قاشقار ايماقتىق پارتكومنىڭ شۋجيى نيە جۋاڭ
اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسى − شينجياڭنىڭ پارتيا 20 - قۇرىلتايىنىڭ رۋحىن جاپپاي دايەكتىلەندىرگەن، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرگەن، جوعارى ساپالى دامۋدى ىلگەرىلەتكەن شەشۋشى مەزگىلدە اشىلعان ءبىر رەتكى توتەنشە ماڭىزدى ءماجىلىس، ول ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋدا جاسامپازدىق سيپاتتى، بەلەستىك مانگە يە. اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ەكونوميكانىڭ، قوعامنىڭ جوعارى ساپالى دامۋىن بۇلجىماي ىلگەرىلەتۋ − قاشقارداعى ءار دارەجەلى پارتيا، ۇكىمەت ورىندارىنىڭ جانە قالىڭ پارتيا مۇشەلەرىنىڭ، كادرلاردىڭ كەلەلى ساياسي جاۋاپكەرشىلىگى.
شينجياڭ شاحمات تاقتاسى بولسا، وڭتۇستىك شينجياڭ شاحمات كوزى سانالادى. شي جينپيڭ جولداستى ۇيتقى ەتكەن پارتيا ورتالىق كوميتەتى وڭتۇستىك شينجياڭ قىزمەتىنە وسكەلەڭ ءمان بەرىپ كەلەدى. باس شۋجي شي جينپيڭ بىلاي دەپ اتاپ كورسەتتى: وڭتۇستىك شينجياڭنىڭ دامۋىنا مەملەكەتتىك دەڭگەيدە جوعارى ساتىدان جوبا جاساپ، ايرىقشا ساياسات جۇرگىزىپ، داعدىلى قالىپتى بۇزىپ، ەرەكشە ءىستى ەرەكشە جولمەن تىندىرۋ كەرەك. اۆتونوميالى رايوندىق پارتكوم وڭتۇستىك شينجياڭ قىزمەتىن كورنەكتى ورىنعا قويىپ، ەرەكشە كوڭىل ءبولىپ، قامقورلىق جاساپ، قاشقاردىڭ جوعارى ساپالى دامۋىن ىلگەرىلەتۋ جىگەرىمىزدى جانە سەنىمىمىزدى كۇشەيتتى.
قاشقار جۇڭگو − پاكيستان ەكونوميكالىق ءدالىزىنىڭ باستالۋ تۇيىنىندەگى قالا، ازيا − ەۆروپا التىن وڭتۇستىك ارناسىنىڭ ماڭىزدى بۋىنى جانە جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەگى، توڭىرەگىندە ءبىرىنشى تۇردەگى 5 شەكارا وتكەلى سىرتقا ەسىك اشقان، 4 اۋەجاي سالىنىپ ىسكە قوسىلعان، جۇڭگو − ورتا ازيا باسشىلار ءماجىلىسى ورتا ازياداعى 5 ەلمەن سەلبەستىكتىڭ تىڭ تاراۋىن اشىپ، قاشقاردىڭ جوعارى دەڭگەيدە سىرتقا ەسىك اشۋىن ىلگەرىلەتۋىنە تاپتىرماس شارت - جاعداي ازىرلەدى.
