گۋاڭدۇڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى

گۋاڭدۇڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى

حۋاڭ كۇنميڭ، ما شيڭرۇي، ۋاڭ ۋيجۇڭ، ەركىن تۇنياز، مىڭ فانلي، جاڭ چۇنلين قيمىلعا قاتىناستى

　　7 - ايدىڭ 9 - كۇنىنەن 11 - كۇنىنە دەيىن گۋاڭدۇڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى. سۋرەتتە: 7 - ايدىڭ 10 - كۇنى گۋاڭدۇڭ ولكەلىك پارتكومنىڭ شۋجيى حۋاڭ كۇنميڭ، اۆتونوميالى رايوندىق پارتكومنىڭ شۋجيى ما شيڭرۇي، گۋاڭدۇڭ ولكەلىك پارتكومنىڭ ورىنباسار شۋجيى، ولكە باستىعى ۋاڭ ۋيجۇڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءپايزاۋات اۋدانى جاڭا ءمالى قالاشىعى لايلىق قىستاعىنداعى سامەت سىمايىل وتباسىنا امانداسا باردى.

□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جيجيان تۇسىرگەن

　　انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 11 - كۇنى قاشقاردان حابارلايدى. 7 - ايدىڭ 9 - كۇنىنەن 11 - كۇنىنە دەيىن گۋاڭدۇڭ ولكەلىك پارتكومنىڭ شۋجيى حۋاڭ كۇنميڭ، ولكەلىك پارتكومنىڭ ورىنباسار شۋجيى، ولكە باستىعى ۋاڭ ۋيجۇڭ گۋاڭدۇڭ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى، ەكى ولكە، رايون اڭگىمە ءماجىلىسىن اشىپ، باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، كەلەسى قادامداعى ءتۇيىندى مىندەتتەردى مۇقيات جوسپارلاپ، جاڭا داۋىردەگى شينجياڭعا كومەكتەسۋ قىزمەتىندە ۇزدىكسىز جاڭا جاعداي اشۋدى ىلگەرىلەتتى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، گۋاڭدۇڭ ولكەلىك پارتكومنىڭ ورىنباسار شۋجيى، شىنجىن قالالىق پارتكومنىڭ شۋجيى مىڭ فانلي، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين قيمىلعا قاتىناستى.

　　”14 - بەسجىلدىقتان“ بەرى گۋاڭدۇڭ ولكەسى، شىنجىن قالاسى شينجياڭعا كومەكتەسۋگە جيىنى 9 ميلليارد 931 ميلليون يۋان قارجى قوسىپ، 422 شينجياڭعا كومەكتەسۋ نىسانىن اتقارىپ، شينجياڭعا كومەكتەسۋگە 5123 كادر - دارىندى جىبەرىپ، نازاردى حالىق تۇرمىسى ارقىلى شينجياڭعا كومەكتەسۋ، كاسىپ سالاسى ارقىلى شينجياڭعا كومەكتەسۋ، اقىل - پاراسات ارقىلى شينجياڭعا كومەكتەسۋ، شينجياڭدى مادەنيەتپەن نارلەندىرۋ سياقتى ءتۇيىندى سالالارعا شوعىرلاندىرىپ، دالمە - ءدال كۇش سالىپ، شينجياڭنىڭ ەكونوميكالىق، قوعامدىق دامۋى مەن ۇلتتار ىنتىماعىن، العاباسارلىعىن ءونىمدى جەبەدى.

