاي شيحۋ سىرا مەرەكەسى ”سىرا قالاسى · باقىتتى شيحۋ“ تاقىرىبىندا وتكىزىلەدى، ”شاتتىققا تولى شيحۋ“ دۋماندى كەشى، ”شيحۋدان ءلاززاتتانۋ“ اسەرلى كەشى، ”سىرا قالاسى · ساۋلە سالتاناتى“ لازەر نۇرى سالتاناتى، بۇقارالىق سالتانات الاڭى، كوركەمونەرلىك كولەمدى سەيىلدەۋ سياقتى قيمىلدار، جان - جاقتى، كوپ ساتىلى تۇردە شيحۋدىڭ قاتپارى قالىڭ ساياحات بايلىعىن كورسەتەتىن بولادى.
