انار بۇلت \ شينجياڭ گازەتىنىڭ ءتىلشىسى شى شين 7 - ايدىڭ 13 - كۇنى ۇرىمجىدەن حابارلايدى. مەملەكەت پەن اۆتونوميالى رايوننىڭ ارتۋدى ورنىقتىرۋ ساياساتى، ءىرى نىسان قۇرىلىستارى سياقتى ءتيىمدى فاكتورلاردىڭ تەبىندى قولداۋىنىڭ ارقاسىندا، شينجياڭنىڭ ەلەكتر جەتكىزۋ، كەرنەۋ وزگەرتۋ جابدىقتارى، اۋىل شارۋاشىلىق ماشينالارى جابدىقتارى جانە اۆتوكولىك بازارىندا قاۋىرت ارتۋ جاعدايى جارىققا شىقتى. بيىل الدىڭعى 5 ايدا شينجياڭنىڭ جابدىق جاساۋ كاسىبىنىڭ ارتقان قۇنى سايكەس مەزگىلدەگىدەن ％11 ارتىپ، ەكى ورىندى سانمەن ارتۋدى جۇزەگە اسىرىپ، بىلتىردان بەرگى قۇلدىراۋ بەتالىسىن وزگەرتتى.
ەرەكشە ترانسفورماتور جارنا شەكتى سەرىكتەستىگى − شينجياڭنىڭ ەلەكتر جەتكىزۋ، كەرنەۋ وزگەرتۋ جابدىقتارى سالاسىنداعى باستاماشى كاسىپورىن. مەملەكەتتىڭ وزىق جابدىق جاساۋ وزەكتى سالاسىنداعى ”القىمداعان“ ماسەلەلەردى ارقاۋ ەتكەن وسى سەرىكتەستىك جاڭالىق اشۋدان قوزعاۋشى كۇش، عىلىم - تەحنيكادان كومەسكى كۇش الىپ، بيىل الدىڭعى جارتى جىلدا جەلدەتكىش كابيناسىنىڭ قابىرعاسىنا ورناتىلاتىن تابيعي ەستەرلى ترانسفورماتور سياقتى جاڭا ەنەرگيا جاسامپازدىق ونىمدەرىن زەرتتەپ جاساپ، مەملەكەتتىڭ ”باتىستىڭ ەلەكترىن شىعىسقا جەتكىزۋ“ ءتۇيىندى نىسانى − بايحىتان − جىجياڭ ەرەكشە جوعارى كەرنەۋلى ەلەكتر ينجەنەرياسى توك اۋىستىرۋ ترانسفورماتورى كلاپانىنىڭ قاپتاما تۇتىگىن زاۆودتان شىعارۋ سىناعىن ءساتتى جۇرگىزدى، مەملەكەتتىك ەلەكتر تورىنىڭ زەردەلى ەلەكتر تورىن زەرتتەۋ ورنىمەن بىرلەسىپ دۇنيە جۇزىندەگى تۇڭعىش جەڭىلدەندىرىلگەن ورتا قىسىمدى جۇمساق ءوزارا ۇلاستىرۋ جابدىعى ۇلگىسى قاتارلىلاردى زەرتتەپ جاسادى.
جاڭالىق اشۋ قابىلەتى مەن ءوندىرىس دەڭگەيىنىڭ جوعارىلاۋى پاراساتتىق ۇستەۋدەن قول ۇزە المايدى. الدىڭعى جارتى جىلدا ەرەكشە ترانسفورماتور سەرىكتەستىگىنىڭ ءبىر توپ سيفرلانعان حيميا ونەركاسىپ زاۆودى نىساندارى ىركەس - تىركەس جۇمىس باستاپ ءارى ءبىر ءبولىمى وندىرىسكە قوسىلىپ، كاسىپورىننىڭ ءوندىرىستى سيفرلاندىرۋ، ونىمدەردى زەردەلىلەندىرۋ قۇرىلىسى تىڭ ساتىعا كوتەرىلدى.