　　شينجياڭداعى كەزىندە گۋاڭدۇڭ ولكەسىنىڭ پارتيا، ۇكىمەت ۋاكىلدەر ۇيىرمەسى قاشقار قالاسىنا، ءپايزاۋات اۋدانىنا، كونەشار اۋدانىنا جانە بيڭتۋان 3 - شىسىنىڭ تۇمشۇق قالاسىنا بارىپ، قاشقار كەشەندى قورعامالى باجى رايونىنا، گۋاڭدۇڭ فوتوۆولت كاسىپ سالاسى باقشاسىنا، دۇڭچۇنشيڭ توبىنا ىشكەرىلەي بارىپ، شينجياڭعا كومەكتەسۋ كاسىپ سالاسى نىساندارىنىڭ اياق الىسىن تەكسەردى؛ قاشقار داشۋەسىنە، كونەشار اۋدانى ميڭدى باستاۋىش مەكتەبىنە جانە قاشقار مەملەكەتتىك وڭىرلىك ەمدەۋ ورتالىعىنا بارىپ، وقۋ - اعارتۋ ارقىلى شينجياڭعا كومەكتەسۋدىڭ، ەمدەۋ ارقىلى شينجياڭعا كومەكتەسۋدىڭ ونىمدىلىگىن ۇعىستى؛ ءپايزاۋات اۋدانى گۋاڭدۇڭ − ءپايزاۋات شينمەي كاسىپ سالاسى باقشاسى مەن ەگىمشىلىكتەن ۇلگى كورسەتۋ تۇيىنىنە، كونەشار اۋدانى ۇلتتىق مۋزيكا اسپاپتارى قىستاعىنا بارىپ، كاسىپ سالاسى ارقىلى حالىقتى بايىتۋ، شينجياڭدى مادەنيەتپەن نارلەندىرۋ قىزمەتىنە تەكسەرۋ - زەرتتەۋ جۇرگىزدى ءارى شارۋا وتباسىلارىنا ىشكەرىلەي بارىپ نەگىزگى ساتىداعى بۇقاراعا امانداستى؛ گۋاڭدۇڭنىڭ شينجياڭعا كومەكتەسۋ الدىڭعى جاق قولباسشىلىق شتابىن ارالاپ، شينجياڭعا كومەككە كەلگەن جاڭا ءبىر توپ كادر - دارىندىلارعا امانداسىپ، ولاردان حال سۇرادى.

