انار بۇلت \ شينجياڭ گازەتىنىڭ ءتىلشىسى دۇڭ لياڭ 7 - ايدىڭ 11 - كۇنى ۇرىمجىدەن حابارلايدى. 7 - ايدىڭ 11 - كۇنى وتكىزىلگەن اۆتونوميالى رايوندىق 14 - كەزەكتى سپورت جارىسى اقپار جاريالاۋ ماجىلىسىنەن ۇعىسۋىمىزشا، اۆتونوميالى رايوندىق 14 - كەزەكتى سپورت جارىسى 8 - ايدىڭ 8 - كۇنىنەن 15 - كۇنىنە دەيىن كورلا قالاسىندا وتكىزىلەدى ەكەن. وسى كەزەكتى سپورت جارىسىنىڭ نەگىزگى تاقىرىبى: ”تيانشان سۇيىسپەنشىلىگى، بايىنعولين وبلىسىنداعى جاراسىمدى جارىس“، وندا جالپى جەڭىل اتلەتيكا، مالتاۋ، فۋتبول، باسكەتبول، دزيۋ - دو كۇرەسى، جۇدىرىقشىلىق، تاەكۆوندو، سايىسكەرلىك سياقتى 20 ۇلكەن ءتۇر، 687 كىشى تۇردەگى باسەكەلىك دەنە تاربيە جارىسى ورنالاستىرىلدى. قازىرگە دەيىن الدىن الا تىزىمدەلگەن ادام سانى 8000عا جەتتى.
اۆتونوميالى رايوندىق سپورت جارىسى رايونىمىزداعى ەڭ جوعارى دەڭگەيدەگى، ەڭ ۇلكەن كولەمدەگى، ءبىرشاما زور ىقپال كۇشكە يە ۋنيۆەرسالدى سپورت جارىسى، ءار 4 جىلدا ءبىر كەزەك وتكىزىلەدى، قازىرگە دەيىن 13 كەزەك ءساتتى وتكىزىلدى. بۇل كەزەكتى سپورت جارىسىن اۆتونوميالى رايوندىق حالىق ۇكىمەتى باس بولىپ وتكىزەدى، اۆتونوميالى رايوندىق دەنە تاربيە مەكەمەسى، بايىنعولين موڭعۇل اۆتونوميالى وبلىسى مىندەتىنە الىپ وتكىزەدى، گرۋپپا ءتۇرى ورنالاستىرۋى ەڭ كەمەلدى، ءتۇر ورنالاستىرۋ اياسى ەڭ كەڭ، قاتىناسقان ادام سانى ەڭ كوپ بولعان ءبىر كەزەكتى اۆتونوميالى رايوندىق دەنە تاربيە جارىسى بولماق.
باسەكەلىك دەنە تاربيە جارىسىن ورىستەتۋمەن بىرگە، بۇل كەزەكتى سپورت جارىسىندا تاعى تۇڭعىش رەت بۇقارالىق دەنە تاربيە جارىس قيمىلدارى دا ورنالاستىرىلدى. قيمىل ”14 - كەزەكتى دەنە تاربيە جارىسىن قۋانىشپەن قارسى الىپ، كوپشىلىك جاپپاي ات سالىسۋدى“ نەگىزگى تاقىرىپ ەتىپ، جالپى بۇقارانىڭ قاتىناسۋ سالىستىرماسى جوعارى، كولەمدىلىك سيپاتى كۇشتى، نەگىزدىك سيپاتى جاقسى بولعان 38 ۇلكەن ءتۇر، 195 شاعىن ءتۇر بويىنشا ءداستۇرلى جارىس قيمىلدارى جانە بۇقارالىق جارىس تۇرلەرى ورنالاستىرىلدى، جارىس ورنى تۇتاس شينجياڭداعى 14 ايماق، وبلىس، قالانى قامتىدى.
اۆتونوميالى رايوندىق 14 - كەزەكتى سپورت جارىسى دايىندىق كوميسسياسىنىڭ ورىنباسار مەڭگەرۋشىسى، اۆتونوميالى رايوندىق دەنە تاربيە مەكەمەسىنىڭ ورىنباسار باستىعى شاڭ حۇڭبو بىلاي دەپ تانىستىردى: قازىر سپورت جارىسى، ەڭ الدىمەن، الەۋمەتتىك اۋماق سپورت جارىسىن قولعا الا باستادى، مەملەكەتتىك دەنە تاربيەلىك دەنە شىنىقتىرۋ ولشەمىنە جەتۋ سىناق جارىسى جانە قاۋىرسىن دوپ، دەنە شىنىقتىرۋ چيگۇڭى، مارافون سياقتى بۇقارالىق دەنە تاربيە جارىس قيمىلدارىن باستادى، قاتىناسقان ادام سانى 10 مىڭ ادامنان استى. سوڭعى مەزگىلدە جالپى حالىقتىق دەنە شىنىقتىرۋ كۇنى، دەنە شىنىقتىرۋ اپتالىعى سياقتى قيمىلدارمەن بىرلەستىرىپ، جەلىلەس بۇقارالىق دەنە تاربيە جارىس قيمىلدارىن ورىستەتىپ، اناعۇرلىم كوپ بۇقارانىڭ ءۇيىنىڭ الدىندا جوعارى دەڭگەيدەگى جارىس قيمىلدارىنان ءلاززاتتانۋىنا جانە قاتىناسۋىنا مۇمكىندىك جاسايدى.
اۆتونوميالى رايوندىق 14 - كەزەكتى سپورت جارىسى دايىندىق كوميسسياسىنىڭ ورىنباسار مەڭگەرۋشىسى، بايىنعولين موڭعۇل اۆتونوميالى وبلىسىنىڭ ورىنباسار باستىعى ۋاڭ گۋاڭلين بىلاي دەپ تانىستىردى: وسى كەزەكتى سپورت جارىسىنىڭ دايىندىق قىزمەتتەرى باستالعاننان بەرى اۆتونوميالى رايوندىق دەنە تاربيە مەكەمەسى مەن بايىنعولين وبلىستىق پارتكوم، ۇكىمەت ءتۇرلى دايىندىق قىزمەتتەرىن تىڭعىلىقتى ىلگەرىلەتتى، قازىر ءىشىنارا قىزمەتتەر نەگىزىنەن اياقتاپ قالدى. بۇل كەزەكتى سپورت جارىسى ۇنەمدى، جوعارى ءونىمدى بولۋ پرينسيبى بويىنشا قازىرگى بار دەنە تاربيە الاڭى، سارايى نەگىزىندە، تۇتاس وبلىستاعى قاتىستى دەنە تاربيە الاڭىنىڭ، سارايىنىڭ دارەجەسىن جوعارىلاتىپ وزگەرتەدى. قوناق قابىلدايتىن قوناق ءۇي، كولىك قامتاماسىزدىعى، الاڭ جابدىعى، ەمدەۋ، دەنساۋلىق ساقتاۋ، ەرىكتى قىزمەت وتەۋ سياقتى قامتاماسىزدىق قىزمەتتەرى 953 ەرىكتىنىڭ سايكەسۋىندە ءتارتىپتى ورىستەتىلەدى.
