حى جۇڭيوۋ كەزدەسۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 11 - كۇنى ۇرىمجىدەن حابارلايدى. 7 - ايدىڭ 11 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز ۇرىمجىدە كەدەن باس مەكەمەسىنىڭ باستىعى، پارتكوم شۋجيى يۇي جيانحۋامەن جانە ونىڭ ساپارلاستارىمەن كەزدەسىپ، باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرۋ، تياناقتاندىرۋ، شينجياڭنىڭ ”ءبىر بەلدەۋ، ءبىر جولدى“ بىرگە قۇرۋمەن تەرەڭ توعىسۋىن ىلگەرىلەتۋ، جىبەك جولى ەكونوميكالىق بەلدەۋى وزەكتى رايونىن جوعارى ساپالى قۇرۋ، مەملەكەتتىڭ باتىسقا ەسىك اشۋ كەلەلى جاعدايىنا اناعۇرلىم ويداعىداي قىزمەت وتەۋ، جوعارى دەڭگەيدە سىرتقا ەسىك اشۋ ارقىلى جوعارى ساپالى دامۋدى ىلگەرىلەتۋ توڭىرەگىندە ىشكەرىلەي پىكىر اۋىستىرىپ، اۋىس - كۇيىس جاسادى. اۆتونوميالى رايون جانە بيڭتۋان جەكە - جەكە كەدەن باس مەكەمەسىمەن سەلبەستىك ەسكەرتپە حاتىنا قول قويدى.
اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ قيمىلعا قاتىناستى.
ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان كەدەن باس مەكەمەسىنىڭ ۇزاق ۋاقىتتان بەرى شينجياڭنىڭ ەكونوميكالىق، قوعامدىق دامۋىن، وتە - موتە، جوعارى دەڭگەيدە سىرتقا ەسىك اشۋدى ىلگەرىلەتۋىن زور كۇشپەن قولداعانىنا، كومەك كورسەتكەنىنە العىس ايتتى. ول بىلاي دەپ اتاپ كورسەتتى: قازىر شينجياڭ باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، ءوزىنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپىلىق ورنالاستىرۋىنا ەنگىزۋگە تاباندى بولىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، ىشكە، سىرتقا ەسىك اشۋ دەڭگەيىن ۇزدىكسىز جوعارىلاتىپ، ازيا - ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن بەلسەنە تۇلعالاۋدا. شينجياڭنىڭ شەكارا وتكەلى كوپ، ەسىك اشۋ، دامۋداعى شارت - جاعدايى تاماشا، ءورىسى كەڭ. كەدەن باس مەكەمەسىنىڭ جەتەكشىلىك ەتىپ، قولداۋ كورسەتۋىندە، بيىل جىل باسىنان بەرى شينجياڭنىڭ شەكارا وتكەل باسىمدىعىنىڭ كومەسكى كۇشى ۇزدىكسىز جارىققا شعىپ، يمپورت - ەكسپورت ساۋداسىنىڭ ارتۋى تەبىندى بولىپ، جوعارى دەڭگەيدە سىرتقا ەسىك اشۋدا جاڭا بەينە قالىپتاستىردى. كەدەن باس مەكەمەسىنىڭ شينجياڭنىڭ دامۋىنا اۋەلگىدەي قولداۋ كورسەتىپ، شينجياڭمەن بىرگە جۇڭگو − ورتا ازيا باسشىلار ءماجىلىسىنىڭ جەتىستىك تىزىمدىگى سياقتى كەلەلى ورنالاستىرۋلاردى بەلسەندىلىكپەن تياناقتاندىرىپ، شينجياڭنىڭ زەردەلى شەكارا وتكەلى قۇرىلىسىن ىلگەرىلەتۋ، ساۋدانى قولايلىلاندىرۋدى جەبەۋ، شەكارا وتكەل ەكونوميكالىق بەلدەۋىن قۇرۋ، ەرەكشە باسىمدىققا يە كاسىپ سالالارىن دامىتۋ سياقتى جاقتاردا بارىنشا كوپ جەتەكشىلىك ەتۋىن جانە كومەك كورسەتۋىن، شينجياڭنىڭ بارىنشا جوعارى دەڭگەيدەگى اشىق ەكونوميكانى دامىتۋىنا، جوعارى ساپالى دامۋدى جەدەل ىلگەرىلەتۋىنە، جاڭا دامۋ ارناسىنا اناعۇرلىم ويداعىداي قىزمەت ەتۋىنە جانە توعىسۋىنا كۇش ۇستەۋىن ءۇمىت ەتەمىن.