　　7 - ايدىڭ 11 - كۇنى تۇستەن بۇرىن گۋاڭدۇڭ ولكەسى. شينجياڭ ۇيعۇر اۆتونوميالى رايونى، سونداي - اق شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى قاشقار قالاسىندا اشىلدى. حۋاڭ كۇنميڭ ولكەلىك پارتكوم، ولكەلىك ۇكىمەت اتىنان شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانىنىڭ ۇزاق ۋاقىتتان بەرى گۋاڭدۇڭنىڭ قىزمەتىن زور كۇشپەن قولداعاندىعىنا العىس ايتتى. ول بىلاي دەدى: سوڭعى جىلدارى باس شۋجي شي جينپيڭنىڭ، پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايون مەن بيڭتۋان جاڭا داۋىردەگى پارتيانىڭ شينجياڭدى باسقارۋ جالپى جوباسىن بۇلجىماي دايەكتىلەندىرىپ، ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا كورنەكتى ونىمدىلىككە قول جەتكىزۋدى پارمەندى ىلگەرىلەتتى، كوپتەگەن جاقسى تاجىريبەلەر، جاقسى ادىستەر گۋاڭدۇڭنىڭ ۇيرەنۋىنە، ۇلگى الۋىنا تاتيدى. قازىر گۋاڭدۇڭ پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ گۋاڭدۇڭدى كوزدەن كەشىرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى وراي ەتىپ، ولكەلىك پارتكومنىڭ ”1310“ ناقتى ورنالاستىرۋىن تياناقتاندىرۋدى ارقاۋ ەتىپ، جۇڭگو ۇلگىسىندەگى وسىزامانداندىرۋدىڭ گۋاڭدۇڭ امالياتىن تىڭعىلىقتى ىلگەرىلەتۋدە. باس شۋجي جۇكتەگەن بورىش پەن مىندەتتى جۇزەگە اسىرىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە الدىڭعى لەكتە جۇرۋدە، گۋاڭدۇڭ شينجياڭعا باعىتتامالى كومەكتەسۋ قىزمەتىن اناعۇرلىم ناقتى، اناعۇرلىم جاقسى ىستەۋى كەرەك. ءبىز جاڭا جورىقتا شينجياڭعا باعىتتامالى كومەكتەسۋ قىزمەتىن ويداعىداي ىستەۋدىڭ گۋاڭدۇڭنىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تياناقتاندىرۋدا، شينجياڭ قىزمەتىنىڭ باس نىساناسىن جۇزەگە اسىرۋعا قىزمەت وتەۋدە، ءسوز جوق، ارقالاۋعا ءتيىستى ساياسي جاۋاپكەرشىلىگى ەكەنىن جەتە تانىپ، شينجياڭعا باعىتتامالى كومەكتەسۋ قىزمەتىن گۋاڭدۇڭنىڭ وسىزامانداندىرۋ قۇرىلىسى جالپى جاعدايىنىڭ ماڭىزدى ورنىنا قويىپ، شينجياڭعا جاپپاي كومەكتەسۋگە، شينجياڭعا دالمە - ءدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولىپ، شينجياڭعا باعىتتامالى كومەكتەسۋ قىزمەتىنىڭ جاڭا جاعدايىن ۇزدىكسىز اشىپ، باس شۋجي، پارتيا ورتالىق كوميتەتى تاپسىرعان كەلەلى ساياسي مىندەتتەردى باتىل ويداعىداي ورىنداۋىمىز كەرەك. گۋاڭدۇڭ شينجياڭمەن جانە بيڭتۋانمەن سايكەسۋدى، سەلبەسۋدى كۇشەيتىپ، شينجياڭعا كومەكتەسۋ قىزمەتىنىڭ سەرپىنىن ۇزدىكسىز ارتتىرىپ، قارجى مەن نىسانداردىڭ نەگىزگى ساتىعا جانە حالىق تۇرمىسى سالاسىنا بەيىمدەلۋىن ىلگەرىلەتىپ، كوپ ءتۇرلى شارانى قاتار قولدانىپ جۇمىستاندىرۋ سىندى نەگىزگى تاعاندى ورنىقتىرۋعا دەم بەرىپ، وقۋ - اعارتۋ ارقىلى شينجياڭعا كومەكتەسۋدى جانە شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، ۇلتتاردىڭ كەڭ كولەمدە ارالاسۋىن، جاپپاي ىشتەسۋىن، تەرەڭدەي توعىسۋىن جەبەپ، قوعام ورنىقتىلىعى مەن باياندى تىنىشتىقتىڭ نەگىزىن بەكەمدەۋگە دەم بەرەدى؛ كومەك قابىلداۋشى جەرلەردىڭ سالىستىرمالى باسىمدىعى مەن بايلىق قاسيەتىن تياناق ەتىپ، كاسىپ سالاسى ارقىلى شينجياڭعا كومەكتەسۋدى، عىلىم - تەحنيكا ارقىلى شينجياڭعا كومەكتەسۋدى، اقىل - پاراسات ارقىلى شينجياڭعا كومەكتەسۋدى تىڭعىلىقتى ىلگەرىلەتىپ، ىشكى دامۋ قوزعاۋشى كۇشىن ارتتىرۋعا دەم بەرەدى؛ بيڭتۋاننىڭ حالىق سانىن شوعىرلاندىرۋدى كۇشەيتىپ، كاسىپ سالاسى مەن قالانى توعىستىرۋ ءىسىن ويداعىداي ىستەۋىن زور كۇشپەن قولداپ، بيڭتۋان مەن جەرگىلىكتى ورىننىڭ توعىسپالى دامۋىن بەلسەنە ىلگەرىلەتىپ، بيڭتۋان قۇرىلىسىنىڭ دامۋىنداعى كاسىپ سالاسى مەن الەۋمەتتىك قىزمەت وتەۋ تىرەگىن بەكەمدەۋگە دەم بەرەدى؛ ۇكىمەتتىڭ كومەكتەسۋىنىڭ اناعۇرلىم دالمە - ءدال، ءونىمدى بولۋىن، كاسىپورىنداردىڭ كومەكتەسۋىنىڭ بارىنشا كۇش شىعارۋىن، قوعامدىق كومەكتەسۋدىڭ اناعۇرلىم كەڭ كولەمدە تەرەڭدەۋىن ىلگەرىلەتىپ، ءار جاقتاعى كۇشتەردى ونان ارى جۇمىلدىرىپ، ۇيىمداستىرىپ، شينجياڭعا كومەكتەسۋ قىزمەتىنىڭ قۋاتتى بىرىككەن كۇشىن ۇيىستىرادى. ەكى جاقتىڭ جان - جاقتى سەلبەستىكتى ۇزدىكسىز كۇشەيتىپ، ستراتەگيالىق ءتۇيىلىسۋدى، قاتىناستى ۇلاستىرۋدى، تۇتاستىرۋدى، بازاردى ءبىر تۇلعالاندىرۋدى كۇشەيتىپ، ەكونوميكالىق دامۋدى ىشكەرىلەي تەرەڭدەتىپ، گۋاڭدۇڭ − شياڭگاڭ − اۋمىن ۇلكەن شىعاناق رايونىنىڭ شينجياڭمەن اناعۇرلىم ويداعىداي بىرگە ارەكەتتەنۋىنە مۇمكىندىك جاساپ، 21 - عاسىرداعى تەڭىزدەگى جىبەك جولىن جىبەك جولى ەكونوميكالىق بەلدەۋىمەن اناعۇرلىم ويداعىداي ۇلاستىرىپ، ەل ءىشى ۇلكەن اينالىمىن ىركىلىسسىزدەندىرۋ جانە ەل ءىشى، حالىقارا سىندى قوس اينالىمدى ۇلاستىرۋ فۋنكتسياسىن قول ۇستاسا كۇشەيتۋىن ءۇمىت ەتەمىن.