قاشقاردىڭ سۋ، توپىراق، جارىق، جىلۋ بايلىعى مول، ەگىستىك جەر اۋدانى 14 ميلليون 786 مىڭ 300 مۋ، استىق، كوكونىس، جەمىس ورمانى اۋدانى بۇكىل شينجياڭ بويىنشا 1 - ورىندا تۇرادى، ماقتا مەن ەت ءونىم مولشەرى بۇكىل شينجياڭ بويىنشا 2 - ورىندا تۇرادى، بۇكىل ەلدەگى ەڭ ۇلكەن كەپتىرىلگەن، قاتتى جەمىس بازاسى جانە ماڭىزدى ساپالى تاۋار ماقتا بازاسى، مال، ءۇي قۇستارى باعىمشىلىق بازاسى. مادەنيەت استارى تەرەڭ، ساياحات بايلىعى مول، شوعىرلى، دۇنيە جۇزىندەگى 6 ءىرى ساياحات بايلىعى قاشقارعا تولىق تارالعان، دۇنيە ءجۇزى دارەجەسىندەگى ساياحات نىسانالى جەرىنىڭ ساپاسىن ازىرلەگەن. كەن بايلىعىنىڭ قورى مول، فوتوۆولت، سۋ ەنەرگياسى، جەر جىلۋى سياقتى جاڭا ەنەرگيا اشۋ، پايدالانۋ ءورىسى كەڭ، مول شوعىرلانعان بايلىق باسىمدىعى قاشقار ەكونوميكاسىنىڭ جوعارى ساپالى دامۋىنا پارمەندى تىرەك ازىرلەگەن.
قاشقار − وڭتۇستىك شينجياڭداعى بىردەن - ءبىر مەملەكەت دارەجەلى ەكونوميكالىق اشۋ رايونى، كەشەندى باجىسىز اۋماق، شەكارا اتتاعان ەلەكتروندى ساۋدا كەشەندى سىناق اۋماعى بار ءتۇيىندى اشۋ ءوڭىرى، پارتيا ورتالىق كوميتەتىنىڭ قازىنا، قارجى قوسۋ، فينانس، دارىندى جاعىنداعى ەرەكشە ساياساتىنا يە بولعان، كاسىپورىنداردىڭ تابىس باجىسىندا ”بەستى كەشىرىم ەتۋ“ ساياساتى بۇكىل ەل بويىنشا ەڭ ابزال. اۆتونوميالى رايوندىق پارتكوم قاشقاردى جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەگى رەتىندە ءتۇيىندى تۇردە قولداپ، وڭتۇستىك شينجياڭنىڭ جوعارى ساپالى دامۋىن جەبەيتىن ۇتىمدى ساياسات - شارالاردى العا قويدى. شاندۇڭ، شاڭحاي، گۋاڭدۇڭ، شىنجىن سىندى ەكونوميكادا قۋاتتى 4 ولكە، قالا جان - جاقتى باعىتتامالى كومەكتەستى، وسى ەرەكشە تيىمدىلىك جەتكىزۋ ساياساتتارى قاباتتاسىپ ونىمدىلىكتى ارتتىرىپ، قاشقاردىڭ ەكونوميكاسىنىڭ، قوعامىنىڭ جوعارى ساپالى دامۋىنا قۋاتتى قوزعاۋشى كۇش ۇستەدى.
نازاردى اۆتونوميالى رايوننىڭ ”8 ءىرى كاسىپ سالاسى“ شوعىرى قۇرىلىسىنا شوعىرلاندىرىپ، استىق، ماي، ماقتا جانە توقىماشىلىق، كيىم - كەشەك، جاسىل، ورگانيكالىق جەمىس - جيدەك، كوكونىس، ساپالى مال شارۋاشىلىعى ونىمدەرى سياقتى ەگىن، مال شارۋاشىلىعى كاسىپ سالالارىن زورايتامىز، كۇشەيتەمىز، مۇناي - تابيعي گاز، كومىر كەنى جانە كەن ونىمدەرى بايلىعىن بارلاۋ - اشۋ، پايدالانۋ سەرپىنىن ارتتىرىپ، مۇناي - تابيعي گاز، كومىر، كومىر ەلەكتر، كومىر حيميا ونەركاسىبى، جاسىل كەن ونىمدەرى سياقتى بايلىق شوعىرلانعان كاسىپ سالالارىن زورايتامىز، كۇشەيتەمىز، فوتوۆولتتىق ەلەكتر تاراتۋ، اۆياتسيا - عارىش ينفورماتسياسى، بيولوگيالىق ءدارى - دارمەك، وزىق جابدىق جاساۋ جانە سيفرلى ەكونوميكا سياقتى ستراتەگيالىق جاڭا گۇلدەنگەن كاسىپ سالالارىن كۇش سالا دامىتىپ، قىزمەت وتەۋ كاسىبىنىڭ دەڭگەيىن ءوسىرىپ، دارەجەسىن جوعارىلاتۋدى جەدەلدەتەمىز، مادەنيەت - ساياحات كاسىبىن جانە وسى زامانعى زات اينالىمى كاسىبىن زورايتىپ، كۇشەيتىپ، وسى زامانعى قىزمەت وتەۋ كاسىبى مەن جاساۋ كاسىبىنىڭ، وسى زامانعى اۋىل شارۋاشىلىعىنىڭ توعىسپالى دامۋىن جەبەپ، قاشقار ەرەكشەلىگىنە يە ”10 ءىرى كاسىپ سالاسى“ شوعىرىن كۇش سالا تۇلعالايمىز.
