ما شيڭرۇي بيڭتۋان 6 - شى ۋجياچۇي قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
بيڭتۋاننىڭ ابزال شارت - جاعدايىن تياناق ەتىپ، ەرەكشە كاسىپ سالاسىن جەتىلدىرىپ، زورايتىپ، ەكونوميكانىڭ جوعارى ساپالى دامۋىن ىلگەرىلەتۋ بارىسىندا اناعۇرلىم زور رول اتقارۋ كەرەك
7 - ايدىڭ 12 - كۇنى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي بيڭتۋان 6 - شى ۋجياچۇي قالاسىنداعى ءبىر ءبولىم ءتۇيىندى كاسىپورىنداردا تەكسەرۋ - زەرتتەۋ جۇرگىزدى. سۋرەتتە: ما شيڭرۇي شينفا توبى شينجياڭ سەرىكتەستىگىندە كاسىپورىننىڭ اليۋمين كاسىبى بولىكتەرىنىڭ ءوندىرىس، تيجارات جاعدايىنا ىشكەرىلەي تەكسەرۋ - زەرتتەۋ جۇرگىزۋدە.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 12 - كۇنى ۋجياچۇيدەن حابارلايدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي 7 - ايدىڭ 12 - كۇنى بيڭتۋان 6 - شى ۋجياچۇي قالاسىنداعى ءبىر ءبولىم ءتۇيىندى كاسىپورىنداردى ىشكەرىلەي ارالاپ، تەكسەرۋ - زەرتتەۋ جۇرگىزىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، بيڭتۋانداعى شى - قالالاردىڭ نازاردى پارتيا ورتالىق كوميتەتىنىڭ بيڭتۋانىڭ ورنىن تۇراقتاندىرۋ تالاپتارىنا شوعىرلاندىرا وتىرىپ، جوعارى ساپالى دامۋ سىندى ماڭداي الدى مىندەتتى كوزدەپ، شينجياڭنىڭ وسىزاماندانعان كاسىپ سالاسى جۇيەسى قۇرىلىسىنا بەلسەنە ات سالىسىپ جانە توعىسىپ، ناقتى ەكونوميكانى، اسىرەسە، جاساۋ كاسىبىن جەدەل جەتىلدىرىپ، زورايتىپ، وسى زامانعى اۋىل شارۋاشىلىعى سياقتى باسىمدىققا يە كاسىپ سالالارىنىڭ دامۋ دەڭگەيىن جوعارىلاتۋدى ىلگەرىلەتىپ، ەكونوميكانىڭ جوعارى ساپالى دامۋىن ىلگەرىلەتۋ بارىسىندا اناعۇرلىم زور رول اتقارۋدى العا قويدى.
ما شيڭرۇي يىنفىڭ وسى زامانعى اۋىل شارۋاشىلىق جابدىقتارى جارنا شەكتى سەرىكتەستىگىنە، تيان - ى وسى زامانعى اۋىل شارۋاشىلىق ماشينا جابدىقتارى شەكتى سەرىكتەستىگىنە بارىپ، بيڭتۋاننىڭ اۋىل شارۋاشىلىعىن ماشينالاندىرا دامىتۋ جاعدايى جونىندەگى تانىستىرۋدى تىڭدادى، سەحقا كىرىپ ماقتا تەرۋ ماشيناسىن ءوندىرۋ، جاساۋ جاعدايىن جانە قاتىستى جابدىقتار كورمەسىن تەكسەرىپ كورىپ، كاسىپورىندار شارۋاشىلىعىنىڭ دامۋ جاعدايىن تاپتەشتەي ۇعىسىپ، بىلاي دەپ باسا دارىپتەدى: شينجياڭنىڭ ماقتا سياقتى باسىمدىققا يە اۋىل شارۋاشىلىق كاسىپ سالاسى جالپى تىزبەگىنىڭ دامۋىن ارقاۋ ەتە وتىرىپ، شەشۋشى، وزەكتى تەحنيكالاردان قامال الۋدى جەدەل ىلگەرىلەتىپ، وزىق، زەردەلى، جاسىل اۋىل شارۋاشىلىق ماشينالارىن بار كۇشپەن دامىتىپ، اۋىل شارۋاشىلىق ماشينالارىمەن جابدىقتاۋدى ءوز كۇشىنە سۇيەنە وتىرىپ قامتاماسىز ەتۋ قابىلەتىن ۇزدىكسىز جوعارىلاتىپ، شينجياڭنىڭ اۋىل شارۋاشىلىعىن ماشينالاندىرۋ، اۆتوماتتاندىرۋ دەڭگەيىن جوعارىلاتىپ، اۋىل شارۋاشىلىعىندا قۋاتتى رايون قۇرىلىسىنا اناعۇرلىم ويداعىداي قىزمەت وتەۋ جانە ونى قامتاماسىز ەتۋ كەرەك.
