ەركىن تۇنياز سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى جوعارىلاتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 7 - ايدىڭ 13 - كۇنى قۇتىبيدان حابارلايدى.7 - ايدىڭ 12 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز سانجى حۇيزۋ اۆتونوميالى وبلىسىنىڭ سانجى قالاسىندا، قۇتىبي اۋدانىندا اتىز باسىنا، استىق كاسىپورىندارىنا، فينانس قۇرىلىمدارىنا، كومىر كەندەرىنە بارىپ جازعى جيىن - تەرىن، فينانس، ءوندىرىس حاۋىپسىزدىگى سياقتى قىزمەتتەر جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، جوعارى ساپالى دامۋ جونىندەگى حاۋىپسىزدىك نەگىزىن بەكەمدەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى جوعارىلاتۋ كەرەك.
سانجى قالاسى سانگۇڭ قالاشىعى ىرگۇڭ قىستاعىندا، قۇتىبي اۋدانى ىرشىليديان قالاشىعى نيڭجوۋحۋ قىستاعىندا التىن سارى تۇسكە بولەنگەن ءبيداي اتىزىندا ءىرى تۇرپاتتى كومبايندار ارلى - بەرلى قايشالىسىپ ءبيداي ورۋدا. ”قانداي سورتتار ەگىلدى؟ جوعارى ولشەمدى ەگىس اتىزىنىڭ جەر اۋدانى قانشا؟ قاشان ورىلىپ بولادى“؟ ەركىن تۇنياز ءبيدايدىڭ ءوسۋ جاعدايىن زەر سالا تەكسەرىپ كورىپ، استىق ەگەتىن ءىرى وتباسىلارىمەن، قىستاق كادرلارىمەن ىشكەرىلەي اڭگىمەلەسىپ، ”جازعى ءۇش جۇمىس“ جاعىنداعى ءوندىرىس، كومبايىنمەن ءونىم جيناۋ قىزمەتىن ويداعىداي ىستەۋدى كەزەكتەگى ماڭىزدى ساياسي مىندەت رەتىندە مىقتاپ يگەرىپ، ناقتى يگەرىپ، ويداعىداي يگەرىپ، ءبيداي ورۋدى دەن قويا ۇيىمداستىرىپ، جازعى استىقتىڭ جيناۋعا تيىستىلەرىن تۇگەل جيناۋعا، ءتۇيىر ءدان قالدىرماي قامبالاۋعا بار كۇشپەن كەپىلدىك ەتۋدى باسا دارىپتەدى.
شينجياڭ ساڭماييۋان شەكتى جاۋاپكەرشىلىك سەرىكتەستىگىنىڭ استىق زاپاس قامباسىندا ەركىن تۇنياز قامباداعى استىقتىڭ ساپاسىن، قامبادا ساقتاۋ قۇرىلعىلارىنىڭ شارت - جاعدايىن ەگجەي - تەگجەيلى تەكسەرىپ، استىق قورى، ساقتاۋ تەحنيكالىق ولشەمى، حاۋىپسىزدىكتى باسقارۋ سياقتى جاعدايلاردى ۇعىستى. سانجى استىق توبى قۇتىبي استىق - ماي شەكتى جاۋاپكەرشىلىك سەرىكتەستىگى ۋگۇڭتاي قالاشىعى استىق پۋنكتىندە ەركىن تۇنياز استىق ساتىپ الۋ، ساپاسىن تەكسەرۋ جانە قامباعا ەنگىزۋ ءتارتىبى سياقتى جاعدايلاردى ەگجەي - تەگجەيلى ۇعىستى. ول بىلاي دەپ باسا دارىپتەدى: جازعى استىق ساتىپ الۋدىڭ ءتۇرلى بۋىندارىنداعى جاۋاپكەرشىلىكتى ناقتىلاندىرىپ، استىق الاتىن ادام بولۋدى، استىق الاتىن اقشا بولۋدى، استىق جينايتىن قامبا بولۋدى، استىق تاسيتىن كولىك بولۋدى شىنايى ورىنداۋ كەرەك.
قۇتىبي اۋىل شارۋاشىلىق - ساۋدا بانكەسىنىڭ ۋگۇڭتاي تارماق بانكەسىندە ەركىن تۇنياز وسى بانكەنىڭ جۇمىس جۇرگىزۋ جاعدايىن ەگجەي - تەگجەيلى ۇعىسىپ، اۋىل شارۋاشىلىعىنا، اۋىل - قىستاققا، شارۋالارعا قىزمەت وتەۋگە ۇزدىكسىز تاباندى بولۋدى تالاپ ەتىپ، شاعىن، ۇساق كاسىپورىندارعا قىزمەت وتەۋ سىندى بازار ورنىنان اۋىتقىماۋدى، جالپىعا ءتيىمدى قارىز اقشا تاراتۋدى جەدەلدەتىپ، حاۋىپ - قاتەردەن ساقتانۋعا جانە ونى تىزگىندەۋگە كۇش سالىپ، اۋىل - قىستاقتى گۇلدەندىرۋ جانە اۋدان ءوڭىرى ەكونوميكاسىنىڭ جوعارى ساپالى دامۋىنا ۇلەس قوسۋ كەرەك دەپ دارىپتەدى.