”سەحتىڭ قابىلداعان تاپسىرىسى مول بولعاندىقتان، ىسكە قوسىلىسىمەن تولىق ءوندىرىس جۇرگىزدى“. ەندى عانا سالىنىپ ىسكە قوسىلعان ەرەكشە ترانسفورماتور زەردەلى كابەل كاسىپ سالاسى باقشاسىنداعى سيفرلانعان ەلەكتر سىمىن تارتۋ سەحىندا ءوندىرىس ءبولىمىنىڭ ديرەكتورى شۇي ىرلۇڭ بىلاي دەدى: تاپسىرىستىق ءوندىرىستى ساندى مالىمەتكە اينالدىرۋ، كابەل ءوندىرىسىن مودەلدەندىرۋ جانە ماتەريال پايدالانۋدى ادامسىز ىستەۋ جۇزەگە اسىرىلعاندىقتان، سەحتىڭ ءوندىرىس قۋاتى ءونىمدى جوعارىلادى.
قازىر ەرەكشە ترانسفورماتور زەردەلى كابەل كاسىپ سالاسى باقشاسىنىڭ 2 - مەرزىمدىك جابدىقتارىن قۇراستىرۋ، سىناقتان وتكىزۋ قىزمەتى جۇرگىزىلۋدە، بارلىعى سالىنىپ بولعاننان كەيىن، باتىس سولتۇستىكتەگى ەڭ ۇلكەن سيفرلانعان ەلەكتر سىمىن، كابەلىن شوعىرلى زەرتتەپ جاساۋ جاعىنداعى جاڭالىق اشۋ جاڭا بازاسىنا اينالادى.
”’8 ءىرى كاسىپ سالاسى شوعىرى‘ قۇرىلىسىن ارقاۋ ەتكەن شينجياڭ جابدىق جاساۋ كاسىبى سالاسىنداعى كاسىپورىندار ولقىلىقتاردى تولىقتاپ، شىڭدالىپ، نەگىزدى كۇشەيتىپ، ارتۋ ارىنى كۇشتى بولدى“. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى جابدىق ونەركاسىبى باسقارماسىنىڭ باستىعى ماۋ يحۋ بىلاي دەدى: الدىڭعى جارتى جىلدا بۇكىل رايونىمىزدىڭ جابدىق جاساۋ كاسىبىندەگى ەلەكتر جەتكىزۋ، كەرنەۋ وزگەرتۋ كاسىپ سالاسى ءۇرتىس جىلدام ارتىپ، جاڭا ەنەرگيا جابدىقتارىن تۇتاسىمەن جاساۋ قابىلەتى جەدەل جوعارىلادى.
الدىڭعى جارتى جىلدا جينفىڭ عىلىم - تەحنيكا شەكتى جارنا سەرىكتەستىگىنىڭ موري جەل ەلەكتر زەردەلى جاساۋ كاسىپ سالاسى بازاسىنىڭ تۇڭعىش گەنەراتور اگراگاتى ءوندىرىس جەلىسىنەن شىقتى. ”جوعارى قۋاتتى جەل ەلەكتر نەگىزگى بىلىك قازانشىعى سياقتى شەشۋشى ۇساق بولشەكتەر تەحنيكاسىن زەرتتەۋ - اشۋ قىزمەتىندە كەزەڭدىك ىلگەرىلەۋشىلىككە قول جەتتى“، - دەدى شينجياڭ جينفىڭ عىلىم - تەحنيكا جارنا شەكتى سەرىكتەستىگىنىڭ ورىنباسار باس القا باستىعى، قوسىمشا شينجياڭ ۇلكەن رايونىنىڭ القا باستىعى گاۋ جينشان.
شينجياڭنىڭ جەل ەلەكتر سالاسىنداعى باستاماشى كاسىپورىن رەتىندە، جينفىڭ عىلىم - تەحنيكا جارنا شەكتى سەرىكتەستىگىنىڭ قازىر بۇكىل شينجياڭدا 5 زاۆودى بار، ءوندىرىس قۋاتى 13 ميلليون 500 مىڭ كيلوۆاتقا جەتىپ وتىر.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ ساندى مالىمەتىندە كورسەتىلۋىنشە، قازىر بۇكىل شينجياڭدا جەل ەلەكتر تۇتاس گەنەراتور اگراگاتتارى بار كاسىپورىنداردىڭ سانى 10عا جەتىپ، جالپى گەنەراتور اگراگاتتارىنىڭ ءوندىرىس قۋاتى ءۇرتىس 2 جىل ەسەلەنگەن، مەجەمەن جىل سوڭىندا 30 ميلليون كيلوۆاتتان اسىپ، بيىل جەكە گەنەراتورلاردىڭ ىرىلەنۋى 10 مەگاۆاتتان اسىپ، شينجياڭنىڭ جەل ەلەكتر بايلىعىن اشۋىن، پايدالانۋىن پارمەندى جەبەيدى ەكەن.
