انار بۇلت \ شينجياڭ گازەتىنىڭ حابارى (سۋرەتىن ءتۇسىرىپ، ماقالاسىن جازعان ەرىكتى ءتىلشى چۋە . حۋرە) جۇڭگو قاتىناسى شينجياڭ قاتىناس تاس جولى قارجى قوسۋ، دامىتۋ شەكتى سەرىكتەستىگىنىڭ ساندى مالىمەتىندە كورسەتىلۋىنشە، 7 -ايدىڭ 5 - كۇنىنە دەيىن، G0711 جەلىسى ءۇرىمجى − لوپنۇر جوعارى قارقىندى تاس جولى تيەمىنگۋان تۋنەلىنىڭ سول جاق ۇڭگىرى 1521 مەترگە دەيىن، وڭ جاق ۇڭگىرى 1479 مەترگە دەيىن قازىلىپ، جالپى قازىلعان بولەگى 3000 مەتردەن اسىپ، قازۋ ۇزىندىعى جالپى ۇزىندىقتىڭ جارىمىنان اسقان.
7 - ايدىڭ 5 - كۇنى G0711 جەلىسى ءۇرىمجى − لوپنۇر جوعارى قارقىندى تاس جولى تيەمىنگۋان تۋنەلىنىڭ كىرەر اۋىزىنداعى جۇمىس مايدانى (ۇشقىش اپپاراتپەن تۇسىرىلگەن).
تيەمىنگۋان تۋنەلى ءۇرىمجى − لوپنۇر جوعارى قارقىندى تاس جولىنىڭ شياڭسىحۋ تورابىنان لوپنۇر بولەگىنە دەيىنگى مەڭگەرۋ سيپاتتى ينجەنەريا، سونداي - اق ءۇرىمجى − لوپنۇر جوعارى قارقىندى تاس جولىنىڭ 2 - ۇزىن تۋنەلى، تيەمىنگۋان اسۋىنىڭ قىر ارقاسىنان ەندەي وتەدى، وڭ، سولعا بولىنگەن تۋنەل، سول جاق ۇڭگىرىنىڭ ۇزىندىعى 2880 مەتر، وڭ جاق ۇڭگىرىنىڭ ۇزىندىعى 2900 مەتر.
7 - ايدىڭ 5 - كۇنى قۇرىلىس كولىكتەرى G0711 جەلىسى ءۇرىمجى − لوپنۇر جوعارى قارقىندى تاس جولى تيەمىنگۋان تۋنەلىنىڭ كىرەر اۋىزىندا جۇمىس جۇرگىزىپ جاتىر.
تيەمىنگۋان تۋنەلى تۇرعان تيەمىنگۋان تۋنەلى جول بولىگىنىڭ جالپى ۇزىندىعى 78.8 كيلومەتر، جول بويى يانجي حۇيزۋ اۆتونوميالى اۋدانى، كورلا قالاسى، كورلا ەكونوميكالىق، تەحنيكالىق اشۋ رايونى جانە لوپنۇر اۋدانىن باسىپ وتەدى، قوس باعىتتاعى ءتورت كولىك قاتار قاتىنايتىن جوعارى قارقىندى تاس جول ولشەمىمەن سالىنعان، جوبالانعان جىلدامدىعى ساعاتىنا 120 كيلومەتر.