نازاردى جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەگى قۇرىلىسىنا شوعىرلاندىرىپ، قاشقار ەكونوميكالىق اشۋ رايونى، كەشەندى باجىسىز اۋماق سىندى ”2 ۇلكەن تۇعىردى“ ويداعىداي قۇرىپ جانە ودان ويداعىداي پايدالانىپ، جۇڭگو (قاشقار) شەكارا اتتاعان ەلەكتروندى ساۋدا كەشەندى سىناق اۋماعىن جوعارى ولشەممەن قۇرىپ، جۇڭگو (شينجياڭ) ەركىن ساۋدا سىناق رايونى قاشقار اۋماعىن قۇرۋدى ءوتىنىش ەتۋ قىزمەتىن ويداعىداي ىستەيمىز. قاتىناس تورابى، ساۋدا، زات اينالىمى، مادەنيەت، عىلىم - تەحنيكا، وقۋ - اعارتۋ، ەمدەلۋگە قىزمەت وتەۋ، فينانستىق قىزمەت وتەۋ سىندى ”5 ۇلكەن ورتالىق“ قۇرىلىسىن جەدەلدەتەمىز. جۇڭگو شينجياڭ قاشقار. ورتا ازيا، وڭتۇستىك ازيا تاۋار جارمەڭكەسىن ويداعىداي وتكىزىپ، ”ءبىر بەلدەۋ، ءبىر جول“ بويىنداعى جانە توڭىرەكتەگى ەلدەرمەن مادەنيەت، عىلىم - تەحنيكا، وقۋ - اعارتۋ، ساياحات، ەمدەلۋ سياقتى سالالارداعى اۋىس - كۇيىستى، سەلبەستىكتى كۇشەيتەمىز. قاراسۋ، حونچيراپ، قاشقار اۆياتسياسى سىندى ”3 ۇلكەن شەكارا وتكەل“ يقۋاتىن كەمەلدەندىرىپ، جۇڭگو − تاجىكستان شەكارالىق تۇرعىندار بازارى قۇرىلىسىن ىلگەرىلەتىپ، مەملەكەت دارەجەلى شەكارا ەكونوميكالىق سەلبەستىك رايونىن قۇرۋدى بەلسەنە ءوتىنىش ەتىپ، شەكارا وتكەلى ەكونوميكالىق رايونىن، يمپورت تاۋارلارىن سول جەردىڭ وزىندە مانەرلەۋدەن ۇلگى كورسەتۋ رايونىن جانە ەكسپورت تاۋارلارىن وڭدەۋ بازاسىن قۇرىپ، ”وتكەل ەكونوميكاسىنىڭ“ ”كاسىپ سالاسى ەكونوميكاسىنا“ قاراي بۇرىلىس جاساۋىن ىلگەرىلەتەمىز.