شينجياڭ حاڭتيان جاۋفىڭ عىلىم - تەحنيكا شەكتى سەرىكتەستىگىندە ما شيڭرۇي كاسىپورىن جاۋاپتىلارىمەن ىشكەرىلەي پىكىرلەسىپ، ميكرو ورگانيزم باكتەريا ءدارىسىن زەرتتەۋ - اشۋ، ءوندىرۋ، جالپىلاستىرۋ، قولدانۋ، شارۋالارعا كومەكتەسۋ، ونىمدىلىكتى ارتتىرۋ سىندى قاتىستى جاعدايلاردى ۇعىسىپ، كاسىپورىندى شينجياڭنىڭ، اسىرەسە، بيڭتۋاننىڭ اۋىل شارۋاشىلىق باسىمدىعىن تياناق ەتىپ، عىلىم - تەحنيكا ارقىلى شارۋالارعا كومەكتەسۋ، اۋىل شارۋاشىلىعىن گۇلدەندىرۋ قادامىن تەزدەتىپ، بيولوگيالىق عىلىم - تەحنيكا سياقتى وزىق اۋىل شارۋاشىلىق تەحنيكاسىن كولەمدەندىرە، كاسىپ سالالاندىرا قولدانۋدى ءۇرتىس ىلگەرىلەتىپ، اۋىل شارۋاشىلىعىندا ءتۇسىمنىڭ مولايىپ، ونىمدىلىكتىڭ ارتۋىن ۇتىمدى جەبەپ، شارۋالار كىرىسىنىڭ ءۇرتىس ارتۋىن ىلگەرىلەتۋگە شابىتتاندىردى.
شينفا توبى شينجياڭ سەرىكتەستىگىندە ما شيڭرۇي كاسىپورىننىڭ اليۋمين كاسىبى، ەلەكتر قۋاتى سياقتى بولىكتەرىنىڭ ءوندىرىس، تيجارات جانە اينالمالى شارۋاشىلىقتى دامىتۋ جاعدايىنا ىشكەرىلەي تەكسەرۋ - زەرتتەۋ جۇرگىزىپ، كاسىپورىننىڭ شينجياڭنىڭ ەرەكشەلىككە، باسىمدىققا يە كاسىپ سالالارى شوعىرىنىڭ دامۋىنا بەلسەنە ات سالىسىپ جانە توعىسىپ، كۇشتى شوعىرلاندىرا وتىرىپ نەگىزگى كاسىپتى كۇشەيتىپ، جاڭا ەنەرگيا، جاڭا ماتەريال كاسىپ سالاسىنىڭ دامۋ دەڭگەيىن ۇزدىكسىز جوعارىلاتىپ، قورشاعان ورتانى قورعاۋ جانە حاۋىپسىزدىك تومەنگى شەگىن باتىل ساقتاپ، ءوڭىر ەكونوميكاسىنىڭ دامۋىنا اناعۇرلىم پارمەندى قولداۋ كورسەتۋىن ءۇمىت ەتتى.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: بيڭتۋاننىڭ ۋجياچۇي سياقتى شى - قالالارىنىڭ شارت - جاعدايى تاماشا، باسىمدىعى جەتكىلىكتى، دامۋ كومەسكى كۇشى زور. نازاردى جوعارى ساپالى دامۋ سىندى وسى ماڭداي الدى مىندەتكە مىقتاپ شوعىرلاندىرىپ، بايلىق، كاسىپ سالاسى، ساياسات سياقتى جاقتارداعى كورنەكتى باسىمدىقتى اناعۇرلىم ويداعىداي ساۋلەلەندىرىپ، ناقتى ەكونوميكانى تىرەك ەتكەن وسى زامانعى كاسىپ سالاسى جۇيەسىن جەدەل قۇرىپ، شارۋاشىلىق تۇلعالارىنىڭ ومىرشەڭدىك كۇشىن ۇزدىكسىز تاسقىنداتىپ، كاسىپ سالاسىنىڭ دامۋ ساپاسى مەن ونىمدىلىگىن ۇزدىكسىز جوعارىلاتىپ، ءار ۇلت جۇمىسشى - قىزمەتكەرلەرىن، بۇقاراسىن اناعۇرلىم ويداعىداي يگىلىككە كەنەلتۋ كەرەك. ەرەكشە كاسىپ سالالارىن زورايتىپ، كۇشەيتىپ، ”8 ءىرى كاسىپ سالاسى شوعىرىن“ قۇرۋمەن بەلسەنە توعىسىپ، بيڭتۋاننىڭ اۋىل شارۋاشىلىق باسىمدىعىن كەڭەيتىپ، جاسىل، جوعارى ءونىمدى اۋىل شارۋاشىلىعىن بار كۇشپەن دامىتىپ، عىلىم - تەحنيكالىق جابدىقتار تىرەگىن كۇشەيتىپ، اۋىل شارۋاشىلىعىن وسىزامانداندىرۋ دەڭگەيىن ۇزدىكسىز بەكەمدەپ، جوعارىلاتىپ، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى ىلگەرىلەتىپ، ءداستۇرلى كاسىپ سالالارىنىڭ ساپالىلانۋىن، دەڭگەيىنىڭ كوتەرىلۋىن جەبەپ، جاڭا ەنەرگيا، جاڭا ماتەريال سياقتى ستراتەگيالىق جاڭادان گۇلدەنگەن كاسىپ سالالارىن جەدەل جەتىلدىرىپ، زورايتىپ، كاسىپ شوعىرلارىنىڭ توپتاسا دامۋىن جۇزەگە اسىرۋ كەرەك. عىلىم - تەحنيكادا جاڭالىق اشۋ ارقىلى جەتەكتەۋدى كۇشەيتىپ، نازاردى ءتۇيىندى كاسىپ سالالارىنىڭ دامۋ قاجەتىنە شوعىرلاندىرىپ، كاسىپورىننىڭ تۇلعالىق رولىن كۇشەيتىپ، عىلىم - تەحنيكادا جاڭالىق اشۋ ۇسىنىلىمىن جانە شەشۋشى، وزەكتى تەحنيكالاردان قامال الۋدى ءۇرتىس كۇشەيتىپ، عىلىم - تەحنيكا جەتىستىكتەرىنىڭ ناقتى وندىرگىش كۇشكە اينالۋىن جەدەلدەتىپ، كاسىپ سالاسى تىزبەگىنىڭ دەڭگەيىن ءونىمدى تۇردە كوتەرىپ، جوعارى، جاڭا تەحنيكالىق كاسىپ سالالارىنىڭ دامۋ ساپاسى مەن ونىمدىلىگىن جوعارىلاتىپ، عىلىم - تەحنيكادا جاڭالىق اشۋدىڭ ەكونوميكانىڭ جوعارى ساپالى دامۋىنا تىرەك بولۋ، جەتەكتەۋ رولىن اناعۇرلىم ويداعىداي ساۋلەلەندىرۋ كەرەك. اسەر ەتۋ، دەم بەرۋ قابىلەتىن كۇشەيتىپ، وڭىردەگى جەتەكشى كاسىپ سالالارىن تياناق ەتىپ، باستاماشى كاسىپورىنداردى، تىزبەك يەسى تيبىندەگى كاسىپورىنداردى، كاسىپ تىرەگى بولعان كاسىپورىنداردى جەدەل جەتىلدىرىپ، زورايتىپ، تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى جەدەل جەبەپ، كاسىپ سالاسىنىڭ شوعىرلانۋ جانە اسەر ەتۋ قابىلەتىن ارتتىرىپ، اناعۇرلىم كوپ بۇقارانى سول جەردىڭ وزىندە جۇمىستانۋعا تارتىپ، ”ءبىر ءوڭىردىڭ ەكونوميكاسىنا دەم بەرىپ، سول ءوڭىردىڭ بۇقاراسىن بايىتۋدى“ جۇزەگە اسىرۋ كەرەك. بيڭتۋان مەن جەرگىلىكتى ورىننىڭ توعىسا دامۋىن تەرەڭدەتىپ، بيڭتۋان مەن جەرگىلىكتى ورىن ”ءبىر تۇتاس جۇيە“ يدەياسىن بەرىك ورناتىپ، بايلىقتى اشۋ، پايدالانۋ، ءتۇيىندى كاسىپ سالالارىن ورنالاستىرۋ، كەلەلى نىساندار قۇرىلىسى سياقتى جاقتاردا بيڭتۋان مەن جەرگىلىكتى ورىننىڭ ۇشتاسۋىن كۇشەيتىپ، بيڭتۋان مەن جەرگىلىكتى ورىننىڭ باسىمدىقتار ارقىلى ءوزارا تولىقتاۋىن، بايلىقتان تەڭ يگىلىكتەنۋىن جەدەلدەتىپ، بيڭتۋان مەن جەرگىلىكتى ورىننىڭ جان - جاقتى توعىسا دامۋىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتىپ، شينجياڭنىڭ جوعارى ساپالى دامۋ كەلەلى جاعدايىنا اناعۇرلىم ويداعىداي قىزمەت وتەۋ كەرەك.
شۋە بين قاتارلىلار تەكسەرۋ - زەرتتەۋگە قاتىناستى.