”جاساۋ كاسىبى − تۇلعالىق ەكونوميكانىڭ نەگىزگى تۇلعاسى، جوعارى ساپالى دامۋدى جۇزەگە اسىرۋدىڭ نەگىزگى شايقاس مايدانى ءارى بولاشاقتاعى دامۋدىڭ ستراتەگيالىق باسىمدىعىن قالىپتاستىرۋدىڭ ماڭىزدى تىرەگى“. اۆتونوميالى رايوندىق دامۋ جانە رەفورما كوميتەتى ەكونوميكانى زەرتتەۋ ورنى جالپىلىق ەكونوميكانى زەرتتەۋ بولىمشەسىنىڭ كومەكشى زەرتتەۋشىسى لي يىڭفىڭ مىنالاردى ءبىلدىردى: شينجياڭ، ءسوز جوق، بايلىق ارتىقشىلىعىن، وڭىرلىك ورىن ەرەكشەلىگىن جانە كاسىپ سالاسى نەگىزىن تياناق ەتىپ، ساپانى ءبىرىنشى ورىنعا قويۋعا، ونىمدىلىككە الدىمەن ءمان بەرۋگە تاباندى بولىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، عىلىم - تەحنيكادا جاڭالىق اشۋدى نەگىزگى قوزعاۋشى كۇش ەتىپ، جاساۋ كاسىبىنىڭ جوعارى دەڭگەيلىلەنۋگە، زەردەلىلەنۋگە، جاسىل بولۋعا قاراي تيپ وزگەرتۋىن كۇش سالا ىلگەرىلەتىپ، عىلىم - تەحنيكالىق قۇرامى جوعارى، ەكونوميكالىق ونىمدىلىگى جاقسى، بايلىق شىعىنى تومەن، ورتا بىلعانىشى از، ادام كۇشى بايلىعى باسىمدىعى تولىق ساۋلەلەندىرىلەتىن ونەركاسىپتى دامىتۋ جولىمەن قۇلشىنا ءجۇرىپ، سول ارقىلى مەملەكەتتىڭ دامۋ جالپى جاعدايىنا اناعۇرلىم ويداعىداي قىزمەت وتەۋى كەرەك.
2022 - جىلدىڭ سوڭىنا دەيىن شينجياڭدا كولەمنەن جوعارى جابدىق ونەركاسىپ كاسىپورىندارىنىڭ سانى جيىنى 400گە تايادى، نەگىزىنەن، ءۇرىمجى، سانجى، قۇمىل، كورلا، قارامايلى سياقتى جەرلەرگە تارالعان.
ماۋ يحۋ بىلاي دەپ تانىستىردى: اۆتونوميالى رايوننىڭ جابدىق جاساۋ كاسىبىنىڭ جوعارى ساپالى دامۋى جونىندەگى اتقارۋ پىكىرىن جانە ”14 - بەسجىلدىق“ دامۋ جوباسىن جاپپاي تياناقتاندىرىپ، جەل ەلەكتر جابدىقتارىن جانە ەلەكتر جەتكىزۋ، كەرنەۋ وزگەرتۋ جابدىقتارىن نەگىز، ەنەرگيا، حيميا ونەركاسىبى جابدىقتارىن جانە ەنەرگيا ساقتاۋ جابدىقتارىن قوسىمشا ەتكەن ەنەرگيا جابدىق كاسىپ سالاسى تىزبەگىن قالىپتاستىرۋعا كۇش سالىپ، جاساۋ كاسىبىندە قۋاتتى رايون ستراتەگياسىن جەدەل اتقارىپ، ەكونوميكانىڭ جوعارى ساپالى دامۋىنا دەم بەرەمىز.