قارجى قوسۋ، قارجى قۇراۋ ءتۇزىلىس رەفورماسىن تەرەڭدەتىپ،G217 جەلىسى ياركەن − تاشقورعان تاس جولى سياقتى تاس جولداردى، تۇمسىق − مارالباسى − ياركەن، قاشقار − ءپايزاۋات − يوپۇرعا − ماكىت، وڭتۇستىك شينجياڭ تەمىر جولىنىڭ جاڭادان قوسىلعان 2 - جەلىسى مەن ونى ەلەكترلەندىرىپ وزگەرتۋ سياقتى تەمىر جولداردى جانە ياركەن اۋەجايىن جاڭالاپ، كەڭەيتىپ سالۋ، اۋدان - قالا جالپىلىق اۋەجايى قۇرىلىستارىن جەدەل ىلگەرىلەتەمىز؛ اقسۋ يىڭمالى − مارالباسى اچال − پوسكام تابيعي گاز قۇبىرى جەلىسىن سايكەستى ىلگەرىلەتىپ، قاشقار − مارالباسى، كۇشار − ارال − مارالباسى 2 - رەت 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى مەن ەلەكتردى سىرتقا جەتكىزۋ ارناسى قۇرىلىسىن ىلگەرىلەتەمىز؛ ”ەكى رايون، ءبىر قالا، ەكى اۋداندى“ قامتىعان ۇلكەن قاشقاردى وزەك ەتكەن وڭتۇستىك شينجياڭنىڭ قالا شوعىرى قۇرىلىسىن ۇزدىكسىز ىلگەرىلەتىپ، وسى زامانعى نەگىزدىك قۇرىلعى قۇرىلىسىنىڭ دەڭگەيىن جاپپاي جوعارىلاتىپ، جوعارى ساپالى دامۋعا پارمەندى تىرەك ازىرلەيمىز.
سۋ ۇنەمدەۋدى، سۋ ساقتاۋدى، سۋ جەتكىزۋدى، سۋدى جونگە سالۋدى ءبىر تۇتاس جوسپارلاپ، مومۇق سۋ يگىلىگى تورابى ينجەنەرياسى، ءىرى، ورتاشا سۋارمالى اۋماقتى جالعاستى وسىزامانداندىرۋمەن سايكەستى وزگەرتىپ سالۋ، كىناراتتى، حاۋىپتى سۋ تيەكتەرىن حاۋىپتەن ارىلتۋ، بەكەمدەۋ، سۋ قويماسى، سۋ، قۋاڭشىلىق اپاتىنان ساقتانۋ ينجەنەرياسى سياقتى سۋ ۇنەمدەۋ، سۋ ساقتاۋ، سۋ جەتكىزۋ، سۋدى ءبىر جاقتى ەتۋ نىسان قۇرىلىستارىن جەدەلدەتەمىز. اۋىل شارۋاشىلىعىندا قاتاڭ سۋ ۇنەمدەۋدى، جەر استىنداعى سورتاڭداۋ سۋدان پايدالانۋدى، جەردىڭ سورتاڭدانۋىن جونگە سالۋدى، قايتا تۋىندايتىن سۋدان اينالمالى پايدالانۋدى، اۋىل شارۋاشىلىعىنداعى سۋ باعاسىنىڭ كەشەندى رەفورماسىن جانە زەردەلى سۋ يگىلىگى قۇرىلىسىن ىلگەرىلەتىپ، قاشقاردىڭ جوعارى ساپالى دامۋىن سۋمەن پارمەندى قامتاماسىز ەتەمىز.
حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋدى جەبەۋ ينجەنەرياسىن ىشكەرىلەي اتقارىپ، ەڭبەك شوعىرلانعان كاسىپ سالالارىن كۇش سالا دامىتىپ، بۇقارانىڭ جۇمىستانۋىنا جەتەكشىلىك ەتەمىز. حالىق ريزا بولاتىن وقۋ - اعارتۋ ىستەرىن ويداعىداي جۇرگىزىپ، مىندەتتى وقۋ - اعارتۋدىڭ ساپالى، بىركەلكى دامۋىن ىلگەرىلەتىپ، كاسىپتىك وقۋ - اعارتۋدىڭ وقىتۋ ورەسى مەن جوعارى وقۋ - اعارتۋدىڭ جالپىلىق ناقتى قۋاتىن جوعارىلاتامىز. ەمدەۋ جاعىندا حالىققا تيىمدىلىك جەتكىزۋدى ۇزدىكسىز ىلگەرىلەتىپ، ۇكىمەت باسقارۋىنداعى شيپاحانالاردىڭ جالپىلىق رەفورماسىن تەرەڭدەتىپ، ەمدەۋ - دەنساۋلىق ساقتاۋ قوسىنى مەن ايماق، اۋدان، اۋىل، قىستاق ەمدەۋ ورتاق تۇلعاسى قۇرىلىسىن كۇشەيتىپ، ساپالى ەمدەۋ قىزمەت وتەۋىمەن ءونىمدى قامداۋدى جەبەيمىز. ەڭ تومەنگى تۇرمىستى قامتاماسىز ەتۋدە ”كولەمىن كەڭەيتىپ، ونىمدىلىكتى ارتتىرۋ“ ينجەنەرياسىن ىشكەرىلەي اتقارىپ، زەينەتكەرلىكتە، ەمدەۋ قامسىزداندىرۋىندا قامتاماسىزداندىرىلۋعا تيىستىلەرىن مۇمكىندىگىنشە قامتاماسىزداندىرۋدى، قالاۋى بار اۋىل - قىستاقتارداعى ”بەستە قامتاماسىزداندىرىلاتىن“ قارتتاردى، قيىنشىلىق قىسپاعىندا قالعان بالالاردى جانە مۇگەدەكتەردى شوعىرلى كۇتىمدەۋمەن جانە ساۋىقتىرۋمەن، ەمدەۋمەن جاپپاي قامتۋدى جۇزەگە اسىرامىز. قالا - قالاشىقتارداعى قامتاماسىزدىق سيپاتتى بەيقۇت ءۇي ينجەنەرياسى قۇرىلىسىن، لاشىقتى وڭىرلەردى، كونە، ەسكى شاعىن اۋماقتاردى جاڭالاۋ جانە كومىردىڭ ورنىنا ەلەكتر پايدالانۋ ينجەنەرياسىن جەرگىلىكتى جاعدايعا قاراي ويداعىداي اتقارىپ، بۇقارانىڭ قونىستانۋ شارت - جاعدايىن ونان ارى جاقسارتامىز. ”شەكارانى گۇلدەندىرىپ، حالىقتى بايىتۋ قيمىلىنىڭ سەنترلى قالا - قالاشىقتارى“ قۇرىلىسىن تۇيىندە سىناق ەتۋدى ورىستەتىپ، شەكارا بويىنداعى جاڭا قىستاق قۇرىلىسىن جەدەلدەتىپ، شەكارا حالقىنىڭ ءوندىرىس، تۇرمىس شارت - جاعدايىن ۇزدىكسىز جاقسارتامىز.
