انار بۇلت \ شينجياڭ گازەتىنىڭ ءتىلشىسى سۇڭ ۋيگو 7 - ايدىڭ 13 - كۇنى ۇلۇقشاتتان حابارلايدى. 7 - ايدىڭ 13 - كۇنى قىزىلسۋ قىرعىز اۆتونوميالى وبلىسى 9 - كەزەكتى ماناس حالىقارالىق مادەنيەت - ساياحات مەرەكەسى باستالدى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى تيان شياڭلي قيمىلعا قاتىناستى ءارى قيمىلدىڭ باستالعاندىعىن جاريالادى.
قىرعىزستان رەسپۋبليكاسىنىڭ مادەنيەت، ينفورماتسيا، دەنە تاربيە جانە جاستار ساياساتى مينيسترلىگىنىڭ مادەنيەت مۇرالارىن قورعاۋ جانە دامىتۋ مەكەمەسىنىڭ بىلىكتى مامانى مۇراتبەكوۆ الماس ۇسەنوۆيچ قىرعىزستان رەسپۋبليكاسىنىڭ مادەنيەت مينيسترلىگى اتىنان مەرەكەگە كەلىپ، وسى رەتكى ماناس حالىقارالىق مادەنيەت - ساياحات مەرەكەسىنىڭ وتكىزىلگەندىگىن قىزۋ قۇتتىقتادى.
اشىلۋ سالتىندا 2022 - جىلعى ”جۇڭگو بەيزاتتىق مادەنيەت مۇرالارى جىل ادامى“ جانە ”مەملەكەتتىك ۇلتتىق مۋزيكا اسپاپتار قويىلىمى بويىنشا تاڭداۋلى مۋزيكا تۇرلەرى توبى“ سيلىعىنا يە بولعان جەكەلەر مەن ورىندارعا داڭق كۋالىگى جانە سيلىق ساۋىتى تاراتىلدى، ”شەكارا لەنياسى“ كينو فيلم نىسانىنىڭ تۇراقتانۋ، بەتاشارىن اشۋ سالتى وتكىزىلدى، ”عالامات باتىس ۇيەك، مىڭ بوياۋلى قىزىلسۋ“ نەگىزگى تاقىرىپتىق ادەبيەت - كوركەمونەر كونسەرتى قويىلدى.
قيمىل كەزىندە ىلگەرىندى - كەيىندى بەيزاتتىق مادەنيەت مۇرالارى نىسانى مادەنيەت جاسامپازدىق ونىمدەرى كورمەسى جانە ماناس تاڭداۋلى سۋرەت، فوتوسۋرەت تۋىندىلارى كورمەسى وتكىزىلەدى، 2023 - جىلى «ماناستى» جالعاستىرۋ، قورعاۋ جانە دامىتۋ تالقى مىنبەرى، ”ءبىر بەلدەۋ، ءبىر جول. باتىس ۇيەكتەگى وتكەل“ سىرتقا قارجى قوسۋ سەلبەستىگىن جەبەۋ اڭگىمە ءماجىلىسى، ”پامير سارا ونىمدەرى“ اۋىل شارۋاشىلىق ونىمدەرىن كورمەلەۋ، ساتۋ قيمىلى، جاس ءوسپىرىم ماناسشىلاردىڭ ماناس ايتۋ جارىسى، ”تانىمال ادامداردىڭ شينجياڭعا ساياحاتى“ − قىزىلسۋ وبلىسىنا ساپار سياقتى كوپ ءتۇرلى قيمىل وتكىزىلەدى. جۇڭگونىڭ 3 ۇلكەن ەپوسى «ماناستىڭ»، «گىساردىڭ»، «جاڭعىردىڭ» مۇراگەرلەرى دە قيمىل كەزىندە بىرگە ونەر كورسەتەدى.
