انار بۇلت \ شينجياڭ گازەتىنىڭ ءتىلشىسى گۋان مىڭيىڭ 7 - ايدىڭ 12 - كۇنى ۇرىمجىدەن حابارلايدى. 7 - ايدىڭ 12 - كۇنى ”جاڭا ءداۋىر شينجياڭ كادرلارى ۇلكەن ساباقحاناسىندا“ حالىقتى بايىتىپ، شينجياڭدى گۇلدەندىرۋ بولىگىندە ارناۋلى تاقىرىپتىق لەكسيا وتكىزىلدى. ەلىمىزدىڭ اۋىل شارۋاشىلىعى، اۋىل - قىستاق، شارۋالار ماسەلەسى مامانى ۋىن تيەجۇن ”جۇڭگو ۇلگىسىندەگى وسىزامانداندىرۋ جانە اۋىل - قىستاقتى گۇلدەندىرۋدىڭ جاڭا جاعدايى“ تاقىرىبىندا لەكسيا جاسادى.
ۋىن تيەجۇن قازىر شينجياڭ داشۋەسىنىڭ ”تيانشان وقىمىستىسى“ بويىنشا ەرەكشە ۇسىنىس ەتىلگەن پروفەسسور، اۋىل - قىستاقتى گۇلدەندىرۋدى زەرتتەۋ ورنىنىڭ باستىعى، وركەندەپ كەلە جاتقان ەلدەردى سالىستىرمالى زەرتتەۋ، اۋىل - قىستاقتى باسقارۋ جانە اۋىل - قىستاق قۇرىلىسى، سونداي - اق اۋىل - قىستاق فينانسى سياقتى سالالارداعى زەرتتەۋگە ۇزاق ۋاقىت كۇش سالىپ كەلەدى. لەكسيادا ول جۇڭگوشا سوتسياليستىك وسىزامانداندىرۋ جاڭاشا بازار شارۋاشىلىعىن قاجەت ەتەدى، اۋىل - قىستاقتى گۇلدەندىرۋ جاھاندانۋ داعدارىسىنا توتەپ بەرۋدىڭ ورنىقتىرعىشى، اۋىل شارۋاشىلىعى 0. 4 − كەڭىستىك بايلىعىنان قۇن جاراتۋ جانە اۋىل - قىستاق فاكتورلارىن بازارلاندىرۋ رەفورماسىنىڭ ورايى، اۋىل - قىستاقتى گۇلدەندىرۋ بارىسىندا جاڭاشا اۋدان ءوڭىرى ەكونوميكاسى ەكولوگيالىق وركەنيەت رەفورماسىن تەرەڭدەتۋ، اۋدان ەكونوميكاسىن كاسىپ سالالاندىرۋداعى ”ءۇش دارەجەلى بازار“ رەفورماسى سياقتى 5 جاقتان اۋىل - قىستاقتى گۇلدەندىرۋدى ىلگەرىلەتۋ، جۇڭگوشا اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل جۇزەگە اسىرۋ اۋىل شارۋاشىلىعىندا قۋاتتى ەل قۇرۋدىڭ ماڭىزدى مازمۇنى جانە ماڭىزدى تىرەگى ەكەندىگىن جان - جاقتى بايىمدادى.
ساباق تىڭداۋشىلار جاپپاي بىلاي دەدى: ارناۋلى تاقىرىپتىق لەكسيادا جۇيەلى، تەرەڭ نازاريالىق تۇسىنىك جاسالدى جانە شەشىپ ءتۇسىندىرىلدى، سونىمەن بىرگە جاندى دەلو مىسالدارى مەن تالداۋلار دا بار بولىپ، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە. ”ءبىز يدەيانى ونان ارى ازات ەتىپ، اۋىل - قىستاقتى دامىتۋ، اۋىل - قىستاق قۇرىلىسى، اۋىل - قىستاقتى باسقارۋ سياقتى ءتۇيىندى قىزمەتتەردى تىڭعىلىقتى ىلگەرىلەتىپ، قونىستانۋعا جايلى، كاسىپكە ىڭعايلى جاراسىمدى دا كورىكتى اۋىل - قىستاق قۇرامىز“، - دەدى قارامايلى قالالىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، ورقى رايوندىق پارتكومنىڭ شۋجيى شۋە حۇڭشۇن.
”لەكسيا ءبىزدىڭ جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىندا قۋاتتى رايون قۇرۋدى جەدەلدەتۋىمىزگە اسا تاماشا پايدالانۋ ماتەريالىن ازىرلەدى“. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى اۋىل - قىستاق كاسىپ سالاسىن دامىتۋ باسقارماسىنىڭ باستىعى جاڭ حۋ مىنالاردى ءبىلدىردى: بۇكىل رايونىمىزداعى ءار دارەجەلى اۋىل شارۋاشىلىعى، اۋىل - قىستاق تاراۋلارى وسى زامانعى اۋىل شارۋاشىلىعى كاسىپ سالاسى جۇيەسىن كۇش سالا ورناتىپ، قالا مەن اۋىلدىڭ توعىسپالى دامۋىن ىلگەرىلەتىپ، عىلىم - تەحنيكادا جاڭالىق اشۋدى جانە تۇزىمدە جاڭالىق اشۋدى ۇزدىكسىز كۇشەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىندا قۋاتتى رايون قۇرۋدى جەدەلدەتىپ، جاپپاي سوتسياليستىك وسىزاماندانعان مەملەكەت قۇرۋعا شينجياڭ ۇلەسىن قوسۋ كەرەك.