”تۇنىق سۋ، جاسىل تاۋ − باعالى بايلىق“ ۇستانىمىن بەرىك ورناتىپ، ەكولوگيانى قورعاۋ قىزىل سىزىعىن، قورشاعان ورتا ساپاسى تومەنگى شەگىن جانە بايلىقتان پايدالانۋ جوعارعى شەگىن بەرىك ساقتايمىز. وزەن (كول) باستىعى ءتۇزىمىن، ورمان باستىعى ءتۇزىمىن جالپى بەتتىك تياناقتاندىرىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرىپ قورعاۋعا جانە جۇيەلى جونگە سالۋعا تاباندى بولىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن ويداعىداي جۇرگىزىپ، ەكولوگيانى الدىمەن ويلاستىراتىن، جاسىل، تومەن كومىر قىشقىل گازدى جوعارى ساپالى دامۋ جولىمەن بۇلجىماي جۇرەمىز. ”14 - بەسجىلدىقتىڭ“ سوڭىنا بارعاندا، اۋا ساپاسىنىڭ ساپالى كۇن سانى سالىستىرماسىن ％3. 43تەن اسىرىپ، اۋىر لاستانعان كۇن سانى سالىستىرماسىن ％5. 0تەن تومەندەتىپ، باستى وزەندەردىڭ، كولدەردىڭ مەملەكەت مەڭگەرىپ، باقىلايتىن قيما بەتتىك سۋ ساپاسىنىڭ تاماشا بولۋ مولشەرىن، قالا - قالاشىقتارداعى شوعىرلى اۋىز سۋ قاينارى سۋ ساپاسىنىڭ ساپالى بولۋ مولشەرىن تۇگەلدەي ％100كە جەتكىزىپ، توپىراق ورتاسىنىڭ ساپاسىن جالپى جاقتان ورنىقتى ساقتاپ، ەكولوگيالىق جۇيەنىڭ ساپاسىن ۇزدىكسىز جاقسارتىپ، قىزمەت وتەۋ يقۋاتىن ۇزدىكسىز كۇشەيتەمىز.
ءسوز جوق، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، ءار دارەجەلى پارتكومداردىڭ كەلەلى جاعدايدى يگەرۋ، بەتالىستى باسقارۋ، تياناقتاندىرۋدى جەبەۋ رولىن تولىق ساۋلەلەندىرىپ، ءار جاقتىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدىڭ قۋاتتى بىرىككەن كۇشىن ۇيىستىرامىز؛ ءسوز جوق، ورنىقتىلىق بارىسىندا ىلگەرىلەۋگە تاباندى بولىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، رەفورما جاساۋدى، جاڭالىق اشۋدى كۇشەيتىپ، جوعارى ساپالى دامۋدى جوعارى دەڭگەيدە جوبالاۋدى كۇشەيتىپ، ورنىقتىلىق، حاۋىپسىزدىك تومەنگى شەگىن ساقتاپ، ءار سالاداعى ەلەۋلى حاۋىپ - قاتەرلەر مەن كومەسكى كىناراتتاردان ساقتانىپ جانە ونى جويىپ، قاشقاردىڭ رەفورما، دامۋ، ورنىقتىلىق ىستەرىنىڭ ىرىقتىلىق ۇقىعىن مىقتاپ يگەرەمىز؛ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى وراي ەتىپ، ”ءبىرىنشى باسشىنىڭ“ ساياسي قابىلەتىن جانە كادرلاردىڭ ماماندانۋ قابىلەتىن جوعارىلاتۋ جوسپارىن تياناقتاندىرىپ، پارتيالى باسشى كادرلاردى جوعارى ساپالى دامۋدى ىلگەرىلەتۋدىڭ مايتالمانىنا اينالدىرامىز؛ ءسوز جوق، قىزمەت ستيلىن جاقسارتىپ، ”ءاردايىم قام جەپ تۇراتىن“ جاۋاپكەرشىلىك سەزىمدى كۇشەيتىپ، شىندىققا جۇگىنىپ ناقتى ءىس ىستەۋ، شىنايى يگەرىپ ناقتى ىستەۋ قىزمەت ستيلىن بارىنشا اسقاقتاتىپ، تەكسەرۋ - زەرتتەۋدى بارىنشا ورىستەتىپ، ماسەلەلەردى تىڭعىلىقتى شەشىپ، قيىن ماسەلەلەردى شەشىپ، قاشقار ەكونوميكاسىنىڭ، قوعامىنىڭ جوعارى ساپالى دامۋىنىڭ تاعى دا تىڭ ساتىعا كوتەرىلۋىن بار كۇشپەن ىلگەرىلەتەمىز.