يۇي جيانحۋا اۆتونوميالى رايوننىڭ جانە بيڭتۋاننىڭ كەدەن باس مەكەمەسى قىزمەتىن بار كۇشپەن قولداعانىنا العىس ايتتى. ول بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ جوعارى ساپالى دامۋ بەتالىسى جاقسى، گۇلدەنىپ - كوركەيگەن بەينە جارىققا شىقتى. شينجياڭ قىزمەتىن ويداعىداي ىستەۋ كەلەلى جاعدايعا سايادى، ءمانى زور. كەدەن باس مەكەمەسى باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات تياناقتاندىرىپ، باسىمدىقتى تولىق ساۋلەلەندىرىپ، بەلسەندىلىكپەن جاۋاپكەرشىلىك ارقالاپ، ىسكەرلىك كورسەتىپ، اۆتونوميالى رايونمەن جانە بيڭتۋانمەن ناقتى ىستەر سەلبەستىگىن ۇزدىكسىز تەرەڭدەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ارقاۋ ەتىپ، شينجياڭنىڭ سىرتقا ەسىك اشۋدى تەرەڭدەتۋىن بار كۇشپەن قولداپ، ءتۇيىندى ەسىك اشۋ تۇعىرى قۇرىلىسىن جەدەل ىلگەرىلەتىپ، شەكارا وتكەلى ەكونوميكالىق بەلدەۋىن دامىتۋدى، ساپاسىن جوعارىلاتىپ، ونىمدىلىگىن ارتتىرۋدى جەبەپ، زەردەلى كەدەن قۇرىلىسى، ”زەردەلى كەدەن قۇرىلىسىنداعى قۋاتتى ەل“ ارەكەتىن اتقارۋدى ۇزدىكسىز ىلگەرىلەتىپ، كەدەننىڭ زەردەلى باقىلاۋ - باسقارۋ جانە شەكارا اتتاعان ساۋدا - ساتتىقتى قولايلىلاندىرۋ دەڭگەيىن ارتتىرىپ، شينجياڭنىڭ سىرتقا ەسىك اشۋ ۇلكەن وتكەلىن جەدەل قۇرۋىنا، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋىنە كۇش ۇستەپ، مەملەكەتتىڭ باتىسقا ەسىك اشۋ جالپى ورنالاستىرۋىنا اناعۇرلىم ويداعىداي قىزمەت وتەيدى.
كەزدەسۋدەن كەيىن اۆتونوميالى رايوندىق حالىق ۇكىمەتى مەن كەدەن باس مەكەمەسى «جىبەك جولى ەكونوميكالىق بەلدەۋى وزەكتى رايونى قۇرىلىسى سەلبەستىگىن ىشكەرىلەي تەرەڭدەتۋ ەسكەرتپە حاتىنا» قول قويىستى، شينجياڭ ءوندىرىس - قۇرىلىس بيڭتۋانى مەن كەدەن باس مەكەمەسى «سەلبەستىك ەسكەرتپە حاتىنا» قول قويىستى.
كەدەن باس مەكەمەسى پارتكومىنىڭ مۇشەسى، كەڭسە مەڭگەرۋشىسى جاۋ زىڭليان، كەدەن باس مەكەمەسى قاتىستى تاراۋلارىنداعى جانە ءۇرىمجى كەدەنىندەگى قاتىستى جاۋاپتى جولداستار؛ چىن ۋيجۇن، قادەن كابەن، سۇن حۇڭمەي، شۋە بين، لي يۇڭحۇڭ، ياڭ شيۋلي، اۆتونوميالى رايونداعى جانە بيڭتۋانداعى قاتىستى تاراۋلارداعى، سونداي - اق ءىشىنارا ايماق، وبلىستارداعى نەگىزگى جاۋاپتى جولداستار قاتارلىلار قيمىلعا قاتىناستى.