ەركىن تۇنياز قۇتىبي اۋدانىنداعى بۇرىنعى فىڭيۋان كومىر كەنى كەن رايونىنا بارىپ، قۇرىلعىلاردى شاعۋ، حاۋىپسىزدىكتى باعالاۋ، ەكولوگيانى قالپىنا كەلتىرۋ، جاسىلداندىرۋ سياقتى جاعدايلاردى ەگجەي - تەگجەيلى تەكسەردى. ول بىلاي دەپ باسا دارىپتەدى: ءوندىرىس حاۋىپسىزدىگى تانىمىن شىنايى كۇشەيتىپ، ءوندىرىس حاۋىپسىزدىگىنە قۋزاۋ - جەتەكشىلىك ەتۋدى، تەكسەرۋدى كۇشەيتىپ، ەكولوگيانى قالپىنا كەلتىرۋ اياق الىسىن جەدەلدەتىپ، تۇنىق سۋ، جاسىل تاۋدى قورعاۋ كەرەك. گونىڭ شينجياڭ كۋانگوۋ كەن كاسىبى شەكتى جاۋاپكەرشىلىك سەرىكتەستىگىندە ەركىن تۇنياز بىلاي دەپ اتاپ كورسەتتى: مەملەكەتتىك كەن حاۋىپسىزدىگى بويىنشا كومەكتەسۋ - سۇيەمەلدەۋ، جەتەكشىلىك ەتۋ گرۋپپاسى اڭىس ەتكەن ماسەلەلەردى رەتتەۋ - تۇزەتۋدى ويداعىداي ىستەپ، زەردەلى كەن قۇرىلىسىن كۇشەيتىپ، كەن حاۋىپسىزدىگى دەڭگەيىن جوعارىلاتۋ كەرەك.
ەركىن تۇنياز تەكسەرۋ - زەرتتەۋ جۇرگىزگەندە بىلاي دەپ اتاپ كورسەتتى: استىق حاۋىپسىزدىگى سىندى وسى ارقاۋدى باستان - اياق مىقتاپ شيراتىپ، جاۋاپكەرشىلىكتى باتىل ارقالاپ، ەگىستىك جەرلەردى قورعاۋ قىزىل سىزىعىن قاتاڭ ساقتاپ، سورتتى تۇقىم تەحنيكاسىنان قامال الۋدى كۇشەيتىپ، ەگىمشىلىك عىلىم - تەحنيكالىق قۇرامىن جوعارىلاتىپ، اۋىل شارۋاشىلىعىنا عىلىم - تەحنيكانىڭ قاناتىن ءبىتىرۋ كەرەك. پارتيا ورتالىق كوميتەتى مەن مەملەكەتتىك كەڭەستىڭ اۋىل - قىستاقتى كۇشەيتۋ، اۋىل شارۋاشىلىعىنا تيىمدىلىك جاساۋ، شارۋالاردى بايىتۋ ساياساتتارىن ناقتاپ تياناقتاندىرىپ، شارۋالاردىڭ كىرىسىن ارتتىرۋدى ءتۇيىندى تۇردە ارقاۋ ەتىپ، اۋىل شارۋاشىلىعىن بولاشاعى بار كاسىپ سالاسىنا، ديقان بولۋدى باۋراۋ قۋاتى بار كاسىپ سالاسىنا، اۋىل - قىستاقتى تىنىش ءومىر، شات - شادىمان تىرشىلىك كەشەتىن مەكەنگە شىن مانىندە اينالدىرۋ كەرەك. ”ءاردايىم قام جەپ تۇراتىن“ جاۋاپكەرشىلىك سەزىممەن جانە كوكەي تەستىلىك سەزىممەن قاراستى جەردىڭ باسقارۋ جاۋاپكەرشىلىگىن، تاراۋلاردىڭ باقىلاۋ - باسقارۋ جاۋاپكەرشىلىگىن جانە كاسىپورىنداردىڭ تۇلعالىق جاۋاپكەرشىلىگىن قاتايتىپ، ناقتىلاندىرىپ، ءوندىرىس حاۋىپسىزدىگى قىزمەتتەرىن بار كۇشپەن ويداعىداي مىقتى يگەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن شىنايى قامتاماسىز ەتۋ كەرەك.