　　ما شيڭرۇي اۆتونوميالى رايوندىق پارتكوم، ۇكىمەت، بيڭتۋان جانە بۇكىل شينجياڭداعى ءار ۇلت كادر - بۇقاراسى اتىنان گۋاڭدۇڭ ولكەسىنىڭ پارتيا، ۇكىمەت ۋاكىلدەر ۇيىرمەسىن قىزۋ قارسى الاتىندىعىن ءبىلدىردى، گۋاڭدۇڭ ولكەسىنىڭ ۇزاق ۋاقىتتان بەرى شينجياڭعا زور كۇشپەن قولداۋ كورسەتكەندىگىنە جانە قالتقىسىز كومەكتەسكەندىگىنە شىن جۇرەكتەن العىس ايتتى. ول بىلاي دەدى: گۋاڭدۇڭ ولكەلىك پارتكوم، ولكەلىك ۇكىمەت باس شۋجي شي جينپيڭ، پارتيا ورتالىق كوميتەتى جۇكتەگەن بورىش پەن مىندەتتى باتىل تياناقتاندىرىپ، ”ءبىر نىسانانى كوزدەۋ، 3 ۇلكەن قوزعاۋشى كۇشتى جانداندىرۋ، 10 ءىرى تىڭ سەرپىلىستى قۇلشىنا جۇزەگە اسىرۋ“ سىندى ”1310“ ناقتى ورنالاستىرۋىن جاساپ، وسىزامانداندىرۋ قۇرىلىسى ىستەرىن ۇزدىكسىز العا ىلگەرىلەتتى. اسىرەسە، شينجياڭعا كومەكتەسۋ ساياسي جاۋاپكەرشىلىگىن ىرىقتىلىقپەن ارقالاپ، دارىندى، قارجى، نىسان سياقتى جاقتاردا شينجياڭعا زور كۇشپەن قولداۋ كورسەتىپ، شينجياڭنىڭ رەفورماسىنا، دامۋىنا، ورنىقتىلىعىنا بەلسەندى ۇلەس قوستى. قازىر شينجياڭ نەگىزگى تاقىرىپتىق تاربيە ورىستەتۋمەن ۇشتاستىرىپ، پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، مەملەكەتتى قۇدىرەتتەندىرۋ قۇرىلىسىنداعى، ۇلتتى گۇلدەندىرۋدەگى ستراتەگيالىق ورنىن كوزدەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋدە. ءبىز باس شۋجيدىڭ شينجياڭ قىزمەتى، شينجياڭعا كومەكتەسۋ قىزمەتى جونىندەگى ىقىلاستى تاپسىرماسىن ەستە بەرىك ساقتاپ، گۋاڭدۇڭ مەن شينجياڭنىڭ ستراتەگيانى ءتۇيىلىستىرۋىن، ىقپالداسا دامۋىن، سەلبەستىك اۋىس - كۇيىسىن ۇزدىكسىز تەرەڭدەتىپ، نازاردى شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەرگە شوعىرلاندىرا ۇزدىكسىز كۇش سالىپ، جوعارى ساپالى دامۋدى قول ۇستاسا ىلگەرىلەتەمىز. كاسىپ سالاسى اۋىس - ءتۇيىسىن، سەلبەستىگىن كۇشەيتىپ، ەنەرگيا، كەن بايلىعىن اشۋ جانە اۋىل شارۋاشىلىق ونىمدەرىن تۇتىنۋ سياقتى سالالارداعى سەلبەستىكتى كۇشەيتىپ، شينجياڭنىڭ ”باتىستان ەنگىزۋ، شىعىستان اكەلۋ“، ”شىعىسپەن بىرلەسىپ باتىسقا شىعارۋ“ كاسىپ سالاسى تىزبەگىن، قامداۋ تىزبەگىن، زات اينالىمى تىزبەگىن اقاۋسىزداندىرۋىنا كومەكتەسۋ كەرەك. عىلىم - تەحنيكادا جاڭالىق اشۋ سەلبەستىگىن كەڭەيتىپ، اقىل - پاراسات ارقىلى شينجياڭعا كومەكتەسۋدى كۇشەيتىپ، ءوندىرۋ، وقىتۋ، زەرتتەۋ، قولدانۋ سەلبەستىگىن تەرەڭدەتىپ، شينجياڭنىڭ ءداستۇرلى كاسىپ سالاسىن جاڭالاۋدى، دارەجەسىن جوعارىلاتۋدى جانە ستراتەگيالىق جاڭادان گۇلدەنگەن كاسىپ سالاسىن جەتىلدىرۋدى، زورايتۋدى ىلگەرىلەتۋ كەرەك. بازاردى ءتۇيىلىستىرۋ سەلبەستىگىن كۇشەيتىپ، نازاردى باتىسقا ەسىك اشۋدى تەرەڭدەتۋ، ”ءبىر بەلدەۋ، ءبىر جولدى“ بىرگە قۇرۋ سياقتى كەلەلى ستراتەگيالىق ورنالاستىرۋلارعا شوعىرلاندىرىپ، سىرتقا ەسىك اشۋ سەلبەستىك اياسىن كەڭەيتىپ، جاڭا دامۋ ارناسىنا بەلسەنە قىزمەت وتەۋ جانە ونىمەن توعىسۋ كەرەك. حالىقتىڭ ىرىس - قۇتىن سەلبەسە ارتتىرىپ، وقۋ - اعارتۋ، ەمدەۋ، دارىندى سياقتى جاقتاردان قولداۋ سەرپىنىن ارتتىرىپ، ۇزدىكسىز ولقىلىقتاردى تولىقتاپ، نەگىزدى بەكەمدەپ، شينجياڭنىڭ كاسىپ سالاسىنىڭ دامىپ زورايۋىنا، بۇقارانىڭ جۇمىسقا ورنالاسىپ، كىرىسىن ارتتىرۋىنا دەم بەرۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، اۋىس - كۇيىس، ىقپالداستىق ارناسىن كەڭەيتىپ، ەكى ولكە - رايونداعى كادرلار مەن بۇقارانىڭ كەڭ كولەمدە ارالاسۋىن، جاپپاي ىشتەسۋىن، ىشكەرىلەي توعىسۋىن جەبەۋ كەرەك. شينجياڭ تۇلعالىق جاۋاپكەرشىلىكتى تياناقتاندىرىپ، ءتۇيىلىستىرۋدى ىرىقتىلىقپەن كۇشەيتىپ، قىزمەت وتەۋ قامتاماسىزدىعىن ويداعىداي ىستەپ، جاڭا داۋىردەگى شينجياڭعا باعىتتامالى كومەكتەسۋ قىزمەتىن ىلگەرىلەتۋگە ءتيىمدى شارت - جاعداي جانە تاماشا ورتا ازىرلەيدى.

　　اڭگىمە ماجىلىسىندە ەركىن تۇنياز، شۋە بين جەكە - جەكە اۆتونوميالى رايون مەن بيڭتۋاننىڭ رەفورما، دامۋ، ورنىقتىلىق جانە باعىتتامالى كومەكتەسۋ قىزمەتىنىڭ جاعدايىن تانىستىردى، ۋاڭ ۋيجۇڭ گۋاڭدۇڭ ولكەسىنىڭ ەكونوميكالىق، قوعامدىق دامۋ جانە باعىتتامالى كومەكتەسۋ قىزمەتىنىڭ جاعدايىن تانىستىردى.

　　گۋاڭدۇڭ ولكەسىنىڭ باسشىلارىنان چىن جيانۋىن، جاڭ حۋ، چىڭ فۋبو، گو يۇڭحاڭ، شياۋ يافي، چىن لياڭشيان، جىڭ كى، اۆتونوميالى رايوننىڭ جانە بيڭتۋاننىڭ باسشىلارىنان جاڭ جۋ، قادەن كابەن، ليۋ سۋشى، لي جىنگو، جاڭ ۋىنشىڭ، حا زىڭيوۋ، دۋ حۇڭيان قاتارلىلار قاتىستى قيمىلعا قاتىناستى.