انار بۇلت \ شينجياڭ گازەتىنىڭ ءتىلشىسى ليۋ مىڭمىڭ
”شۇلەن كۇن نۇرىنا مالىنىپ بيگە باستىق ءبارىمىز، سامال جەلمەن توعىستى ەمىن - ەركىن جانىمىز، شۇلەن كۇن نۇرىنا مالىنىپ بيگە باستىق ءبارىمىز، دۇنيە ءجۇزىن ارلەندىردى شات - شادىمان ءۇنىمىز...“ 7 - ايدىڭ 11 - كۇنى ريتىمى تەز، ويناقى « بىرگە بيگە باسايىق» ءانى جەلىگە شىعارىلىپ، ۋيشين دوستىق شەڭبەرى، دوۋيىن سياقتى ينتەرنەت تۇعىرلارىندا كەڭىنەن تارالدى.
سول كۇنى 6 - كەزەكتى جۇڭگو شينجياڭ حالىقارالىق ۇلتتار ءبي فەستيۆالىنىڭ اقپار جاريالاۋ ءماجىلىسى بەيجيڭدە وتكىزىلىپ، تاقىرىپتىق ءان «بىرگە بيگە باسايىق» تا مۇنىمەن ءبىر ۋاقىتتا جاريالاندى، ارفات، ليۋ ياڭ، گوھارگۇل، ۋاڭ شينپىڭ، ەربول، وزبەكستان ءانشىسى شەرىن (گۋ تيانتيان) قاتارلى جۇڭگولىق، شەتەلدىك انشىلەر بىرگە ءان شىرقادى، MVدا ءبىر ۋاقىتتا جەلىگە شعارىلدى.
« بىرگە بيگە باسايىق» ءانىنىڭ ءماتىنىن ۋاڭ شياۋليڭ جازعان، مۋزيكاسىن بيان ليۋنيان جازعان. ەڭ العاشىندا 2008 - جىلى شىرقالعان، كەيىن جۇڭگو شينجياڭ حالىقارالىق ۇلتتار ءبي فەستيۆالىنىڭ تاقىرىپتىق انىنە اينالعان.
”قاناتىمىزدى كەڭ سەرمەپ، ءبارىمىز بيگە باسايىق؛ تولعانا تولقىپ بيمەنەن ارماننىڭ ەسىگىن اشايىق؛ جارقىراتىپ تۋفليلەردى، جاستىقتىڭ كوكتەم گۇلىمەن الەمنىڭ ساحناسىن باسايىق...“ ارقاۋ ءاننىڭ تەكسى تىلگە جاتىمدى، ريتىمى ويناقى، ەكپىندەي ىلگەرىلەگەن، شىنايى سۇيىسپەنشىلىككە تولى، ايقىن داۋىرلىك ەرەكشەلىككە جانە قويۋ ۇلتتىق ەرەكشەلىككە يە.
2015 - جىلى 4 - كەزەكتى ءبي فەستيۆالىنىڭ الدىندا ءبىز تاقىرىپتىق ءاندى قايتا جازىپ، جاڭاشا زامانالىق ۇلگى نۇسقاسىن شىعاردىق، يۇن دو، تاسقىن، دولياڭ، پارحات، گۇلميرا، ءۇمىت، بيڭچي، ءناديرا قاتارلى 8 ءانشى بىرگە شىرقادى. 2017 - جىلعى 5 - كەزەكتى ءبي فەستيۆالىندا ءبي فەستيۆالىنىڭ تاقىرىپتىق ءانى تاعى ءبىر رەت وزگەرتىلىپ، ءتىپتى دە كوپ مۋزيكا ەلەمەنتتەرى قوسىلىپ، جۇي حۇڭچۋان، ياڭ شياۋ، تۇرعۇنجان، جۇلدىز سياقتى انشىلەر مەن 2 بالا سەرىك بولىپ ورىندادى. ءان مۋزيكاسىن جاساۋشى شيامۋ، يە لينحۋا بىلاي دەپ تانىستىردى: بيىلعى ءبي فەستيۆالىندا ءان مۋزيكاسىن جاساۋدا جۇڭگو ستيلى مەن شينجياڭ ەرەكشەلىگىن ايگىلەۋگە كۇش سالدىق ءارى حالىقارالىق فاكتور قوستىق.
”شينجياڭ ءانشىسى رەتىندە، مەن ءبي فەستيۆالدىڭ تارتىمدى وتكىزىلۋىن ەرەكشە ارماندايمىن، وسى ءاننىڭ تيانشان ۇلاندارىنىڭ ىقىلاستى تىلەگى مەن سالتاناتتى شاقىرۋى ارقىلى شار تاراپقا تارالۋىن ءۇمىت ەتەمىن“، - دەدى ءانشى ليۋ ياڭ.
شەرىننىڭ بۇرىنعى اتى ابدۇللايەۆا شەرىن، جاس ءانشى بولاتىن، ”بۇل ءان سەزىمدى بەينەلەۋمەن بىرگە، ريتىمى دە ويناقى، تەز بولىپ، ءبيشىنىڭ جۇرەك ءۇنىن، رومانتيكاسىن ايگىلەدى“، - دەدى شەرىن، - ”وزبەكستان مەن جۇڭگونىڭ دوستىعى ۇزاقتان بەرى جالعاسىپ كەلەدى، ءبي فەستيۆالى دۇنيە جۇزىندەگى ءار ەلدىڭ كوركەمونەرىنەن ءلاززات الاتىن ۇلكەن ساحنا، مەن وعان ءبىر كىسىلىك ۇلەسىمدى قوسقانىمدى ماقتانىش سەزىنەمىن“.
